Second Bite Bar & Grill (已結業)

Book 左枱九點半，以為佢地收好夜原來10:00 last order😳響超唔好意思既情況下，我哋叫完野食，極速食完，走人🙏🏻🙏🏻真係好想同佢地講返聲，唔好意思，阻住收工我哋叫咗一客水牛雞翼🍗🍗、小食拼盤🍤🥠🍢🍘、Burger 🍔、鐵板雞扒拼司華力腸🥘每道菜都係超乎想像地好味😋價錢亦公道❤️❤️可以話係長沙灣既隱世美食，因為地點位於唔係人多既地方值得一再支持👍🏻👍🏻👍🏻因為趕住食，已經唔記得影相了🤣😂

第一次嚟到second bite 都係朋友食過再介紹。位置唔難搵 入到去覺得環境幾好 燈光有點昏暗帶點浪漫。兩個人叫咗三樣嘢 手抓海鮮（小龍蝦 青口 西蘭花）配胡椒奶油醬，明太子軟殼蟹漢堡配薯條 沙律以及黃金雞翼。首先係手抓海鮮 雖然只係小龍蝦但係都夠肉 而且店員好好人 俾我哋試埋佢哋嘅秘制辣醬，確實係幾惹味又唔太辣。黃金雞翼即係鹹蛋黃雞翼 鹹蛋黃味充足 食多了有點膩，最後明太子軟殼蟹漢堡 有些少失望 因為食唔到明太子味

Second Bite 位置不太好找，喺條斜路上面，有少少隱世嘅味道。店內裝修甚具風格，有啲似中上環嘅餐廳酒吧，不過價錢就超級親民。叫咗兩個 Lunch Set：非一般芝士焗肉醬意粉同香濃蝦汁海鮮燉飯，前者芝士份量多，肉醬調味得宜，畫龍點睛之處係個意粉上面鋪咗一隻煎蛋，將隻蛋搗碎後，蛋汁撈埋意粉一齊食，非常惹味👍。至於個 Risotto 海鮮份量頗多，飯粒充滿蝦嘅鮮味，好好食😋，最開心嘅係我終於食到鍾意嘅 Risotto 口味（有少少生米嘅口感）！由於太興奮，個飯係食到一半先記得要影相，所以張相其實只係顯示緊半個飯😆。呢度嘅懷舊鐵板餐系列聽講都幾出名，有機會要搵晚再嚟幫襯多次。

======📍大大份肉餅漢堡 -- Second Bite🍔琴日介紹完neighbor嘅漢堡，今日就介紹同樣位於長沙灣嘅漢堡😆偷偷同大家講，其實我同@hungrypiggies 喺同一日食晒呢兩間餐廳嘅漢堡😂真係好彩有你陪我癲周圍食😁--------⭐手打肉餅漢堡。薯條。沙律($88)首先個漢堡好大個，肉餅好大塊好足料，好墜手😆漢堡包體係麥包，食落有陣麥香👍雖然麵包係烘過，但可惜因為醬汁都幾多嘅關係，所以包體嘅底同面都變到好腍，有少少扣分😭但好彩肉餅成功拉返分😁大大塊之餘仲煎得好香，好juicy😙仲帶少少脆口，好正😍另外旁邊嘅蕃薯條炸得香脆，食落仲帶天然甜味添😋加埋沙律菜又可以中和返漢堡嘅油膩感，整體有水準，值得一試💛--------評分（10分滿分）賣相：8味道：8性價比：7回頭率：7-------餐廳資料名稱：Second Bite地址：長沙灣昌華街45號昌暉大廈地下6號舖前往方法：長沙灣站C2出口

如果想平平地食餐西餐 呢間餐廳都係唔錯嘅選擇 食物質素中規中矩 性價比不錯～服務員亦都好好態度同服務 會隨時ready幫你加水 又或者係睇你有無咩需要幫手但係我同朋友都稍微覺得食得不太自在 感覺好似有人係旁邊望住你食飯 私隱度爭啲食物方面，最推介係咸蛋黃雞翼（$88）！我身為一個雞翼控都對佢讚不絕口 因為佢即叫即炸 食落去熱辣辣重點係咸蛋黃同雞翼嘅味都好出好惹味 唔會過咸～份量亦唔少 共有6隻 兩個人食略嫌有啲多另外，忌廉青口（$168）都係另一推介！cream味濃郁但又唔會蓋過青口嘅鮮味～

一放lunch就搵黃店，誤打誤撞比我揾到間高質西餐廳，仲要係老闆親自幫我落單😂😂佢呢度個lunch包埋餐湯同野飲，餐廳係波菜忌廉湯，超級好飲🤤💓然後個海鮮Risotto 都好多，好滿足！😋

今日去食午餐，食物質數算好。店員服務也好，只是那個男經理，件tee後面印是Head Chef... 態度認真麻麻，好似不太願意做樓面，不情不願。或者是老板?不如入去煮好過在樓面啦！

呢間餐廳好得意 有得食懷舊鐵板餐🥩又可以食各類海鮮拼盤 生蠔等🐙🐙. 鐵板餐熱辣辣 上枱時仲滋滋滋咁響🙊龍蝦無咩特別🦞相反牛柳粒好淋吾韌😋.黑松露燉飯好creamy黑松露味好香價錢亦吾貴 抵食👌

今日跟多年沒見的朋友們見面，其中一個朋友提議試這家餐廳的午餐，大家也沒異議的情況下就約好了。午餐餐牌選擇很多，價位由$68-$128不等，價格也算合理。朋友們點了蒜蓉青口炒意粉和手打肉餅漢堡，而我則點了西冷扒。$128的西冷扒餐配有沙律跟薯條，不過怕胖，所以把薯條都改為沙律。沙律味道正常，都新鮮，但西冷扒完全不行。很沒誠意! 百多元一塊牛扒，無論肉質和味道上都只有茶餐廳級數，連一點牛味都沒有，就只有類似豉油糖豆粉的醃料味道。老實說，就連超級市場的西冷扒 ($80幾兩塊)的質素都要比它好，至少人家的肉帶質感，而且有牛味。另外牛扒有一大舊肥膏 (圖片最左邊)，所以撇除這舊肥膏後，肉不是太多，單看份量，一個正常食量的女生不會夠飽。某朋友試了我的牛扒後都搖搖頭，都說自己在超市買的牛扒的質素都要比這兒的好。他還說他點的手打肉餅漢堡也跟我一樣中了伏，說質感很怪而且味道上跟漢堡包不夾。服務方面，店員態度友善，這個不錯!可惜，食物質素令我們不會再回頭光顧了!

🇭🇰#香港捐窿捐罅記 #菠蘿王子經濟圈罕有既好食黃店🤤終於又比我搵到一家😗大家知道我為咗美食同黃店，唔介意走到好遠去食😛而今次就特登去咗長沙灣去食黃店😂仲特登一早訂定位😌我發現通常有良心既黃店服務都比較好，係有一種既親切感😌 所以大家繼續去呀😌-🍔#秘製手打肉餅脆蛋漢堡🍔（$148）佢地既招牌菜，份量超級大😯脆蛋姐係炸蛋🥚入面仲係流心既🤤手打肉餅外皮脆口，而且好彈牙（可能因為有墨魚）絕對非常之抵食，而且佢既配菜亦十分有心機😌有薯仔🥔同番薯🍠做成既薯條，一甜一咸好特別😌.🐙#芝士忌廉海鮮燴飯🐙（$168）我最中意既Risotto🤤 好中意佢個飯底😗成塊芝士係上面，食落又creamy又cheesy😛啱晒我胃口😂而且飯又有少少咬口😌唯一缺點係海鮮質素比較差，收得呢個價錢可以用好少少既料😲.🐥#咸蛋黃雞翼🐥（$88）見冇得單叫薯條就唯有食雞翼😛食落幾惹味😂滿足到我既咸蛋癮😂不過更濃味就更正😂更多汁又好😛總結來說 真心覺得好食😛可以去盡情去食💛-🎈 長沙灣昌華街45號昌暉大廈地下6號舖平均傷害：$200好味值：8/10...

同同事食lunch, 佢地介紹呢間，話lunch平過晚餐好多。我叫左個招牌肉餅飯，好耐冇食啲咁差嘅飯，硬到咁，真係唔開心😫，個肉餅冇乜特別，係個紅菜頭餐湯正常少少，七十幾蚊食個肉餅飯係可以但絕對唔係呢個quality. 食完仲好似消化唔到，夜晚都仲滯住😭同事話之前喺度食未試過啲飯咁硬。我真係唔好彩。埋單時我地都同左個哥仔反映。同事要左個雞pa飯。佢話八十蚊食個雞pa飯就唔值。因為nothing special. 總結：呢餐只可用個靚字形容，完。

放飯想食好啲，同朋友去左secondbite食西餐，長沙灣可以食既西餐唔多。我地分別叫左帶子黑松露燉飯，牛漢堡同豬扒公仔麵。帶子黑松露燉飯既帶子真係好有帶子味，好甜，如果係急凍帶子，真係處理得好好。個飯有少少乾，多少少汁會更好食。牛漢堡係配雙色薯條，難得一見。豬扒公仔麵既豬扒好厚，有汁，只係麵就用左印尼撈麵。佢個午餐唔食飲品，只包湯或者沙律。沙律既沙律醬撈得好均勻。湯係蕃茄薯仔湯，佢打到好結身，好有口感。

見到和你Eat個app入面，哩間野係排長沙灣區既第一名。然後，係Openrice見到d食評講到間野既食物幾好，環境幾好，又有得寫Birthday greeting係甜品碟度，我就決定同朋友係哩間餐廳慶祝生日。但一去到就覺得佢地d眼神同態度好怪，又無咩服務可言，已經覺得伏伏地。由於係openrice訂位時已經註明想係甜品度寫字俾壽星，所以我以為佢地知道。不過我係點甜品既時候都有再提醒佢地一次。佢地知道要寫Happy Birthday之後，表現得唔情願。然後佢地幾個人討論完一陣之後先決定肯寫。😓甜品係心太軟，送黎既時侯係寫錯字，我廢時要人再寫過就算啦。但佢又唔俾餐具，哩個都算，直接係原碟分黎食，廢時麻煩佢地。但無俾蠟燭，我問佢地會唔會有蠟燭？佢地就少少串咁話你地想要蠟燭？ 然後就插左支蠟燭係心太軟蛋糕度，而唔係插係雪糕度，所以心太軟內既熔漿就熔左支蠟燭係蛋糕入面。。。我地掹返出嚟都已經太遲，不過都同佢哋解釋返支蠟燭熔左入去，我地食蛋糕果陣會食埋d蠟，想佢地俾多支我哋插係雪糕度許願。點知佢拎多支黎插入去蛋糕度多一次。我地已經無語了，所以就馬上掹起插支蠟燭落雪糕度。哩個時候，雪糕都熔得7788

套餐配搭非常好，頭盤：海鮮拼盤、南瓜湯加牛角包。美中不足的是，家人連湯、包都未食，兩手仍攞住啲蝦，主菜就到，令大家有點不知所措。主菜：鐵板牛扒，賣相非常好，但薯條被壓住變得又油又淋，牛扒太咸，其他配菜很好。吃完後，要叫多次給餐飲（未上餐前一早已點了）才有。水果茶：賣相不吸引，但都好飲。飮完後，要再問：係咪有甜品架？甜品才送到。整體上菜節奏配合有待改善。

同舊朋友多月無見，近排終於約好一晚出來聚下，成班食肉獸就決定鋸扒！入到來發現餐牌價錢都幾相宜，咁當然我地就放手一叫！Rib eye, 牛小排，燴飯，兩個沙律，雞翼，炸雞拼盤，亦叫左啲飲品。牛我地都係叫左五成熟，大家開心share，水準絕對不比出面扒房差！而且肉質細嫩唔會痴牙，唔錯！沙律亦食到停唔到口，因為佢好大碟，夠咁多人share之餘，亦好足料，煙三文好夾沙律醬汁，大家都中意食。爐魚燴飯，個魚都好嫩，燴飯唔會太漏，所以都唔錯。雞翼就重係咸蛋黃雞翼，香口但就比較重卡路里既。炸雞拼盤餸酒一流，不過我只係飲檸檬茶🤣整體水準不錯，長沙灣都可以有水準高扒房的！