Mini Friday (銅鑼灣廣場二期) (已結業)

返工日常為左慳錢，一般都係食燒味飯、雙餸飯、快餐店，今日決定同同事揾間可以鋸吓扒的餐廳，當新年獎勵一下自己😆一入餐廳，有點歐陸feel的裝潢，視覺上已經加分。♥ 卡邦尼意粉＄78賣相下過了心思，睇下碟邊既綠色點綴就知。意粉白汁香濃，且成功掛汁在意粉之上，不用刻意再撈勻，每啖意粉也吃到恰當的白汁，搭配煙肉片，咸咸香香，是個不錯的組合。♥ 炭燒紐西蘭頂級牛扒配黑松露燒汁配飯＄138牛扒的成熟度岩岩好，肉心處仍見紅紅嫩嫩，切起來、吃起來也不費勁，而且煎得確是相當香口，即使不沾醬汁已經夠味。牛扒以外的配角也令人意外，炒飯有加蛋稍為炒過。伴碟豆角，味道似中式小炒般，以蔥蒜炒過。♡ 午市套餐有包湯同野飲，整體而言兩個人＄200左右一餐飯，無論湯、主菜、伴碟，還是視覺、味覺，都睇銅鑼灣一帶的打工仔，不妨一試呢間Mini Friday😁

一早出銅鑼灣，12點辦完事即上去餐廳食個午餐，大卡位，大玻璃，舒服又光猛。午市套餐有餐湯、主菜和熱飲，簡簡單單，味道有水準，而且不用加一。🔶炭燒紐西蘭頂級牛扒配黑松露燒汁跟意粉（$128）牛扒五成熟厚切又大塊，切開顏色桃紅有彈性，口感柔嫩。配菜有誠意，是煙肉洋蔥炒長青豆和蕃茄仔。意粉幼身爽口，配黑松露燒汁非常好。🔶吉列魚柳配日式青芥末汁跟薯蓉（$98）魚柳雖然本身比較薄，但個吉列脆皮很香脆，加上清新的青芥末汁，整體很夾也很好吃。薯蓉軟滑濃郁，很夠味。🔶餐湯：番茄忌廉湯味道少酸，忌廉感不重，清新開胃。

呢度地方闊落坐得舒服🥰一坐低侍應便細心送上千島醬薄脆😋威靈頓春卷～聽個名好吸引，即刻點嚟試吓😋原來係春卷皮包住牛柳，好特別🤩蜜糖蒜片炸雞～用鑊仔上枱的，全部冇骨食落好方便👍而且皮脆肉滑，仲有啲炸蒜片，有驚喜，非常好吃👍👍加拿大豬鞍扒～豬安扒濃濃肉味又juice，仲有迷你蘿蔔、新鮮蘆筍及黑松露薯蓉做配菜😍即製梳乎厘pancake（士多啤梨）配椰子雪糕～梳乎厘班戟超級鬆軟，蛋味香濃，雪糕還有粒粒椰肉👍

好耐冇同娘親出街食飯，見收工近近地就去mini Friday試下，這個薄餅係餐廳送的，薄餅十分脆，咬口十足，同埋個醬好夾～ 主食叫左個石燒和牛，會叫這個主要原因係因為個石燒鍋hahah 對上一次用這個石燒鍋燒牛已經幾年前係日本食既時候，懷念一下！黎之前有睇過下個菜單，原來加左價，本身見$198，而家要$256🥹🥹🥹 有9塊和牛，味道都不錯，有幾款醬料選擇，我始終覺得最好食都係加少少鹽～如果有埋碗飯就好了～同埋叫咗明太子忌廉長通粉～ 好creamy, 濃郁既醬汁，很不錯，略嫌通粉唔夠入味，不過帶子就大大粒補救返. 順帶一提環境闊落乾淨～ 坐得幾舒服

平時想食西餐🍽️「Mini Friday」絕對係我不二之選🫢因為性價比高，環境又唔錯👍🏻.薄脆🔺脆卜卜😆點少少千島醬食更加滋味😋.香烤美式BBQ豬肋骨🍖豬肋骨表面鋪滿濃厚 BBQ汁🔥肥瘦比例剛好😌肉質軟腍，仲有薯仔🥔蘿蔔及荷蘭豆🥕.田園沙律🥗有沙律菜、蕃茄、粟米🌽茘枝爆珠🫧淋上凱撒沙律，清新醒胃💦.是日餐湯🥣忌廉湯得濃淡適中，有少少菇菌🍄.田園沙律🥬🍅.即製梳乎厘班戟配雪糕🥞梳乎厘班戟鬆軟🤤蛋味香濃🥚附上吉士醬💛以及薄荷朱古力雪糕🌿🍫🍨.朱古力布朗尼🍫外脆內濕潤，而且朱古力味濃郁😗.熱奶茶🫖

星期五晚約左－班朋友食飯，一行6人，預早幾日book位。上到去安排左卡位靠窗自成一角在宜家疫情下岩哂。點左兩份雞翼，一份水牛味一份青寧味；再來沙律正常冇特別；跟住兩個pizza, 一個黑松露，另一個海鮮；燒和牛，威寧頓牛，芥末箸條同海膽意粉。大部分都吾錯，只係水牛雞翼略辣不是人人可以接受。個威靈頓牛肉少酥皮多唔夠份量同pizza皮底太薄易焗燶。埋單大約$1,700除番每人吾洗$300. 呢個價錢絕對可以接受。

第二次嚟食mini fridaylunch menu一定係最扺食幾十蚊至百二蚊就有一個主菜包嘢飲如果想清幽啲可以揀平日一點後嚟食應該都係得一兩枱客仔(lunch)羊架配意粉⭐️⭐️⭐️⭐️烤羊架幾腍 嗌咗七成熟 烤嘅時間控制ok 唔會太老美中不足係意粉偏少胃口比較大嘅可能要問下有冇得加😂😂黑松露薯條⭐️⭐️⭐️⭐️上次嚟食係點黑松露醬而家原來變咗黑松露on top每粒都平均沾到嘅但個人認為有黑松露醬點會過癮啲😂

今日約左朋友銅鑼灣午餐，已經好耐無見喇，想搵個坐得舒適、寧靜既地方慢慢食慢慢慢傾🤗朋友揀左呢間係銅鑼灣廣場2期6樓既西餐廳「Mini Friday」，朋友之前黎過，話食物質素好，坐得舒服，最岩嘆個優閒午餐✨午市都有主餐牌可以點，亦有lunch set，包一份主菜、餐湯及飲品😋🥢餐湯忌廉南瓜湯，味道好濃郁，口感綿滑，溫度夠熱👍🥢我點左香煎美國雞扒配冬蔭公忌廉汁配意粉雞扒煎得香脆，肉質嫩滑保留到肉汁，冬蔭公忌廉汁有驚喜，個汁好香好有冬蔭公味又出奇地同雞扒夾🤤🥢朋友點左炭燒紐西蘭頂級牛柳配黑松露燒汁配意粉朋友點左七成熟，切開少少紅沒有血，理想既熟成度👍牛柳夠厚身，食落口感較好，肉汁豐富肉味亦都濃郁😋地方好大好寬敞舒適，的確好適合食一個輕鬆午餐😘

去銅鑼灣行完街想食埋晚飯先走，就揀左mini Friday食！鍾意而家既香港唔太多人易揾位食飯，餐廳唔太多人，好快就有位入去坐低。一坐低，餐廳就會送上一客好似墨西哥薄餅既脆餅上黎，食住慢慢睇menu無咁肚餓。小型版部隊鍋，份量唔會太多但又可以滿足到我想食部隊鍋既心。個部隊鍋仲會跟埋烏冬，加埋烏冬入面更好味，個湯滾下滾好好味。大蝦配香草牛柳肉質唔會太老，肉質鮮嫩，大蝦又爽口，個薯蓉點一點旁邊既肉汁又好好味👍🏻平時食開威靈頓牛柳係一個酥皮包住，呢到就好似春卷咁整都幾特別！整體上價錢又唔係貴，性價比高既餐廳！

經過銅鑼灣晚餐，友人再次揀上黎呢度。這裡是一間主打多元化西餐廳，環境坐得舒服～🌱炸脆片前菜是餐廳特選送的，賣相有點像Nachos。非常脆香鬆化，加埋沙律醬一齊食，開晒胃口🌱明太子忌廉帶子長通粉混合晒最鍾意嘅幾樣材料集合埋一齊。3大隻帶子保持水準，蒸pan烤熟兩邊味，而且剛剛好夠熟嘅情況下，入口非常香且又保留住帶子新鮮味道。明太子配忌廉醬非常之多，啲汁就連長通粉都可以完完全全包滿～ 就係推選之一🌱大蝦配香草牛柳3大隻香煎新鮮大蝦，剛剛好夠熟，食到鑊氣味之外都食到新鮮嘅蝦味～ 好老揀咗三成熟，上枱時候已經切好細細件，肉質非常嫩滑又夠淋，肉味剛剛好，加埋烤肉汁，整碟都好好食🌱蜜糖蒜片炸雞用鑊仔上枱，估唔到有差唔多成10件雞。原本期望唔太高，但原來超多蜜糖汁鋪滿晒啲雞同埋周圍都超多炸蒜片。炸雞件非常夠熱，非常脆身，就好似剛剛炸起咁。蜜糖算甜配上炸蒜連埋雞件食，真係非常有驚喜～ 非常好食😋

之前同男朋友黎過呢間，食完大家都覺得唔錯。最近發現轉左menu，所以呢次約朋友黎再試下😋。🔅蜜糖蒜片炸雞 ($98)大推炸雞😍！炸雞外層炸得好香脆，雞肉質好嫩滑🥺。將炸雞沾滿蜜糖加上蒜片好香脆又唔會好膩。螞蟻人表示唔算好甜😝。🔅咸蛋黃薯角 ($88)呢個上次食完覺得好正所以encore💛。薯角炸到熱辣辣，鹹蛋黃味濃。不過2個人食就份量太多🤣。🔅椒麻雞肉意粉 ($98)鐘意椒麻味既朋友仔唔可以錯過🥺。意粉軟硬適中，食落夠麻！朋友怕辣就頂唔順😂，不過我覺得辣同麻都好夠，不過食食下要食返啲炸雞平衡下😝，唔係會麻到無味覺🤣。🔅龍蝦蝦肉包配薯條 ($168)薯條份量超多！包外脆內軟，醬都夠濃味。💬Menu雖然轉左但選擇都好多，有齊西餐、日式便當、pizza、burger、甜品等等，加上環境真係唔錯，推薦同朋友gathering黎試下👍🏻。

水牛城雞翼 ($68-5隻)必點水牛城雞翼 , 個汁好夠味 , 酸酸辣辣咁 , 個皮炸到有小小脆 , 裡面雞肉仲keep 到水份 , 好開胃。龍蝦蝦肉包配薯條 ($168)賣相好吸引 , 個包做到外脆內款 , 上面粒粒有龍蝦肉 , 最欣賞佢個汁 , 係龍蝦湯汁 , 好重龍蝦味 。加拿大豬鞍扒 ($168)豬鞍扒肉質好淋 , 帶有小小豬味 , 不過個人覺得有小小咸 , 配菜係黑松露薯蓉 , 個薯蓉好好味😋

今晚黎到銅鑼灣既”Mini Friday”食野，八點半去到唔算多人，去到就已經有位，睇menu見到價錢唔算太貴，以晚餐黎講個人覺得算幾抵食，係銅鑼灣同班朋友聚餐既不妨可以考慮一下”Mini Friday”。「喇沙帆立貝意粉」($138):依款fusion意粉自己覺得幾有驚喜，喇沙味夠香濃，唔會好淡，口感有種creamy既感覺，估唔到新加坡菜式mix意大利粉又幾唔錯，帆立貝肉質都唔會霉，反而份量就唔算太多，兩個人share既就唔太夠食，不過因為幾好味所以強烈推薦俾大家👍🏻「蜜糖蒜片炸雞」($98):睇落好似細細碟咁，但一碟都有成差唔多十舊，雞炸得岩岩好，夠金黃，加埋啲蜜糖閃炩炩，好吸引。至於味道，甜度唔會過甜，加埋蒜片夠曬香口。「楊枝甘露梳乎厘pancake」($88):賣相黎講，老老實實唔算吸引，但味道就幾香楊枝甘露味，梳乎厘pancake都夠fluffy，想試下新口味梳乎厘既朋友仔可以一試。

午市時間黎到銅鑼灣覓食，想搵間靚仔少少既餐廳就黎左銅鑼灣二期呢間餐廳，內在裝置好西式好時尚！炭烤澳洲羊架 配紅酒汁 $108只有兩塊既羊架，然後配搭薯菜(紅蘿蔔、薯蓉、豆角)。烤過7成熟既羊架帶有羊既油香味，肉質細嫩，一咬即斷。炭烤紐西蘭頂級牛柳 配 黑松露燒汁 $128牛柳都嫩滑可口，叫左5成熟火喉剛剛好，特別黑松露燒汁特別惹味！午市套餐有跟是日餐湯同埋餐飲，餐湯係味道濃郁而且足料有牛肉有菜既羅宋湯，唔洗加錢既餐飲有咖啡、奶茶、檸茶、檸水。

✨加拿大豬鞍扒$168唔會太乾太鞋仲要有小小肥岩晒我再有啲黑松露配薯蓉佢地真係好襯呀🥹✨龍蝦蝦肉配薯條$168包外好脆身香口再加左沙律醬同明太子成件事同龍蝦好夾仲要好好切開兩件 同fd些牙岩晒✨水牛城雞翼（5隻）$68每一隻都大大隻而且充滿醬汁加上辣辣地夠晒開胃呀😆✨楊枝甘露梳乎厘pancake$88充滿椰子味同芒果成個雪糕都係椰子味同椰子啦 好堅雖然細細粒勝在飯後甜品滿足下個胃仔姐hahaha🤣🤣