Operetta (已結業)

位於金鐘的Operetta，是一間高級意大利西餐廳。今天下班後，來到媽媽工作附近吃晩餐。餐廳呈現意式風情，服務員大多是外國人士，英語是主要的溝通語言哦。Smoked Salmon Tar Tar $140先點一客前菜，三文魚他他。三文魚切成粒狀，鮮橙粉紅，肉質腍嫩，口感鮮軟，拌以鵪鶉蛋，整體更濕潤油滑，加入三文魚籽更加鮮濃香甜。Spaghetti carbonara$160至從做了吃貨，我最喜歡的意粉是卡邦尼意粉。濃濃稠稠的卡邦尼，奶香蛋重，是令人一嚐再嚐的美食哦。Operetta提供的卡邦尼，採用有機雞蛋，蛋黃色澤深，醬汁呈現漂亮的濃郁蛋黃色，濃稠密厚，把意粉緊緊包著。意粉屬硬身的傳統意大利口感，煙靭硬彈，調味略咸，但也很好吃。Pizza Margarita$150最傳統的披薩，必定是瑪格麗塔披薩。紅綠色的披薩，色澤吸引，披底薄脆，邊位烤焦，聞到濃濃的麵粉香氣，令人食指大動。包身煙靭，麵團發得岩岩好，氣泡充足，包控大滿足。紅色的蕃茄醬甜酸適中，濃郁新鮮，白色的Mozzarella Cheese鹹香煙靭，加上綠色九層塔，一人KO一份也不過份呢

少有岀金鐘食飯，總感覺價格不斐！但今次食呢間又可以價錢係我可接受範圍內Pappardelle Lamb Ragout$180推介！羊肉寬條麵，每條都帶有肉汁，又唔腥！必食！燒春雞 半隻$190半份量比較少，肉汁不多，但都鮮嫩。配菜黃椒反而出色。Pizza Bismark $190有mozzarella,蕃茄醬， 鵪鶉蛋，parma ham。薄餅好脆，鵪鶉蛋不會油膩，好足料。Fraught Leffe Blond 6.6% $7050cl, 係比利時的abbey Blond beer ，酒味香濃，不是黑啤，但麥味好重。

有日經過PP，見到呢間個樣好靚的餐廳決定入去試一下見到個MENU其實我地都唔知叫咩食好佢地宜家做緊個白松露promotion, 真係好香好好聞不過之後問個waitress, 佢話第一次食佢又唔建議我地食呢D咁重味GE野即刻覺得呢間野好好，唔係硬推一定要食貴野佢介紹左兩款比較classic 的意粉比我地因為唔食羊所以揀左lobster...餐廳好細心，知我地share, 佢就分開兩碟上比我地之後其實我地都唔知食乜好餐廳就介紹我地食青口佢呢到D青口係細細隻的，但佢都係啖啖肉好嫩口幾好味，其實份量都好多最後其實我黎的主因係想食甜品果然呢到的甜品無令我失望叫左個Tiramisu, 佢配上一個hazunut sorbet好好味，cream 的比例係好多但唔會覺得好油好漏的⋯⋯唔夠三分鐘我地就已經食晒呢間餐廳真係好唔錯！！下次想試佢地brunch, 好似好靚咁

飲食版圖開始擴闊，並伸延至金鐘。同朋友食好「西」，好「西」通常都會0係外國人聚集的地方，所以今次我哋去到太古廣場。Operetta在太古廣場中係中價位的食店，主打正宗意大利菜，所以不乏外國人幫襯。內裡裝潢都幾華麗，但有少少vintage的風格。餐牌全英文，上面亦有唔少菜式係傳統意大利菜，都係我哋冇見過的。好彩佢有列明ingredients，英文亦難唔到我。落單後，店員先送上麵包籃，內容都幾豐富，有好幾種唔同質感的麵包。其實幾款都幾好食，但當中我比較鍾意呢款。佢將麵包的表皮切成一塊塊，按扁再炸脆，就好似薯片咁。Appetizer揀咗一個鮮蜆肉，番茄醬、蒜蓉、洋蔥等等的配料成功咁帶出咗蜆肉的鮮味，好滋味。呢個和牛意大利雲吞令到我哋對餐廳加左唔少分數。首先係佢哋的誠意，佢知道我哋兩個人share，特登幫我地分成兩份。每一份都有大概八件，件件都係一絲不苟的正方形。咬開後，可以見到豐富的餡料如和牛肉碎、青豆、芝士等等。整體配合得好好，豐富得來恰到好處；質感Creamy得來唔會太膩。呢個豬腩仔肉亦好出色，首先擺碟已經好靚，令人眼前一亮。再者，經過慢煮而成的豬腩仔，每一件肉質都好嫩，而且層次好分明。

Operetta位於金鐘太古廣場的餐廳，格調高雅，地方寬敞舒適。侍應招呼周到，非常友善及有禮。餐牌有很多選擇，頭盤小食、海鮮、薄餅、意粉、飯類、各式肉類及扒，花多眼亂，侍應非常樂意及有耐性地介紹適合客人的食物，還會因應客人的需要作不同配搭，值得一讚!小食賣相精緻，類似茄子千層，一層層軟軟林林的茄子、香味濃郁的芝士，美味清新，非常配合，口感一流!薄餅有分Pizza或Calzone兩種，而我們又想清清地試菇菌類既Pizza，侍應很主動提議幫我們由Calzone Funghi轉做Pizza，非常配合食客需要。薄餅賣相吸引，好多雜菌舖滿滿整個Pizza，芝士配菇菌，非常清新味美。另外點了和牛肉醬闊面，牛肉牛味濃郁，番茄醬汁跟闊面非常配合，食落開胃，份量亦適合二人分享，值得推介。甜品是朱古力疏乎尼配雲呢拿雪糕，朱古力疏乎尼外脆內軟，流出濃濃朱古力香，滿足晒!

中秋佳節，當然要食一頓美味的晚餐。這次我們去品嚐意大利菜。點菜後侍應為我們送上麵包，麵包籃裡共有三款包，其中一款是脆片。包可以沾醋及橄欖油，我們點了前菜-煙三文魚他他，可以用來配麵包一起吃。煙三文魚很肥美，將蛋及煙三文魚混合才吃，味道會更加濃郁、美味。原隻燒春雞，餐牌寫着它叫 spring chicken "diavola"。Diavola 是意大利文，有惡魔的意思；餐牌寫着材料包括chilli，我還以為是一道火辣的菜餚，但原來這道菜不是辣的。我會錯意了，我想餐牌所指的是甜椒吧！燒甜椒、矮瓜及青瓜雖然是配菜，但沾滿了醬汁，非常美味。春雞肉質嫩滑，多汁，十分出色。Tono pizza上堆滿了芝麻菜，平常我不太喜歡芝麻菜的味道，我覺得苦味重。但這裡的芝麻菜不會很苦澀，配上蛋黃醬、芝士、吞拿魚，苦味不明顯。餅底脆卜卜，是剛剛烤好的，沒有多餘的油份。我覺得這個餅底配任何的餡料都會好味，薄薄的餅底細滑、香脆，而且不會油膩。這天晚餐到這裡結束，沒有甜品，因為我們已在家中準備了月餅及水果。中秋還是要早點回家，跟家人聚首一堂！

嚟到金鐘，見到呢一間比較新嘅意大利餐廳，睇落門面唔錯，七點幾餐廳差唔多滿座，就同朋友入去試吓！餐廳食物價錢合理。食物選擇足夠。職員首先送上熱辣辣嘅麵包，入面有三四款選擇，我食咗一塊薄脆片同原味法包，麵粉味好香又有𡁻口！夠鬆軟！首先嚟咗一個頭盤，呢個鴨肝上邊有少少柚子汁，食落甜甜酸酸好開胃，原來用柚子汁都咁夾，鴨肝油脂豐富入口即溶。Pizza 要左calzone provolone，餅底翻開之後入邊有茄汁芝士火腿，係意大利傳統嘅一個薄餅，外脆內軟。職員切開嘅時候陣陣香氣撲出！麵粉味道好香好煙韌！龍蝦意粉，意粉夠Al dente, 配上茄汁底份外開胃，一邊有大量龍蝦肉，好甜！響PP估唔到能夠搵到一間餐廳價錢咁平，但咁高質素！下次再帶其他同事來試吓其他食物！

作為一個新界人，平時真係好少過海！今次去金鐘見完客之後好肚餓所以就索性喺到醫肚啦！見呢間餐廳人頭湧湧咁，而且仲有好多鬼佬嚟食，心諗應該OK啦，所以就入去試吓啦餐廳環境唔錯，侍應仍都好友善，整體唔錯！餐包一共有三款，各有特色！如果覺得齋食寡，旁邊仲有橄欖油比你沾，食落層次更豐富！之前係英國試過呢種Calzone之後，覺得好特別！平時係香港比較少見，今次見到有，所以就叫嚟再回味吓呢款係Calzone Provolone $190 ，個樣似一個巨型餃子，貌相有趣。而入面就有芝士，火腿等等，食落口感豐富！如果食厭咗普通Pizza，叫呢款Calzone 試吓都唔錯另外呢個係Linguine Vongole $230，意粉軟硬度適中，唔會太淋，食落有硬口，係我鍾意嘅口感配埋蝦、蜆等配料，呢個配搭都唔會輸㗎啦最後我地仲叫埋甜品添，聽侍應講佢地嘅Lemon Tart 最多人點，所以一於跟大隊，試吓食落檸檬味道清新，唔會酸，配埋雪糕一齊食！！真係唔怪得咁多人叫成餐飯由裝修、服務到食物，感覺都好好！如果再有機會過海，嚟呢到食飯都係一個唔錯嘅選擇👍🏻

好少黎pacific place食野，今晚剛好有朋友o係附近，提議黎呢間意大利菜。餐廳座位好寬敞，野食都係pizza pasta果d. 我地點左份南瓜意大利雲吞，pizza bismark同smoked salmon tartare.Smoked salmon tartare以前菜黎講份量都唔少，煙三文魚好香，撈埋蛋食幾正。而南瓜意大利雲吞就不過不失，南瓜味唔夠突出，雲吞餡亦偏少。呢個pizza bismark就好好味！好多塊富咸香既parma ham, pizza上面有一片片薯仔幾特別，芝士都夠多，個底香脆，係做得唔錯既pizza.最後點左份甜品tiramisu 好surprise, 首先賣相已經好令，mascarpone cheese好軟滑，底下有coffee finger, almond同 limoncello jelly, 成個配答好好味，而且都好大份，2個人share剛好飲品點左2杯mocktail都幾好飲而且賣相有誠意。整體呢度既pizza同tiramisu 都值得一試，價錢亦唔算太貴

三天國慶假期剛開始，食指不可能不大動，周六早上傍沱大雨正好找得著機會懶睡，中午過後太陽卻又出來了，正好起來到外走走，好一陣子沒有到太古廣場，發現 AMC 戲院附近的美式餐廳換了新貎，現在是家意大利餐店。 門面開揚寬敞，高身餐桌上放了紅酒、風乾火腿及芝士，如雞尾酒試食會，給予客人 causal & welcoming 的感覺。 簡約富活力的佈置，廚房做了個玻璃大窗，開放式的感覺，我們的坐在寬闊的卡位。 據說是 CIAK 的姊妹店，由米芝連一星級大廚 Chef Luca 掌管，未嚐已有信心。 我對意麵最有興趣，於是選擇了 Degustazione，$480/客包括三款意麵，另外生牛肉前菜一份。餐前麵包    2.5/5 先送來的餐前麵包，只有兩款，一款類似 Focaccia ，另一款是脆餅，記憶中與太古CIAK相同，但水準有所不及。 麵包不夠油潤，一來並非加進橄欖或番茄的款式，亦無期望中的軟熟，而且已涼了變硬，大打折扣，後來我們追加一份，就比較暖一點，始終未能滿意。 Chef Luca Beef Carpaccio    3.5/5 一般以自己名字為名的菜式皆是得意之作，賣相果然與

一講起金鐘 pacific place，大家都會覺得喺度食飯好貴，但呢間喺PP入面嘅意大利餐廳Operetta係性價比超高！Sunday Brunch超超超抵食，$208就可以仼食頭盤同甜品，亦可另加$130加man course。我地兩個人只係加佐一客main course share。主菜 「玫瑰牛柳」，係意大利北部嘅名菜，牛柳非常嫩滑，肉味香濃帶有酒香，非常出色！強烈推薦一試!不過如果唔加主菜，一樣豐富，因為岀面antipasti嗰度都已經有唔少熟食，例如千層麵、乳豬、肉丸、焗茄子，絕對夠飽.。 冷盤仲有凍蝦、Parma ham、意式肉腸、salami、煙三文魚、海鮮沙律、水牛芝士蕃茄沙律caprese 、藜麥沙律、意粉沙律、巴馬臣芝士粒三文治等。食過幾間semi lunch buffet，Parma ham 都好一般般，但呢度嘅Parma ham有油香，配哈蜜瓜冇得輸。煙三文魚都煙燻得啱啱好，唔會太鹹。凍蝦都非常新鮮。甜品款式唔算特別多，但勝在每一樣都十分高質！呢個時候真係特別嬲自己個胃唔夠大呀，樣樣都好好食，好想食多幾轉，可惜頭盤食咗太多，食咗一round已經飽到不行! 甜品

終於捱到月尾 又係出糧大日子 辛苦左成個月 緊係要對自己好啲啦同男人黎呢間意大利餐廳撐下枱腳先餐廳地方好大 坐得好舒服 傾計一流喜歡嘅重可以飲返兩杯坐底無耐 店員就送上意式麵包作小食 我地㨂左operetta salad 醒醒胃先非常爽甜嘅羅馬菜 配上少許沙律醬蘑菇 蘿白絲同芝士 重有脆脆煙肉 多種口感主菜來了 叫左半隻燒春雞 肉質非常嫩滑雞嘅外層烤得帶點香脆 配上醬汁 十分惹味配菜亦做得一絲不苟 大大塊嘅紅黃椒重有青瓜同茄子 顏色令人十分開胃重有芝士火腿薄餅 大量嘅煙火腿+芝士 酸酸嘅茄醬 配上外脆嘅薄餅 好好味

金鐘太古廣場其實是一個拍拖好地方，有商店、食肆、戲院等，更直通地鐵站及公園，下班人潮過後感覺更悠閒，逛得自由自在。是晚就於此看戲後找吃的，在附近看到這間西餐廳有點氣派、價錢又不太貴便決定內進。職員先送來三款餐包，但都比較乾身，而且沒有附上牛油、黑醋或橄欖油，我在懷疑是否這才算是正宗意大利食法。《Scallops "saltimbocca" $170》（Parma ham, vegetable "Scafata", fresh cheese foam and Sage Gravy）。 大大粒的帶子7成熟左右，但被巴馬火腿的咸香蓋過了本身的鮮甜，口感還是不錯。而碟上的泡沫是由芝士打成，令整體有視覺效果外，更添香口。《Parma Ham and Silician melon $150 》巴馬火腿份量多，帶咸香而脂肪少，很適合我的口味，但相反地（奇怪地）哈蜜瓜件數較少，但幸好很夠甜。《Spring chicken "diavola" $170(half)》半隻春雞其實只有一隻雞脾的大小，所以其實點一隻也不會多。春雞皮脆肉嫩，底下有燒茄子三色椒等蔬菜，配上碟上的醬汁更提味。《Calzone pi

餐廳好靚！waiters waitress都好型好高級感覺。每台都有新鮮bread. 外脆內軟，olive oil 嘅bottle 超靚！個個唔同。好有特色。叫左個traditional soup. 佢會幫你分好2碗share. 個菜湯味道比較普通......冇乜特別！魚子pasta. 鮮味好鮮！成個意粉個味真係好出色，好濃！小小spicy 味！好野味，好出色....係我真係食唔慣硬到咁嘅意粉😅食左咁咁咁多西餐嘅我！今日真係最硬嘅一次veal, 牛仔肉，慢煮到d肉完全淋曬！肉味濃！茄汁好出免。酸甜控制一流。最正係佢嘅骨髓！嘩！香濃到爆真係my favourite, risotto 係配個牛嘅....um....都係硬到一個點😅暖暖嘅cheese tart! 好好食，cheese 味濃，旁邊嘅strawberry 汁，都好野味！成個甜品一流好開心，佢地因為見到我係🤰🏻，比左個cushion 我放係腰後！貼心到一個令人唔會忘記嘅點呀！

星期日放假，與家人同遊香港公園郊遊，未去郊遊前先食點東西。到達金鍾搵東西吃。發現有一意大利餐廳，一於一試。ＭＥＵＮ十分有趣。一張地圖樣的，如果不細心點也不怕，因為店員會好好的耐心講解。自助餐區 Antipasti 有熱食一樣有冷盤，又有可以自己加不同沙律醬同配料 DIY 的自家制羅馬生菜沙律、另外重有凍蝦、意式肉腸、帕爾馬火腿、莎樂美腸、三文魚沙律、水牛芝士蕃茄沙律、海鮮沙律、藜麥沙律、意粉沙律、已切成小粒的巴馬臣芝士、火腿橄欖三文治，超多不同種類既食物。熱盤方面，其實選擇不多，只得幾款，包括有茄醬肉丸、薯仔蓉、千層麵、烤茄子、乳豬及薯仔湯。不得不說，千層麵口感出色，內含多種意大利粉，層次分明。甜品方面，亦非常吸引，有伯爵茶焦糖燉蛋、芒果奶凍、ＴＩＲＡＭＩＳＵ、雲呢拿栗子慕絲蛋糕、 Milk Chocolate Mousse、Pistachio Pabana Cake、檸檬蛋白批，另外亦有大人小朋友最愛的棉花糖。至於飲品方面，有 Fruit Punch，味道較甜。還有草莓沙冰和檸檬沙冰。最重要的是沙冰完全自家制，天然好味。最後還點了一個ｍａｉｎ　ｃｏｕｒｓｅ，Beef Filet "R