Next Station Dessert (已結業)

近幾個月去少左好多甜品店，唔知點解，呢兩個星期，特別想食d甜ya，老早天天朱古力零食一大堆，每夜訓前三個甜筒才睡才捨得罷休。Happy Sunday 今日決定一個人去開心下。已經有好耐無試過一個人去食ya喇！比著以前，自己一個去食飯，一定唔會呀，覺得總是怪怪的。自從失戀的一年，努力在每天日日夜夜拼命習慣過那一個人的生活，每分每秒都在為自己加油，每時每刻都堅強堅持再堅持，於是開展了獨處，獨個人的日子……在這艱難的時光裏，陪着我生存的動力就是每天去食，不論是跟家人，朋友，還是即使只有自己一個，我還是想好好積極的渡過我美好的每一天。縱使將來，我不敢寄望太多，也沒法子重新接受其他人了，但生命，最少還能自娛，開心不開心的每個節日，我選擇了跟食物相處，互相享受。今夜，我選擇了好好的在next station 吃吃甜品，來個小快樂！！無來一段時間，看到已換上新餐牌呢！店員貼心的為我先奉上一杯清水。下班時份，時間尚早，雖然是星期日，一般人還在盡情吃晚飯的同時，這邊廂，我在這裏嚐甜當晚膳。人生如等心太軟，需要耐心等候方可！！！專一無比，從一而終的我，始終還得選擇了我深愛的綠茶心太軟。雖然，這旦糕個子如我

在旺角吃完晚飯，當然要吃甜品！經過看見今天較少人排隊，所以就選擇吃這間。雖然人不多，但我們都等了一會兒才可入座。環境：店面以歐式風格配上木桌，感覺時尚型格，而且座位也尚算舒適。食物質素：整體不錯。佛手柑吉士配草莓分子啫喱本人至愛，味道較清，淡淡的佛手柑味道湧入口中，伴以朱古力條，讓怕酸的客人能中和一下口味。整體微酸，很開胃。但我的友人們反而對這甜品感覺麻麻。栗香紫薯山推介給喜愛紫薯的朋友們！因為它紫薯味實在太rich！很快便被我們一掃清光。黑椒朱古力心太軟 點這個是看看黑椒配朱古力到底是什麼味道？吃入口卻不太感到黑椒味，只有很微微的辣。芒果拿破崙 普通，不過不失啦，芒果有點酸

紫薯窩夫$62紫薯控 叫晒餐所有的紫薯甜品紫薯 ：調味吾夠紫薯雪人濃 可能因為雪人的sweetpotato 份量多 而這個可以再多d窩夫 ：waffle 係我食個陣已經凍左但一樣好食 係幾結實又帶點鬆軟型既waffle 並不是撈多多水個種 有小小的飽肚感朱古力醬 ：要讚一讚chocolatesauce 因為實在太香濃 濃得黎又吾係死甜個種 而係好幼滑個種 真心要落sauce價錢公道

.............推介：紫薯雪山$68👍👍👍👍👍😍 (5分滿分).............會否太可愛❤😍一個可愛的#雪人Do u want to be snowmen?上面係 #雲呢拿#雪糕 ：#vanilla#icecream 好滑身😙甜度適中 配上紫薯岩岩好 吾會搶左味中間係 #紫薯 ：#sweetpotato 味道勁濃😍馬上心心眼 暫時係我咁多間之中最濃的一間 #紫薯控 大愛❤下面係 #蛋白脆餅 ：#脆餅 好脆 就算雪糕溶左都無阻佢脆😂😂 3樣野加埋好balance😙加埋一條長長既#栗子 溶 栗子味勁濃 完全perfectmatch😂價錢公道 大推介❤❤❤❤👍

Next station又出左新甜品😍係大家好愛既紫薯喔💜今次係窩夫夾上紫薯，打開窩夫就見到滿滿既紫薯，紫薯蓉味濃，味道自然的甜😌窩夫偏綿密，吾算好脆😙另可以點上旁邊既焦糖醬增加甜味😋整體味道不錯，但未見驚喜😌明日介紹另一個有驚喜既甜品喔今次食另一樣新出既甜品～焙茶鬆餅😍焙茶醬配上牛油香既鬆餅😌焙茶醬食落有驚喜，茶味香濃，質地有d似雪糕咁😜而且吾太甜岩哂降低罪惡感另外旁邊既金莎朱古力雪糕，入面有脆脆架！食落榛子味濃，但略嫌冰感重左少少

係旺角食完晚飯當然要黎到黑布街食甜品，一直都好想試這間以化學室主題及創意甜品作主打的甜品鋪，店內裝潢時尚，有Bar台和high chair，感覺是年輕人既天地。一早已經被店內其中一個主打甜品--心太軟既賣相吸引著，不得不試！朱古力心太軟配百利甜酒$58心太軟上面放著一支小試管，管內裝著百利甜酒，可以按照自己的口味唧唔同份量，心太軟焗到表面很脆，係出面食唔到的口感，一切開心太軟時，流心效果做得很好，濃郁的朱古力流心和百利甜酒產生了強烈的化學作用，好好味，再配上冰凍既曲奇碎雪糕，口感層次一流，令人一啖接一啖，完全沒有甜膩感，這個心太軟真係無得輸！紫薯窩夫配香草雪糕$62一上桌已香氣噗鼻，窩夫焗到外脆內軟，窩夫唔太甜，紫薯夾在窩夫中間，口感軟綿綿的，配上香草味雪糕和少少餅碎，口感好豐富！食品味道和賣相均做得很出色，深深令我對這家甜品鋪留下深刻印象，店員服務態度很有禮貌和細心，因我們拿左很多紙袋，店員細心地提供了掛袋既工具給我們，值得一讚。

這晚約了友人P聚聚，友人P 愛吃甜品，所以帶她來 Next Station嚐嚐。咦！有新菜單推出呢！看見門外放的巨型餐牌上有新款甜品，還有新品芝士撻！連忙拉了友人進去試試。上次吃了令人難捨的心太軟，這次還有新甜品，真的三心兩意很多都想試。最後P選了店內代表作栗香紫薯山，我對新品芝士撻與紫薯窩夫都躍躍欲試，所以兩款都點了。栗香紫薯山先到。雖是一座小型的雲尼拿雪糕跟紫薯蓉山，但配上透明紅色的糖片造型特別，用長碟子的擺碟顯得像高級甜品般，P說有點捨不得下手。我吃了一口碟邊的小紫薯蓉，軟綿綿的不像預先做好會變硬變乾的感覺，微微的甜跟留在舌上的紫薯香令人感覺很愉快。再加一點雲尼拿雪糕再吃，令紫薯有淡淡的雲尼拿奶香味，感覺層次豐富薯蓉更滑!與此同時紫薯窩夫到了，比相片中的薄一點。咬下去很脆而夾心都是紫薯蓉，不過紫薯山是冷的而這是暖的版本。窩夫本身味道不重，所以配上伴碟的雲尼拿雪糕一流，同時有冷暖脆滑的感覺。P笑說怎麼我們點的都是相近的口味，點的時候都沒發覺。不過一個是幼滑的口味，一個是香脆的，好吃就沒問題啦!只顧伴雪糕，吃到最後才發現沒有用到附上的糖漿跟朱古力漿，簡單的己是最好吃。其實這個窩夫分量

今次已經係我第一次去NEXT STATION食~粟香紫薯山 $65 好多甜品鋪都會用紫薯做食材Next Station都唔例外～濃郁既紫薯蓉配上雲呢拿雪糕個頂再有栗子蓉🍨不過粟子味唔算好出😶️紫薯蓉 栗子蓉 雲呢拿雪糕 3樣野夾埋既感覺都幾特別~Test Tube 2.0 $68 Next Station既Test Tube好出名~起10月尾佢地就轉左入面既味依3枝既味分別係asis(椰子奶凍,菠蘿慕絲)- 就是椰子+菠蘿味 好得意既感覺伯爵紅茶奶凍- 依個係我最中意 伯爵紅茶味好濃 奶凍都算滑特濃朱古力慕絲- 對我黎講朱古力味太濃原本想叫埋芝士撻食但4點已經賣哂嚕 想試既朋友記住早啲去

在眾甜品店當中，未能突圍而出的「Next Station Dessert」。在旺角黑布街有多間有名氣的甜品店，而這間不用排隊，那就抱著一試無妨的心走進去了。我點了一份栗子窩夫，窩夫未能做到外脆內軟的效果，而栗子容算是不錯，整體來講可算為中規中矩的甜品。而同行的表姐就點了香蕉pancake，份量偏小，跟menu上的圖片有出入！香蕉pancake的味道就尚可，沒什麼大驚喜！唯一可說的是沒加一，$49連甜品及52%比利時朱古力/任何咖啡，這價錢在旺角區來講已算親民。但要在這個現實的香港突圍，真的要下點苦功，研究一些特別的甜品！香蕉pancake。栗子窩夫。店名：Next Station Dessert地址：旺角黑布街13號地舖

今次黎到旺角一間甜品店入到黎一望到餐牌就覺得呢間甜品店都幾有創意有培茶心太軟 又有自己發明嘅Test Tube甜品我地三個人就求其揀咗三樣比較特別嘅野試下培茶心太軟 + 金沙朱古力雪糕 $58平時聽過綠茶心太軟 但今次第一次聽培茶心太軟叫咗個黎試下味道係點樣一切開就可以見到啲培茶醬留曬出黎味道都算ok 係會帶陣茶香 但係唔係好重培茶味如果再重啲培茶味會好好多同埋培茶本身唔會太甜所以成個心太軟食完都唔會覺得好濟 呢個幾好栗香紫薯山 $65好有創意同埋好靚嘅甜品以1:1比例嘅紫薯蓉同埋雲呢拿雪糕紫薯蓉真係好重紫薯味不過以紫薯蓉配雪糕黎講 口感會有啲奇怪我會prefer食番銅鑼灣紫薯雪糕多啲呢度另外仲有栗子蓉配合一齊食但栗子蓉反而淡左啲 唔係太重味亦都無散發出好香嘅栗子味 呢個有啲失望 Test Tube $68係由三個Test Tube組成而且店員建議係由顏色最淺食到最深一開始就係 椰子奶凍+菠蘿慕絲整體黎講係比較清甜啲嘅味道可以食到軟綿綿嘅慕絲加啲有咬感嘅奶凍之後到中間嘅 伯爵紅茶奶凍好重Earl Grey味 算係比較清香嘅味道可以綜合番之前嘅椰子甜 同埋少少菠蘿酸味口感方面比起菠蘿慕

黑布街白布街呢度甜品店林立，但next station長期人氣高企，今晚決定排一排隊試下。等左約十分鐘就有枱，安排左最裏面的枱，都幾濶落。餐牌不算太多選擇，但望見啲相好似款款都好正咁，一時間有選擇困難症添。最後點左test tube同心太軟，等食先～Test Tube 2.0，三支裝  有Oasis(椰子奶凍，菠蘿慕絲)，伯爵紅茶奶凍，特濃朱古力慕絲 ($68)先嚐了椰子，味道香滑不太甜，菠蘿微酸不太特出。再試紅茶，上面的泡沫帶咖啡香，奶凍部份重茶味亦重奶味，好似飲緊杯港式奶茶咁，加埋咖啡變成鴛鴦好正喎。淨返嘅朱古力真係超濃朱古力味，朱古力控嘅友人大讚呀！三者中紅茶至得我歡心，但其餘兩款亦唔差的，各有各長處呢。綠茶心太軟配野莓乳酪雪糕($58)友人點嘅心太軟，佢話朱古力味食得多，試下綠茶味。一切開即刻爆漿，嘩，綠茶醬湧出黎，好重綠茶味，蛋糕香軟，配埋甜甜嘅紅豆超正。旁邊嘅野莓乳酪雪糕都好正，酸酸地味道又意外地夾喎。又真係幾正，唔怪得成日有人排隊啦。

士多啤梨甜品，心心係威化，最上面士多啤梨味既泡泡，再黎係雪糕，下面有2層啫喱，一層果味一層奶味。因為咁多層次令味道好豐富，而且唔會好甜好酸絕對食完一啖又一啖。建議再加上微酸既rasebarry source會level up梳乎厘反而普通左啲，同熱情果醬唔係好夾味，同雪糕都係分開食冇特別。test tube2.0係3隻唔同味既奶凍/慕絲用試管裝住黎食，朱古力，earl grey，柚子，係唔錯既選擇。

要測試甜品鋪既功力, 我條金舌頭話我知需要食焗既甜品才能見真章.綠茶心太軟朱古力心太軟就食得多, 綠茶味點都要試試. 建議先食份伴碟冒既野莓乳酪雪糕, 因為酸酸甜甜, 幾開胃架. 在心太軟中間切一刀, 綠茶汁緩緩流出黎, 夾埋少少紅豆一齊食, 簡直絕配. 心太軟外皮又脆脆地, 證明焗既時間掌握得唔錯.熱情果梳乎厘梳乎厘都經常食, 熱情果味真係好似未試過. 呢個梳乎厘未拎到埋黎已經聞到陣熱情果味, 我鍾意佢個TEXTURE, 好似食緊咖啡既泡沫咁, 好香滑柔軟. 熱情果味夠清新, 配合返梳乎厘"輕"既感覺. 如果嫌唔夠甜, 可以點埋芒果醬或者野莓雪糕加加甜.呢兩份要焗既甜品都令我滿意, 因為餐廳掌握到呢兩樣甜品既時間, 讚.

與親友食飯後, 大家決定去吃個甜品在無人反對下就來到Next Station Dessert啦, 她們吃過表示味道不錯呢!一去到店已見人龍, 要花大約十分鐘排排隊姐姐選了芒果窩夫配朱古力雪糕, 熱騰騰的窩夫點上朱古力醬及楓糖醬, 我個人比較喜歡楓糖醬, 當然點雪糕吃更好啦! 窩夫不算很大份, 醬料是用不完的我很頑皮地把餘下的楓糖醬加到店方提供的溫水中, 搖身一變成蜜糖水, 當然味道就一般般啦我點了法式朱古力班戟配青檸雪芭, 還記得當天吃過火爐後才來, 已經有點飽了, 見大家都熱衷於吃甜品, 從眾了。看到青檸雪芭應是酸甜酸甜, 就決定是他了, 可惜選錯了, 因為班戟內有巧克力cream,十分膩, 盡了努力只吃到一件半, 餘下就辛苦別人了班戟皮薄並包住脆脆粒、巧克力cream, cream是幾細滑, 而且脆脆粒下, 有層次的口感。青檸雪芭如同我想般是微酸且清新。只能表示自己看不清圖片的朱古力部份, 如果有文字表達朱古力是cream, 我會選其他甜品除非你/妳在正餐時已預留了一定的空間予甜品, 否則難以next station dessert

個個都話test tube 好食，今次就偏唔食佢。叫左個暖拖肥泡沫。賣相唔算好好睇，一團野咁，不過食落就唔錯。暖拖肥食落好舒服，香香地甜甜地咁，而家入冬凍凍地真係幾正。加埋雲呢拿雪糕，一凍一熱，即刻好醒神。食呢兩樣野既時候記住要食埋條杏仁條，食落會有驚喜。之後下面有d 香蕉片，咖啡jewellery 同bailey 奶凍。平時好少見有bailey 整既甜品，本身有d like 飲酒，所以幾滿意。好酒朋友真係要試下