Oggi (已結業)

上次去完這間餐廳食晚飯後，覺得野食唔錯，坐得又舒服，一直想再來，見今日lunch得閒，就試下上次已經想試的意大利飯。Lunch menu的價錢唔算好貴，係平時天后一般西餐的價格，但仲包埋甜品。我叫左藍青口白酒忌廉汁意大利飯。先上的麵包同湯都係熱的，麵包軟身，配上牛油一流，而是日餐湯係薯仔湯，薯仔味比忌廉味重，飲落好舒服。個意大利飯濕度岩岩好，而飯粒亦都唔會太硬，每啖都食到濃濃的忌廉味，青口有四隻，食落都尚算新鮮。最後上的甜品係類似柚子味的蒟蒻，食落彈牙，而杯熱奶茶亦都唔錯。

星期六諗返個悠閒lunch先再約朋友，經過天后水星街看到有間外型婆為吸引有六田園感覺的餐廳Oggi，自己嘆番個西式lunch。入到去果然冇令我失望，裝修有許多花花草草， 10分relax，音樂柔和，最啱weekend. 本人10分喜愛Pizza, 於是選了他們的Chicken and Poached Egg Pizza，再以阿倫作為前菜。前菜沙律很fresh 賣相又好，感覺10分清新。而主菜Pizza亦與別不同，中間加了流心蛋，個人很喜歡mozzarella，而Pizza的芝士也選用了mozzarella，個人10分喜愛，而且厚厚芝士配以雞肉，簡直是Perfect match。試過今次這次lunch嘅感覺良好，之後希望可以約朋友到此餐廳試下個dinner 再分享

其實餐廳位於天后同炮台山站既交界，但都算易搵，因為招牌係滿滿既綠色草，所以感覺好似條街既小綠洲咁!入面既裝修都係好似草原咁好舒服😊點左個香煎立魚配蕃茄銀魚柳汁set lunch開心下!今日既餐湯係薯仔湯，加埋蛋白成個湯好滑!個包整到和暖微脆，十分細心。主菜上個陣嚇一跳，好大條魚呀~360度展示一下😂😂煎得超香，個邊煎到金黃色!冇骨!超嫩滑既魚肉!好好味!😋😋切開一少塊肉，再加少少蕃茄汁!超開胃同好味!雖然煎魚已經夠香，但茄汁帶出更多魚既鮮味!配菜都好足料!露荀，粟米，薯仔。薯仔係連皮焗個款，非常喜歡，同埋夠腍。餐飲同跟餐甜品一齊上!甜品係柚子蒟蒻!個蒟蒻好冰涼又滑又爽口，可以去走主菜油膩既感覺!❤食到好飽好滿足!非常足料又唔算太貴!所以覺得抵食!🙈🙈見到好多居民，一家大細黎食，應該幾受歡迎下!

香煎立魚配檸檬牛油汁因為箍緊牙嘅關係，啲牙好軟又冇乜力，所以食唔到我最鍾意嘅扒，唯有揀食魚。平時唔係太鍾意食魚嘅我今次覺得好有驚喜！🤩首先佢係煎到條魚兩邊金黃色，又香口又脆卜卜。而且配埋檸檬牛油汁唔會有魚嘅腥味，魚扒仲大過我塊面😂再配埋煎香左嘅迷李薯仔，又飽肚又高質！建議大家食埋啲配菜，因為真係好正🤤燒美國頂級US Prime西冷配紅酒汁同行嘅朋友就叫咗呢塊牛扒，同樣都係好大塊，淨係望到個size已經覺得值回票價🥰扒下面嘅薯蓉又滑又creamy！每個餐都可以跟沙律或者餐湯，前菜仲有兩塊好好食嘅自家製麵包，最後會有飲品同埋甜品，經濟實惠一啲都唔失禮🥳

今日放假約左友人係天后搵食，比我發現左呢間餐廳，於是就入去試下，真係好有驚喜，野食好好味，而家服務員好好禮貌。首先我地叫左個set dinner。入面有個餐包，附帶咪牛油，食落好鬆軟，好好味。個餐跟咪個湯，今日係南瓜湯，好香濃既南瓜味係我口腔道打滾，飲完立即好開胃。於是我地選左什菌意大利飯，賣相都好靚，食落好creamy,好濃烈既cream，真係好好味。再黎就係溫泉蛋pizza,好有創意，中西合璧，我都係第一次試。果然無令我失望。芝士好厚身。正呀。之後叫左個白酒煮青口，食落啖啖既酒香令我如痴如醉，而且青口好新鮮，份量岩岩好。令外叫多左個蛋白檸檬撻，好濃烈既檸檬食落酸酸甜甜咁，都好易入口，食完真係好滿足。個餐跟咪兩杯野飲，我地選左冷凍檸檬茶，真係好爽，而且糖水係自己加，可以自由調教甜度。

話說近排同朋友一齊去左油街影下文青相影到天黑黑又肚仔餓 就一於去炮台山天后一帶覓食下行行下行到水星街依間好有自然氣息嘅餐廳不自覺地就行左入去了入到去之後就更有園野氣息喇餐廳中所有嘅擺設同枱都係木啊草被黎有一種遠離煩囂嘅感覺 可以好好咁放鬆 享受難得嘅安靜首先一坐低職員會送上自家製餐包食落好鬆軟 感覺上有落到胡椒調味 幾好味的另外餐湯係南瓜湯 可以加錢升級做松露湯咁我地就照飲南瓜湯算喇味道唔錯 飲落口係滿口南瓜蓉 好正!之後我地都叫左個白忌廉煮青口哇 一上已經覺得好香 聞到都流哂口水我覺得青口嘅鮮味完全融入左白汁到雖然好邪惡 但我都忍唔住飲哂D汁之後我地點嘅係PIZZA都到左喇我地叫左個溫泉蛋雞肉PIZZAPIZZA底係好薄脆 唔會好厚好乾同埋個蛋係半熟嘅 切開蛋黃流落黎果刻真係好治療主菜方面係黑松露意大利飯黎個飯煮得幾好 唔會太淋又唔會太硬唯一覺得個黑松露味比較少 唔夠出但整體係唔錯嘅最後甜品方面我地叫左個蛋白檸檬批賣相好靚打卡一流但係個檸檬醬太酸喇!食到變左米字樣!!!

早前放工係水星街見到間招牌好靚既OGGI, catch到我目光之後再見到門面既menu, 價錢係天后黎講唔算貴啦, 就諗住搵日黎試下, 今日就黎左依度食lunch餐廳裝修比人感覺好舒適, 牆上鋪滿花花草草, 再播住輕柔既音樂, 成個感覺既清新又relax。星期6都有lunchset甘荀忌廉湯顏色靚, 湯既稠度剛好唔太杰唔太稀, 不錯。另外配有果麥麵包同埋鮮牛油, 要讚下個鮮牛油, 應該係自家製十分香滑香煎龍脷柳配香檳忌廉汁龍脷柳好大塊, 煎得岩岩好外皮有少少焦香, 魚肉卻非常滑嫰配菜有蘆筍, 薯仔同埋粟米仔, 依堆配菜只係審左黑椒同鹽, 已經好夠味, 其中薯仔特別好味, 帶皮煎至微焦, 薯味好香最後叫埋餐飲熱咖啡, 配埋是日甜品Browie, 簡直係幫我個lunch一個完美作結由餐湯至主菜到甜品都有番一定質素, 加上餐廳環境大自然風感覺悠閒, 黎依度同朋友食下野傾下計係一個好好既選擇

天后水星街有不少食肆，Oggi 風格最為突出，招牌以綠色草牆托底，感覺很清新。餐廳裝潢富歐陸情調，簡單而高雅，感覺舒適，大型草牆令餐廳增添了不少大自然色彩，洋溢著清新氣息，中午繁忙時段過後，餐廳更覺寧靜悠閒。Set Lunch選擇頗多，點了充滿意大利風味的Margherita Pizza，配煙三文魚沙律意大利油醋汁、甜品和咖啡$98元，Pizza餡料包括水牛芝士、番茄、意大利青醬茄汁，餅皮酥脆，香草清香，淡淡芝士香味，配上新鮮番茄，好美味。香煎龍脷柳配香檳忌廉汁，配是日餐湯、甜品和荼$108，龍脷柳肉鮮甜，魚香味十足，配香檳忌廉汁，更加滋味，伴菜蘆筍和薯仔同樣出色，雖然略咸了一點，但鮮味不減。薯仔湯，非常幼滑，香甜美味，水準高於一般跟餐例湯。沙律顏色豐富，賣相靚，蔬菜和蕃茄都十分新鮮，三文魚肉質鮮嫩。跟餐甜品是柚子蒟蒻果凍，很多柚子，清甜冷凍，做飯後甜品一流！

今日同老婆去天后食晚飯，6:00去到餐廳唔使排隊可以直入。晚餐有set dinner, 跟是日餐湯同埋一杯野飲。是日餐湯係南瓜湯好好味好creamy,最鍾意飲啲creamy嘅湯. 主菜我哋就揀咗一個雞肉溫泉蛋薄餅同埋卡幫你扁意粉。Pizza好正係薄底，材料十足。第一次食溫泉蛋薄餅，整爛隻溫泉蛋之後鋪滿晒成塊Pizza味道唔錯！carbonara 亦都好唔錯好多煙肉，意粉上面又係有一隻溫泉蛋。最後餐飲叫咗一杯熱檸檬水同埋一杯凍檸茶

星期日喺天后做完瑜珈🧘🏼♀，約左個喺附近既朋友lunch，佢提議去水星街食呢間Oggi，一睇門面都好靚，好啱兩個lady食brunch🤩店舖入面細細，大約15張2人枱左右，但係個田原風🖼都幾吸睛，最啱weekend黎食野。Lunch menu既選擇都有唔少，由88到168都有，豐儉由人。🌝我就揀左個Chicken and Pouched Egg Pizza🍕，朋友就揀左魚🐟跟餐仲有沙津/湯再加餐飲同甜品，一次過滿足哂你3個願望呀🥳😂先黎左沙津，比起一般食既跟餐沙津🥗都幾有心思，賣相好靚，夏天加兩塊蜜桃🍑無論係賣相定味道都一定加左分，冇咁齋! 其實餐湯係薯仔湯🍲都有D想試下，不過而家太熱啦，飲唔到湯。Pizza🍕係用crispy paste做底，女士們最啱，因為唔會太飽又夠香脆! 而且佢好在唔會烤到太燶，餡料份量適中，芝士🧀同paste既比例好，又唔會太濃味，撈埋隻溫泉蛋🥚都幾好食!煎龍脷柳🐟賣相都好好，就咁睇好在佢唔係好油淋淋咁，又有唔少薯仔🥔同蘆筍做side! 個魚煎得剛好唔會過熟，有汁又有鮮味，配個淡芥末醬唔錯，點唔點個魚肉都好食。蘆筍🥒都係值得一讚既配菜，夠翠綠又冇渣，有口感得黎

星期六晚去天后食飯，一路由天后站行到水星街，見到呢間裝修幾有心思既西餐廳，有晚市套餐，價錢唔貴，就決定係呢度解決晚餐。呢度餐牌真係超多選擇，研究左一陣我要左一份魚，加錢轉龍蝦湯。首先黎左個餐包。一路聽住歐美流行曲，一路嘆住個軟綿綿既餐包。龍蝦湯係用一隻杯裝著，另外上一隻裝著龍蝦肉同忌廉既碗，自己一倒就見到呢個驚人既效果！啲忌廉散開係湯入面。個湯飲落好濃龍蝦味，唔會太鹹，呈深啡色，睇得出係用超足料去打呢個湯。呢度晚市套餐跟普通餐茶，雖然茶包茶係一樣價錢，但都無得用原價叫。咁我就揀左熱檸水。等多10分鐘左右就上主菜。我最愛既石斑魚。伴碟係一啲迷你蘆筍、粟米仔、薯仔。薯仔用牛油煎香，入口超creamy。至於主角石斑魚，煎完之後香氣四溢，脆脆既魚皮下，係一層層滑溜既魚肉，一片片非常分明。魚肉好嫩，入口超有魚味，唯一可惜係調味方面鹽就落得多左少少。天后真係美食多籮籮，而且好多外籍人士添。

在炮台山康澤花園探望一位老朋友，上門寒暄一番後，也到了晚飯的時間，朋友一早訂好了位，說今晚可以盡情閒聊逸致。往天后方向，位處天后與炮台山交界處，不由友人帶路，興許不會無意路過，落腳點略不顯眼。週末晚間7點，店內座位不多，目測大概30來位，店雖小，仍整齊有序，兩側牆裝飾不一，櫃檯上有蝴蝶蘭，心想能有此養花之心者，必細心體貼。櫃檯後面還有個吊櫃，陳列了很多紅酒餐酒，想必店家除了買酒，也應該是個好酒之人，正所謂琳瑯滿目。餐單倒是很簡單，沒有帶圖片，中英對照，以扒類和義大利麵飯為主，還有套餐可供選擇。價格中肯，不知味道如何。不過朋友說她已是常客了，大可放心食用。店裡的侍應小妹妹們都很禮貌，常帶微笑，「你好」和「謝謝」常跟隨，下單也很仔細，還會耐心給你覆單，非常可愛。點完餐後，小妹妹先給我們來了一份餐前包點——牛油西多，搽上牛油，香脆可口。聽說餐湯加25元可以轉龍蝦湯，不過聽到煲湯是番茄濃湯的時候，覺得沒必要換了。果不其然，番茄味很濃，感覺是新鮮蕃茄幾經熬製，每一口都喝到蕃茄的鮮美。先來黑椒牛柳粒，份量不少，可能是因為用了黑椒汁烹調，味道幾近中式，肉質被鎖了，外層濃濃黑椒味，黏膩度高，裡面還有香

天后呢間西餐廳🍴唔算好大 兩排坐位入到去一眼睇哂🙈不過勝在食物種類多🤩有沙律、意粉、意大利飯同扒餐價錢幾抵👍🏻性價比高啊.每款Dinner Set都有軟淋淋既法包🥖同餐湯雖然係跟餐 但薯仔忌廉湯既質素唔錯😌有粒粒既薯仔蓉 幾有口感主菜方面 有我鐘意食既比目魚🐟比目魚外皮煎得好香 而且脆脆地🤤魚有少少油脂 令到肉質哂夠嫩滑😻而且一啲腥味都冇 旁邊有小小雲尼拿汁 甜甜地 沾小小食會更加creamy☺️值得一讚既係配菜配菜有粟米仔加咗香草🌿癖咗陣青草味薯仔🥔烤過之後個皮好脆🤩.呢間細細間既西餐廳🍴每款主菜都好細緻值得一試啊😋

今晚屋企冇飯開，所以自己一個去左這間小店解決我的晚餐。基本上餐牌係有大量選擇的，我自己就揀左有廚師推薦的藍青口白酒忌廉汁扁意粉。一開始會俾一份麵包配牛油同是日餐湯（南瓜湯）。麵包係岩岩拱的，所以仲係熱身，南瓜湯就冇落忌廉的，所以只係靠南瓜的味道，但我飲落非常香，所以餐廳應該用左大量南瓜去煲個湯。主食方面，扁意粉好有咬口，忌廉汁味好濃，食落相對黏身，所以每啖味道都好濃。不過白酒味就唔出的。青口亦都唔腥，亦有足夠的海鮮味。最後我仲叫左一個檸檬蛋白撻，食落唔算太甜，檸檬偏酸，不過夾埋雪糕好好食。

Had dinner here on a Friday night. Really like the cosy vibe here, and service is good as well. The waitresses were attentive to my needs, and were meticulous. Pleasantly surprised by the truffle soup. Their bacon pasta was pretty good too, since it’s rare to find this style in HK.