MEMOIR (已結業)

🥰大家情人節去咗邊度呢？小編我就同男朋友去咗銅鑼灣提早慶祝情人節！一齊睇吓呢度嘅節日氣氛如何啦！。香煎澳洲10oz肉眼扒配韓式燒肉汁$198咁呢一個呢就係lunch set 黎嘅，有包餐湯或者沙律，仲可以加錢配唔同嘅小食？。咁我哋就揀咗餐湯啦，幾有特色味道唔錯，我同男朋友爭住飲，都唔樣我嘅！扣分！另外我哋仲加咗錢嗌咗和風紫菜薯條配黑松露醬加$38。呢個都好抵讚啦，個黑松露醬真係好好味，除咗有香濃的味道之外，口感上都好出色。啱啱炸起熱辣辣㗎！不過真係好大好大碟，我哋唔係好食得晒添！終於講到我哋嘅正餐！肉眼扒！10oz真係好大塊，呢個真係好抵讚！首先集合廚師喺配搭方面，做得好出色，醬汁同埋肉眼扒好夾。另外要讚吓廚師對火候嘅控制，牛扒嘅溫度同口感都取決於廚師嘅火候，佢控制得好好，令到牛扒可以鎖住肉汁，口感一啲都唔乾，好juicy。如果可以配上一支紅酒，肯定就完美！。16小時慢煮法國油封鴨髀$328咁既然都情人節，就食好啲啦！我哋決定嗌咗餐廳極力推介嘅油封鴨髀。呢個係佢哋餐廳嘅招牌之一嚟㗎！除此之外，佢嘅招牌威靈頓三文魚都好特別，但係因為我哋都唔太想食魚，所以就冇嗌到啦！今次就試吓呢一個油封鴨

一出𨋢浪漫日落燈照射住招牌 乾花同照片作為裝飾嘅一部份 令人不禁回想起自己昔日嘅回憶呢個“裝修”好浪漫咁帶出回憶錄呢個主題.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .▪️烤鮮蝦神石榴藜麥沙律少見嘅神石榴配搭 增加左啲脆脆嘅口感 味道清新.▫️吉列牛肉薯餅外層炸得好鬆脆 但唔油膩內餡牛肉 口感綿密🫶🏻.▪️日式海膽忌廉帆立貝意大利粉賣相吸睛 醬汁好creamy🤤 鹹鹹甜甜嘅味道好特別 值得一試.▫️蛋白餅廚師推介～ 酸酸甜甜的 第一次嘗試蛋白餅 口感似偏硬嘅蛋糕 配上酸酸甜甜嘅熱情果汁 令味道更加豐富 .❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ ғᴏᴏᴅɪᴇ𓌉◯𓇋 ‎‎‎ʙᴇᴀᴜᴛʏ⋆̩♬︎ ʟɪғᴇsᴛʏʟᴇ*⋆✈︎❞

一直都知登龍街好多美食，今次黎到永光中心樓上高質西餐廳。餐廳環境清靜，裝修有情調，適合假日同朋友一齊食飯消遣!最驚喜嘅係連星期日去都有lunch set, 真係好吸引！🔹 香煎澳洲10oz肉眼扒配韓式燒肉汁 $198 （餐湯/沙律、餐飲）今次揀左medium 嘅肉眼扒，真係好有驚喜！肉眼扒份量十足，食落好冧好多汁，超級juicy，仲好香濃嘅牛肉味，真係令我食唔停口! 呢個價錢食到咁大塊扒真係好高性價比🔹 龍蝦汁松葉蟹鉗意大利飯 $138 （餐湯/沙律、餐飲）呢個意大利飯索曬龍蝦汁，真係好惹味！最驚喜係松葉蟹鉗大大隻，肉質彈牙，幾好味😋🔹精選蛋糕-芝士蛋糕 $28（lunch set 加配價）呢個芝士蛋糕係lunch set 加配，真係好抵食！佢好濃芝士味，令我食完都想再食🤣🔹精選甜品-朱古力蛋糕 $28（lunch set 加配價）細細件嘅朱古力蛋糕勁有驚喜，佢食落唔會好甜，好香濃朱古力味，十分推薦朱古力嘅愛好者！

係銅鑼灣發現左間幾有格調既樓上西餐廳，環境幽雅，食物賣相幾靚。佢地連menu都十分用心，每一本都係手工製作，圖文並茂，超靚✨Lunch set可以選擇雜菜沙律或者餐湯，當日既餐湯係椰菜花湯，幾特別，幾少見。椰菜花味十分濃郁，口感好creamy 龍蝦汁松葉蟹鉗意大利飯 $138醬汁好出色龍蝦味好突出，包裹住每一粒米飯，飯粒軟硬適中。蟹鉗好清甜，一啲都唔腥。 香辣蒜片鮮蝦扁意粉 $128蝦好新鮮彈牙，扁意粉有嚼勁，最令我印象深刻既係佢既辣味，十分突出，易入口又唔會蓋過蝦既味道。 16小時慢煮法國油封鴨髀 $328其實食完lunch set已經好飽，但佢既招牌油封鴨髀真係好多人都讚，所以忍唔住嗌左隻試下！油封鴨髀係每日限量，想試都要睇下運氣好唔好架😆油封鴨髀係用慢煮既方法去製作，所以十分嫩滑，而且十分容易脫骨，用刀叉都可以方便食到，唔驚食到無晒儀態～

平日約咗朋友想吹陣水，想搵啲有氣氛嘅地方，朋友推介呢一間位於銅鑼灣登龍街嘅餐廳，環境有情調，好適合三五知己撐枱腳。<吉列牛肉薯餅> $68薯餅質感酥脆，薄薄炸衣包裹住香濃軟滑嘅牛肉餡料，跟上嘅芥末醬甜辣度適中，正好唔會搶去薯餅嘅風頭。<日式海膽忌廉帆立貝意大利粉> $198意大利粉上有三大粒帆立貝，鮮味十足🤭顏色同味道都感受到好強烈嘅海膽醬。意粉掛汁每啖都食到醬汁味道，香濃又creamy。<黑松露牛肝菌野菌燴意大利飯> $178黑松露同野菌嘅配搭好夾，意大利飯菇菌種類豐富，啖啖都食到唔同野菌，醬汁比例易入口。總括而言，餐廳地理位置方便，環境不錯，不失為港島區聚會的好選擇。

.🔖 𝑴𝒆𝒎𝒐𝒊𝒓 | 𝑪𝒂𝒖𝒔𝒆𝒘𝒂𝒚 𝑩𝒂𝒚呢間位於銅鑼灣嘅好評西餐廳已經比我book mark左好耐，之前黎過幾次都摸門釘，今次終於比我試到🤭～ 餐廳嘅裝修幾有格調，有少少工業風之餘再加咗啲少女心嘅花藝裝飾。🌸.Weekend Lunch時間黎都有Lunch Set，百幾蚊已經包左餐湯/ 沙律同餐飲，係銅鑼灣黎講真係非常抵食👅。今次就試左佢個燒春雞同澳洲肉眼扒。塊肉眼扒雖然唔洗二百蚊，但份量好夠有成10安士。而且Medium Rare煎得啱啱好，煎得夠香之餘又鎖得住肉汁，非常驚喜。🐥隻燒雞外皮燒到金黃色，食落去外皮夠脆，而且入面嘅雞肉入味之餘亦都好滑，只可以講烹調時間掌握得好好，一啲都冇Overcook，真係抵讚🫡！.如果唔夠飽Lunch Set 跟餐仲可以用優惠價嗌小食～今次試嘅水牛城雞翼同炸洋蔥圈都幾有水準。雞翼總共有四隻咁多，而個洋蔥圈配埋個特製檸檬醬，酸酸地唔會太濟。🍋 整體黎講餐廳性價比幾高，食物質素令人驚喜，係銅鑼灣想平平地食個西餐，呢度絕對係一個好好嘅選擇。不過留意番餐廳嘅Lunch Time 時間去到三點，想食Lunch嘅就唔好太遲去啦。

Roasted Half Baby Chicken with Indonesian sweet Sauce
燒美國春雞配印尼甜醬 $148第一次食燒春雞係配印尼甜醬，食法夠晒新穎，雞肉新鮮嫩滑，雞皮煎香左 旁邊仲配埋薯蓉同埋一啲蔬菜，例如秋葵，車厘茄同埋粟米，有蛋白質，又有膳食纖維👍🏻Grilled Australia Rib-Eye Steak 10oz with Korean Garvy Sauce香煎澳洲10z肉眼扒配韓式燒肉汁 $198size黎講 都算大塊，講緊係lunch時間食10安士 夠做啦👍🏻切開見到好靚嘅顏色，唔會煮得太熟，嗰日係order咗五成熟 呢個啱啱好係我鍾意嘅程度，配埋韓式燒肉汁都係第一次食，感覺有幾新穎 同埋幾夾以下係跟餐小食🍟Buffalo wings水牛城雞翼 $68水牛城雞翼係炸左既，雞翼咬落去好脆口，唔會比水牛城汁搞到冧咗。辣度非常之適中。高度推薦🤘🏻Deep Fried Onion Rings炸洋蔥圈 $38啱啱炸出嚟熱辣辣同埋香口 配埋沙律醬，感覺冇咁熱氣

登龍街一向出名多嘢食，但一直未發掘樓上店舖嘅餐廳，所以今次就試試呢間Western x Asian嘅餐廳，餐廳氣氛唔錯，燈光同裝修都營造到好浪漫同好溫暖嘅感覺，好適合同另一半或者幾個朋友收工後小聚同慶祝紀念日🤍•黑松露牛肝菌野菌燴意大利飯 ($178)本身就超鍾意牛肝菌♥️菇味同黑松露味都好突出，牛肝菌同野菌個份量係超多，每一啖都食到大量嘅菇😂成個飯都好Creamy😍•日式芥末汁燒帶子意粉 ($198)見呢個醬汁都幾特別，所以好想試試！原本仲擔心芥末汁個味會太重，點知食落都幾溫和而且都幾開胃😋帶子超大粒又厚身，有三件咁多，又唔會煮得過熟，保持到帶子仲好淋身♥️•和風紫菜薯條 ($68)對薯條同黑松露係完全無抵抗力🍟呢度嘅薯條比較粗身，好食😍

就黎情人節💞啦，今次為大家發掘到位於銅鑼灣登龍街既一間雅緻中X西餐廳 @memoir.causewaybay 。呢間餐廳老闆原來係幾有心思架，整左好多本自己親手寫既小冊子畀食客欣賞，裝飾上亦放左唔少💗心機，顏色配搭高貴大方，有情調得黎亦不失親切感！🥰每碟食物既賣相方面非常值得讚賞，都睇得出好有心機製作個食譜，呈現到高級感❤️ SET DINNER $418: 【 龍蝦湯】+$20入口好香濃好鮮味！啖啖都係新鮮龍蝦味既感覺！【 吞拿魚腐皮餃】賣相睇得出廚師既心機，份量雖小，但精緻既料理正正需要小啖慢慢品相先體驗到背後果份心機同功夫。😋【日式青芥未威靈頓三文魚】另一款心機菜式，外層係薄脆既酥皮包住一層紫菜，內裏係軟綿綿嘅三文魚。口感好特別唔錯。❤️【 Daily dessert】+$10小編睇得出廚師都好用心製作每一道菜式，所以今次揀咗要加$10嘅Daily Dessert而冇選擇到紐約芝士蛋糕。細細件但好好味，好香嘅榛子味，咬口仲有啲似金莎朱古力好特別！😋【 Buffalo Wing】$88呢款Buffalo Wings超級好食，相信一般香港人會覺得buffalo wings 偏酸，但係佢就

Foodie IG @foodpilgrimage.gps ➲銅鑼灣 Memoir銅鑼灣小角落，中西合璧嘅餐廳！佢地嘅招牌特色菜14小時慢煮油封鴨腿同日式青芥末威靈頓三文魚都想試下，不過午市無就試咗肉眼排，原本仲好想試下佢地嘅伯爵茶奶凍，不過都係無嘅，少遺憾！➳ 精選餐湯 ⁽⁹/¹⁰⁾忌廉蘑菇餐湯，夾雜咗啲蘑菇蓉，好creamy！➳ 雜菜沙律 ⁽⁷/¹⁰⁾黑醋沙律，好開胃，加咗石榴同蕃茄。➳ 吉列牛肉薯餅 ⁽⁹/¹⁰⁾芥末醬稀左啲，偏甜同芥末味都偏低。薯餅本身好酥脆，就算擺咗一陣都仲好脆，無霖到，好好食嘅可樂餅，超推薦！➳ 炸洋蔥圈 ⁽⁶/¹⁰⁾酥脆洋蔥圈，炸粉比例 1:1，表皮薄脆，唔會好辣，要盡快食，好快霖咗就唔好食，整體上較薯餅普通。➳ 鮮蕃茄醬大蝦意大利飯 ⁽⁶/¹⁰⁾大蝦肥美飽滿，分量足，普通嘅蕃茄味意大利，係你唸到嘅味，無expect 太多。➳ 香煎澳洲10oz 肉眼扒配韓式燒肉汁 ⁽⁹/¹⁰⁾七成熟，牛排偏靭，但鎖住到肉汁。旁邊有配到岩鹽，可以夾牛排薯條食，跟咗個有啲似牛角嘅燒汁。粗身薯條加咗啲香草，無乜調味但都好脆，仲有黑醋沙律可以refresh 下。有驚喜！➳ 蜜桃薄

週末下班後 為了慰勞一下平日辛勤工作的自己我們選了一間浪漫情調的西餐廳開始我這個星期的假期😆𝒜 𝓁𝒶 𝒸𝒶𝓇𝓉𝑒🦪日本廣島蠔燴意大利飯蠔的份量十分多每隻都肉質飽滿肥美意大利飯的軟硬程度適中當中散發蠔的鮮味值得一試🌟溫馨提示：趁熱食用才能避開蠔的腥味𝐿𝓊𝓃𝒸𝒽 𝒮𝑒𝓉 𝒮𝑜𝓊𝓅 𝑜𝒻 𝓉𝒽𝑒 𝒹𝒶𝓎🥕甘荀湯餐廳採用的碗碟十分精緻 甘荀湯味道清甜口感香滑creamy 𝑀𝒶𝒾𝓃🐮紅酒汁燴牛肋條配薯蓉牛肋條燉得得十分入味 肉質相當軟嫩🌟不會乾 十分輕易咬開🐤水牛城雞翼醬汁酸甜表皮香脆雖然沒有香辣味道但整體味道香濃惹味𝒟𝓇𝒾𝓃𝓀 🍹𝐼𝒸𝑒𝒹 𝐿𝑒𝓂𝑜𝓃 𝒯𝑒𝒶 🧉𝒞𝓇𝒶𝓃𝒷𝑒𝓇𝓇𝓎 𝒥𝓊𝒾𝒸𝑒味道酸甜 健康之選

餐廳內既feature wall同led light wall，簡單但營造到浪漫氣氛❤️好適合情侶慶祝週年紀念或朋友慶祝生日。最令我impressed既係本手繪menu，有好多宮崎駿電影既插畫同金句，畫得好靚好有心思。呢到既菜式西日mixed，選擇唔多但每樣都好特別，我地叫左兩個main同一份小食，有驚喜😋▫️吉列牛肉薯餅熱焫焫炸起，薯餅外脆內軟，切落聲音清脆，望落同食落都唔覺油膩，炸衣亦唔厚，牛肉同薯蓉攪得均匀而且質感綿滑，點上蜜糖芥末醬食味道超讚👍🏼▫️日式青芥末威靈頓三文魚 外皮酥脆，入面既三文魚仍能保持嫩滑同有水份👍🏼真係好考功夫。酥皮包住紫菜同三文魚，配上青芥末醬，味道非常夾，有水準既一道菜！▫️日式海膽忌廉帆立貝意粉 海膽同忌廉混埋一齊好香濃同creamy，每條意粉都能沾上好掛汁👍🏼帆立貝大隻，煎得好香，食落軟糯😋無論食物、環境、服務，我地都覺得超讚，推薦👍🏼👍🏼👍🏼

Cherish your memory & every moment🎈Memoir/Don’t wander to what is coming next/呢度menu嘅頭幾頁以貓咪回憶錄作主體有貓咪圖卡 附上手寫文字🐱可以感受店主真係好有心思分享佢同貓咪嘅日常❤️🍘吉列牛肉薯餅 ($68)BEEF KOROKKE薯餅吉列外層炸得香脆內軟中心牛肉忌亷茸十分軟腍 整體感覺唔油膩🍄黑松露牛肝菌野菌燴意大利飯($178)PORCINI & WILD MUSHROOM RISOTTO WITH BLACK TRUFFLE CREAM & MILK FOAM每一啖都有香濃松露味而表面嘅白色泡沫係冇味嘅菇嘅份量比想像多 同意大利飯混埋咗飯粒軟硬度適中 口感啱啱好🐚日本海膽忌廉帆立貝意大利粉 ($198)GRILLED FAN SCALLOPS SPAGHETTI WITH SEA URCHIN SAUCE總共有三粒帆立貝 肉質彈牙肥美海膽醬掛汁度高 食落帶鮮甜入口順滑

【銅鑼灣】MEMOIR位於登龍街嘅樓上餐廳，身為宮崎駿影迷被餐廳menu 吸引住。打開一本手造餐牌，上面貼咗電影嘅相並寫咗幾段電影金句，加上環境裝修，為呢餐飯營造出一種夢幻不真實嘅感覺。✨ 日式海膽忌廉帆立貝意大利粉賣相滿滿少女心，意粉顏色鮮艷再加埋塊貝殼，正所謂：「相機食先😍」。有三粒肥美帆立貝，海膽醬汁creamy，整體不錯。✨ 傳統卡邦尼扁意粉配溫泉蛋第一眼被整塊焗到脆卜卜巴馬火腿吸引到，火腿咸香提升咗意粉嘅風味。傳統卡邦尼主要以蛋黃汁作底味，放上溫泉蛋能加重蛋黃味，亦令整個意粉更濃厚。👉🏻餐廳午市3點結束，晚市5點開始，留意時間以免摸門釘☺️✨MEMOIR 📍銅鑼灣登龍街28號永光中心17樓

🫧黑魚籽蟹肉牛油果塔配青瓜汁 $148 (5/5)聽落又牛油果又青瓜汁，成件事好草青但連埋蟹肉同黑魚籽一齊食好夾、好鮮作為前菜，做得唔錯，即刻開胃咗😙🫧16小時慢煮油封鴨髀 $328 (4.5/5）一直都好鍾意食油封鴨髀肉嫩不特只，皮都脆卜卜呢款仲係每日限定！唔知情人節洗唔洗留定呢？！🫧日式廣島蠔燴意大利飯 $218 (4/5)五隻大大隻飽滿嘅廣島蠔店員推薦篤碎啲蠔連埋飯一齊食啖啖蠔飯，食完剛好飽晒！