Second Bite Bar & Grill (已結業)

番工番到悶悶地，今日lunch決定試下新餐廳，在openrice搵到呢間餐廳，西餐呢個價錢算合理，即管試一試。叫左個芝士肉醬意粉，同事叫左個手打肉餅漢堡配薯條沙律。like佢地facebook仲有杯果茶或果汁，都幾好飲喎。好彩一點前攞到位，一點後見好多人等位了。等左一陣就有野食喇。個肉醬意粉有好多芝士，超濃芝士，但一啲都唔漏，加埋肉醬嘅咸味剛剛好。剛剛焗起熱辣辣，正！漢堡飽份量不少，大食的都應該夠飽。大大塊漢堡，唔「鞋」，有菜、番茄同好多醬汁，一啲都唔乾，薯條就一般，好快凍左唔夠脆。整體覺得唔錯，環境夠闊落，坐得舒服。番工食晏又多個選擇喇。

來到second bite ，叫了兩客主菜，分別是香煎海鱸魚燴飯和美國黑毛豬柳扒。香煎海鱸魚燴飯，海鱸魚煎得頗金黃，不過略帶腥味，而且不夠鹹，另外肉質亦不夠滑。燴飯軟硬正常，不過汁不夠creamy 。美國黑毛豬柳扒十分難吃，沒有黑毛豬應有的香味和彈性，更有一股茶餐廳劣質豬扒的味道，而且煎得不夠嫩滑，沒有肉汁。薯蓉和沙律味道正常。餐飲叫了燉檸檬蜜，比較有特色的飲品，頗潤喉。餐廳環境頗為嘈吵，要大聲地談話。而且餐廳把餐牌直接放在水杯上，建議放於枱上，感覺比較衛生。埋單每人180，物非所值。

食物質素可以 但book咗位都等咗四十五分鐘先入得 - 屋企人生日飯 預早一個星期經open rice訂定枱 諗住支持吓黃店 去到預訂時間未有得入 都無問題 明白有時會有啲時間上嘅誤差 okay fine 等咗十五分鐘嘅時候有位職員岀嚟講唔好意思 話今日有聯絡過我關於booking上有改動 打過電話俾我但無人聽 我望住個list 全日都冇Miss call 再等左15分鐘 又有一位職員出嚟話有一枱食緊甜品 就快交枱 結果又等咗十五分鐘先入得 如果book咗位都要等四十五分鐘先入得 booking嘅義意係邊呢？ 食物質素係唔錯 但係食到一肚氣囉

呢間個burger堅係唔錯😍😍勁大個 大個到一淡淨係咬到半個！-手打肉餅脆餅漢堡 配雙色薯條&沙律 $148呢個大推薦！！手打肉餅juicy又彈牙，有大大塊熱溶左既芝士，同埋塊炸蛋咬落塊係流心架！！🤩🤩包都烘得脆一脆，成個拎住呢咬勁滿足🥰雙色薯條都炸得幾好食封門牛柳排 配薯蓉、野菌雜菜 $168呢個牛排本身冇點醃過 就咁煎香已經好淋 唔會un-雖然佢間鋪係開到偏僻左啲，但佢既質素係值得入去既，由其係burger，值得回頭

因為要幫朋友慶祝生日，所以就揀咗間fusion菜。一開始就上咗個牛油果墨西哥脆片，都幾特別，本人都幾喜歡食牛油果，原來牛油果蓉加埋墨西哥脆片係咁好食跟住就上咗黃金炸雞翼，我認為如果好鍾意食鹹蛋黃嘅人一定要食，依家潮流真係非常興乜都加鹹蛋黃，但我真係好鍾意食鹹蛋黃，而且唔係樣樣加鹹蛋黃都係特別好食，但呢一個雞翼配鹹蛋黃非常好食，鍾意食鹹蛋黃嘅朋友一定要叫👍🏻跟住其他嘅菜式都不過不失，都可以滿足到視覺同味覺既享受

#tastytommy良心食店 (fb表態支持反送中運動 提供食物比遊行人士 罷工💛)超巨型fusion burger!🤯 呢度既lunch set價錢around $68-88 最吸引就係有好多特色fusion菜!!手打肉餅漢堡配薯條沙律💛 $88手打肉餅外面煎得香脆! 啖啖肉 好有彈性 仲食到魷魚粒😛 呢塊煎肉餅出色過出面某d所謂主打煎肉餅既餐廳好多!!! 除左濃郁既芝士之外 仲食到醬汁味道帶微微酸甜 層次好豐富 d汁一路食一路滴🤤 包體超大個 食落感覺好實在 非常飽肚! 小編咁大食都食得好辛苦先食得曬🙈配菜有薯條蕃薯條同沙律 飽到上心口😌 不過都要細細力插佢個包面烘得過曬火 搣到一片片燶到發苦既包皮出黎🌚 黑到#younevergoback黑松露帆立貝燉飯 $88帆立貝香口彈牙 燉飯算足料creamy 松露味道濃d就更好!😇餐湯係菠菜湯 隔離枱食既香辣豬扒撈丁好吸引🤤🤤btw見到晚市呢個burger仲有埋流心脆蛋架!! 仲有巨型鐵板餐😍 好想再去瘋狂懲罰佢🤪

不知是因為我太少行去長沙灣食早餐還是什麼的，但我不多覺這區有好多好食嘅西式早餐選擇🤔 我只想到來這間食個靚全日早餐啦～蕃茄濃湯先上一碗蕃茄濃湯，跟餐送的。你睇下，湯有蕃茄粒，豐富了湯的香滑口感。全日早餐 (HK$88)這份早餐好特別喎！第一次見有越式蝦肉春卷😲！仲有必食的香滑半熟炒蛋、外脆內多肉的香口香腸、香草蕃茄、香草雜菇、煙三文魚、雜菜沙律和一個有點醜樣但好鬆軟的牛角包。熱燉檸檬茶這裡獨有，店家先自制燉檸檬片，之後加入蜜糖和熱水。沒有新鮮檸檬片的酸，也減少了檸檬的涼性，可以清咽潤喉一下，我次次嚟到都點這個！招牌水果茶這小杯是店家送的，FB like 店家的帳號就有啦。我估用了多種水果做的，茶色渾濁，不過味道不錯喔。

於長沙灣的一條斜路上的一間酒吧式西餐廳，離地鐵有一段距離，但仍然不減去用餐的意欲。內裡掛滿了大大小小新派的油畫和精美裝飾。刻意營造一種古典得來又帶創意的氣氛。餐牌上除了西式菜式，同時有港式大大隻鐵板餐。這次是預早一個月的聖誕聚餐。2nd bite 凱撒沙律（煙三文魚）作為開胃菜，煙三文魚的咸味和凱撒沙律的醬汁取得很好的平衡，令咸味減輕，同時帶出蔬菜的鮮口。主菜前的小食：黃金薯條（set +$28)鹹蛋黃醬在炒薯條期間完美混合在一齊，均勻地佈滿每一條薯條。每一口都帶著鹹蛋黃的香味。S3 美國黑毛豬柳扒 配薯蓉、野菌、沙律黑毛豬柳的肉質好有彈性，所以入口的時候，有咬口但不會過硬，同時火喉的掌握，讓肉汁都保留得很好。香煎紐西蘭BB羊架7成的羊架煎得剛剛好，不過生有血水，也不會過熟而影響質感。羊肉原有的羶味處理後淡化了不少。入口軟綿，但不似豬肉的口感，反而比較似牛肉的感覺。黑松露野菌意粉濃郁黑松露非常香噴噴，奶油味也很濃和配合，醬汁厚身不稀鬆，不像湯意粉，同時也不會有這膩的感覺。再食心太軟配雪糕有微酸紅莓醬的心太軟是第一次遇到，意想不到地配合，也非常特別！

Second Bite•長沙灣黃店💛.頂級巨型牛肩肉眼扒餐🥩呢道有不同經典扒餐，試左頂級巨型牛肩肉眼扒餐🥩，醬汁有黑椒汁/洋蔥汁/菌皇黑松露汁，上枱時咋咋聲，個size真係好大啊成隻手臂咁長！牛肉味都不錯，只係筋位偏多，咬落比較吃力，就算五成熟都係少韌呢～份量超大既緣固，兩個人share都食唔晒啊！套餐連埋牛油餐包🥐同埋蕃茄濃湯🥣，個餐包好新鮮好軟熟，牛油香好重😍但個湯就偏鹹啦😮.香煎鵝肝帆立貝沙律🥗同朋友突然想食下鵝肝，又覺得食完扒要清返少少於是嗌左個沙律！略嫌鵝肝煎得老左少少，帶子都煎得ok既.黃金鹹蛋雞翼🐓鹹蛋份量其實都幾多，不過鹹香既感覺爭咁少少！雞翼本身無咩問題，煎至黃金兼脆身，一碟有六隻都好夠食😄.朱古力心太軟🍫最後點個甜品先，食落係軟林林既，朱古力令人感覺開心🥳！士多啤梨都幾多同埋唔酸🍓，至於配芒果雪糕，感覺還好吧🥭🍦

地方唔大 但好有氣氛 擺設好有心思😆員工又親切🥰呢到嘅野食仲要料正 擺碟靚 仲好好味😋封門牛柳扒🐮🥩 6安士 $168(配薯蓉 野菌 雜菜)牛柳要左五成熟 有半份做到 但有半份就變左6/7成🤔但係味道仍然正 好有牛味 都仲鎖到啲肉汁因為係靚牛 佢根本唔洗點落調味 落啲鹽就好夠🧂配咗嘅薯蓉落左啲黑椒 帶少少辣好好味👍🏻野菌到有幾種唔同嘅菇 又香又juicy🤤美國黑毛豬柳扒🐷🥩 10安士 $148(配薯蓉 野菌 雜菜)嚿豬柳排好厚 相信煎都需時頗長唔好睇個面燶左啲 但其實一切個陣佢帶少少脆 加埋面頭嗰啲bling bling油光✨食落口真係一個正字🤣跟餐嘅南瓜湯好正 打出嚟濃稠度適中 個南瓜又甜🎃牛角包仲暖嘅 個酥皮好鬆化 層次都好分明🥐咸蛋黃金薯條🍟 $28呢個係極級咸蛋黃薯條🤩即炸好上嚟仲熱辣辣面嗰層咸蛋黃唔會裹得好厚但又好香好夠味🤤咸蛋控必試😼Mocktail買一送一😍啲野飲好靚🥰奇異賓治🥝雖然冇乜奇異果味 但個樣真係好正同埋味道都唔差玫瑰荔枝梳打🌹一嚟就聞到玫瑰味飲落都重玫瑰 不過有少少甜

長沙灣原來都有好野食！平時真係好少黎長沙灣 今日咁岩去左荔枝角D2 隨便發掘下黃店！ 所以搵到依間！嗌左個鐵板餐 同軟殼蟹burger~鐵板餐揀左西冷牛扒 配黑松露醬套餐跟餐湯同牛角包～ 餐湯係蕃茄忌廉湯 濃到好似飲緊茄膏一樣牛扒嗌左三成熟 上左鐵板都keep到 肉質好冧 加上條邊厚厚嘅肥膏 超正啊！而黑松露醬亦唔會有滯嘅感覺～到軟殼蟹漢堡 好大個！軟殼蟹炸得唔油膩之餘又好有肉 配上兩塊芝士除左個包 我仲好欣賞佢薯條係有埋蕃薯條兩溝架！因為出面通常要加錢先食到蕃薯條～跟餐仲加左個雪葩 朱古力味夠哂濃～整體黎講 完全滿意食飽飽～

今晚同朋友去開長沙灣一定周圍行下搵好嘢食，見到呢間餐廳都幾多人推薦。於是就入咗去試吓。咁一打開個Menu見到有個叫做被製手打肉餅脆蛋漢堡覺得幾特別，而且一上枱都好令人驚喜。成個漢堡好吧好大好抵食。之後啲蛋汁仲流緊，賣相超邪惡超級，然後佢入面係手打肉餅非常之有彈性口感好好而且入面好似有細細粒嘅魷魚。會令到口感更加提升一步。另外叫咗個店員推薦嘅黑毛豬鐵板非常好食。肉質嫩滑，豬味十足。

今日翻學校見下啲老師，順便同朋友去聚一聚，最後揀咗位於長沙灣既Second Bite佢既位置相對偏僻係斜路中間，但外表非常獨特係酒吧風格，一入去左手邊既Bar枱非常靚非常推薦佢哋既鐵板餐份量非常多，我哋尋日就分別叫咗雜扒同芝士龍蝦牛柳粒經典港式雜扒餐強烈建議一定要食量多既人先好叫因爲份量認真好多，有2隻雞翼，2條腸，雞蛋，雞扒同豬扒，配菜方面有西蘭花，栗米，薯條同磨菇，醬汁我就揀咗黑椒汁，醬汁配料有紅椒青椒同洋蔥，全部用料都好充足有小小辣，豬扒同雞都好嫩芝士龍蝦牛柳粒龍蝦🦞非常多膏而且鮮甜，重點推薦牛柳粒，唔會話好多根，咬落去口感好軟，搭配個芥末汁好正，食到停唔到口，而且薯條同芥末汁都好夾，撈埋一齊食另外餐湯上菜既時候好熱有一粒粒粟米係裏面，餐包係牛角包🥐，野飲方面叫咗啤酒，提一提大家 like佢地某社交平台同share post有野飲送

今日咁岩經過長沙灣探朋友朋友介紹附近有一間食鐵板出名嘅西餐廳閒日的晚上已經坐滿了客人一場來到當然要試吓呢度既重量級鐵板燒但餐廳內放了很多特色油畫吊燈亦是從油畫吊下來充滿特色鐵板燒方面有五至六款選擇我哋選擇了雜扒餐一上枱份量非常巨形同豐富有一大塊雞扒同豬扒丶2條腸仔丶2隻雞翼同一隻煎得好靚嘅荷包蛋底下仲有放滿了薯條難以想像一個人可以食清光另外扒餐仲配有餐湯同牛角包牛角包烘得熱辣辣而且非常鬆脆另外重點左一份蟹肉牛油果沙律牛油果同蟹肉嘅配搭我完全絕配而且底下仲有好juicy西瓜粒成個沙律嘅感覺好搭而且份量也不少

長沙灣間戲院好平，所以就去咗睇戲！之後就搵嘢食啦，見到呢間都幾多人食，而且仲有得鋸排🤣仲見到我最鍾意食嘅龍蝦鐵板餐，有湯同埋餐包！嗰日餐湯係番茄忌廉湯，餐包原來係牛角包，好香脆好好味！鐵板好快就黎到，有龍蝦同埋勁多牛柳粒，仲有少少薯條。龍蝦肉好易食，牛柳粒份量都幾多，而且好林，黑椒汁好香又唔會太辣。如果再多少少汁就仲正！薯條唔會浸到好林都幾好！我哋仲叫咗份炸雞，唔係好重椒鹽味，不過隔離個醬汁好似蜜糖芥茉醬好好味！