Saravanaa Bhavan (已搬遷) 新店位置

香港絕對係一個美食天堂，乜野地方既美食都一定會食到，前晚我就去左一間正宗印度菜既素食餐廳試下，餐廳位於尖沙咀亞士厘道，"Saravanaa bhavan"係連鎖式餐廳，響全世界有七十間分店，而香港只有尼一間～餐廳嚮雅士利中心4樓全層，去到餐廳以為自己去左旅行，感覺似去左印度一樣，如果餐廳播埋d印度音樂就一流啦😆因為比較少食印度菜，雖然menu有多款選擇，但係花多眼亂🙈，我地就點左一個印度套餐，套餐包括左白飯，三塊不同口感既薄餅，同埋十一種配菜、醬料，仲包括酸辣湯同甜品，款式包羅萬有，可以一次過試曬多款印度口味😋印度香料偏重口味，所以要配襯薄餅或白飯食，薄餅有三塊，薄煎餅、炸餅同印度麥餅，各有不同口感，十多款醬料，我個人就比較喜歡酸咖喱👍🏻，乳酪亦不錯；佢聲稱既酸辣湯就似羅宋湯，而甜品就似椰汁西米露，不過係印度口味改良版～另外我地仲點左個蔬菜班戟，而班戟亦附上四款醬料，尼個充滿雜菜既班戟唔需要沾上醬汁會較為好味，表面煎得香，味道不錯😋～最後點左一個印度特色甜品“玫瑰炸奶球”，尼個甜品極度超級甜😆，佢係由兩個炸面包球將佢浸滿糖水，喜歡超級甜既朋友可以一試～

This has been my second time and i thought why not give it a good review.The food here is very good.We tried the south thali which has like 10 condiments with rice and papad in the middle.we also ordered some chappati and Puris.The puris were smothered with ghee and its was just too good when eaten with the vegetarian goodies.The place is not that expensive also.The only thing they changed was the menu which last time had more combos,like different kinds of thali which were their featuring items

今日適逢初一，姑媽又約左我地食素🌱🍀☘️🌿🍃🍄🥒🥦🥑🍆🍅🌶🌽🥕🥔🍠，話要清下腸胃積下福，本身諗住又係食中菜，無咩期望，點知佢竟然咁潮約我地黎呢間餐廳食印度素菜🥗🥗🧕🏽👳🏽‍♂️🧕🏽👳🏽‍♂️。呢間餐廳地點有d難搵，係亞士厘道某大廈既4樓，有招牌掛住，但吾起眼，真係估吾到姑媽點解會識黎呢間餐廳，佢話係上網睇喎。上到黎見到全部員工都係外國人，但餐廳裝修幾有港式茶餐廳feel，好光猛，感覺幾乾淨舒適。👍👍我地叫左好多野食，全部都夠熱，而且味道吾錯，又濃味，d素肉(應該用豆乾豆腐造)口感仲好似肉，吾特別講真係吾會太覺自己食緊素。🤗🤗其中d印度薄餅同咖哩最令人回味。薄餅吾會焊到乾曾曾，保留番少少麵包既鬆軟。🌮🌮🥙🥙呢個什菜咖哩材料十足，最鐘意係d炒洋蔥，個汁夠濃又夠杰，方便放上薄餅上度食。🍕🍕最後發現原本呢間餐廳都幾近新公司，行過黎吾洗10min，下次初十五一於約埋同事黎齋戒下🤣🤩😎😋😋

話說有日同女朋友係尖咀食飯搭LIFT走個陣見到呢間野幾多人入LIFT就想試下啦上OPENRICE見到係食印度菜既咁平時都好少食印度菜 所以想搵日試下佢所以我地就揀咗日黎呢到試呢間印度菜館個棟野比較唔起眼MISS咗都唔覺我都係用GOOGLE MAP睇住黎行餐牌都幾多野食既枱上有兩枝樽裝水 一大一細當然開黎飲係要錢啦Parotta  &  vegetable  set叫咗兩款野野其中一個係呢款有兩塊薄餅可以點下隔啲醬食一個係辣既另一個雜菜咁味道一般 份量太少辣味個醬都幾辣 但冇乜其他味好單調Saravanaa Special  meals跟住叫咗呢款望落豐富好多配料亦都好多好豐富比起前一個對味蕾係多啲刺激但都係一般般咁可能口味唔太岩我掛 我唔知啦但同第二啲都係食印度野既呢間係比較貴比較單調唔出色啦覺得我係覺得唔太抵食既

今日又約左舊同事食飯，佢話想試d特別野，於是我個地膽fd介紹左呢間餐廳比我地，讚佢係尖咀隱世印度餐廳，一試難忘喎🤔。呢度野食選擇極多，Menu有成十幾頁，有選擇困難症既又吾係好揀飲擇食既我地，就叫侍應介紹幾個菜黎試下。呢度d員工清一式係印度人，雖然吾識講廣東話，好似識聽🙃，但都好落力咁用英文介紹，仲有nice，抵讚。試左幾款小食，味道認真吾錯，又夠熱，睇得出係即叫即整。雖然係素餐廳，但呢度d野食吾啖，仲幾濃味tim。最難忘係呢個類似薄餅既小食，厚底，加左d種子增加左咬口，加少少咖哩，令人好回味😋。呢個類似豆腐既鐵板上菜時咋咋聲，隔離枱都偷望。味道少辣，加左吾少配料，餸飯一流。呢度服務同野食都咁高質，只係位置比較僻，怪吾知我個地膽fd話佢係隱世小店😁。

今日同印度fd食飯，於是上網搵左呢間樓上印度餐廳比佢，等佢一解思鄉憂愁🤣(最重要係近佢間酒店，吾洗接。)我地見menu 有好多選擇，又圖文並茂，中文對照，有點花多眼亂，於是就叫印度fd揀。佢揀左好幾款小食，話想留肚再係附近掃街(估吾到佢咁地道😆)。Onion banjji3大舊，3個份岩哂。同平時西餐廳食果d炸洋蔥圈吾同，佢同類似麵包包住成片洋蔥去炸，但吾油，好似食緊洋蔥包咁，個汁我fd都吾馬虎，我印度fd話夠正宗。Fried mushroom呢個炸蘑菇，賣相有d似豉椒排骨，切成一粒粒既蘑菇，加上佐料去炸，好惹味，岩哂重口味人士😏。我地仲叫左幾份nann，熱辣辣，每份有兩大塊，印度朋友都話夠哂正宗抵食。最後，本身想試印度新地，但可能太早，未準備好，唯有叫個雪糕食。雖然個朱古力雪糕有點似牛奶公司，但佢加左d紅色同綠色粒粒(印度fd有解釋係咩，但吾記得左😅)，增加左口感，有誠意👍🏻。

Happy Friday都不忘搵啲特別嘢食下。印度菜本身就唔算好特別，但係印度嘅素菜就確實有啲唔同。仲要個best friend生日，所以要食啲唔平凡嘅嘢食賀一賀佢。首先，必叫嘅一定係Mango lassi（芒果酸奶）。基本上食印度餐廳必叫嘅，而呢間餐廳每張檯上面都有叫。個味道唔會好甜，而且真係有足夠嘅芒果味，好飲！之後叫咗個小食：Masala vada，佢係偏向硬身嘅，連個waiter都溫馨提示我地呢個dish係硬嘅。但食落，我覺得都可以，而且外面係香口嘅，而裡面係軟身嘅，好惹味。食印度嘢一定要食Parotta！我地叫咗個Parotta & vegetable set，個Parotta鬆化，唔會太油，香口。最後叫咗平時好少見嘅Mini meals，佢係有三種唔同口味嘅飯，有yogurt 飯，有炒飯，仲有個辣辣地嘅飯。個辣汁飯真係好辣，個炒飯好乾身，而且酸酸辣辣，好好食。個乳酪飯一開始食係未必理解到個味，但越食越fresh，最後我個friend自己食曬😂不過講真，間嘢係全部都係齋嚟嘅，但食落完全唔覺得自己冇食過肉，係一個very good try！PS 間嘢到食飯時間都幾full下

近排識左幾個印度籍嘅同事，成日聽佢哋講當地食物，咖喱薄餅煎餅等等，佢地話雖然香港都有得食，但味道有好大分別。所以我今日就帶埋朋友黎，挑戰正宗印度菜！😎😎😎原來依間餐廳係食素菜咖哩既🙈 我朋友睇完餐牌後有點兒失望，因為佢一定要食肉既😂😂 但我安慰佢話咩都試下啦🤣首先係一份芝士煎餅，佢係一塊好大塊三角形嘅餅，配三款唔同嘅醬。餅入面都有啲餡，幾重香料味、唔算太辣，但d醬就有d辣度😎 本身叫左個酸奶薯蓉脆餅，諗住6件容易分🙈，但最後無哂，就轉左個- 辣甜醬雜菜扁煎餅。我哋對依款菜式毫無概念，但諗住一試無妨🤣🤣 原來係類似咖哩，但又有好多材料，唔會只係得咖喱醬！😆 除左雜菜，仲有d脆脆餅😛 幾特別的！依款都係辣嘅，中意食辣既朋友可以一試😎😎今次印度餐係我地既新嘗試，店員係正宗印度人，唔識聽廣東話，但我地用英文同指手劃腳咁，都溝通得好好，佢地好友善、有禮貌！係值得支持既正宗印度餐廳！

一入到去見到佔地都幾大，而且乾淨整潔，我地揀左係露台出面坐。然後我地點左四樣野食。第一個上既係一個印度套餐，配有好多不同既醬汁，中間係一碗飯，附有一塊印度麥餅和炸餅。飯既口感比較乾、鬆散，但加上醬汁之後十分有口感，唔會即刻"林"曬。用鹹同辣醬汁撈飯比較夾，甜既醬汁似係三種唔同濃度既乳酪，用黎沾麥餅同炸餅唔錯。因為麥餅本身係甜，我覺得配鹹醬汁都唔錯，麥餅配乳酪真係一流。另外叫左個雜菜咖喱，用黎撈飯都好正，微辣但好野味，少少鹹。跟住又叫左一個蔬菜pancake，質地同薄餅好似，有d蔬菜餡，但唔算好出蔬菜既味道，麵粉味較重。配有四種醬汁，白色既係椰子味，黃色係一種草青味，紅色系雞汁口味，仲有一碗微辣既比較稀。一開始我覺得pancake沾雞汁口味最夾，但食耐左又覺得草青味醬汁好清新，而椰子汁既太甜。最驚喜既最後既甜品印度乳酪牛奶餃子，本身以為真係有皮包住菜餡既餃子，點知原來係類似牛奶布甸餃子形狀既甜品。清甜唔膩，上面有一的堅果碎，係好新穎既組合配搭。臨走個陣，見到有師傅整緊印度班戟添，勁。

位於商業大廈既1間正宗印度素咖哩餐廳，入門口見到有東南亞藉既廚師整既印度班戟。有2大排枱，寬闊環境，左右2邊都有露天座位，選擇坐出面free d。餐牌有超級多選擇，每個category 都有至少8款味道。叫左特製薩拉維亞套餐($90)，蔬菜咖哩($70)，蔬菜班戟($65)，乳酪芝士餃子($40)。套餐有1塊印度麥餅，1塊炸餅，1塊米餅(白色)，有碗飯，上面有一個小碟(侍應話係辣and酸)，有10款醬料配搭，有選擇困難既最岩揀尼個地道套餐，試哂所以印度香料。由鐘方向順時針起，依次既味道: 咖哩雜菜(唔辣，就咁食/配飯唔錯，味道1st)，乳酪(淡味，炸餅配乳酪，帶出炸餅鹹味)，咖哩(重香料味)，黃咖哩(有薯仔，就好似平時食既咖哩，不過甜甜地，味道2nd)，辣咖哩(侍應講明辣，比其他醬料辣，但接受到)，乳酪(有d蔬菜(?)係入面，食落乳酪味濃過之前個款)，其餘既同之前差唔多，味道就重香料。第1次食，無從入手，侍應就話你鍾意落咩料就加入飯到。醬料配飯and印度餅出奇好食，如果就咁食醬，怪怪地，不過乳酪就咁食，味道good。原來真正既食法係，將d飯倒落個大盤到，加入你鍾意既醬，用手拌既，用手食

今晚放工約左好耐冇見既中學同學，佢地都話想試下d有特式、平日少食既菜式，所以就睇openrice，揀咗一間都幾多好評既印度菜！🤓一入到去，我地真係以為自己去咗印度😮 幾乎全部都係Indian!!!!! 👀每枱都似係印度家庭聚餐，我地顯得有點兒異相😂😂餐牌大部份都係我哋唔識嘅菜名，我地叫左一份咖哩同一碟班戟！蔬菜咖哩：混合左多款蔬菜、紅蘿蔔同扁豆之類，好香濃，口感好豐富！我朋友好中意食辣既，話依種辣度岩岩好！蕃茄班戟：依碟唔辣既，比較切合香港人既口味，配埋特色醬汁，好似食緊fusion菜!最後叫多個甜品，係餐廳既特色新地雪糕！其實即係香蕉船🤣 睇落冇咩特別，但佢既雪糕又同平時食開既有d唔同🤔 幾好味的，如果大份d就好喇！

有朋友介紹依一間餐廳好有特色一來係正宗印度菜二來係素食兩個cross over 真係好特別原來係好多人已經食緊野好多唔同國籍嘅人都來光顧有時我都有啲驚樓上鋪太靜依度就非常熱鬧佢仲有一個open kitchen啲師傅好有善睇住佢哋整咖喱整薄餅真係另一個娛樂餐牌都好細心有中文英文所以叫餸冇難道反而入邊嘅餸菜實在太多好難去揀不過侍應服務都非常好有啲咩唔明或者想問下佢意見都非常樂意回答北印度套餐（配兩種薄餅）☝🏻☝🏻☝🏻有10款小食樣樣都唔同甜味及辣味，配埋兩種薄餅真係好似試食咁，過程好有趣不過我覺得最好食就係啲薄餅烤得好香同埋熱辣辣師傅真係會即刻整要比個👍🏻👍🏻👍🏻酥炸辣椒真係好大件😵😵😵本來以為好辣但係好驚訝地辣到適中反而加埋配料就真係辣得多瑪沙拉芝士薄餅又係第一次食😜已經係第三種薄餅類別質感似班cake每一啖都有濃濃的芝士味👍🏻入邊仲有雜菜添其實唔使加醬汁已經好夠味總括來說：會再來幫襯，招呼很好，侍應亦很親切😋

想食印度菜於是聽朋友介紹來了這間，7:30pm 來不太多人，但到了8點幾人客就越來越多，主要是外國人和印度人，感覺好像到印度旅遊一樣好有風味！原來歐洲很多地方都有分店！👍🏻😊薩百南皮亞炒飯 用傳統印度香料炒印度香米青豆麼蘑菇雜菜飯，好香，配上印度的酸乳樂汁好好味！😋特製薩拉維亞套餐好豐富！連埋中間共有12種汁和配料！包括酸辣湯、酸乳酪、印度薄餅、甜品等⋯每種汁和配料味道都不同，好惹味！每次去印度餐廳，我必叫Mango Lassi. 這杯Mango Lassi 夠大杯而且好好飲！我朋友就叫了Malasa tea, 印度香料奶茶，香料適中好香！

因為較早時份去到，未有咁多客人住，好好彩仲有露台位！嘆住美食，吹住微風，欣賞下下面酒吧食肆林立o既夜景，情調唔錯啊。在場所見，除o左我地同坐入面另一檯兩個青年以外，所有員工同食客都唔係華人，咁相信食物應該會好有地道特色同風味！酥炸茅屋芝士油條(Paneer pakoda，$70 未加一) 係小食o黎o既，附送黃咖哩。d 芝士同想像中o既texture 與味道好唔同，呈乾身比較無咁膏狀，亦都唔重乳酪o個種味，不知是否當地煮法係咁。黃咖哩應該係薑黃粉o個類啦，辣道o黎講我俾小辣，咁樣一濃一淡咁夾埋食我覺得都ok。印度千層煎餅及蔬菜套餐(parotta & vegetable set，$70) ，menu 介紹係一款南印度菜。餅皮較平時食開o既上海蔥油餅鬆化得多，配搭一款薯蓉同一款豆/花生製o既咖哩。薯蓉清甜而不辣，豆/花生咖哩則有小辣。瑪沙拉印度酥油烤餅(ghee roast masala，$70)，個人認為呢一個最抵食，強烈握介！首先，份量真係好大份，同埋最初無睇心研究，原來裡面係釀o左薯蓉的！我覺得可以有幾個食法：就咁食塊皮，可以感受到淡淡o既麥香；連埋薯蓉食，會變o左一個甜點。另外亦

本身好少食印度野，印度素食更加係未試過，位處尖沙咀旺區既樓上舖，裝修欠奉但夠闊落，間中會見到唔同國藉既人黎食野。第一次試印度素食，都係看圖揀下野食咁。北印度套餐，好多細細碟既野，好似唔同既SAUCE咁。裡面有鷹咀豆，炒豆蓉，咖哩芝士，印度烤餅等，仲有甜品TIM。大多數既野食都比較濃味，不過又好香口惹味。不過甜品食唔出係D咩黎，我地估係玫瑰炸奶球，但又食唔到有奶味，佢似一個麻糬波，但糖漿浸住實在太甜。咖喱角，豆蓉薯仔既餡料，應該同出面果D咖哩屋大同小異。外皮帶D酥脆，加埋薄荷乳酪醬，更能帶出微辣既咖哩味。KADAI PANEER PUNJABI，有茅屋芝士，洋蔥蕃茄椒等，芝士係塊狀，口感好棉密又濃奶香味。成個咖喱都偏辣，配烤餅都好好食。好在我地有叫MANGO LASSI，可以解解辣。不過講到解辣，我又覺得北印度套餐裡面既酸奶(其實係咪原味乳酪XD)可以中和一下。印度芝士NAAN，少少燶反而更香，新鮮熱辣又鬆軟，不過食到好飽食唔晒，佢比我想像中辣左D.唔駛extra 點野都夠晒味香港人平日食開清淡野，所以食印度野比較濃味。我覺得呢間野都應該幾正宗，因為都見到幾多「自己友」上黎食。少辣我都覺