Mee...lemongrass (已結業)

上個星期同同事喺銅鑼灣食過，今日嚟將軍澳搵朋友，見到東港城呢度，原來都有間！又忍唔住encore， 晚市依然座無虛席 😂印尼炒飯 飯炒得粒粒分明 ，唔會太乾身亦都唔會太油膩 👍🏻撈勻中間借太陽蛋， 加埋豐富嘅配料， 好似青椒、魷魚、蝦 、西芹 、食落更香口飯味更出😋泰式馬拉盞炒通菜馬拉盞通菜炒得幾有鑊氣！👏🏻通菜新鮮，所以食落爽口，加埋炒得有少少嘅辣香，非常惹味😋好快就比我地KO了！Mee...小食拼盤小食拼盤裏面有泰式無骨鳳爪蝦餅 、一牛一雞串燒、春卷同雞翼。 串燒燒得啱啱好， 肉質嫩滑 ，配埋沙嗲醬食一流！💕 份量其實都幾大份， 可能係因為係最後一道上嘅菜式， 所以我同朋友都飽到唔係好食得曬😂同上次一樣人均消費都係百五蚊左右， 晚市嚟講真係幾優惠同高質嘅選擇☺

放工約咗同事食飯，同事介紹我佢屋企樓下一間新開嘅泰國餐廳，佢話好味又抵食，於是就帶我去試吓未到七點已經去到餐廳，已經坐滿晒人，唯有攞飛等位，好彩等一陣已經可以入座啦餐牌上面嘅食物款式種類好多，而且圖片都非常吸引，價錢亦平民化，搞到我哋都花咗好多時間諗食啲乜嘢落完單冇耐， 飲品好快就送上，我哋分別叫咗龍眼冰同埋士多啤梨冰冰龍眼冰嘅味道濃郁，清甜得來甜度適中，夏天必飲之選士多啤梨冰冰超大杯，而且外貌非常吸引。有好多士多啤梨鋪係上面，非常足料，而且士多啤梨嘅味道濃郁，建議女士們share黎飲先飲得晒檳城炒貴叼，一上枱已經聞到震震香味，有好多海鮮炒埋一齊，味道濃郁，帶有少少辣味，非常惹味馬來蜜汁炭燒厚切豬扒配菜飯，豬扒燒得好靚，外脆內軟，而且仲非常入味。而菜飯就煮得好香，飯軟硬適中個飯仲配埋呢個醬汁，點豬扒一流，酸酸辣辣好開胃最後我哋仲叫左芒果糯米飯做甜品，芒果糯米飯整到好似壽司咁樣，非常有趣，芒果好甜，糯米飯煙煙韌韌，好香椰汁味另外仲有啲芒果粒同埋一碟椰汁，非常豐富，我同事果然冇介紹錯

今日熱得好西利想食d 泰式野不過東港城係無乜泰菜又唔想特登出九龍城...突然醒起之前見過呢間mee...咁就去食la去到都多人等然後再發現又蠢左佢可以攞飛..早知就攞定先la等左2,3個字就有位本身想食埋個芒果糯米飯ga ma點知佢話賣晒wo2點零ja wo晚市點算?...好啦~算有d澀 唔太ok🤦🏻‍♀️但係有泰奶茶ge味道 可以調得好d荔枝冰無乜味 但粒荔枝好甜個咖喱ok 但d 牛腩好硬 😅個餅幾好唔會油笠笠咁個湯無乜味d 紅蘿蔔好似岩岩放入湯d 菜凍ge鳳爪最ok先唔講d 雞2個醬 黑色果個只係得豉油死咸味另外個醬好d 酸酸辣辣返返d 雞係完全無味ge雞仲要好似有d 太嫩我一向見到d 骨係有血色都唔係好敢食今次仲要係肉🤦🏻‍♀️🤦🏻‍♀️

坑口餐廳真係越開越多，其中重點商場東港城更加係大力發展各類型食肆，最近新開一間泰菜喺二樓，日日大排長龍，真係忍唔住要試試餐廳環境半開放式，令到環境無咁嘈，頗舒適餐牌有齊各式泰菜泰式小食拼盤炸蝦餅(四件)蝦餅炸得甘香，有濃濃蝦肉味泰式春卷炸得香脆，入邊配料夠惹味串燒串燒牛肉，很香口，有濃濃焦香味，串燒雞保留左肉汁，雞肉夠嫰，點埋秘制沙爹汁真係超惹味炸雞翼即叫即炸，夠晒香口無骨鳳爪鳳爪夠爽口，辣汁又酸又辣夠醒胃緬甸咖哩牛腩紅咖哩汁微辣帶多重香料味，牛腩索晒咖哩香味，肉質夠腍身，很有水準油酥餅即叫即整，表皮煎香脆，用黎點咖喱就最啱食完主菜當然要試下泰式甜品椰汁千層糕千層糕夠晒咬口，入口煙靭彈牙香芒椰汁糯米飯香芒肉粒粒很甜，白糯米飯浸滿大量椰汁，糯米飯本身帶黏性，整個配搭很配合，泰式甜品必點之選兩人食到飽飽埋單共三百元左右，下次再黎可以試埋其他菜式

坑口近年因某商場局部裝修後開左好多新餐廳。今晚同屋企人試間新開既星馬泰餐廳。小妹都幾中意食東南亞菜，但將軍澳區真係唔多選擇，呢間真係幾驚喜。三個人叫左四樣野。肉骨茶最快泥，比想像中大碗，排骨係半肥瘦，但一d都唔油膩，所以湯底幾清，飲兩碗都唔漏。串燒同”mee..喇沙”跟住上，串燒只有雞牛選擇，叫左各兩串，對肉無咩研究既小妹就唔多評論，只能講係同區餐廳中上質素。值得一提係喇沙湯底，好夠辣，同區個幾間餐廳喇沙都無辣味，中意食辣既朋友可試下。米紙卷一向係小妹至愛，狂loop食物之一！但上菜速度有d失望，米紙卷算係前菜，但等左半句鐘。軟殼蟹唔算新鮮，亦唔係好脆，但好在米紙好食，好煙韌！

坑口近期開咗好多新餐廳，呢一間成日見到大排長龍，難得一日早放工，六點鐘就食飯唔洗點等，所以一於試吓。先來杯芒果冰，超大杯，有新鮮芒果肉，唔太甜。海南雞飯油飯好香，雞好嫩滑，醬油夠曬味。成個餐有湯有飯仲有菜，抵食之選。呢個係牛肉湯粉，牛魔王就要試吓啦，入面有晒牛丸牛腩牛根同埋新鮮牛肉，湯底超濃郁非常好味，牛肉好鮮嫩。以為好普通嘅豬扒撈檬，出奇地好食，凍食啱晒夏天呢個時候食，豬扒非常入味啊，厚切食落口好有口感，點d甜酸汁一齊食，越食越開胃，真係必食，正。均衡飲食每餐一定要食菜，馬拉盞通菜少少辣好香。今餐總括嚟講非常滿意，因為每樣都係幾十蚊，好味又抵食，可以再來。

🍳泰式蠔仔蛋 ($78)menu話係推介菜式，唔執輸叫左個黎試😂蠔仔蛋油煎pan上碟，熱辣辣整出黎。蠔仔都幾多粒，又唔會太的式，有肉地😁🦀軟殼蟹撈檬粉 ($68)原本見到招牌龍蝦喇沙湯粉好想試，不過望落好大碗驚食唔曬之餘，又想試多d食物，所以叫左軟殼蟹撈檬粉😀自己落汁，想要幾酸就幾酸🍋軟殼蟹唔錯，配檬粉食感覺上冇咁熱氣，仲有酸蘿蔔絲撈埋一齊食。🌿馬拉盞炒通菜 ($62)食泰國菜當然唔少得炒通菜啦😎唔會太油之餘又夠香，配白飯食啱曬。🍰手作斑蘭椰絲卷 ($36)一路都好想去新加玻食斑蘭蛋糕，未好到惟有係香港食住先啦。斑蘭皮稍嫌硬，而且甜品上枱得太快，未食完主菜已經黎到。呢個椰絲卷啱曬鍾意甜既朋友，椰絲加忌廉，味道都唔差😉🍋cool爆鮮芒果冰冰 ($38)男朋友一坐底就話要叫芒果冰冰，結果一上枱時俾佢嚇親，原來超大杯架😆🤣估唔到份量咁多，可惜我肚仔唔舒服冇得飲凍飲。冰冰幾有芒果味，唔會似藥水，仲有粒粒芒果。

之前係銅鑼灣分店已經試過一次 覺得好正好好吃！ 一場來到將軍澳 發現原來係將軍澳都有分店！ 就帶朋友一齊食！平日8點左右 已經有好多人等位 店內都滿位 不過等左3個字左右已經入座！無骨海南雞飯喇沙 $76好想食海南雞 又想喇沙 見到餐牌有呢個選擇！ 岩晒我！雖然話係無骨 但都有少少少量 雞肉真係好嫩！ 喇沙個湯底同麵底都好飲好食！串燒 (半雞半牛) $62有兩種醬汁可以點！ 沙嗲醬隔離個個汁好出色 唔太膩 我建議可以點全雞串燒 燒得好滑！ 相反牛就唔係太咬得開 好煙韌軟殼蟹米紙卷 $66我同朋友真係好中意食軟殼蟹！呢個係必點！ 有大量蔬菜 燈籠椒 牛油果 芒果 好fresh! 不過有啲埋沒左個軟殼蟹 6件分量真係好多 兩個人食都有啲多香芒椰汁糯米飯 $48講到泰國菜 甜品應該都走唔甩係芒果糯米飯！ 落單個陣唔記得叫佢後上 搞到第二道菜已經上左😂 芒果真係好甜 不過略嫌芒果太少 飯太大舊夾埋椰汁 無得輸！泰珠奶茶 $38泰式奶茶 無泰國個啲咁甜 有調節過！ 不過淨係奶茶 無珍珠既話都好出色 有泰國既味道！

昨晚同朋友行街去了將軍澳東港城,商場新面貌開了很多小店,有一間店舖門口排長龍,原來係食馬來菜,我不嬲不愛吃辣, 不過見咁多人即管一試,大概等了五分鐘,服務員安排一張雙人座位,裏面坐滿曬人, 食客吃得津津樂道, 服務員放下餐牌慢慢細看。食料款式繁多花多眼亂,照片十分吸睛,望下其他食客食物,唯有試叫幾樣試下。首先兩杯cool爆芒果冰冰,顏色十分吸睛,配上新鮮芒果大大杯價錢又實惠,夏天消暑解渴, 飲落冰凍透心涼。馬拉盞炒通菜,綠油油新鮮嫩菜,少少辣十分惹味馬來海鮮炒粉絲, 配料豐富有兩隻大蝦,青口,魷魚,蛋,肉碎,粉絲帶少少酸十分入味有口感又煙韌Mee喇沙~大蝦,蜆肉,蟹柳,魚蛋,豆卜,雞蛋,魷魚, 配料十分豐富, 辣味十足,麵條是油麵和米粉混合, 整碗食落有層次口感加上辣味配合得天衣無縫最後埋單都係三百多少少，抵食

東港城開咗間新嘅星馬餐廳，心急試新嘢嘅(我們)一到食晏時間就好似學生咁趕住走，食晏時間排咗一陣就有位喇。餐廳裝修比人一種有活力嘅感覺但座位有啲密，職員有笑容有禮貌，部份餐具係懷舊嘅公雞碗碟。食物方面質素唔錯，午巿套餐A有沙律，有主菜，有甜品，有飲品，套餐B仲有埋湯添，價錢亦唔貴。招牌無骨海南雞飯，海南雞又滑又嫩，飯有淡淡嘅香，配菜嘅花生亦好脆口，菜心亦唔老，好味。檳城炒貴刁，粉嘅份量夠但配料就係得右下細圖咁小，味道唔錯。 軟殼蟹撈檬粉，大大隻軟殼蟹擺喺中間，賣相唔錯，醬汁自己加，味道可以，但軟殼蟹唔脆。Mee...喇沙，個湯好香，裏面有兩種唔同嘅粉麵，連唔食得辣嘅我都食到。套餐甜品。加$26有一客香芒椰汁糯米飯，好細心咁分開四件，避免咗一齊享用時分開嘅麻煩。另外仲有一小杯椰汁，唔夠可以按自己口味添加。泰國豆奶紫米冰，煙韌嘅紫米配香濃豆奶感覺好健康。Mee...“魔法梳打”加咗檸檬汁後會變色。龍眼冰幾清甜。

試咗個無骨海南雞喇沙下午茶，整體幾好。喇沙係少數做得好嘅，個味道超好，隻雞無骨，但就真係無乜味。唯一要彈嘅係佢杯青檸梳打，諗住一定穩陣先叫，所以無試其他特飲。D青檸梗係切定哂，但係真係唔新鮮，個邊黃晒，桔哂3舊都無乜味。

呢日嚟到東港城，行到咁上下，喺時候揾D嘢醫吓肚，見到Mee…lemongrass都幾多客幫襯，心想應該有番咁上下，所以決定入食個lunch。主打東南亞菜式，佈置當然有D當地風情，别饒特色，坐得幾舒適。睇吓餐牌，lunch set選擇頗多，而且又包埋小食、甜品同飲料，都算抵食。天口咁熱，先叫過無骨酸辣鳳爪沙律($62)醒醒胃先。水準之作，個汁調得酸酸辣辣，不俗。主餐我揀咗秘製特製特色牛骨湯河($62)，menu 話個湯有熬成10個鐘，所以唔使講咁多，一上枱，就要呷一口湯試試，果然鮮美，而且碗粉份量十足，配料有牛肉、牛丸、牛腩、牛柏葉，好味又抵食，真係冇揀錯。個Friend揀咗個緬甸咖喱牛腩飯($72)，賣相吸引，咖喱甜中帶辣，牛腩炆得軟熟入味，真係好好送飯。我哋仲加咗個馬拉盞炒秋葵($62)，惹味之餘，口感又夠特別，當真值得一試。歎埋個一口甜品，再加杯餐飲，呢個Lunch都算相當豐富。

新開既餐廳，之前好多人一直都食唔到，今日經過終於冇人，坐低見隔離位點左個超大龍蝦喇沙，我即刻二話不說跟住點，$88真係抵，眼睛先食感覺滿足之後再點左點鬆餅去點個喇沙湯o黎食，一流好耐冇食既芒果糯米飯，好味，旁邊再配左少少芒果肉

呢間之前冇幾耐食過一次，印象非常好👍🏿估唔到依家又係屋企附近開左間，媽咪番左黎當然要同佢試下啦😀👉🏿✨檳城炒貴刁 Hkd 72 💸📌呢個完全俾一百分！好食過pad Thai 😍佢既味道係再濃啲，口味偏甜，不過又帶有微辣，食落都幾過癮下架☺️完全對我口味！加左辣之後係開胃好多呢！入面又會有蝦，魷魚，青口等海鮮，其實就算冇料我都覺得好好食啦！真心推薦呀🤙🏿🤙🏿🤙🏿👉🏿✨蟹肉炒飯 Hkd 72 💸📌有時真係猜唔透我媽既口味😂不過佢次次嗌個啲又唔會伏架喎🙄呢個飯好就好在唔會太重口味，咸度剛好，蟹肉雖然唔多，但起碼個份量都接受到既！👉🏿✨椰汁西米糕 Hkd 28 💸（太心急冇影到😞）📌呢個作為飯後甜點係一流～細細個食落唔會俾人感覺好甜膩，上面層椰汁糕好清甜，加埋下面啲西米有一粒粒，又ok wo~ 同埋價錢非常合理啦！👉🏿✨泰珠奶茶冰 Hkd 38 💸📌純粹滿足一下自己想飲珍奶既心願😆泰式奶茶黎講又唔會話好甜，啲珍珠都幾煙un，唔錯啵！

這間餐廳一定要分享下，今日放工入到坑口見到有間馬來西亞風味的餐廳，見到門口的圖片即刻便想入去食下了！真好彩剛剛唔洗排隊就有位，服務員有禮貌地招呼我們坐低，即時選了幾個食品了！首先來杯Cool爆鮮芒果冰冰，飲落不會太甜剛剛好，一定不會搶到其他食物味道我朋友亦叫了一杯好靚既Ocean Blue！優惠推介波士頓龍蝦喇沙真係好嘢～唔怪得午餐或晚餐限定50碗啦，好多人叫架原隻龍蝦仲要唔係細隻喎，試埋個喇沙味道真係好似係馬來西亞食既味道啊，隻龍蝦整得好夠鮮甜！馬來蜜汁炭燒厚切豬扒撈檬，見到佢個賣相都想食豬扒咬落真係好香，燒出來仲好有肉汁一點都唔硬！熱辣辣既天氣食個凍撈檬即時心曠神怡呀！食飽飽緊係來個甜品就選了手作班蘭椰絲卷，食落味道很香咬落唔會一下就散哂，好好味道！