Orange Elephant Thai Restaurant (和富) (已結業)

好耐無食泰國菜啦～今晚約左同事去北角，一齊食Orange Elephant Thai Restaurant，之前食過幾次，水準都好高，印象唔錯。好鍾意佢既環境夠寬敞，圓形卡位設計好特別，坐得又舒服。一星期七日都有唔同$1優惠菜式，揀岩今日星期一就有泰式明爐烏頭魚，$1就食到啦！真係超值！其他日子分別有泰式香茅炸豬扒、酸辣去骨鳳爪沙津、飛天通菜、泰式炸蝦餅、各式細支裝啤酒同黃咖哩雞。泰式明爐烏頭魚熬辣辣原條魚明爐上勁吸引，濃郁湯汁加入青檸、香茅、香菇等，味道酸酸辣辣，愈食愈開胃。烏頭魚肉多骨少，方便食用，魚肉肉厚鮮美唔會有泥味！泰式滷水豬脾焗粉絲煲滷水豬脾爽口彈滑好入味，粉絲吸滿濃醇醬汁特別滋味。泰式海南雞雞件夠滑夠嫩，完全唔會柴口，去哂骨啖啖肉好JUICY，勁滿足～配埋酸醬同泰式辣椒醬更惹味。同同事各點一個椰青同龍眼冰，甜度適中，解渴一流，好正~@orangeelephanthk#正宗泰國菜 #明爐烏頭 #黃香茅炸豬扒 #鳳爪沙律 #飛天通菜 #炸蝦餅 #黃咖喱雞 #椰青焗海鮮飯 #柚子蝦沙律

今日同朋友又去左北角和富橙象，好耐之前已經食過喇，坐得舒服唔迫，野食好味，都抵食。最抵當然係全日既$1 優惠，我地叫左泰式炸蝦餅（三件），平時正價都一定會食，今次$1就食得更開心。泰式海南雞半隻 $118，雞好滑，連雞胸肉都好滑，好味道。經店員介紹，我地叫左香料燒焗鰂魚 $165，果然無介紹錯，等左好耐，寶物沉歸底，傳來陣陣香茅的味道，魚皮已焗到脆卜卜，打開見到熱辣辣的煙，正！魚肉點泰式汁，好配！好快就食晒喇！食完仲係有煙出！飲品叫左特選椰青 $42，好大個超多椰青水，凍冰冰，椰肉都好好味。另外龍眼冰 $28，就比較淡！

-Seafood bread cube curryVery cute curryThe bread cube is spongy , moist and crispy at the outsideNice to dip it into those warm and soothing curryIt’s also very good for people who can’t eat spicy Inside you can find fish squid and so many other seafoodWhich can fulfill your greedy needs-fresh coconutCredit to this huge size coconutWith flesh that can peel off to let you pair with the drinkThe coconut is fresh Not over sweet And slightly icy Very soothing for your throat

Orange Elephant Thai Restaurant (北角).呢間係價錢比較親和嘅泰菜，每日都會有$1菜式做promote，基本上每一檯都會叫🤣. 🔹咖喱海鮮脆包盅🔹.我見到好多人推介呢個，咖喱偏淡左少少，但入面都有幾多海鮮，青口兩隻，龍脷柳魚塊等，最喜歡係個包外皮少脆入面鬆軟再索埋咖喱汁.🔹焗大蝦粉絲煲🔹.大蝦有兩大隻，兩隻開半，但肉質未算係超夾實，但粉絲幾入味，而且好大煲.🔹星期四$1菜式飛天通菜🔹.今日嘅特價菜係通菜真係好♪(´ε｀ )因為食泰國野都必叫通菜，加$1就有真係勁抵，而且通菜爽又入味飲品揀食泰國野嘅椰青！大個又清甜♪(´ε｀ )————————————————-環境：⭐️⭐️⭐️⭐味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 Orange Elephant Thai Restaurant (北角)北角和富道21-53號和富中心地下G18B號舖

預先叫外賣自取就係想係自己預計好嘅時間到領取到外賣，但去到員工只係問咗係經邊度落單就走咗去，完全冇任何交代，由得我就咁企喺門口，冇任何員工再嚟過協助。我以為佢係去拎個外賣俾我，點知等極都冇嘅情況底下，我終於忍唔住捉到一個問我個外賣到底拎咗去邊，佢先遠遠地一邊急速走開一邊話炒緊㗎喇。咁即係我到達嘅時候佢先幫我去落單做🙃🙃🙃🙃🙃🙃。到佢終於俾到外賣我，我同佢講咁我唔洗叫外賣自取啦我嚟到先落單。佢一臉臭臉俾個後尾枕我就算，唔好意思都冇聲。真係漏咗單係咪都應該同人講 唔好意思呀，宜家先炒俾你。 而唔係要人唔知等乜咁企喺度？仲要態度差到爆。永不錄用

咖喱海鮮農夫包雖然叫左走辣最尾都加左辣油，都遮唔住本身咖啡既耶香🤤。海鮮都好多料，有兩隻大青口，有好似炸魚既東西，仲有墨魚。面包到果陣仲有少少脆，一定要大量咖哩汁索落去，好快就食到碟好似洗過咁乾淨🤣泰式小食拼盤小食有四款，超彈牙炸蝦餅，香料豐盛既魚餅，香口泰式炸春卷，同埋荷葉包雞。每樣都有4件。多人食既朋友一定要搶左蝦餅先，超正！星期一 一蚊明爐烏頭唔理邊日去食都一定會叫一蚊餸。呢條明爈魚就咁睇價錢就係七日性價最高！肉碎香料雜菇都好多，魚唔會話好梅。只係要小心細骨。椰青 鹹檸七

叫了一共四个菜，两杯饮品，每隔15分钟上一个菜，等到最后两个主食还没有上，问了一下原来连单都没有入进去，手机点单真的很大bug，连旁边的客人都说上次漏了，问了服务员，理由是卡纸，一餐吃了一个小时二十几分钟再晚点上我就饿死了，不过马拉盏肥牛炒饭味道不错，

第一次食橙象仲好記得係漂頭染髮整頭整咗好多粒鐘 叫咗佢個金邊粉個日覺得都幾好食 然後發現佢分店原來時時都有$1菜 星期一至日都有一款唔同既優惠菜 酸辣去骨鳳爪沙律 原本70幾蚊今日星期三只係一蚊 夏日炎炎食真係好爽 醬汁酸甜辣辣地 鳳爪夠彈夠爽口 正 同朋友食泰菜兩個好適合叫佢既泰式拼盤 有四款八件小食 有蝦餅 春卷 魚餅同香葉包飯 各兩件 件件都熱辣辣 即炸好香口 點埋泰式辣醬 甜甜地好味道 小食就算攤凉咗都keep到唔會話凍咗就好難食咁 真心推介 另外叫咗兩個椰青 都好大隻 不過好快就飲哂裡面既椰青水 叫小食食炸嘢多嚟到建議飲佢既沙冰特飲 更加透心涼 朋友當晚話想食咖喱海鮮脆包 呢個真係要趁熱食 個包要盡快食 如果唔係就預咗入口會相對淋 不過個包沾滿咖喱都幾惹味 裡面亦有唔少海鮮 都okay 北角分店既座位坐得特別舒服 好適合同朋友無見好耐嚟

泰式燒雞確實失望。雞皮香脆肉質嫩滑。配搭泰式辣醬帶點酸甜味！焗大蝦粉絲煲，粉絲本身滋味鮮甜，亦相當入味，尤其喺那個陣濃郁的蒜蓉，每條粉絲吸飽湯汁蒜蓉！鮮蝦鮮甜惹味，實為粉絲嘅最佳配搭！1蚊菜式每日都唔同，今次我地就走運，以超抵價試到香矛豬扒。豬扒既香甜，肉質也鬆軟，均衡的脂肪分佈，師傅煎扒嘅廚藝好好，食落冇咁乾身，空氣中洋溢住一陣肉香！炎炎夏日，芒果當造嘅季節特别適合黎返杯芒果冰特飲，消消暑，降降溫。餐廳用料好足，將一個又一個黃澄澄嘅芒果攪拌，飲落芒果味更為香甜濃郁，芒果相當鮮甜，帶點清爽酸甜嘅果漾滋味，估唔到嘅喺餐廳旁邊就喺專食芒果的甜品鋪，下次一定要黎試吓啲甜品！凍泰式奶茶個茶底弄得好，奶茶先會香濃出色。餐廳就正正做到呢一點，covid下都可以有去泰國嘅感覺。

行開北角，因為好耐冇食泰菜啦，所以朋友一直想搵一間泰國菜，dinner time嘅時候一齊食，見到佢哋呢度menu上有一蚊嘅超值優惠，仲要係最愛嘅泰式明爐烏頭魚。🐠既然咁抵食，當然要入嚟試下啦！兩個人叫做三樣餸，分別是生蝦刺身。咖哩海鮮脆包盅，泰式明爐烏頭魚。🦐生蝦刺身好特別，配埋苦瓜一齊食，仲有微辣嘅醬汁，新鮮之餘都好彈牙。咖哩海鮮脆包盅，個包非常之香脆而且入邊嘅咖喱會有少少辣，🥘所以好香濃。最愛嘅仲係招牌嘅烏頭魚。佢成個爐咁樣上熱辣辣滾住嚟食，佢個湯底酸酸微微，好香，🍲而且肉質鮮嫩，非常之唔錯。解渴椰青，又點可以錯過？

星期一專登去北角搵橙象食泰國菜，點解？！因為：泰式明爐烏頭$1，size唔細，兩個人啱啱好！泰式酸酸辣辣嘅烏頭魚，份外好味👍🏻再叫個辣椒膏炒蜆$89，這間雖然用辣椒膏炒，但一d都唔辣，小朋友都食得到😍😍最鍾意就係食海南雞，半隻$118，因為完全冇骨，碟海南雞上枱嘅時候，最吸睛就係放最上面的一大塊雞肉呀😋😋😋，其他店的海南雞多半是沒什麼味道，靠醮d醬汁才好味，但橙象因為已經輕輕上了點味，加上肉質滑溜，就算係雞胸肉都好好味💪🏻💪🏻叫番個椰青$42同咸檸雪碧$28，滿足到冇話可說☺️☺️

一直覺得北角的泰國餐廳不多，尤其是和富道，雖然說是北角的小食街，但是一間泰國餐廳也沒有。有一日走進和夫商場發現竟然開了橙象的分店，實在開心又驚喜，因為餐廳有一蚊餸優惠，晚市九時後又有七折！星期一晚就和父母一行三人去吃晚飯，因為$1優惠只限正價時段，而且要點兩個項目才可使用優惠。餐廳的裝修有格調，而且有圓形的舒適沙發座，地方亦闊落，感覺舒服。職員亦是泰國人，感覺地道。是日星期二，$1 優惠是《香茅炸豬扒 （原價 $68）》 。豬扒揸得外層香口，不油膩，香茅及調味適中，入口豬肉爽及大肉汁，豬扒又大塊，美味又抵食。另外點了一個《泰式拼盤$149》，有四款食物每樣各兩件蝦餅、春卷、魚餅、香葉包雞，每樣都大件，十分夠食！泰式蝦餅同魚餅好香口又彈牙，蘸泰式醬汁一流。春卷好好吃！入面包著雲耳絲、粉絲、椰菜絲等等，入味又香脆！香葉包雞有葉香，雞肉嫩而不乾，蘸泰式醬汁更提味。最後點了《原個菠蘿海鮮焗飯$104》漲卜卜很足料，有蝦、魷魚、腰果、提子事、菠蘿肉、甘荀粒、肉鬆等等，飯又用泰式香料炒香，濕度剛好，推介。飲品點了兩個《椰青 $42》，十分大個，絕對夠3人分別。整體來講，抵食好食又舒適。

之前一直都是光顧大角咀分店，因為每日一蚊優惠實在太吸引，光是吃明爐烏頭魚、或者香茅豬扒就已經值回票價。近日發現我家附近竟然開了分店，而且地方更寬敞，又有新裝修。同樣有每日一蚊優惠，不過唯一分別就是一定要點兩個主菜才可以使用$1優惠。喜歡吃魚的我選擇了星期一的晚飯時間去，因為 有$1明爐烏頭魚！另外再點2-3款主菜就真是夠食了！每日都有$1 優惠《明爐烏頭魚 （原價 $169）》魚大條多肉，絕對沒有將貨就價！湯底還不錯。《咖喱海鮮脆包盅 $148》這個很有澎湃感，咖喱多得漏出來。咖喱帶甜，自選了小辣很醒胃，當中有蝦、魷魚，麵包鬆軟，沾上咖喱實在好吃又飽肚。《焗大頭蝦粉絲煲$159》大頭蝦有好幾隻，每隻都長身又厚肉，絕不是蝦仔。蝦肉仍新鮮有彈牙感，而且調味夠香濃，粉絲吸味後很惹味。吃泰菜忍不住要點椰青和泰啤！《椰青 $42》和《泰國生啤 $42》都大得完全足夠兩人分享！椰青肉更是清甜，可直接當當甜品。9時後有7折（沒有$1優惠），都很抵食！

一蚊一條魚可以去邊到食呀🤗今次已經第二次幫襯依間泰國餐廳😍成個場既既環境好好😇天氣好熱，好岩黎食酸酸甜甜既野😌.🍢泰式拼盤 $148拼盤入面咩都有啲，有魚餅🐟蝦餅🦐咩都有兩件😇最鐘意食都係蝦餅🤣炸得岩岩好😌岩埋甜酸醬.🍛咖喱海鮮脆包盅 $148上次黎無試到咖喱，今次叫左😆唔會話好辣😌入面有蝦🦐青口🤫仲有魚🐟，唔會話有好多，但係啲包吸晒啲咖喱🤗好飽肚🤫.🐟泰式明爐烏頭魚 $1一蚊真係無要求🤣依個汁比較偏酸🤗好開胃下

抵食平價地道泰國餐廳最近成日同朋友經過北角，但好少係個邊食野，今次朋友介紹話有間好抵食既餐廳係個邊，於是就去試下啦！餐廳位於和富商場入面，裝修有東南亞既風格，除左係泰國餐廳之外，隔離仲有間泰國甜品店，可以一次過滿足晒你兩個願望！👍🏻👍🏻今次二人同行，就嗌左半隻泰式海南雞，一碟泰式炸香茅豬扒，一個原隻菠蘿海鮮焗飯，一個特選椰青同埋一杯泰式奶茶。💲1️⃣菜式呢間餐廳每一個都有精選既💲1️⃣菜式，而今日既款式係泰式香茅炸豬扒，原價$68，而家只需要$1就可以試到，仲要份量十足，豬扒炸得好脆口，炸粉唔厚，豬肉爽口，好抵食👍🏻泰式海南雞🐥🐥呢間海南雞同平時食既泰國海南雞好唔同，而且整得好好味。雞皮好爽口，唔多肥膏，好薄，而且肉質好爽口，一啲都唔膩。令外配埋兩款醬汁，令雞肉更加入味。原隻菠蘿海鮮焗飯🍍🍍雖然佢係海鮮焗飯，但係佢係炒飯底，而且配料好多，有青口，蝦仁，魷魚，炸腰果同埋肉鬆。炒飯用既香料好香，而且味道岩岩好😋😋特選椰青 & 泰式奶茶🥤椰青大大個，多份量，而且果肉好爽口。泰式奶茶唔甜，好地道😋