Saravanaa Bhavan (已搬遷) 新店位置

今日比尖沙咀朋友拉左去食印度菜, 仲以為係去重慶大廈; 舖頭位於阿士厘道商廈樓上, 好在等車立排隊上去唔洗太耐上到去都有少少擔心架, 全部都係印度人STAFF, 自己英文又係有限公司, 好驚會出現雞同鴨講..好在員工好親切,餐牌都有中文版哈哈; 好快坐低左就叫野啦點左客香辣芝士炒飯, 一個咖哩椰菜花, 另外再點左個湯同一個薄餅等左陣終於上菜啦, 本來好灰因為我無肉不歡, 但呢餐素菜食得好開心..咖哩香料味好重, 種香辣同坊間d死辣差好遠, 食得出係落左心機架, 炒飯加埋咖哩雙重香辣好醒胃薄餅即叫即整即焗, 質感鬆軟, 淨食入口好強麵粉香, 沾完咖哩後又另一番風味

印度咖哩，旺角街頭果間食過，元朗有間出名嘅都食過，都唔係我杯茶，反而朋友介紹早幾日去左尖沙咀一間隱世印度素食食完真係好印象深刻。利申，我去到先知係食素第一樣真心欣賞係佢地方夠大之餘座位一d都唔姑寒兩人檯好似四人檯咁闊落，大大張卡位比你印度籍員工好親切熱情，可以因為比較少見到有本地客？我去到果陣全場客人都係印度籍，個個都好安靜咁食野叫左杯我至愛嘅Mango Lassi，一個北印度套餐同埋乳酪炸圈，再加多個印度芝士炒飯。Mango Lassi正常，夠凍夠creamy北印度套餐好豐盛，有印度胡椒餅，中間有個炒飯，另外仲會有個烤餅，旁邊有五款配料比你做唔同配搭。 兩個咖哩都好香濃，每口都食到超強烈香料味；怕辣嘅不妨試佢個黃色醬汁，好強椰漿味好特別。睇價錢見到$120，但食得出每一個項目都落足心機，絕對物有所值乳酪炸圈超有驚喜，食落口冇任何油膩感乳酪同入便近似salsa配料，加上香脆炸圈形成多重口感，食過咁多印度野第一次食到呢種菜式印度芝士炒飯好快都上埋，豪爽咁加入左大大粒羊奶芝士好抵食，香料辣味同芝士軟滑互相襯托，呢餐雖然一d肉都冇食到，但成件事好滿足好健康

今日同朋友補足生日飯，收工之後去咗尖沙咀呢間食印度素食嘅餐廳。人生食咖哩就食過好多次啦，但係印度式嘅素食都係第一次食，所以覺得好新奇。一出𨋢門，我望左望右，搵咗一陣先知原來舖頭係左邊拉門而入。一入到去，已經播住傳統印度音樂，經理侍應都係印度人，裝修非常簡單，真係好有印度旅行嗰陣啲餐廳感覺啊！打開本Menu，我啲選擇困難症又發作啦！成十幾頁紙，我同朋友睇咗幾分鐘先決定叫乜食😅嘢飲我叫咗芒果奶昔，朋友就叫咗印度香料奶茶。👆🏽芒果奶昔(mango lassi)超級超級濃郁、芒果勁新鮮，未試過咁好飲，誠意加極力推介！👆🏽印度香料奶茶，好香茶葉及香料味道，但相對比港式奶茶冇咁濃稠，質感比較係細滑。👆🏽芝士菠菜，菠菜茸非常厚，質感有啲似薯蓉，微咸中突顯菠菜原味。芝士似係ricotta cheese，味道偏淡，夾着薄餅，好快就一啖一啖食哂落肚👆🏽特製Saravanns大豆塊，味道中辣，偏咸，相對冇咁識到印度香料嘅味道有啲似中式嘅豆瓣醬。👆🏽大豆塊其實似中式嘅齋燒鵝，但無咁韌，而且每舊都係一塊過，唔係一層層咁。👆🏽全麥烤餅，麥味很重，厚度適中，熱喇喇放上枱，放咗一陣都無倒汗水整淋，夾着大豆塊食一流👍🏽

單點左2個咖哩配黃薑飯/麥餅，飲品試左咖啡同mango lassi, 由於呢間餐廳係素食 食肉獸要留意喇 咖哩味道唔錯 夠辣又夠味 唔太油多蔬菜配飯/餅食一流 印度咖啡有鹹味 唔太岩飲 Mango lassi 味道可以 偏甜 可惜廚房抽風 食完一陣油煙味 服務對板 好過去重慶食

有一間問過朋友，都有很多印度人光顧的印度菜館，實說吃之前我沒多大信心，畢竟這間是印度的素菜館，印度某部分菜式不知道合不合味道，加上是素，選擇自然會減少，不過吃過之後原來都挺好吃的！有很多其他的飯類等，第一次知道原來印度也有很多菜式，而且還有分北印度和南印度的，但我就選擇了最基本的印度咖哩和薄餅。在場超多印度籍的客人，不過還有很多是外國和本地香港的客人，看來吸引到不少類型的人呢。Vegetable Butter Masala瑪沙拉牛油雜菜，聞上去很香，質地較杰身，裡面很多料，咖哩味入口不算太辣，但其辣味後面逐漸淡出來，屬於中辣，裡面有青豆等蔬菜，煮得很軟，雖然辣但越吃越上癮。Paneer Naan印度芝士烤餅，兩塊烤餅都超級大塊，而且超級熱辣辣，是有師傅即叫即烤，不會太燶，裡面夾住芝士粉，薄餅煙煙韌韌，很易撕開，撕成一小塊蘸咖哩汁，超級好吃！不過份量太多，我吃掉了1.5塊就非常之飽，無法吃下去。Mango Lassi芒果拉昔，起初我以為是像奶昔之類，原來印度的特色飲品，芒果味非常重，很香甜，而且很杰身，飲下去非常滿足！雖然它沒有冰，但它還是非常之冰凍，不知道是如何做到的呢？

香港人平日都鍾愛台式，日式，韓式菜式，但總會有食嫌的時候。既然要嘗試新菜式，印度菜就更好不過! 成日食肉，今次放工決定試試素菜餐廳。網上見餐廳獲得好多好評，到達時候大約8:00，餐廳非常熱鬧，坐滿人，到9:00，依然不斷有人排隊。店內大多是印度人，想不到也有不少華人，相信食物有一定質素先來一杯芒果奶昔，果味濃郁，口感順滑，最適合''解辣''。肚餓緣故立即叫了2個炒飯，分別是蘑菇炒飯及雜菜炒飯。兩者都非常不錯，香料令炒飯相當開胃惹味，印度米飯粒粒分明，好香我更愛蘑菇炒飯，加了洋蔥令整個飯惹味又帶甜。至於雜菜炒飯就較辣，因為我不太吃辣的緣故，喝了不少芒果奶昔另外，點了印度牛油烤餅配雜菜咖哩。味道微辣，越食越開胃，配烤餅最合適不過。烤餅口感煙韌全日最愛及大大大大大推必定是Palak Dosa(忘記了影餐牌不知道中文名字)。煎餅香口，裡面夾了洋蔥及芫荽，意想不到好味整個感覺非常清新!

雖然天氣係好熱但突發好想食印度野，好耐冇食了有次黎食燒肉放題無意間發現呢座大廈有呢間印度餐廳，今日就同事一齊試下，佢食素我又可以食印度野首先黎個魔鬼薯仔賣相橙橙紅紅，有d似熱浪薯片既顏色，但就只係好微既辣度，一d都無魔鬼既感覺，好在者太辣我食唔到。薯仔切成細細粒，增加左表面面積，令薯仔更加入味睇下幾細粒又唔會一pat pat鐵板蘑菇蘑菇鐵板上好有趣，上枱時有d煙，咋咋聲，隔離枱食客都眼望望蘑菇炸到外皮微脆，加上洋蔥蔥花咁，好惹味。廚師仲好細心咁用生菜墊底，以免蘑菇燶左。乳酪炸圈個名睇落好吸引，其實係凍既甜品黎，黎自南印度。味道真係好複雜，個汁應該係用乳酪做主料，然後加左d印度香料，入面浸左兩舊donut。甜酸苦辣差無苦味，味複雜得黎都幾易入口，好特別!!食到一半，侍應仲拎左d糖漿黎，比我地加落乳酪度。多一番甜味，感覺更似甜品野飲方面我叫咗杯熱奶茶呢杯奶茶第一啖似港式奶茶，之後有陣陣印度香料味，中和左奶既飽滯感，幾清新，大家不妨一試睇吓同香港奶茶有咩分別估唔到印度菜除咗雞牛羊之外，素食都幾好食，會再一試。

今日心血來潮想食咖哩，由於齋戒（減肥）中的關係，網上搵到依間印度素食餐廳，睇相似好吸引咁⋯於事⋯在暴雨的十二時出發⋯⋯上到去，餐廳係紅白色裝飾，好有印度的感覺，坐低一打開餐牌，超級多選擇！！！有選擇恐懼症嘅朋友隨時坐成粒鐘都未揀好野食😂由於時間關係（得個半鐘食飯），我地一行四人揀左Devil potato curry，好正呀！好香，味道好有層次，甜甜地，辣辣地，咸咸地，再加埋香料味，大愛，本來叫左簿餅諗住加埋一齊食，點知簿餅都未到已經俾我地食晒！之後黎左雜菜煎餅，睇落有啲似酒樓嘅咸簿「餐」，但佢個面好脆，係超脆，唔洗點佢啲咖哩汁就咁食都好正跟住就係鐵板煎蘑菇，好香好嘢味食落有啲香脆得黎菇裡面仲係好juicy, 餐廳仲好有心思地放左片椰菜墊底咁就唔洗黏底抵讚我地一致通過依味菜係今餐冠軍奶油Naan , 又食食到停唔到口⋯⋯見隔離枱食到好好味咁，我地又叫返份芝士煎餅，好得意個名好香脆好簿，一切開啲芝士拉到勁長，流晒出黎！！芝士狂徒嘅我三兩下就KO左佢。最後整杯masala tea 再結，好香香茶味，唔會奶味茶味過重

今日同friend 去尖沙咀食飯，想食d特別既野。行行下，行到好偏咁，估唔到有一間素食既印度咖哩餐廳!!! 平時食日本咖哩多，未食過素咖哩，所以好想去試下!!!我地叫左parotta & vegetables set (2 pieces)。 個煎餅好好食，夠晒熱，點d汁食好正！飯就叫左個sabnam piya biryani，d飯炒得好香，我覺得有d辣 haha 所以要叫野飲再叫左個Kadai vegetables, 佢d咖哩汁好香，好入味，好好食!野飲叫左個mango lassi, 好濃芒果味，又好大杯，好抵飲!!最攪笑係，個waiter 幫我地落單，我地唔識讀菜名，就諗住齋講number 啦，結果個waiter 一定要我地讀菜名，話係體驗下文化，認真攪笑!!

今天與友人來到這間位於尖沙咀的印度素食餐廳，很有驚喜。餐廳價格很平民化，很合理，很抵食。以尖沙咀地段來說，是很抵食。這裡有南印度特色小食，價格合理。又有印度前菜與特色甜品。印度特色飯的種類也很多，起碼有10多種選擇。印度煎餅原來也有分很多種，這裡的選擇十分多樣化，價格也很合當。餐廳還很貼心，在台上放上2枝礦泉水，有大有細，不過這2樣水原來也收費的。這是印度餐湯，有點黑椒，感覺很特別，口感很特別。這個印度煎餅十分特別，賣相十分漂亮，煎餅口感一流，很脆卜卜，有點似蛋餅，加上不同醬汁，味道十分美味，煎餅下面有些薯仔，配上煎餅一起食，是十分美味，可口無比。呢個很有特色的印度飯，配上不同醬料，十分足味，可說是香味撲鼻。這是芒果汁，很濃郁，很有口感。 餐廳很多人，很熱鬧。

濕熱食咖哩去體濕@Saravanaa Bhavan 尖沙咀亞士厘道23-25號雅士利中心4樓 悶熱天氣胃口唔好，食辣助排汗，但四川又怕傷胃爆菊花，心思思去食印度咖哩好了。只供應素食感覺健康，還有多不勝數的nann,天大喜訊我要瘋狂食。蔬菜咖哩$70由牛油汁煮雜菜，茅屋芝士蘑菇及青椒，味道豐富濃郁，更有芝士同牛油鹹香，汁好杰身又濃郁可以撈飯或烤餅。今次無叫nann包轉口味點左印度蒸米糕及印度冬甩$45，呢個就當麵包做主食，篇豆米糕跟酸辣醬，辣豆湯同辣椒豆粉,粉粉的幾有趣是跳出comfort zone 試新。好多個醬，白色口感似發米糕，是好濕潤帶乳酪香，另一個炸冬甩就似濕濕的麵包大，搓入了微辣香料表面胞入裡濕潤。個豆湯幾好飲架！加杯buttermilk $25解辣及幫助消化，似稀身酸乳酪但打入了印度香料同醃酸瓜，是鹹飲品每個醬汁都好好味各有特色，著重香料運用，素印度菜原來都好正架

平時行到尖沙咀總會覺得啲嘢嘅食都比較貴，不過今次我推薦既e間素咖哩絕對扺食又高質，經過開既朋友可以一試(｡ì _ í｡)！E間係一間樓上鋪，地方唔細，而且環境夠曬relax，上菜速度好快，完全唔使擔心要等好耐^ ^其實我泥過好多次，每一次都令我齒頰留香(///▽///)今次嗌左個mango lassi 芒果拉絲，其實同奶昔差唔多不過feel到佢既芒果肉係杯飲品入邊佔好重嘅比例，真係真材實料，甜甜地唔酸( *｀ω´)食物方面我嗌左個超大既三角形 煎餅♪(´ε｀ )，入面有佢d香料，仲有腰果，薯仔蓉，青豆，微辣但好易入口，雖然好大塊但係因為完全唔濟唔肥膩，所以一個人都可以食得曬嫁！旁邊有3種醬汁，二煎餅上邊都有一小碗嘅咖喱汁，我自己就好鍾意上邊嘅咖喱汁，同埋黃色橙色咖喱汁，因為夠晒惹味^ ^好開胃！

前幾天在 pantry和同事閒談，聊到印度，大家都覺得這個國家最近發展得很快， 說起印度電影【打死不離歌星夢】和 「印度劉德華」，最近在香港好像很受歡迎，很有共鳴！！不知印度菜會不會是繼韓國菜之後，成為香港的另類美食新彗星。說著說著，同事便說最近在尖沙咀逛街的時候，收到一張食肆傳單，好像有一間正宗印度素菜 開了在尖沙咀 ，食品看來很不錯、很正宗。接著大家相約中午不如一起去吃過午餐，順便聊聊 公司的八卦趣事！盛夏的五月，來到尖沙咀這家印度餐廳，發現餐廳獨佔了一整個樓層 地方很大， 有室內跟室外的座位可供選擇 ，十分寬敞。咁熱的天氣，我們當然選在室內坐啦！！由於是兩個人吃午餐的關係，我們不是點了很多菜！首先送來的，是芒果奶昔， 我們每人都點了一個 。奶昔內的芒果味很濃郁 ，但最重要是這杯飲料加了很多冰，十分夠凍！一喝下去，便把我們一身盛夏的熱氣都 速速溶解掉， 很是暢快！由於我們都不是很肚餓，所以只叫了一個店家的招牌飯餐套餐來分享！至於套餐的味道。。。Er... 要怎麼說呢？味道很特別 ，就是跟我們吃慣的中餐，有著南轅北轍的分別！ 十分有異國風情。正好 ！！反正就是這個原因，我們才需特地來

印度菜大家都會聯想到咖哩,而咖哩亦都有分其他配菜例如有咖哩雞咖哩牛腩又或者咖哩羊肉但呢一間位於尖沙咀旺區嘅 印度菜就只係食素菜雖然佢係素菜但係食完之後完全唔覺得佢係一間素食餐廳先講入面嘅環境一入到氣去已經聞到一陣陣嘅 咖哩味同埋其他香料味 但係唔會話好濃郁或者令人唔舒服入面嗰啲侍應全部都係印度人但係佢哋都識聽英文而且佢哋嘅服務態度都好好 再睇餐牌大部分嘅嘢同芝士咖哩同埋雜菜都有聯繫。。唔好以為咁樣會好悶佢係菜式方面都落最好多心機 就算只係 咖哩嘅選擇都已經有成差唔多十五項而且款款都唔同 好有心思咁今次就嗌咗個薄餅，薄餅一送到埋嚟就即刻嚇咗一嚇因為個size好大兩個人食都夠飽 之後再要多個香油薄餅呢個就比較傳統而且好有牛油味配搭各種咖哩食香味更加一流而咖哩方面就一定要嗌有芝士嘅價呢因為佢會有埋 一粒粒嘅芝士撈埋喺咖哩入面十分之惹味 整體嚟講無論係飲定係食呢間印度素食餐廳都表現得非常之好不過要注意一樣嘢就係甜品方面就唔好嗌啦因為比較奇怪就唔係人人都可以接受到

阿媽話：「每天都有新嘗試👍，先會活得精彩❕❗〰️」。今日我就帶阿媽去「食」「咖」「喱」。因為之前聽朋友講呢一間印度餐廳幾出名，而且係「真」👈印度人👳‍♂️👳‍♀️幫襯，一定可以食到當地風味吧。我一早book咗位，所以佢地好快就有位比我哋一家人。我打開餐牌嘅時候面對一個問題，就係唔識點叫菜，因為餐牌上面每一道菜☘都好似差唔多。係呢個時候，熱情嘅餐廳老闆就走埋嚟，用我聽得明嘅英文簡單咁講解🗣俾我知，仲推介左幾道菜俾我。先來一個三角形🔺️及另一個圈形🔴嘅薄餅🍕，薄餅好脆口，現場見到其他印度人食這款薄餅時，就發現要一邊點個三款醬料，分別有薄荷醬🌿、椰子醬🥥及咖喱醬🔶️。而我最鍾意就係佢個咖喱醬，唔似香港人食嘅快餐店一樣，咖喱醬除左辣之外仲有好多嘅香草添。我哋仲叫多咗一個套餐，上面有唔同款式嘅醬料以及配菜，隨碟附上的一片薄餅夾雜左唔同嘅香料，口感更脆更香口💥。另外有一個特色炒飯🍚，味道幾煙韌冇想像中硬，不錯，加上有三客甜品，份量足夠。印度以豐富的香草醬料馳名天下，而呢一間印度餐廳「平民」得黎勝價比十分之高，給我和媽媽有個特別難忘的醬料體驗呢。