Mee...lemongrass (已結業)

今日午餐， 叫左個招牌肉骨茶飯，藥材味不濃，好多肉骨(約4件肉骨)，跟餐有一小碗無骨鳳爪、甜品(荔枝味布甸)可能放耐左，有啲溶....朋友食後覺太甜，我可接受甜度、熱飲$75，凍飲好似加$3 (連加一）午飯時間都幾多人，要先取飛再等，最好係 12:15 前去拎位。

喺銅鑼灣食過呢間覺得cp值蠻高的，見到坑口都開分店就同朋友去食下，網羅星馬泰食品，可以食下檳城炒貴刁，又飲下泰式冰。等位的時候，見到有好多東南亞特色醬料賣。Set lunch 都幾完整，包飲品、沙律、湯和甜品。MEE喇沙- 大蝦、蜆肉、蟹柳、豆卜、雞蛋 ($72)蝦好大隻，仲有兩隻，而且仲有魷魚，配料豐富。湯頭椰醬味香，色澤亮麗，質地好滑好creamy，濃稠適中，配油麵米粉兩溝，口感不錯，十分地道。酸辣的木瓜沙律好開胃，甜品係tiramisu也不錯，唔係渣流灘。中湯青紅蘿蔔豬骨湯都幾真材實料，冇味精。緬甸咖喱牛腩 ($72)配飯/油鬆餅，可惜今日冇油鬆餅，咖喱有牛腩、牛筋、薯仔、洋蔥，咖哩味香而不辣，也沒有蓋過其他食材的味道，整體食起來算清爽，跟白飯吃很搭，牛腩牛筋炆得好稔。地道串燒海大蝦4支 ($66)伴菠蘿、車厘茄、青瓜、多士，燒蝦好香，肉質新鮮。香芒椰汁糯米飯 (跟餐加$26)，糯米飯煙韌，芒果香甜，可自行加椰汁，又好味左。熱泰式奶茶色水稍為淡了些，可以再好飲些。

亞洲菜式跟我有不解之緣，馬來西亞菜更是我至愛之一， 我味道喜愛偏濃味，所以今日lunch 就約埋同事仔試下新開馬菜，回味一下上年吉隆坡旅行の味道。首先上菜唔係食物，係泰式凍奶茶，味道有點略帶似Masala 淡淡的，甜甜地好岩我。朋友就試左MEE...魔法梳打 ，可以自行加檸檬汁，店員話加左檸檬汁後會變色，又幾得意，鍾意紫色可以一試。我好喜歡食海南雞，見Menu 有套餐，三人Share ，為免到喉唔到肺，二話不說一致決定order 半隻。Yummy 😋果然無令我失望，啖啖雞肉，肉質嫩滑配以一紅一黑醬汁，紅色酸甜微辣味道，刺激開胃，黑色豉油，質感濃厚杰稠，隨意襯托雞肉味道，味道匹配非常。之後黎到兩個減肥天敵～檳城炒貴刁同MEE…喇沙。貴刁用海鮮炒，蝦仁、雞蛋、蝦米、魷魚…味道鹹甜不帶辣，炒功火侯夠略嫌粿條太碎，要趁熱食。喇沙椰汁味湯底入口creamy，米粉同福建麵mix 成喇沙麵底，配大大隻蝦,蜆肉,蟹柳,魚蛋,豆卜,雞絲,雞蛋，感覺正宗，娘惹味十足。我既重點最愛推介係佢地既馬來蜜汁炭燒厚切豬扒，炭燒豬扒上放上乾蒜,蔥碎，外乾內juicy ，賣相、焦香度岩岩好，厚切感覺雖然唔太重，但加上辣

坑口有新餐廳! 聽朋友好評，當然第一時間來。是東南亞菜，即越南、泰國、新加坡、馬來西亞的混合體。午餐有set, 叫主菜，送青木瓜沙律、小芒果mousse 甜品及飲品。叫左海南雞喇沙，希望一次滿足兩個願望。喇沙湯底濃，我鐘意佢夠辣，但唔算好辣，加埋重椰汁味就係我幾喜愛的喇沙。海南雞，幾滑，但未係好有味，但整到滑都唔錯。炭烤豬排撈檬，豬排厚身，微脆邊，幾香口，肉質醃得好食。免費咖啡茶，但加錢特飲好抵，$6已經有好多款特飲，如珍多冰、soda，而我就加了$18，有原枝泰國豆漿既黑糯米豆漿冰。豆漿濃，加黑糯米都幾match, 但整大杯，可開心share~加$26，可有原價$42的芒果糯米飯，整到壽司咁，食得方便d, 芒果都好甜。整體都好食，份量足料，又多款，比個讚希望繼續保持啦~

試新餐廳，勁爆多人，晚飯時間排隊排左成個鐘，建議晚飯八點半後先去會好少少。被圖片吸引，叫左龍蝦喇沙🍜，賣相好吸引！龍蝦好彈牙入味，配料係豆泡同雞蛋，湯底如果可以辣多少少會更惹味😋😋都幾大碗，一個人食唔哂！馬拉盞炒通菜正常，食食下先記得影相，不過事實都係比想像中細碟。另外叫左泰式蠔仔蛋，大部份都係蛋，本身無乜味，係靠沾辣醬先有味，呢味下次唔會再叫喇。見到人人都叫芒果沙冰🍧，個賣相令到啲小朋友嘩嘩聲，好大杯，但其實係好大舊冰，無乜果蓉，無乜味，飲完都係淨反一大舊冰。😅芒果糯米飯上碟係一隻拖鞋😂，寓意拖鞋飯？好攪笑！我今晚食芒果酸嘅，不過我欣賞佢拖鞋面加多啲椰奶平衡反。

聽講新開,放工就去食下!鋪頭都算易搵,喺正譚仔3哥對面😂!我等位都等左一段時間呀,起碼30分鐘。不過入座叫位都叫好順暢,可能店仔細細啦。Menu都幾吸引,有好多野係好吸引人去食,例如喇沙類同飲品類!格黎枱杯野飲(芒果沙冰)真係有成隻手掌咁高架!!!!好期待好期待既素菜喇沙終於到,你知架啦,要食到素喇沙唔係咁容易架!好可惜一放入口有少少失望,個湯唔夠香濃,雖然賣相好靚。同埋配油麵真係好唔match.... 如果配金邊粉或河粉,相信會match好多!好彩豆卜都無雪味,吸曬d汁。素春卷又係少少失望,雖然賣相靚。個皮咬落去係脆既,但脆得來都偏硬。。。入面的餡料都無咩驚喜,粉絲居多,如果唔點個泰式辣醬其實唔算好有味,有少少淡。。。最後其實我覺得個甜品出得早左,我剛開始食個麵就上左啦。佢本身係凍,但到我食已經變左室溫!睇個樣完全no idea佢係d咩,其實佢係叫班蘭椰絲卷。食落又係偏淡啦,基本上除左綠色顯示到佢係班蘭之外,味道上又真係唔覺。好彩入面既椰絲唔會太難咬硬身,配上少少cream都算易入口。我男朋友話好膩,食左一啖就唔肯再食,要我食鬼曬。可能店員好忙,所以有少少大意。話說佢收碗果陣將一隻碗

一到星期六日，十一點幾起到身覺得自己已經好叻豬，平時返工咁辛苦所以無係屋企煮，出街街食慰勞下自己(其實係懶得煮XD)，諗住去食東蔭公公，點知去到先發現東蔭公公汁左，變左做Mee...lemongrass ！去到嘅時候已經係2點，竟然都仲有人排緊隊，心諗咩料...唔通一個二個住將軍澳嘅人都就走黎嚐鮮。行去Menu一睇，心諗：嘩...都真心唔平Bo，一個飯都要成60-80蚊，而且仲要另收加一。如果唔係因為間鋪新開，試下新屎坑，都應該唔去食。入到去住坐低，發現張墊檯紙原來有D小心思，原來係佢地鋪頭係香港嘅分佈，而且仲有個商場嘅樣，非常可愛！好彩Menu 有編號，如果唔係都好意思同侍應生講我要個"Mee....喇沙，大蝦，蜆肉，蟹柳，魚蛋，豆卜，雞蛋"。等左一陣，我個餐終於到啦，真係餓死寶寶。嗰餐嚟到嘅時候非常驚喜，是關我無睇字，唔知道個餐原來係有跟沙律同甜品，套餐得黎覺得比較特別同有心思，而且個喇沙望落非常足料，好喇好喇，雖然貴貴地，但個感覺好似抵返D咁！本人非常鐘意食瓜瓜菜菜，見到有豆角、木瓜、紅蘿蔔等就已經好開心，食落去，個沙律夠哂凍，而且唔係好辣，酸酸甜甜，非常開胃又唔會因為太辣而好辛

坑口真的多了很多新食店,今天再和老婆試新嘢,以為星期三不會多人,去到才發覺已經有不小人等著,等了半小時才有位,環境一般,地方比較緊迫,可能新開張,落單比較混亂,來錯幾次食物 (所以埋單一定要睇清楚),叫了新張優惠的龍蝦喇沙,真的很大碗,不大食兩個人剛剛好龍蝦比較普通,反而喇沙湯粉更好食,另外叫了蔗蝦和馬拉盞炒通菜,蔗蝦我個人覺得很好食,通菜就一般水準,另外因為我見很多人都叫了芒果沙冰,很大的一杯,我一個人都飲不完.整體感覺食物很不錯,如果有朋友來,我也會再帶他們去食.

今天約了朋友去健康博覽，諗住吃完東西有氣有力先去，於是帶了朋友到新店試試新野。店主態度幾好介紹我們兩個招牌菜1.海南雞飯2. Lobster laksa,我們就點了這兩個！今天原來是新店正式開業，Lobster laksa仲有特價hkd84, 十分抵食又好味！而海南雞飯lunch set有🐔比，真系好滑！😋晚餐又介紹了亞姨舅母和小朋友們一起吃，大家都食得好開心😃！還用了Hkd20 coupon! 下次要同朋友再來！