Saravanaa Bhavan (已搬遷) 新店位置

Kara dosa is my staple at this chain. And it was similar in taste, though they seem to skimp here on the filling, compared to New York.The hubster got his staple at any South Indian restaurant, which was a rava masala dosa. An uttapam for the child, which seemed slightly undercooked in the center. Good chutneys, especially the tomato one, which was a bit different, more gingery (works too well for me).The idli was soft, not as white and the vada, great. And their sambhar has always been good con

唔知大家身邊有冇個食素嘅朋友呢？我有位朋友唔鐘意食肉，成日都唔知出街可以去邊度食，又唔想朋友就佢咁麻煩，所以就好少約朋友出街。但其實依家素食都有好多選擇，同埋都可以煮得幾好食。其實我都係第一次係香港食印度餐廳，我朋友都冇試過，就一齊試下啦～我估間餐廳有冇人識講廣東話，我一入去店員係用英文去同我打招呼。一坐底見到枱面有2支水，一大一細，我仲諗點解用礦泉水咁正。於是我地就開左支細嘅去飲，去到埋單先發現原來要收$9！真係唔可以隨便掂枱上面嘅野 。佢呢度嘅Menu 超多選擇，就咁睇一次都用左好多時間真係想食咩都有，但對於我呢個有選擇困難嘅人黎講就好頭痛～最後因為唔係太肚餓嘅關係，就咁叫左個蕃茄洋蔥印度斑戟，加一杯印度奶茶。而朋友就叫左一份青豆煎餅同埋一份水果沙律。其實佢斑戟同煎餅都幾大份。一開始我只係比左隻叉我地，我地覺得差左把刀，正諗住舉手問佢攞嘅時候先記得印度人係用手食野嘅。所以我地就跟下個習俗，用右手食啦佢個斑戟同我地平時食開嘅斑戟口感完全唔同，第一啖食落都諗係咪真係斑戟黎，但邊個話斑戟又一定要係個種，同埋其實佢嘅口感都唔錯嘅，試下新野嘛～佢整得幾香。

講起印度菜，雖然重慶大廈係首選，但走進那些偪仄的餐廳，始終讓人擔心衛生。今次發掘到一間雅士利中心的印度餐廳，環境乾淨清爽，好多外國友人來光顧。餐牌製作精美，南印度北印度各有特色，已經睇得眼花撩亂叫了一份餐廳特色套餐，一個人可以無限追加，好抵食。上菜了，真係好大碟！有各種咖喱，酸辣湯，乳酪，沙律，甜點。一應俱全，一個人每種都有得試下，鍾意的那一款仲可以無限追加，好開心。這款好似係薯仔咖喱，唔太辣，但咖哩味濃，送飯一流。套餐有送烤餅或炸餅，老闆態度好好同我介紹每種特色，仲幫我特別安排一件烤餅一件炸餅。烤餅口感同naan一樣，不過會薄啲滑啲。炸餅剛出爐時好脆好香好好食。如果二揀一我下次會食炸餅。呢個睇落好似油浸雞蛋，其實係好似炸過的蛋糕，確實係油浸，所以比較甜比較油，睇個人喜好，我本人有啲食唔慣。另外叫左杯「mango lassi」好似mango milkshake，唔會太甜，口感都smoothy。呢餐食得好舒服好放鬆，會再來光顧。

今日喺海港城行完街，行去亞士厘道搵食，見到有間上樓食印度嘢嘅餐廳，行街行耐咗已經好肚餓，所以就無再睇其他嘢食 ，就同朋友上去試下啦！上到去先發現原來呢間係食素食咖哩嘅，不過都坐低咗就試下啦！個menu都好豐富，有好多板，估唔到素食都可以有咁多唔同嘅選擇。食印度嘢當然唔少得係印度烤薄餅同咖哩啦！我哋叫咗香蔥烤薄餅同埋雜菜咖哩，啲咖哩好香濃，香草味好香，而且正宗。另外烤餅仲係即整熱辣辣，正！估唔到喺香港都會食到咁正宗嘅印度咖哩，下次一定約埋朋友再來。

朋友介紹呢間地道印度素食，今日天氣凍最啱食辣辣咖喱😋店內多數是外國人及印度人光顧，待應們全是印度人，佢哋會細心介紹Menu內的素菜及推介特色素食，態度友善😁😁原來呢間是印度連鎖素食餐廳，睇Menu介紹先知，夠晒地道👍印度素食原來有分北印度素食及南印度素食，餐牌內十分多選擇，令我哋難以選擇🤣餐牌包括：印度煎餅、印度班戟、特色飯、北印度咖喱、仲有印度中式素食😯，有炒飯、印度四川麵、印度客家麵南印度特色有蒸米糕、冬甩、炸圈😊特色印度街頭素小吃印度黏土烤爐美食Roti、Naan、Phulka、Stuffed Paratha仲有素食蔬菜鐵板燒原來印度素食有咁多選擇😍大開眼界今日點了一個北印度套餐，可以一次過試幾種素食，包括飯及印度薄餅，兩款咖喱配上薄餅都好惹味😋👍另外叫埋印度咖喱雜菜磨菇，加多塊牛油薄餅，食得飽飽👍配埋杯芒果Lassi，啱晒解辣🤪素食又多樣新嘗試

今日朋友帶我嚟尖沙咀亞士厘道一間食素菜嘅印度咖哩餐廳試下，佢介紹我話這裡啲印度咖哩好正宗，於是今日就同佢嚟再試下。上到去已經坐咗一半嘅客人，大部分都係印度人同埋外國人，淨係得我哋幾個香港人，最初都驚有啲食唔慣，點知朋友order完之後啲嘢食，嚟到又幾好食喎！酥炸洋蔥圈，裏面係用紅洋蔥嘅，啲洋蔥好甜美，而且炸得好香，配埋兩個唔同嘅醬汁，一個好香coconut味，另外一個好香咖哩味，兩個配埋個洋蔥 圈，配搭得很好。跟住朋友仲叫咗幾款唔同嘅印度菜，我都唔記得叫咩名啦！全部都好香香草味，我哋都食得好開心。其實喺香港平時都好少食印度菜，估唔到原來都幾好食喎！ 第日食飯有多種菜式選擇啦！

今日老公話好耐未食過印度菜，於是我哋就去咗尖沙咀搵下有乜印度菜好食先，見到呢度有幾間唔同嘅印度樓上餐廳，咁我哋就照上樓試下，是但上咗一間去試下。坐低咗睇咗menu先發覺原來係冇肉嘅，全部都係素菜，不過menu都有好多選擇，就是但啦！咁多印度人望住我哋坐低咗起身，又驚有啲尷尬，所以就是但喺度食。但係估唔到竟然喺呢度會有驚喜，啲嘢食全部都好特別幾好食，特別係個鐵板蘑菇，熱辣辣用鐵板上 ，啲白蘑菇好juicy，而且好香蘑菇味，份量仲好多添！味道應該係用咖哩煮嘅，辣辣地配埋啲綠色嘅辣椒，好特別。食到一半覺得有少少辣，所以叫咗杯鮮橙汁飲，啲橙汁飲得出係新鮮即渣嘅，印度老闆果然好有誠意 。我同老公都食得好飽好滿足，下次會再嚟！

第一次食印度餐廳 一入到去 感覺好舒服 入面的staff 全部都係印度人 雖然要用英文溝通 但感覺好親切☺每張枱都有水同埋杯提供 但注意水係需要收費嫁 成餐飯 total 叫左5樣送 上送的速度好快 D staff 好有禮貌 好有耐性咁解釋每樣菜色👍🏻第一樣送係masala Dosa（瑪沙拉煎餅)其實係一個大薄餅加咖喱薯仔配埋不同的調味料）味道好夾 好好食 同埋用手食好有風味第二樣係Fried Mushroom（酥炸蘑菇）味道一流 D 蘑菇大大舊 好香好入味 第三樣係parrto &vegetable set（印度千層煎餅及蔬菜套餐）2塊薄餅配合唔同醬料 其中一樣係咖哩 好好食 值得一試！第四樣係vegetable curry（咖喱蔬菜）呢個比起其他菜色 稍為遜色 但都值得一試 裡面有紅蘿蔔 同好多豆 好岩素食者最後一樣係saravanaa special biryani（特製薩拉維亞炒飯）炒飯配合埋白色的醬汁 驚喜地夾同埋好好味！呢間餐廳的menu 有寫明邊d for 素食者 可以按住自己需要去叫！呢間餐廳值得一試再試 ！ 🤤🤤

朋友介紹的鋪頭，素食印度菜幾特別，就來一試！門口細細估唔到入去之後地方好闊落，仲有露台位置。一入到去，清一色全部印度人，待應都好友善，由得我哋隨意揀位坐。我同朋友就揀咗坐出面。餐牌好大本，好多嘢食揀，真係眼花撩亂，同朋友揀咗好耐都諗到食咩🙈🙈我哋叫咗特製薩拉維亞套餐，有成十款醬汁，配埋飯同埋印式薄餅。洋蔥粗粒米煎餅，好香洋蔥味，點埋醬料真係好好味。飲品就叫咗芒果奶昔，唔係太甜，都好飲。成程待應都好友善，我哋需要咩都好主動幫我哋添加，又會介紹嘢食比我哋，真係勁nice!!本身想試啲小食，不過要7點鐘先有，佢仲有啲印度嘅中式小菜，下次要再嚟試啊😋😋

素菜另一選擇朋友約食飯但係又唔想食肉, 在香港食素通常都係中式和西式, 今次居然畀我搵到 一間在尖沙咀食素嘅印度菜呢個餐廳 地點好容易搵好方便 ，環境闊落 ，都幾乾淨， 空氣流通 ，食完之後 出嚟唔會有一身餐廳味。特色印度街頭素小食:鷹嘴豆咖哩角這個是以咖哩角為基礎,配以鷹嘴豆洋葱青豆等蔬菜加埋一啲甜酸咖哩醬，上面再加上一些類似 炸米粉 的香口嘢。味道辣中帶甜酸都幾開胃。蘑菇大豆塊 masala另外又叫咗一個蘑菇大豆塊. 除咗 蘑菇 之外， 所謂 豆塊， 就係一些好似上海烤麩嘅豆類物品 ，加上masala同埋其他香料炒埋一齊， 味道唔算辣，重幾惹味印度蔥油烤餅去食印度嘢又點會少得烤餅呢。 今次叫咗個蔥油烤餅， 入面有啲 捲心菜絲 同埋 紅蘿蔔絲， 味道偏淡， 烤餅 質地 都幾煙韌， 配咖哩就一流。Mango lassi , 印度奶茶飲品方面 ，朋友話去到印度餐廳必 試兩種飲品 ，就是印度奶茶 同埋lassi. 這杯印度奶茶， 香料比較少 ，相對茶味比較出 ， 對於一啲唔鍾意太重香料嘅人 會比較啱呀. 另外mango lassi 芒果味好 濃， 不過飲到最後比較甜， 但係整體都唔錯 ，食

冇啦啦想食印度菜， 俾我搵到間以素食為主既印度菜， 不得不試呀 🤩呢度既菜單可以話係多樣架， 淨係煎餅， pancakes，印度薄餅都成起碼四版紙， 仲有好多唔同小食， 炒飯選擇。 諗食咩都要睇番幾個字。 間餐廳好多印度人食同staff 都似係印度人， 落單講中文英文都得。 最尾叫左兩樣野食， 份糧幾大。 首先係賣相好吸引既北印度套餐 一個價錢，試到咁多野食，超值😍， 有酸奶， 兩三款味咖哩，烤餅同脆脆口的煎餅， 個飯好重豆味， 個人唔喜歡，但鐘意豆味既朋友仔就岩哂喇。 另一款驚喜菜蘑菇鐵板燒， 好味到要搶著食 連配菜西蘭花， 洋蔥都炒到好好味， 微辣， 充滿胡椒既香味，賣相仲好似一粒粒雞球， 細細粒， 易入口。 飲品叫左印度奶茶， 味道淡淡， 要加糖先得， 本人就覺一般姐， 不過見唔少人推薦， 可以叫一杯試下既。 總括而言， 呢間餐館都幾值得試， 環境舒適，staff 又唔會催你， 又唔限時。😉😉

今日朋友帶我食印度菜，上網見到呢間評價都幾好，就黎試下新野。餐廳設計好舒服，入面都多外國人，感覺呢到既野食應該都好正宗。仲可以坐室外，好岩約朋友黎。餐牌係中英對照，但店員就講英文。第一次唔係好識食，但佢地都會好nice咁介紹返啲野食。點完餐就送上既酸辣湯，好開胃瑪沙拉咖哩芝士芝士口感像豆腐，唔辣，配埋naan一齊食真係好灰順帶一提，個naan上左枱之後，之後有個店員話焗得唔係咁好，主動幫我地換個盤，好貼心啊！！！ 新鮮上枱既naan好軟熟，好香口。北印度套餐+Roti個炒飯有堅果粒，就咁食都好夠味。仲有盤好似乳酪咁既野，好開胃。個餐仲送玫瑰炸奶球，用糖水浸住，好甜但又幾好食。洋蔥煎餅煎餅要趁熱食，凍左會淋，入面包住既洋蔥好爽脆，唔會辣。個咖哩好好食，唔辣，呢個我覺得係必叫既！！叫左杯Sweet lassi乳酸味，唔會話好甜，都幾好飲印度香料奶茶，香料味重飲完個口仲有餘香，大家一定要叫杯試下

平日都食開泰國菜，越南菜，好少話想去食印尼菜，因為對印尼菜既印象都係街邊整好曬一盤盤既小食，再加上白飯，經過就會聞到濃濃的香料味。但今日，朋友話想試一間印尼素菜餐廳，就抱住中伏既心態去食，點知最後竟然會有驚喜！一打開門，就見到好乾淨既環境，同埋有個開放式廚房，個心都定啲，起碼一定係乾淨，唔怕肚痾！打開份菜單，見到有幾多選擇，第一時間就叫左好多人推薦既印度香料奶茶，飲落去有陣濃烈嘅印度香料味。另外重點左一杯Sweet lassi奶昔，普通乳酸味，但好岩用黎解辣。瑪沙拉咖哩芝士唔辣，加上茅屋芝士食落口感好豐富，而且落左牛油會覺得好香，就算無加肉都覺得滿足。北印度套餐配Roti呢個餐一次過有幾款咖喱，好岩我呢啲冇食過印尼菜既人。 Roit好似薯片咁脆，個飯又炒到好香！而個甜品就係玫瑰炸奶球，食落好甜 ，但又幾好食，出面未食過類似既野估唔到印尼菜又幾岩我胃口，好似發現新大陸咁(好大鄉里），下次真係要叫朋友過黎試下！

對印度美食認識唔深，印度素食更加係未試過，今次就同朋友黎開拓新既美食版圖。餐廳都幾多印度人黎捧場，香港人就反而少d啦～餐廳門口旁邊係廚房，一入黎就見到師傅係度煎餅覺得呢度既菜色幾特別，所以今次好有心機甘影曬成個menu比大家睇下首先送黎既係印度粗麵粉丸 Rasgulla （$40）係由粗麵粉整成既粉團，本身粉團冇咩味但佢索左啲糖水之後變得好甜質感就好似麻薯波波既外層，幾有咬口之後送上既係 辣味煎餅 Mysore Dosa （$65）以前淨係覺得印度係食烤餅naan，冇唸到佢仲有煎餅、班戟食～煎餅如圖所見，個size係大半張A4紙甘佢有d似班戟既個層皮內層搽左層薄薄既醬汁，係紅辣椒酸辣醬；香辣可口既醬汁配上外脆內軟既煎餅格外惹味佢有三種醬汁比你選擇，白色個款冇咩味似蘿蔔蓉；黃色個款落左好多薄荷葉 -->呢兩款都可以解到小小辣至於啡色個款就係咖喱汁黎既放係煎餅上面既小碗其實係裝住湯既，係由薯仔同埋各種香料熬出黎既濃湯；唔辣既最後送上既係：煎辣茅屋芝士（乾）Chili Paneer （$70）仿薑蔥魚塊煲係今晚食落最“港式”既菜芝士做得好實，好有食雞肉既感覺，質感唔錯當地製造芝士方法

早排放工一個人去咗食飯，想食啲特別啲嘅野，於是就試印度菜，就喺openrice搵到呢間印度菜，而且價錢唔係好貴就入去試下。一入去發現好多印度人一家大細喺度食野，老闆員工等等全部都係印度人，即刻好有異鄉風情！一望個餐牌，其實好多都唔知係咩嚟，對印度野一啲都唔熟悉，就亂咁叫咗一樣野試。我就叫咗個芝士煎餅，佢仲配一個辣豆湯，同3個酸辣醬點個芝士餅食，個芝士餅又好脆好香芝士味，幾好食！點埋啲醬試下，啲醬係幾特別，我諗呢啲就係印度風味，一定要試😂😂我個人就覺得唔點好食啲🤣🤣第一次試辣豆湯，佢好杰身，好似一個汁咁，好似係打蓉咗嘅豆汁咁，幾好味！飮埋個印度奶茶就係好圓滿嘅睌餐😋😋