Peek-A-Poke (heath慶方)

營業中

休息中

Poke bowl 永遠都係最好既高蛋白外食除左沙律醬部分係比較肥啲之外其他都係原食物宜家可以全菜底減低碳水比例同減低卡路里我叫左加州風味碗+60g 三文魚主食仲可以一半糙米飯加沙律菜個沙律醬部分岩岩好食曬到尾都d菜都仲有汁三文魚都大大粒 都幾新鮮三文魚配青瓜係完美組合再加上三文魚籽口感Q彈又唔會腥比其他poke bowl 呢個加州風味碗口感更豐富而且分量都好多因為加量既部分只有三文魚但菜飯同其他配料都滿滿的食完大滿足

天氣咁熱最岩就係黎食，夏威夷魚生飯水、餐具等全部都係自助形式 落完order好快有得食自選風味碗 雙拼要左八爪魚 ，慢煮雞胸 海帶芽，紫洋蔥 ，蟹子，果仁芝麻醬醬另上所有嘢都俾得好大方，勁大份壽司飯同沙律菜，整體口感非常豐富估唔到最後會咁飽肚 真係健康得黎又好味既選擇另外朋友要左火辣辣鷄胸有火辣辣鷄胸珍珠糙飯＋沙律菜，海帶芽，紫洋蔥，另加錢要藜麥同牛油果見佢大啖大啖咁食，一定好滿足雙檸梳打，好解渴把一切揮歸到少負擔身體最舒服的狀態

有晚約咗同朋友嚟尖沙咀食飯，見到呢間餐廳好多好評，又好耐無食過poke bowl，於是就嚟試試。位置係重慶大廈隔離，要搭電梯落一層，下面係翻新咗，都有幾多餐廳。一落電梯就會見到呢間餐廳，6點半左右到都有幾枱客。佢係自助形式，用QR code 落單，食物款式就唔算多，價錢都唔算貴，加上佢可以揀唔同嘅配搭。我地就揀咗「輕營之選」飯底同「吖嘻先生」沙律菜＋飯底。一嚟到第一個反應係「好大兜！」非常豐富同大方既份量，呢個價錢真係值返哂！除非你好肚餓，如果唔係建議係唔好叫哂飯底！應該第二朝都仲飽緊！XD同埋最好叫少醬，佢default 既醬都幾多。值得一提既係，佢落完單即刻係QR code俾錢，一係去counter俾cash。

餐廳係重慶大廈商場地庫 比銅鑼灣分店大好多！ 裝修以灰粉紅為主 好有夏威夷海邊嘅感覺🌊點餐係用自助形式 填完紙仔揀好食咩再去cashier比錢就可以✍🏻 而佢地最吸引既係除咗預設款式之外 仲可以自選配料 一定有一款岩口味🤩✿ 自選風味碗雙拼 - 吞拿魚+三文魚 ($108)底: 壽司飯 沙律配料: 豆腐 蟹子 香菇醬汁: 果仁芝麻醬調味料: 紫菜絲 芝麻 木魚絲 海鹽 果仁 辣椒碎 脆蒜片魚生份量好多 滿佈成個碗 好似一座小山咁⛰️三文魚肉質肥美結實 吞拿魚就比較腍身 兩者都好新鮮🐟配料推介一定要叫豆腐 必食！ 豆腐好滑 豆味香濃 蟹籽亦令到成個bowl口感更加豐富 值得推介👍🏻個底揀左一半壽司飯一半沙律 但係飯量都非常之多😂 沙律菜新鮮爽口 配埋香濃芝麻醬 好好食🥗✿ 自選風味碗雙拼 - 三文魚(+60g)+ 慢煮雞胸 ($146)底: 壽司飯 配料: 豆腐 雞蛋絲 青瓜醬汁: 山葵乳酪醬調味料: 紫菜絲 芝麻 木魚絲 海鹽 果仁 辣椒碎 脆蒜片慢煮雞胸煮得好嫩滑 好juicy好多汁 一啲都唔乾💦青瓜好fresh 雞蛋絲都好多 最估唔到係個山葵乳酪醬！ Wasabi唔會好刺鼻 反而

呢間pokebowl我應該食左不下10次，見證著佢岩岩開，到而家食物質素穩定左，同晚晚都full house。 佢既賣點之一係份量多！應該係其他pokebowl既1.5倍，女仔既話可以share一碗都得! 我每次都會簡自選，岩哂我呢d簡飲擇食既人！ ✅必選：三文魚、豆腐/雞蛋絲/海帶/枝豆(選3）、飯菜半半、醬油（$108）滿滿既蛋白質，岩哂增肌減脂既人！三文魚新鮮，豆腐溫度合適，海帶份量多！醬汁我通常會叫另上，費時整濕哂d飯。 堂食唔使加一，價錢還可以，但外賣份量好似少d（長方形），建議用返大d既盒！Encore: ✅✅✅✅❌

今晚嘅晚餐真係好正呀！加州風味--夏威夷三文魚飯有啲新鮮嘅三文魚切成塊狀，然後再配上好多新鮮嘅蔬菜同埋蕃茄。最後，再加啲醬汁係上面，呢一碗飯真係好香，好滋味夏威夷風味，有好多海帶同埋吞拿魚粒，加埋芝麻同洋蔥真係好香，將啲蟹子再撈勻成個飯，有好豐富嘅層次又好味😋仲有好多配料可以自己揀㖭啊，好似我咁加咗溫泉蛋，可以揀自己鍾意嘅口味👍👍我都食過幾間夏威夷當飯，呢一間嘅preset已經好啱我口味，唔會過於濃味，但係有恰到好處，真係健康又好味🤤既然要關注健康，咁就連飲品都唔好放過，呢度有好多奶昔選擇，例如香蕉奶昔或者士多啤梨奶昔，可以揀唔同嘅甜度非常之窩心🥰

。加州風味 California ($98)    刺身三文魚、青瓜、雞蛋絲、三文魚子、果仁芝麻醬    跟: 珍珠糙米&沙律菜    加: $15牛油果/$15溫泉蛋/$15鮮蟹肉 。吖哈先生 Ahi-San ($88)    刺身吞拿魚、枝豆、香菇、青蔥、山葵乳酪醬    跟:珍珠糙米&沙律菜    加: $15溫泉蛋/$10青瓜 。牛油果奶昔 (+$38) ↪️份量非常驚人的poke bowl，只係點了普通size但份量多得驚人🤣未追加配搭時，本身個bowl已經有好多食材，超級豐富。刺身好大粒同埋其他食材都好新鮮，點了半半珍珠糙米和沙律菜，食落無咁heavy，配搭嘅醬汁都好輕型，唔會覺得膩。牛油果奶昔好清爽，好有奶香味，又唔會太漏。

健康又大碗抵食嘅夏威夷bowl 🥑🥗近年都興健康，如果唔想餓親個肚又想減肥，呢個係一個幾好嘅選擇🫶🏼我揀咗$108 三文魚刺身跟住揀咗三款配料，分別係紫洋蔥🧅豆腐同埋青瓜🥒想講豆腐係必食嘅，因為豆腐軟綿綿嘅質感成個夏威夷bowl 係好夾😜而且食完係有好豐富嘅飽肚感😎三文魚有豐富嘅蛋白質，好新鮮之後就可以揀醬汁，今次我揀咗醋，因為要健康呀嘛，梗係揀啲最低卡㗎喇；呢個汁好開胃👌至於碗嘅base，我選擇咗兩溝糙米飯加沙律，可以滿足到我兩個願望🤲🏼加多杯熱嘅抹茶latte ，好濃郁

最近朋友話銅鑼灣戈間𝐏𝐞𝐞𝐤-𝐀-𝐏𝐨𝐤𝐞系佢飯堂，食過不下10次😂銅鑼灣戈間我就未食，咁啱行開尖沙咀就幫襯尖沙咀分店，果然好高質！除咗預設款式之外，系可以自選配料，今次同朋友一齊自選配料。✿ 三文魚 $108 配壽司飯+沙律菜豆腐/ 雞蛋絲/ 魚子/ 蟹肉+$15三文魚好新鮮，最緊要溫度夠凍❄️豆腐有埋胡麻醬好清新軟滑🤍雞蛋絲一條條豐富🥚為𝐩𝐨𝐤𝐞 𝐛𝐨𝐰𝐥加咗吾少分💛蟹肉要加$15其實超抵，多過出面餐廳啲蟹肉好多😍🦀十分新鮮❣️醬汁揀咗鰹魚醬油，而且配壽司飯，充滿日式風味🇯🇵各種調味料加埋味道豐富。✿ 慢煮雞胸 $98 配壽司飯+沙律菜豆腐/ 青瓜/ 蕃茄/ 溫泉蛋 + $15佢地嘅慢煮雞胸好juicy，加咗黑胡椒同芝麻，味道更有層次🖤🖤朋友戈份有青瓜🥒好fresh💚蕃茄吾系一般蕃茄🍅而系車厘茄，本身出面買都吾平😲更有田園風味🌳醬汁可以order分開放，方便自己控制份量👍🏼✿ 炸薯蝦 $48連小食都有特色過人😁炸薯蝦系咩概念？外殼見到一條條原來已經系薯仔🥔刨咗絲咁樣包住又幾過癮😆裡面系蝦肉加薯仔蓉，味道不錯。✿ 桂花鳥龍茶 養生之選🤭淡淡桂花味令人感覺舒服。✿ 冷榨蘋果汁好欣賞餐廳連裝

同朋友👩🏻‍🎨一齊喺尖沙咀，佢👩🏻‍🎨話知道有間餐廳🍴可以自己砌一碗飯/沙律 出嚟，自己選配食材，話要帶我去試吓，有朋友👩🏻‍🎨帶食好嘢，我梗係開心開餐去啦😆朋友👩🏻‍🎨叫咗呢個組合：$108 三文魚+沙律菜 base + 蕃茄/紫洋蔥/豆腐/藜麥（第四款加$10）toppings + 牛油果/三文魚籽 top-up $15 each + 鰹魚醬油dressing + 芝麻/果仁/紫菜絲 sprinkles我就叫咗呢個組合：$108 吞拿魚+沙律菜 base + 蕃茄/紫洋蔥/蟹籽 toppings + 溫泉蛋/鮮蟹肉 top-up $15 each + 果仁芝麻醬 dressing + 全選 sprinkles基本上呢度所有食材好新鮮😋，沙律菜🥗新鮮爽脆😋，吞拿魚、三文魚 肉質結實鮮味😋，牛油果🥑夠 creamy😋，鮮蟹肉🦀味鮮份量重幾多😋，鰹魚醬油/芝麻醬 充滿 umami 😋 …仲有「椰青水🥥」同埋「玫瑰🌹茉莉花茶🍵」食得飽飽又滿足嘅一餐，感覺仲好健康🤩

已經食過好多次🤤唔好諗住健康野會食唔飽😂次次都捧住個肚走☺️超級滿足自選沙律bowl 又可以揀多汁 多菜裝修又靚坐得舒服先搵位後點餐，可以去收銀枱落單比錢，亦都可以用電話掃枱面QR code落單比錢，好方便其他分店/其他餐廳poke好細碗🤫得個紙碗咁少，食完無個種滿足感，只有不足感😂

都市人平時飲食都大魚大肉，今日同朋友去尖沙咀行街想食健康少少就試左呢間店，裝修係夏威夷風格好有夏日感覺！自選風味碗1叫左三文魚🍣、八爪魚🐙、蕃茄、豆腐、蘑菇、木魚絲、紫菜，主食配珍珠糙飯+菜沙律🥗醬汁配蜜糖香醋汁飲椰青水份量滿滿，而且食材好新鮮，三文魚都好鮮味，豆腐本身配芝麻醬好有日式風味估唔到配自選蜜糖香醋汁味道都好夾。自選風味碗2哩個就揀左三文魚，吞拿魚，青瓜，雞蛋絲，蟹籽，加左份$15蟹肉，木魚絲，紫菜，配壽司飯加沙律菜。醬汁係乳酪芥末醬。份量滿滿，沙律菜好新鮮爽口，魚生大粒，蟹肉鮮甜，加上揀咗蟹籽令到口感更加豐富，個醬配埋沙律菜同魚生好夾。芝士條熱辣辣食真係滿滿芝士味而且拉絲，當凍左食係QQ口感，有2種唔同口感！喜歡吃芝士朋友可以一試😋

️.冬天食的太多大魚大肉，成個人變到好圓潤🥹夏天一黎出街食飯都會搵返d清淡，健康嘅嘢食🤣.peek-a-poke嘅tst分店開係重慶大廈地庫，對住重慶大廈左手邊，有扶手電梯直落，第一次去入口有少少隱蔽✨but環境比起銅鑼灣分店寬敞舒適不少，位置都多好多唔洗等位讚🙌🏻.✅加州風味一直都最鍾情加州風味～三文魚，青瓜，雞蛋絲，三文魚籽搭配果仁芝麻醬，再加上糙米飯+沙律嘅base，勁滿足✨✅自選風味三文魚+八爪魚嘅搭配真係無得輸🚨13種配料任選3款，我揀左2份蟹籽+雞蛋絲，蟹籽嘎吱嘎吱嘅口感勁鍾意😍🙌🏻.Peek-A-Poke (尖沙咀)尖沙咀彌敦道36-44號重慶大廈地庫 Heath S01B號舖

有時想食得清淡啲，但係又想食得豐富，沙律係幾好嘅選擇！但係出面食嘅沙律有時太清淡，咁就可以試吓呢間poke bowl，大大碗而且配料都幾豐富，最緊要食完都冇罪惡感，又吸收到足夠嘅營養❤️！呢間餐廳有好多唔同款式嘅poke，$88就可以食到大大碗，而且仲要有唔少刺身喺上面，佢配菜都唔手軟，每一款都比勁多，超級抵食！餐廳環境有啲似Cafe，乾淨企理坐得舒服，而且係掃QR code自助落單嘅形式，可以自己customise好多選擇，多菜少飯醬汁另上呢啲通通都可以做到，好貼心！------------------------------今次揀咗兩款都係自選嘅波奇碗，可以有兩款主食，而且兩款都可以揀魚生類，勁抵👍🏻！揀完主食之後就揀個底，可以免費加底，之後就揀三款配菜，想試多一款都係加$10～❗️建議唔使加配菜，因為佢個份量都好夠，一個男仔都未必食得晒一碗！如果唔想自選咁麻煩，佢都有好幾款配搭好嘅poke，而且價錢更加實惠，用料都高質，味道幾夾～🐟◖自選風味碗 雙拼◗ $108主食：三文魚、吞拿魚底：珍珠糙飯、沙律菜配菜：香菇、海帶芽、紫洋蔥、三文魚(60克)(+$38)醬汁：蜜糖香醋汁加咗$38

今晚工作完，又嚟重慶大廈地庫商場Heath搵食最近實行緊低碳飲食，但因工作關係平日夜晚多出街食飯，要搵到適合低碳甚至生酮飲食的餐廳都唔容易，知道呢間Peek A Poke餐廳有好多低碳/生酮食物，所以專程嚟食。餐廳門口擺放夏威夷佈置，好搶眼！🤩今次我揀咗「吖嘻先生」(個名好得意)😜入面有刺身吞拿魚、枝豆、香菇，上面舖咗木魚絲、山葵乳酪醬，配沙律菜(多菜)。份量好大碟，材料好豐富而且新鮮。山葵乳酪醬唔會好嗆鼻，同沙律菜又幾夾喎！😍我另一半就揀咗「加州風味」：有刺身三文魚、三文魚子、雞蛋絲、青瓜粒、果仁芝麻醬，配壽司飯+珍珠糙米飯色彩好靚，同樣材料豐富並新鮮。果仁芝麻醬唔太食得出果仁味，但芝麻味好香濃好醒胃，同樣大大碟，男士食都飽！😋飲品分別揀咗+$2冷榨菠蘿汁同蘋果汁好多人成日以為食沙律唔夠飽，但呢度的沙律碗就算好似我咁唔揀飯只揀菜其實都夠飽。最欣賞係可以有好多唔同配搭，亦可以揀多菜、醬汁另上等，想減肥或者食得健康d，呢度真係一個好選擇！👍🏻