Rosé Home Kitchen (已搬遷) 新店位置

希望餐廳的負責人會來這裡看食評，因爲他們的服務實在需要改善同事不久前來過這裡吃飯，覺得不錯，於是推介我們嚐嚐昨天預訂了：今天下午1點，5人今天有點忙，遲了出發，同事已經在1點前打電話告訴餐廳我們大概1點10分到達，麻煩他稍等，電話中人說沒問題腳踏高跟鞋的我們已經盡力加快腳步在車水馬龍的街道上穿插，希望盡早到達，最後我們1點05分來到門前，餐廳的那位伯伯竟然告訴我們桌子已經給了別的客人了!我們沒有跟他理論，但他也沒有絲毫歉意我們就這麽站在門外等，到1點10分-15分叫我們進去給我們坐的是4人桌，把兩張桌子連在一起放，有3個人要共用一張桌子，才勉強容得下5人，桌子旁加開那個位子竟然是沒有椅背的摺櫈! (我們已經提前訂了5人桌)我們有兩位同事比大家遲了3-5分鐘到達，所有人到齊之後不久，剛好旁邊的6人桌（3張桌子連在一起放）結賬離開，我們跟那位伯伯說想搬過去那張桌子（當時我們還沒有點菜），他說有人訂了。我們也訂了啊！不是應該先給我們嗎？！我明白對於家庭式經營的小店是不能要求太高，但是總不能這樣對待客人吧？我們已經盡了客人的責任，提前告訴他將會遲到10分鐘，他可以說不等，但他答應了會等之後卻食

名叫home kitchen，確實有幾casual的感覺，格局則似食件cake、飲杯咖啡的地方。下午茶餐有很多選擇。選了生果忌廉窩夫。是日的生果是香蕉和士多啤梨。窩夫幾香又鬆軟，不錯。跟餐的咖啡頗濃，可惜未夠香。另外在主菜menu中散叫了香草羊肉意大利麵。香草就下得多了，羊肉亦幾香，不過只得兩三舊羊肉，太少了吧？！也嫌意粉偏硬身了些。食物水準只是一般般，沒有什麼突出的地方。過來hea下、傾下偈ok，正餐就未必揀佢。

尋晚同男朋友行完188，突然想吃cake，便來了Rose Home Kitchen，上次沒吃過它的正餐，今天飢腸碌膔膔的我終於可以一試它的整個set dinnerSet dinner其實是一個$40-68的main course+$20，就可以享用soup of the day/salad,garlic toast和dessert(homemade cake/ apple crumble)，為了cake當然會加啦青豆煙肉湯：幾香豆味，食得出壓碎了的青豆蓉，清清地不錯！Garlic Toast：烘得幾脆，我覺得好味，不過男朋友批評說唔夠蒜香～Napolean：tomato sauce素來不是我杯茶，但是這份Napolean夠tomato味之餘還加了點辣，幾spicy唔錯，男朋友覺得ＯＫ，而且腸仔幾多～白汁雞肉菠菜意粉：我本來以為係菠菜意粉，原來係菠菜+意粉，只是有兩條菠菜放在意粉上面，不中不西，看賣相已覺得不妙----哪有一點白汁的影子？硬著頭皮吃下去，連味蕾也報告說沒有任何汁的蹤影，意粉也不彈牙，對意粉頗有要求的我自然難以吃下去，吃了兩口便以等甜品為由讓男朋友清理了所幸的是雞肉不鞋，幾

(11/2/09)因為一次懈后薰衣草蜜糖蛋糕、黑忟忟的香蕉朱古力蛋糕的吸引,店員的友善,決定會再光顧。一心諗住食tea,因為上餐飲茶食得太飽,只好揀”輕kean” D野食。記得食評「wooden」食過牛脷酥幾得意,就食呢個!不過今日的只淋上朱古力醬&楓糖槳,同埋除左朱古力雪糕仲有呍哩o拿雪糕。熱熱的牛脷形空洞脆酥皮,與冰冷的雪糕……,好匹配,講真條「脷」係烘得好乾脆利落,但對甜品癡黎講,太空洞,同齋食雪糕有何分別?餐茶:白朱古力咖啡。店員話白與黑朱古力咖啡,白朱古力會多D人揀。點知有點失望,咖啡是pass,因為先要無酸味、咖啡味重過奶味。至於咖啡豆貨式很一般,而且我飲唔出白朱古力既香/甜。雖然係咁,亦睇得出此店係用「心」經營的,不過不失。見佢情人節都set左情人節套餐,薄荷芝士春卷、蟹肉湯、西冷扒、大蝦、黑朱古力蛋糕配紅酒梨伴雪糕$298/person。似模似樣噃!

同男朋友行完188，見都夜夜地就諗住係附近食Ｄ野，但係我晏晝飲茶食到好飽無乜胃口，諗住食件cake就算，唔好意思淨係叫一個set dinner＋＄２０轉cake，本來想叫多個cake set($38)，俾男朋友阻止，我一臉不好意思，疑似老闆娘見狀即刻話唔緊要，完全無黑面，真係好好人！第一印象已經加足分！男朋友點的拿破侖意粉賣相一般，可能係因為我唔鐘意食呢種意粉啦，佢本人話OK，我揀左一件蜂蜜蛋糕，size比普通cake shop細件，但係好好味！蛋糕夠挺身，而且唔會太甜太膩，食得出係homemade，好滿足呢！雖然坐得迫，但係服務態度好，味道好味，而且抵食，下次都會再來的哦！

行開灣仔一直都想試下呢間餐廳。今晚見經過就入左去食啦。叫左個香草三文魚x菇意粉餐(類似咁o既名,唔記得咩汁/食唔出咩汁)飲品點了凍朱古力意粉比飲品快到，黎到"巢"左意粉幾下，主菜三文魚得兩粒，仲要係細過蕃茄碎的(見圖)，心諗唔係呀fa，咁都比得人食？再"巢"之下見多半粒三文魚碎片，唔知好嬲定好笑，不過都要食架啦，一食....汁少到不堪，亦無味，d意粉亦吸收唔到d汁，又乾又淡，極盡痛苦，唯一好處就係碟野夠細碟，拿拿臨食完脫苦海。食左碟咁唔知點既野，希望飲番杯飲品可以慰藉下，點知～杯凍朱古力既差劣程度竟然可以同碟意粉媲美，用一個字形容杯朱古力「淡」係唔夠o既，杯朱古力係「好淡」囉！淡到點呢，簡直好似你飲淨5分1杯朱古力，再放到d冰溶晒咁淡，啜多兩啖就啜到d未溶既朱古力粉。老實說，灣仔是但一間茶餐廳都沖得好飲過佢。如此的一餐盛惠$107絕對不值，一定一定一定無下次。或者只怪我無一早上openrice睇下間餐廳最好o既菜色原來係鴨胸/咖啡&蛋糕啦!最後，十分認同之前SMASHING PUMPKINS師兄的食評所講：「女生請你品嘗她在家政堂的製成品.....」但如果女生連沖一杯朱古力都沖得唔好，

早兩星期，又黎到呢度食野la個餐牌唔同左，佢地轉左款，又將餐湯、飲品..同埋甜品個part，分開個價問佢點解，佢話因為有的客唔太食，食唔晒個餐今次試左個佢地推介既魚之後仲講左一堆貓經la，因為呢排要準備考試，同埋練畫，所以如果有綠見到，就望下呢塊貓抓板先la，十二月，應該有時間多造一塊比你地。

小店一間, 感覺舒服. 大約有6款lunch set選擇, 價錢三十幾至四十幾蚊左右.揀咗紅酒鴨胸配薯菜set $46前菜可選沙津or餐湯, 決定要左沙津, 有幾粒豆少量菜蕃茄等, 份量略少.主菜份量就ok啦! 個鴨胸好似要鋸扒咁大份, 有驚喜wo... 而且做得唔錯, 配少少紅酒味味道幾好. 薯菜係薯仔粒, 略炸過的.跟餐仲有餐飲, 叫咗奶茶, 味道偏淡.

我叫了一個沙拉 + 紅酒燴鴨胸配薯菜, 沙拉很簡單, 普通, 比一般餐廳的沙拉分量少. (5分)鴨胸果然如大家評的一樣, 很入味, 而且非常多汁, 嫩滑. (8分) 表妹則要了一個青豆湯 + 雞扒飯. 嚐了一口湯, 跟表妹一樣, 總結是：很有趣的味道 (7.5分)食物的質素不錯, 但因為店的面積太小的關係, 我們3個人要坐2人枱.枱子還要是他們擺放餐具的櫃台前, 所以經常邊吃飯邊有侍應請我"借借". 有點不方便.起初也不要緊, 後來我們發現鄰近的人快離開了, 於是便問老闆, 可以讓我坐他們的位子嗎?老闆說可以, 於是我等. 但當人客離開了的時候, 另一班人又來了, 在門前等候.半數人先入店子, 坐在距離較遠的地方, 當時老闆還在抹枱子,我全程盯著他, 等他抹好了之後, 他偷偷的望了我一眼, 又快快的迴避我的視線. 然後請外面其餘的客人入坐....我有d心灰, 我明白老闆這樣做的原因, 但我覺得他不應該如此沒交代, 起碼向我解釋. 總比他迴避問題那麼不老實好.他怕失去那些客人而背棄誠諾, 他卻因此失去我們這些客人.

7-8-08 (四)再一次在灣仔尋尋覓覓，看見小店企企理理，入內一試。提子沙律 :雖然份量小小，開胃清新。湯則未有驚喜，也可以。焗紅酒鴨胸伴薯角：送上時發現份量甚多，原以為只有幾片，鴨胸不但嫩滑，調味也出色，當然全數消滅。美中不足只是檯上空間不多，要小心翼翼才可切開原條鴨胸。豬扒拼漢堡扒飯 : 雖不及鴨胸有驚喜，也很不錯，喜歡較清淡的調味。加十五元試了士多啤梨芝士餅 ，也是相當有水準。吃完甜品，心滿意足。服務很好，好像是家庭式經營。慢慢地，出外用膳培養了一種 “直覺”來，一頓飯下來，感覺到那間食肆的出品是求求其其，但求人流不絕，貨如輪轉；那一間食肆是有誠意，對食物，對人客都用心。Rose當然是後者。回家看看Rose的食評，原來鴨胸是這裏的招牌菜，今次誤打誤撞沒有撞板，真開心。誠意推介小店給大家。

五時多到Rose Home Kitchen tea。 有多個tea set選擇，價錢由廿幾至四十幾不等。 我們叫了兩款homemade cake，薰衣草蛋糕及藍莓芝士餅。 兩者味道不過不失，個人較喜歡後者。另叫了法式牛脷酥配雪糕，餐牌括住限量供應。當時恰巧還剩一份，一於試試怎個牛脷酥法。 法式牛脷穌的賣相相當不錯! 外貌也真有點像牛脷酥。兩大條牛脷酥加兩大球朱古力雪糕，牛脷酥還是熱的，空心、帶甜味，外面脆脆的淋上士多啤梨醬，其實味道不似廣東式的牛脷酥。 咖啡一般(特飲，如mocha，加$3)，但跟熱奶，夠細心。 餐廳地方不大，5-6張枱，服務不錯。當時只有我們，慢慢的坐著吃，感覺寫意悠閒。

整天困在辦公室裡，已經急不及待放lunch出去鬆一口氣。據說Rosé Home Kitchen食物不錯，而且有著俊男美女，男仔女仔朋友都可能壓力太大了，大家都好開心咁話來這裡讓個口同隻眼「歇一歇」。我先去拎位，地方原來好細，只有5張枱。因為其他枱都畀人book左，只好坐係最近門口個張，冷氣冇咁大，有少少熱不過都OK。等緊慢吞吞既朋友來時，周圍望下，裝修好簡單，好住家，好多貓貓相，畀人好親切既感覺，係灣仔鬧市中一點清泉。年輕的女服務員臉帶陽光的笑容咁遞上餐牌（不過之前食評提及的靚仔似乎今日冇返，女仔朋友們失望了)。噢，係office對住OL姨姨同嬸嬸太多了，來到依度真係耳目一新，心情愉快左。再望一望餐牌，係手寫架，可愛既字體加上裝糖既樽上面既「i'm糖」都令我對依間小店既親切感同好感增加唔少。落單係自己寫自助落單紙的，都幾得意。黑醋蘋果沙律生菜不是特別新鮮，就咁加黑醋麻麻地，加返D芝士應該會好少少。蘋果就好甜紅酒鴨胸配薯角($46)先前睇到食友既評語，話意粉麻麻地，但鴨胸唔錯，咁就穩陣起見要左個依個啦。好大塊的鴨胸呀! 一來到就知道自己冇揀錯! 皮係微脆的，咬落去有少少油，好香呀! 個汁

早前黎過呢度食野，發覺環境好舒服，好在住家feel。食物整得好有心機，熱朱古力一流，蛋榚既口感好得別。今日帶隻貓咪去灣仔打疫苗，於是諗都唔諗再黎食飯。___________________________________________佢地個沙律好得，鐘意的香濃既黑醋汁，開胃之選。今次黎呢度點左個紅酒鴨胸，係我食過咁多間最好味既鴨胸，大件不特止，而仲好入味，肉質juicy，外皮又香口。佢地整意粉既汁，同外面食既唔同。而且配菜好多選擇，可以自已mix & match。今次叫左個羊肉青椒菠菜..茄汁意粉。今次終於食到薫衣草蛋榚~~美味~~加插一個超級suprise~~~ ..........一杯畫左隻貓頭既熱朱古力多謝你地整左呢一餐咁有心思既晚餐比我地，今日食左個早餐之後，為趕左帶阿豆打針，無時間食lunch-tea~~~~~~呢餐lunch-tea-dinner好美味P.S. 店住好鐘意貓貓，睇到佢地貼左的貓上放係廚房個度。

為下周華亭大局打點一切之後,正值午飯時間,都係在附近找間店子搞掂.誤打誤撞,撞到上這間Rose,本來是在隔離新記吃芝士撈丁,但一早比宰宰學子霸佔.反而鄰居的小店Rose,仍能夠霸佔一個小角落.樓面是一名中年男子主持,負責後場的是兩名外貌如鄰家女孩,清秀可人的妙齡女子打理.照看應是一家人拼手抵足打理.店子面積不大,但望落都幾骨子.中午時段,Set lunch有幾樣選擇.餐單上的主菜都幾嚇人,什麼南瓜醬海鮮意大利飯,甜咖喱汁意大利飯.充滿著爆炸實驗性.而芝士醬煙肉雜菜意粉,算叫最為正常的一味.頭盤為西芹忌廉湯,漂水就話1:99,而這個忌廉湯,也是差不多.忌廉同水比例近乎1:99,又淡又稀,如白開水.沒有味道的味道.我說是最正常的芝士醬煙肉雜菜意粉,同個湯半斤八兩,意粉煮得過稔,醬汁又是太稀兼味淡如水.比著在一些高級餐廳的話,我一定發作.但身處這間小店,看著這兩位女孩子,不忍心去辣手摧花.事後再細想,這店的味道,又幾似那些所謂初戀的味道,即是Puppy love年代,女生請你品嘗她在家政堂的製成品,.....初戀無限好,如果朝著這個方向去想,都幾sweet.

Have been there twice, nice food.. with a soup/ salad + a main course + a drink.. ranged from $35 to $50.. There're also various kinds of homemade cakes -- have not tried any.. but they look good!