Masala Train (已結業)

因為同事呢個星期六日要北上，所以襯午飯時間陪佢黎灣仔唱啲人民幣。灣仔天橋下集中咗好幾間兌換店，格吓幾間兌換率後同事就唱埋人民幣。見剩返少少時間，正正經經坐低喺餐廳的話又怕唔夠時間食喎。就喺返附近有無啲小食快餐可以買返公司啦。我哋分別都點咗Chicken Keema Roll五香雞丁卷同飲品Mango lassi。Chicken Keema Roll五香雞丁卷－呢度既雞卷係即叫即做，睇住侍應一層一層咁將不同既食材放上去，然後卷在一起。呢個雞卷入面都好多蔬菜類既餡料，例如洋蔥、蕃茄、生菜等等，啱晒上星期上磅又重咗既我。五香雞肉味道濃郁惹味，一陣強烈印度香料既香氣！Mango lassi－許留山芒椰既朋友，芒果味加上少少乳酪味，不過呢度許留山芒椰既無咁甜，無咁甜係好事，感覺上健康得多！總括黎講，呢度好適合趕時間既時候用黎醫肚，下次再黎試吓佢其他口味既卷先。😊

今天放假到灣仔入境事務處申請護照續期，但未吃早餐超肚餓，便近近地到附近的地舖揾食。這間印度小食店的火車頭公仔相當可愛，再看餐牌有我喜歡吃的雞卷，便進去開餐!🍴Chicken Keema Roll🌯，即叫即做，薄餅皮鬆脆香口，餡料豐富，五香雞肉🐓味濃帶微辣，生菜/紅椒/青椒/蕃茄/洋蔥新鮮爽脆，加上特製印度香料及醬汁，份外香口惹味!😋✔️: 最欣賞是菜與肉的比例平衡，菜汁豐富，不覺囗乾及有油膩感~Desi Chicken Wings🐓，單骨雞翼易入口，雞皮香脆，肉質細嫩不嚡口，帶點肉汁，經檸檬/芫茜/印度香料醃製過，非常入味，再蘸上印度酸豆醬，口感層次更豐富，酸香醒胃!🤤Mango Lassi🍹，口感濃稠， 嚐到鮮甜的芒果味及濃香的牛奶乳酪味🥛，沒有加入太多糖，味道天然，甜而不膩!😊整體充滿濃厚的印度🇮🇳風味，滋味飽足! 最後，還外帶雞翼與好友分甘同味~

經過一間印度小店，在餐牌上看見有很多款wrap和印度小吃供應, 便進去吃個快餐。我認為如果當晚要獨個兒吃, 可以試一試這間小店。店內空間不大, 只有兩個座位。我見很多人都會點幾個wrap外賣帶走。我點了一個Chicken tikka roll, 要了麥造的tortilla。Chicken tikka roll入面混入了好幾款沙律醬, 包括辣醬, 所以食落帶點辣味, 很惹味。Roll裡面有青椒、生洋蔥和醃製過的雞肉。雞肉有香料的味道, 咬落幾嫩和juicy。Mango lassi質感好creamy, 酸酸甜甜, 芒果味幾香, 飲落幾開胃。

每次係灣仔午飯時間行過都會想買嚟試下，但又好怕中伏，所以好快就打消念頭，但今次有機會收早，又想買啲嘢返屋企食，無啦啦靈光一閃不如就試下呢間，用一個就算出事都係屋企出事既心情去買，認真咁睇左陣有咩想食，仲要有中文餐單，唔怕睇唔明而買錯野。最後就揀咗雞肉印度香飯同羊肉卷，即叫即製，等咗一陣就可以拎得，當佢知我拎返屋企食就比咗個袋我可以拎走，好好禮貌同服務，一拎咗就馬上趕返屋企，好彩啲嘢食仲未凍得哂。返屋企馬上開嚟試，雞肉印度香飯，本身以為會好重味，點知味道啱啱好，撈少少椰汁食又幾夾。羊肉卷，好重羊味夠足料同啲醬汁好夾，好適合鐘意食羊既我。經過今次之後，下次應該會直接買個羊肉卷係街邊食，一定會再返去食。

We have tried vegetarian rolls -Paneer and Potato ones and they are really good ones. The hosts are warm and welcoming. Highly recommended! The sweet dishes are authentic Indian and a must try. The chat variety and pavs were also appealing. Thanks!!

平日買早餐經常都路過呢間印度小店，火車頭既招牌好搶眼，今日難得自己食飯就諗起佢。 Chicken Tikka Roll ($58)最經典既印度香料烤雞卷餅係我每次食印度野必叫，用左橙色醃料既烤雞配合類似沙律醬既醬汁好開胃惹味，我好欣賞呢度既雞肉烤得好嫩滑，唔係度度都咁高水準架。 卷餅入面仲有生菜、蕃茄、洋蔥同青椒，全部蔬菜都好爽脆，餅皮亦好煙韌q彈，味道清新唔會膩。印象中呢個卷餅會食到滴哂汁好狼狽，但呢度店員包得好好，雖然醬汁多又偏稀，但食完哂對手都冇污糟到，食得好輕鬆方便。Default係原條放入紙袋，但我慣左切開黎食，店員就俾左個盒我。Mango Lassi ($25)一黎就飲到好濃郁既果味，飲得出係用新鮮芒果打，仲有好香既奶味，質感似奶昔唔太凍。 比我想像中細杯少少，少過麥記中汽水，不過配埋其他野食份量岩岩好。 Chicken Wings ($30) 4件見門口寫有新出品就忍唔住叫左，新到連menu都未有架。 雞翼炸得金香酥脆，味道似帶酸辣既脆香雞翼，點埋青色醬汁會多左陣青瓜既清新香味。 一份有4件單骨雞翼，啖啖肉容易食。開頭都知鋪頭得3個位，但黎到先知原來係立食，如果有坐位、小

I can't believe since my last visit, the menu is bigger and better.As well as my favourite Paneer Bhurji roll, they now have chicken keema roll which is another good option because I like minced chicken.I was so glad the boss was there as she recommended the Aloo Chaat.Although I have tried them before, the one here is now my favourite because there is lots of appetizing Tamarind sauce drizzled on top and they use tater tots for the aloo which are fried to perfection.Hence, it was very moreish!T

今次叫外賣，個紙袋有火車頭logo 咖，好可愛又環保因為今日必食我想念已久的咖啡角，所以我叫左沙律。沙律可以㨂雙拼、淨芝士或者淨雞，以我咁貪食，我緊係揀雙拼啦❤️話就話雙拼，但雞既份量都唔少，件件都好入味，烤雞真係最好味，但有埋芝士感覺營養價值又提高👍🏼最適合做完重訓既朋友們👏🏼我最期待的都無令我失望，我就係鐘意將啲汁淋曬落去，咁先豪爽😂好鐘意佢哋係用薯蓉，所以輕易就有外脆內軟既口感，仲要係啖啖薯蓉😊

禮拜五都要ot 真係超慘，胃口都無乜，公司附近既餐廳一係好多人要排隊，一係就超貴超唔抵。咁啱掃到地鐵站隔離有間印度小店，主打健康既印度小食同埋咖哩，仲有唔少素食提供，啱曬OL既胃口。入到鋪頭都等咗陣，有幾個外國人買緊捲餅同埋咖哩，睇嚟都幾好生意。不過店員都好熱心，見我諗唔到食乜，就問下我鐘意啲咩口味，仲係咁介紹我試唔同既嘢。open kitchen 既設計，睇到店員點樣製作食物，感覺非常衛生同乾淨企理，玻璃上貼咗好多coupon，介紹返唔同既優惠，價錢都幾抵食。有好多款唔同既咖哩便當，有健康既素食，亦有提供肉食，例如雞同羊，啱曬唔同人既口味。亦有唔同既捲餅，沙律，小食等等，好似幾正。店員姐姐見我諗唔到食乜，就同我傾左陣偈，問我我想食啲乜，佢知我要買外賣返屋企，就建議我不如食咖哩，盒裝分開一格格，拎到返去都唔會淋曬，而且啲咖喱既香料味比較refreshing，食落都會幾舒服咁。於是我叫咗個chicken tikka masala 同埋paneer masala，即係雞肉咖哩同菠菜芝士咖哩。開頭我都打咗個突，菠菜芝士同咖哩？咁搞笑既組合？噢，原來係菠菜咖喱，配上芝士，而啲芝士係印度菜入面一

轉工去左灣仔番工之後，不時都會周圍搵嘢食，其實橫街小巷都幾多特色嘢食，咁岩做節早收工就諗住去買個外賣番屋企慢慢嘆。於是就試咗呢間「Masala Train」嘅印度菜，咪睇我平時食開日本菜、韓國菜。其實我都會間唔中試下其他嘢。去到Masala Train諗住入內睇睇食乜好，點知發現全部都係英文。我用我僅有嘅英文同店員溝通，佢答我其實門口係有中文版嘅菜單，歡迎我係外面睇完再落單。原來有中文咖，咁就唔洗頭痕喇。由於屋企都有家人等緊食，於是我就分別柯打咗幾款小食，分別有：羊肉卷、切塊芝士卷跟全麥餅、印度香飯雞肉，最後一杯香的汽水！（個名太引發人嘅好奇心，於是我試咗）唔好睇我外賣買番屋企食會凍，其實我大大話話都坐咗有35分鐘先開始食，但食物依然係非常保溫，事不宜遲，馬上食我嘅切塊芝士卷，由於太大條，我將佢一分為二地慢慢品嘗，由於芝士卷其實係素卷嘅關係，裡面餡分別有大量芝士粒、洋蔥、椰菜，醬料等等。食落香口唔會有好乾嘅感覺；芝士粒有嚼勁添加幾份口感；而全麥皮唔會好厚，食落比例岩岩好。其後試咗少少印度香飯雞肉，印度長米飯形狀比較長身，煮得非常有口感；另外粒粒米飯都均衡地沾到香料同雞肉粒，所以食落非常

最近飲食放肆了些，朋友提議是晚食素，在灣仔地鐵站附近見到家印度快餐小店，想起印度素食者眾，其素菜應具特色，便進去一試。其實小店不止有素食，牛羊雞等的肉類菜式也有提供。由於對印度素食沒甚認識，店員介紹了每款素食菜式，並提議我們可試其店受歡迎的 paneer。Paneer Tikka Masala店員推介的 paneer，是印度芝士的一種，口感有點似硬豆腐，但較硬豆腐鬆軟些，而且淡淡的奶香味在口中慢慢滲出來。Masala 是香料的意思，這裡的 masala 是以蕃茄汁再加了不同香料煮成。由於 paneer 味道偏淡，加在 masala 中一起拌飯食非常合適。印象中印度菜偏濃味及油膩，這裡的煮得較輕怡，很 homemade 的感覺。Paneer Tikka Roll另一個 paneer roll, 選了少辣，沙律醬混了些辣醬，頗惹味。加了生菜及蕃茄，減低飽滯感。這個印度素食晚餐，款式簡單卻給我們帶來驚喜。

今日下午要去做facial，見仲有時間就食左野先。記得之前有朋友推介過喺灣仔地鐵站附近嘅Masala Train，於是乎我決定去食呢間！Masala Train地方不大，堂食座位只有三個。不過可能因為佢地剛開鋪，我去到嘅時候未有其他客人，唔洗驚冇位坐XD 由於我係唔食得羊所以叫左Chicken Tikka（$58，可選要唔要辣），即叫即製夠曬新鮮滾熱辣！個roll都幾長幾大份，一咬落去，入面d生菜、洋蔥、蕃茄、青椒同埋用印度香料醃好嘅雞肉湧曬出黎！而且佢個roll醬汁落左好多，食落勁juicy！食到一半我先發現佢嘅辣會不斷喺口腔內迴轉，辣得好過癮！我終於明白朋友點解推介比我食喇，因為佢重口味得黎，味道係有層次，口感亦好豐富！我另外亦叫左杯Mango Lassi（$25）芒果味極濃郁，酸酸甜甜夠曬fresh，剛好中和返個roll XD 整體唔錯去開嗰頭可以試試，下次我想試佢個芝士卷！

呢間係地鐵站旁邊既印度菜店唔係好起眼，但原來不少外籍人士都識黎呢度尋寶🔍。主打菜式係🌯，仲有咖喱飯🍛等主食；另外都有一d特色飲品同甜品，例如咸乳酪、米飯布丁同玫瑰蜜炸奶球咁。有d真係聽個名都覺得幾特別😜。揀左Paneer Bhurji Roll ，根據佢既譯法叫五香碎芝士卷🧀，係屬於素食既選項。薄餅皮幾有咬口，帶有麵粉香👍，裏面既餡料則有紫洋蔥、青椒、青豆，加上千島醬，味道偏重，而裏面既蕃茄塊🍅就可以令份薄餅🌯味道清新d，唔會好漏。主角係帶有微微辣既印度芝士，口感會係一粒粒咁，奶味淡淡地，但同千島醬夾埋就好惹味。米飯布丁之前試過既米飯布丁係偏固體，但呢個係粥仔狀喎，上去google了解下🤔，原來呢款粥仔狀先係正宗。用牛奶、白飯、提子乾等製作而成，仲食到薑同少少香料味道，整體味道會偏甜，食得多會覺得漏喔。

今日夜晚要到灣仔會展，就決定早啲到，係附近搵間餐廳食個晚飯先，一出地鐵站，就發現左呢間印度小店。 見到餐牌有我最鍾意嘅卡巴，諗都冇得諗入咗去，哈哈。小店唔係好大，只有3個坐位，可以選擇外賣或者坐高櫈都可以。man($58)卡巴係即叫即整，整好之後由錫紙包住，拎上手仲係熱辣辣的，夠晒新鮮。因為我想影相嘅關係，就叫咗店員幫我分成兩半。卡巴入面有雞肉，蕃茄，生菜，洋蔥，青椒同醬汁。雞肉經過香料腌制， 所以呈橙色，食落好惹味好香，最令我驚喜嘅係， 雞肉口感好嫩滑，完全唔會鞋身！另外店員仲係卡巴入邊加左好多醬汁，食落唔會乾身，酸酸甜甜咁，夠晒惹味，不過個人就覺得醬汁嘅份量可以少啲。另外我仲加左＄10，轉成全麥餅皮，玉米皮口左煙韌，軟身，帶點甜味，大愛呢種玉米皮！作為一個胃口都唔細嘅人，食完咁足料嘅卡巴，都覺得有少少飽。係灣仔區，呢個價錢，咁足料，真係幾唔錯！絕對會再幫襯！Mango lassi($25)鐘意芒果嘅我，另外叫左杯Mango lassi。落單之後，見到店員加上芒果同冰粒去打，芒果味好濃郁，帶點乳酪味，仲隱約見到幾粒芒果粒，飲落好rich。

Yum I really like the mealbox chicken tikka masala!! highly recommended for anyone who is coming here for the first time!! other than rice options they also have rolls for anyone looking for a quick bite to eat around wan chai moreover its very close by the restaurant. I love the kheer dessert as well defitely will come back!