Mille Mele Tokyo (已結業)

好少係openrice寫食評，但今次經歷真係好想同大家分享。呢間嘅蘋果批無疑真係好好食，每次去銅鑼灣都會特登行去買同買外賣返屋企同家人分享。之前係呢度有睇過一篇食評話佢地衛生做得麻麻，唔係地方污槽而係負責整食物既店員都冇帶上衛生頭套仲不停係咁撥D陰，咁我第一次去到都有留意，的確係見到冇帶頭套同埋真係有個女條撥頭髮，不過佢真係好好食所以當睇唔到算啦繼續幫襯。琴晚8:30pm左右入去想買兩個蘋果批返屋企比家人食，當時入到去得一個店員，佢帶住對藍色衛生手套，估計佢係岩岩倒完垃圾，正為垃圾桶換上嘅垃圾袋，原本以為佢黎serve客前會除咗手套/換新手套... 點知！佢竟然無！！佢直接就行埋黎落單.... 落完單就想pack食物。咁既情況下當然忍唔住出聲.... 咁佢最後都有換對手套，不過應該以後都唔會幫襯了🤦🏻‍♀️ 現時疫情之下，淨係衛生意識欠佳已經令人卻步（但蘋果批真係好食...）

店內光猛乾淨，食物都整齊排好，可外賣或堂食，仲提供紙巾同酒精搓手液，幾方便。飯後甜品有世界第一蘋果批，店內主打蘋果批。$36/個，$138/4個，仲有千層一口酥。焗好的蘋果批會加入吉士及忌廉，好吸引。用多層重疊的原創批皮、慢煮富士蘋果、日本無添加吉士忌廉、日本直送豆乳忌廉。厚切的富士蘋果真係又甜美又有果香，不過再多d果肉餡更好。豆乳忌廉輕盈唔膩，吉士好細滑甜而不膩。不過批皮唔算好酥脆，但食到多層酥皮口感，整體味道好，同埋用左豆乳忌廉，感覺唔heavy。最大吸引係用富士蘋果，而且厚切，食到口感，味道甘甜，果香豐富，食完好幸福。

對於「世界第一蘋果批」呢樣嘢🍎其實真心期待咗好耐好耐今日終於試到你平日下午去唔算多人堂食都有位紅＋白嘅裝修果然好睇🍎我買咗一個蘋果批同一盒牛油一口酥🍎個蘋果批我就覺得一般雖然有好多蘋果餡但係唔太覺有蘋果味唔係特別香甜🍎而且吉士醬亦無咩味搞到「半筒水」鮮味同甜味之間兩頭唔到岸咁＄36一個我覺得都幾貴而一口牛油酥就play safe囉呢啲好難整得唔好食鬆脆，夠焦糖味就算返屋企凍咗都好味但擺多一兩日就唔知啦＄38盒我覺得價錢合理間店內外啲設計都好j嘅啱女仔去影相打卡等我都唔執輸影返幾張先📸希望未來有多少少產品推出否則好難再返轉頭

#銅鑼灣sis日本過江龍世界第一蘋果批專門店創辦人來自意大利 獲獎無數 首次在日本海外開設分店 紅色的裝潢引人注目 -蘋果批$36/1 $138/盒四個拎上手發現比想像中有啲細件 食落酥皮鬆脆 中間係忌廉 豆奶 吉士製成既醬 好滑 蘋果新鮮 仍然保持輕微口感 唔會一pat咁 -一口千層酥$38/一杯推介鍾意食酥皮嘅人士 香甜 鬆脆 焦糖包住千層酥但不油膩 一口接一口好快KO 食到啲焦糖最尾有啲痴牙 不好甜既就未必岩啦🤣🤣

作為一個蘋果批迷見到新開左間日本過江龍蘋果批就緊係要黎試下啦！ 佢間鋪係近時代廣場，一入去就聞到香噴噴既蘋果批味，而且間鋪比我想像中大，有好幾個位可以比客人坐低慢慢品嘗。好好彩個日咁岩食到岩岩出爐既蘋果批，拎上手仲係好熱，蘋果批既香味不斷湧出黎，但由於真係好熱，所以只好細細啖咁慢慢咬，佢個外皮好酥脆，雖然都有牛油香，但就唔及西式酥皮既牛油味重，所以食落唔算好膩。而內餡就有蘋果粒、豆乳忌廉同吉士忌廉，而出奇地唔會話好甜，同埋會咬到一粒粒既蘋果，整體d味係幾夾同埋以日式蘋果批黎講都幾出色，但就未去到話要專登黎食，不過如果同sogo地下個間RAPL比既，咁我自己就鐘意依間多d啦～

世界級冠軍🏆日籍意大利🇮🇹大師炮製既蘋果批唔係浪得虛名，由多層重疊既原創批皮🥧，包住日本直送無添加吉士忌廉同豆乳忌廉，加上慢煮富士蘋果🍎焗製而成。-一入舖頭就聞到超香，超吸引🤤咬落去焗到金黃色既酥皮，非常鬆脆，層次分明🤩再食埋入面既忌廉同富士蘋果餡，不算太甜，但感覺超幸福🥰好好味牙👍🏻-🍎🥧蘋果批都只係$36/1個 $138/1盒4個🇯🇵掛住日本既你，要去試牙🤤🤤仲係唔錯既抗疫外賣tim😉

首先，$40一個講真 真心係貴既。但一食落去就知有沒有呀買返到公司食的時候，已經凍咗，但係無損世界第一蘋果批！咬入去個酥餅做得極之鬆脆，蘋果粒粒粒分明，酸甜適中，過足口癮員工態度親切，由於不知是否疫情關係，暫時未需要排隊環境舒適，但沒有坐既位置，可選擇企在店內吃或拎回去品嘗都可以。第二日引唔住再encore 呀，真係上哂癮，食完一次又一次香港唯一分店值得擁有，蘋果批只有這裡係最好食既！Good Apple Pie

以住對酥皮類甜品完全不感興趣 (海鮮湯上那層酥皮除外)，直至在日本街頭吃過新鮮焗製，剛剛出爐的酥皮蘋果批後，漸漸對酥皮類甜品有所改觀。原來酥皮甜品也可以做到如此皮薄香脆而又不覺油膩。得知銅纙灣有間蘋果批專門店剛剛開業，品牌來自日本，這是首間海外分店，今日在銅纙灣食完午飯，順道去朝聖一下先。舖外舖內都會見到 ~「世界一の絕品蘋果批 World’s No. 1 Apple Pie 」的標語，舖面所採用的鮮紅色招牌以及佈置，令人聯想起一個個豐腴飽富的日本富士蘋果。這裏可供選擇的食物種類不多，有主角蘋果批、千層一口酥、富士蘋果梳打、接骨木花梳打。有選擇困難症的朋友絶對不用擔心，帶多一位朋友同行，叫齊4款食品開心share ，一次過食均全部4款應該絶無難度。疫情關係，街上人流已不多，加上仍是午飯時間，不用排隊，直接走到櫃位落單便可。見舖內還有坐位， 一於買4個蘋果批 ( 4件裝更優惠 )，3個帶走， 一個即場趁熱食先。招牌蘋果批烤至外層呈金黃色，香氣撲鼻，酥皮層次分明、口感鬆化。咬一口，澎湃的豆乳吉士忌廉徐徐湧出，不太甜，很棉滑。食到批的中心位便會咬到幾顆以慢煮厚切的蜜餞富士蘋果粒作餡料，吃起來

話說最近有間日本過江龍又開到嚟香港🇭🇰，為食既我又點會miss左呢🙂？今日呢間就喺日本已經有三間分店係Mille Mele Tokyo！招牌蘋果批採用慢煮富士蘋果🍎為主要餡料，配合來自日本吉士忌廉同豆乳忌廉而成！的確係比一般蘋果批好味！對比一般蘋果批🥧，餡料既蘋果肉唔會煮到一patpat，食落較有口感！中間唔係採用蘋果醬，係用吉士醬同忌廉，咬落下感覺清新，唔似果醬咁，係口腔入面咁「癡笠笠」。而值得讚既一點👍🏻，舖頭每次烤焗既時間都只得少量蘋果批，咁就確保大家買既一定係新鮮出爐，至唔係放到稔哂！所以每一舊食落都好脆口，連我外賣比藤原媽果幾舊，返到屋企食都係又暖又脆！以同區既蘋果批嚟講，呢度既係幾好味😋，味道唔太甜，食落又脆，餡料又飽滿！不過定價都偏中高，$36一個、$138四個，間中食都OK！

因為疫情嚴重 不能出境 無得返鄉下 即去日本過江龍 日本蘋果批 想試好耐 本人愛好蘋果 加上批邊脆口 期望幾大入到間店 細細一個正方形 有幾張枱供堂食 一望即見到收銀處旁邊有兩個兜 擺着蘋果批數量只有四隻 心諗沒有貨了嗎 然後看見旁邊有兩個大焗爐入面應該就是食品出處有想過等新鮮出爐才買但因時間較趕就叫了一個一個價值$36真心貴不過在銅鑼灣地段又不能去日本嘅緣故都買咗一個嚟試食入面一邊蘋果粒粒一邊吉士忌廉未見網上食評有兩種忌廉黃色的和白色的但現場只有一款蘋果批不知是否已經出爐一段時間批不夠脆 雖然整體味道還可但沒有太大驚喜蘋果餡也不算很好吃感覺完全不值$36可能有日本食又有另一種味道更期待到日本當地即食

—之前有個世界第2好味雪糕蜜瓜包唔知係咪franchise形式 覺得一般般🤔而家標榜世界一蘋果批又如何呢～🍎蘋果批(單件$36 / 4件裝$138)多層重疊原創批皮日本直送無添加吉士忌廉日本直送豆乳忌廉慢煮富士蘋果新開張熱潮過後 唔洗排隊直入畀完錢過隔離就有得拎拎上手暖暖地 冇想像中嘅酥脆雙色忌廉未算好香 勝在不甜膩蘋果有嚼口份量略少整體ok 冇咩驚喜 偏貴冇下次——————————————Mille Mele Tokyo銅鑼灣霎東街33號地下4B號舖

之前貪新鮮學人朝聖，去咗銅鑼灣一間新開嘅店舖食東京爆喊蘋果批，賣點是日本直送吉士醬加埋厚切蘋果肉，再經過兩次烤焗，加上豆乳忌廉嘅蘋果批，自2000年起已獲獎無數。店舖位於時代廣場後面條街，如果唔係係日本好出名，相信未必有咁多人搵到呢度食嘢，聽聞有時要排隊添！店舖以紅色為主，有吧枱，未入去已經聞到好香的酥皮味。蘋果批比想像中細件，剛剛焗起熱辣辣，點會唔好食，果肉比想像中少，吉士醬香甜得來唔算膩，基本上幾好食，但係要成$36一件實在有啲貴，食一次就夠！用剩的麵團用來做一口酥又買成30幾蚊一杯，認真識做生意。

疫情下好少人出街買東西吃，今日就去銅鑼灣試一試這個好有名氣，曰本橫濱過來的蘋果批店。12點15分去到，沒有人排隊，只得我一個。由於太早關係，所以買回去中環下午茶再食。買了他們出名的蘋果批及一口酥。午飯後我食了一個蘋果批，好好味。蘋果有點crispy,酥皮都好新鮮，剛剛從焗爐出嚟的，十分crispy. 再加上好creamy 的custard sauce, 好夾！ 其實個蘋果批不是很大，所以一次我吃了兩個。以$36一個，算是貴價甜品。至於一口酥，甜甜地，好香口，喜歡吃香脆的食物，必定好喜歡，一d都不覺得油膩。

😳世界第一蘋果批系列🍎🥧‼️之前成日賣晒🤨▫️餐廳：Mille Mele▫️地點：銅鑼灣霎東街33號地下4B號舖▫️營業時間⏰：星期一至日 12:00-8:00▫️價錢：～$36@—美味:🥧🥧🥧+0.85🥧環境：🥧🥧🥧🥧價錢：💰💰💰+0.5 💰___👧🏻之前食過RAPL既流心蘋果批🥧🥧最近又新開咗新蘋果批店👧🏻💕聽講係世界第一就去朝聖🤓🍎🥧仲係熱辣辣😊幾香幾吸引🤣一咬落去啲吉士醬出晒嚟☺️仲要有蘋果粒☺️同RAPL比係差唔多，但係平啲，雖然有啲貴，但試一次都值得🤣😌😌‼️如果鐘意多蘋果粒同酥皮 》RAPL‼️如果鐘意吉士醬同少啲蘋果粒》mille mele

我係一個好鍾意食酥皮嘅人，見到有好多人好評呢間嘅蘋果批，講到酥皮非常之酥脆、重牛油味，住喺上水嘅我都特登搭車出嚟試一試！但食完之後非常失望首先，攞上手係非常之凍，諗住如果真係好食嘅話咬落去應該都會仲係好鬆脆嘅！但咬落去就知伏又淋又軟好唔開心一定冇下次希望可以再做好少少，如果外皮真係好酥脆嘅話，唔會凍咗都咁難食......早兩個星期喺SOGO樓下嘅supermarket見到都有一間蘋果批，食咗一個令我眼前一亮！建議大家都去嗰度食