Stella's Bar & Restaurant (已結業)

剛剛行完荃灣，順便係附近搵好野食，係荃灣廣場行出一兩個街口，見到依條街有好多餐廳，間間都有不少人排隊，我同老公都想食西餐，見到依間餐廳既菜式不錯，等了一陣就可以入去坐低。餐廳都有10多枱客，我地看一看menu同當日廚司推介，價錢都不算太貴，佢地都有不少海鮮如蠔，帶子，聖子。我地點了3樣菜色前菜溫泉蛋黑松露雜菌如果鍾意黑松露味，相當不錯，溫泉蛋味道不太重酸辣蝦配沙律蝦好大隻，味道偏辣但蝦味不重主菜我地叫了龍蝦汁蟹肉意大利飯，是當日廚司推介，好喜歡飯的硬度，龍蝦汁好香濃，整體不錯。如果再來荃灣都會再食。

位於荃灣廣場對開整車的橫街近年來開設了一間西餐廳Stella，晚餐時段個價錢不算平，所以趁着下午茶時段一於去試一試菜，因為三時後入座有八折。午餐可選沙律或湯，由於我唔喜歡南瓜湯，所以選咗沙律。沙律菜只是一般新鮮，好彩有意大利醋汁提一提味。　　主菜選咗西冷牛扒配薯菜，叫了五成熟的牛扒，竟然差不多八成熟，表面煎得夠香脆，但食落比較硬及乾，實在令人失望！配菜係沙律菜及炸薯角，又係果堆沙律菜，幸好薯角炸得香脆可口，挽回返少少分數！可惜甜品一上枱，又再次令人失望，嗰個藍妹芝士蛋糕好似食淨咁寒寒酸酸，最後杯咖啡仲唔多夠熱！遠低於期望的一餐，所以都係唔會再嚟食晚餐！

之前經過呢間餐廳，一直想試試，今日終於有時間黎一試。我同男朋友一人叫左一個set，All Day味道唔錯，值得一提係另一個墨西哥簿餅，本以為會好滯，但食落又唔係，d芝士又唔太咸，整體幾唔錯！

荃灣近年很多西餐小店，今日試試Stella，book左位所以唔使等，直入。環境不算大，但四四正正，氣氛還可以，店員態度良好。是晚兩人前，叫了兩個set dinner。前菜一：蕃茄啫喱配芝士冷盤，個碟都雪凍左的，蕃茄啫喱酸酸凍凍，不算好好食，但幾得意，配芝士，橄欖油香草汁和黑醋，如果醬汁更多較好。前菜二：溫泉蛋什菌配松露汁什菌好香濃，拌勻了蛋液一起吃很滑口，松露味都算突出。主菜一：咸蛋黃蟹肉意粉中西合壁，好夾，吃到啖啖咸蛋黃沙，甜甜咸咸，蟹肉眼能見但食唔到啖啖肉，不過都有蟹鮮味。主菜二：京燒黑毛豬切落去時很硬，切唔到，要問侍應拎牛扒刀，但食落又唔硬，原因係佢燒香個面脆脆地變硬左，但內裡的肉都是淋的，而且成塊扒很厚身，但伴碟醬汁多些會更好，因為唔夠點。配煙肉椰菜薯溶，非常飽。

拍拖週年紀念💑要上班，選址公司附近開餐慶祝✨七時多到達，店內客人半滿，空調感覺足夠(三月光顧時餐廳會打開屏風作半開放式，當晚到達前超擔心，這麼悶熱的天氣，冷氣跑掉，可不能好好享用美食呢)入座後，侍應快手送上暖水，menu，還有小箱子給我們放手袋，以及作出當日推介(當天推介鱸魚及乳豬，其實很吸引，但兩個人吃怕膩，還是跟朋友眾餐才點吧)Set dinner包括餐湯或前菜，熱飲，想前菜，餐湯一併品嚐可加$38，我跟男朋友各點一樣分享點餐後會送上小籃餐包，是暖的推介提子包外脆內鬆軟，不錯蟹肉充足，南瓜味十分濃郁的一道餐湯，有想一喝再喝的感覺菜式名令人想起<獅子。女巫。魔衣櫃>溫泉蛋做得十分好，蛋白滑溜溜，半生蛋黃做得很濃綢，不會有太生的感覺雜菌，松露汁香氣足夠價格比同檔次餐廳高少許，所以整體味道也高少許感覺廚師毫不猶豫大手調味，吃到最後一口仍覺得很想繼續飯質微硬，是可慢慢咀嚼的那種，也是我喜愛的硬度黑毛豬煮得軟滑，可輕易用牙咬斷，但夠厚身，保留了肉感應有的咬口薯蓉有牛油香惟一可挑剔是，醬汁稍微濃了一點點，只可輕輕沾沾，不然有點咸另外煙肉椰菜對我來說，也油膩了少許不過主角黑毛豬真

Stella 就飲得多了,但你又食過未吖?   (哈哈哈, 呢個開場白係吖寶要我寫的)今日去荃灣找食, 位置近荃灣西, 食完可以係附近行街我哋今日 1點幾去到唔洗等位,直入就OK 了, 夏天熱lala 真係好怕要等住之前上openrice 睇過話係望住車房, 但今日坐窗邊係望住間學校的每人點左一個weekend brunch set. 包一個生果杯, 一個main 同一杯野飲第一個牛: 職員問我哋要幾成熟果時好好甘話我哋知块扒比較薄所以我哋要左5成熟出到來都唔會話over左既, 但有一邊係比較韌,另一邊就另無事, 好好多, 但牛味就無乜第二個牛，太陽蛋車打芝士,加左$10要牛油果(有牛油果正好多,份量足)個包吸左漢堡扒d汁同脆卜卜，個漢堡扒又夠味食完真係好飽~2份set 既沙律菜都唔新鮮...乾乾的

其實都經過呢間餐廳好幾次，不過上次晏晝落場食唔到。附近都係車場，中間有咁樣裝修格調嘅餐廳真係有啲估佢唔到。 今晚我同男朋友每人叫咗個 dinner set，包前菜，主菜同飲品。 前菜我哋揀咗 caesar salad 同 “溫泉蛋，雜菌，松露汁”。Caesar salad 咪就係一般果啲沙律囉。 溫泉蛋郁郁下好過癮，篤穿個蛋黃睇住啲汁流出嚟果下又好治愈，配埋個松露汁好正呀。我最鍾意松露汁架啦，佢果陣香味真係冇得頂！ 主菜一個叫咗 pasta，另一個叫咗黑毛豬扒。個 pasta 好普通，食完都無乜印象。塊 juicy 嘅黑毛豬扒係陪薯蓉嘅，仲配過點點地嘅汁。醬汁好似係蘋果味（我都唔太記得），酸酸甜甜咁幾開胃，同黑毛豬係襯嘅。 見佢個 menu 有幾多特飲同埋 cocktails，賣相好似唔錯，同出面嗰啲唔同。不過我哋之後約咗人哋飲嘢，所以就無叫 cocktails 啦！另外甜品就冇乜特別啦，反正下午茶啱啱先食完甜品，結果當然係無試佢嘅甜品喇。 呢餐飯最吸引同印象深刻嘅經驗係 “溫泉蛋，雜菌，松露汁”，價錢 reasonable。其實荃灣唔多西餐廳，所以呢間係值得再返嚟嘅。

第2次黎呢度lunch，2次目的都係同同事farewell xD 今次終於輪到我係主角啦一入去即刻大大聲落單，「我要魚！」之前原條燒魚，無乜骨又好鮮好好味，點知！賣晒！太傷心啦...menu上淨低吸引既就得番burger同扒，唔想食burger食到成手都係（umm..唔識用刀差食burger）所以最後揀左牛扒5成熟。（唔記得影相）在場有一半同事都叫左扒，但發現無論5成定7成熟，都係太硬... 肉都幾鞋，有D肉汁既但唔係5成熟既汁囉... 配菜份量少味道較淡，要另外加pepper調味。另一半同事order的蟹肉pasta更慘，份量唔少啊但好﹣乾﹣身，蟹肉有少少係中間出現左，又唔係加芝士粉但個質感好似加左好多好多芝士粉索乾晒D汁咁... 更有同事食左幾啖就放棄左... waiter好好心咁走黎問係咪碟pasta有問題，其實真係好想講，但又驚太直接人地會尷尬，話晒呢間stella一路評價不錯 燒魚更是無敵，可能係失手？定真係sell all-dry pasta?

相約舊同事於荃灣吃飯聚聚坐得舒服氣氛又好的餐廳在荃灣的確不多但我一想就想起Stella 每次到荃灣廣場也會望一望Stella 因間實在太不「荃灣」了在一堆茶餐廳、車房、寵物店的地區竟然有一間這特出的餐廳星期一的晚上不算多人 大約是半滿我覺得這樣的密度剛剛好 很舒服店員很有禮貌也很貼心給了我一個籃子放袋籃子的大小剛好可以放進椅下跟朋友點了兩份Set Dinner其實它的一週年晚餐也很吸引不過有點小貴就是了溫泉蛋 什菌 松露汁(前菜)這前菜也太有心了吧一般的前菜都是兩三口可以食完的份量但這跟本是單點的程度呀這配搭是很理所當然的好吃是日餐湯(前菜)朋友選的前菜的黑松露蘑菇湯一上桌就已飄來一陣陣黑松露味喝下是濃濃的蘑菇味碎碎的蘑菇有咬口 增加了這湯的層次香茅比目魚 茄子蓉比目魚很滑魚味很強 完全沒有雪味外皮脆脆的魚的底下有數塊很入味的白蘿蔔是健康之選!咸蛋黃忌廉汁蟹肉意粉這意粉好吃但很「漏」呀就像是黃金蝦一樣「漏」所以一定要跟朋友share食呀意粉汁的咸蛋黃味道很出很看而且蟹肉的份量不少推薦推薦!Cappuccino藍莓芝士餅這藍莓芝士餅等了好久呀一上桌 呀 原來是有伴碟設計的芝士餅的味道很「

朋友請食生日飯! 搵下荃灣區邊度有酒飲又有野食呢! 我一諗就諗STELLA ,因為之前都想去一直就唔到時間...我地1行3人去, 可能時間仲早, 唔洗等位! 哩度地方唔算好大! 但氣氛唔錯! 靜靜地好啱傾計! 前菜有麵包~ 佢既麵包焗得都幾好味!好快我地就食哂! 我地order左北海道刺身帶子，海膽，香橙茴香沙律海膽同帶子都新鮮！配埋佢既香橙一齊食好fresh!不錯既餐前食物！另外order左2份set dinner!前菜係蕃茄啫哩, 意大利水牛芝士! 另一個order左凱撒沙律蕃茄啫哩好得意, 酸酸咁! 配上意大利水牛芝士都幾特喇! 而凱撒沙律就不過不失! 主菜我地叫左日本蠔大利飯同埋西京燒黑毛豬,煙肉燴椰菜!意大利飯都食得多, 日本蠔大利飯第一次!非常特別, 味道方面都好出色! 味道唔會過份濃! 而日本蠔都好正! 又唔會有腥味!意大利飯食落唔會一舊舊, 不錯! 而佢既西京燒黑毛豬,煙肉燴椰菜整得超腍身又入味!一dd都唔會韌! 不錯既選擇! 

星期六日既兩三點周圍都無tea食友人建議有間朋友介紹的西餐係附近店面開放有落地大玻璃感覺有點似西貢個啲有得望海既餐廳可惜望到的是車房 呢個時間有Brunch食岩哂我呢啲一放假就瞓到晏一晏既人價錢又適合因為好多都想試所以點了 是日意粉 同 大啡菇車打芝士漢堡 share 食再配多個 是日餐湯咁既價錢都有頭盤真係好扺Fresh Fruit 有西瓜 火龍果 密瓜可以係咁焗既天氣 食到西瓜幫自己消下暑餐湯 係黑松露蘑菇湯蘑菇 磨得好碎好香既黑松露味唔知係未因為餐湯同意粉一齊上飲完個湯 啲意粉都已經凍哂同埋，就咁睇 個意粉好似好少咁又好乾身但share黎食，又覺得岩岩好加少少芝士粉 更加好味大啡菇車打芝士漢堡個包係烘過 兼加左牛油雞蛋係流心既啡菇係好juicy上枱既時候係 出煙咖！呢個真心好食薯角唔係炸得好勁所以唔會熱氣我地坐左大約個半鐘餐廳職員突然拎張單過黎比我地埋單好似有少少趕我地走咁但餐廳入面都無咩客埋完單之後 都唔好意思繼續坐落去真心不解。

食物質素好好！老闆、員工都好nice! 服務好貼心！會再去！👍🏻👍🏻👍🏻d 沙律菜超新鮮，配黑醋一流！前菜有個溫泉蛋什菌沙律？係熱嘅，好得意，幾好味！洋蔥湯好正！洋蔥味濃，放了些芝士，有咬口！黑松露蘑菇湯好香！餐前麵包好軟熟！個燒豬仔皮脆肉嫩！好正！小牛扒朋友話好好味！(本身唔食牛)。鹽焗黃腳"臘"？好鮮甜！甜品超鍾意個 玫瑰花奶凍、Tiramisu! 😋食物份量好足！座位舒適！枱與枱唔會好狹窄！👍🏻有少少插曲:唔知係咪飲酒關係，突然好頭暈。老闆見狀，即係沖杯茶俾我！好貼心！👍🏻👍🏻👍🏻

朋友推介是晚初試Stella Bar。菜單上海鮮和肉類各一半，頭盤選了黑松露溫泉蛋伴炒姑，Cesar Salad。主菜見到蠔意大利飯立即點了，朋友點了蛋黃蟹肉意粉。上菜速度快，一讚👍。蠔烤得金黃，味道十分甜美。意大利飯奶油味偏重，若能用蠔汁煮，飯有蠔的鮮味會更加出色，總體好吃。蟹肉意粉處理不錯，蛋黃鹹香好開胃。粉量不少，女生吃可能吃不完。晚餐不包甜品，另點了藍莓芝士餅，芝士本人喜歡夠實，甜度適中，配上草莓解了晚餐的膩。加上一瓶Savignon Blanc完結了滿意的一餐!用心小店，在荃灣地區才能用優惠價錢吃到這種高質素，必定會推薦給朋友!

Came here for takeaway. Food was made in 4 mins. Carbonara was amazing, tomato cream soup with crab meat was delish and the salty egg crab meat spaghetti was yummy. Def come back again. The staff is nice and chef gave us good advice on how to take care of the food for takeaway.

今次係第二次幫襯，之前幫襯過已經覺得味道好好，所以屋企人生日都撰呢餐廳，門面特別，餐廳格局裝修好，樓底高，環境舒適，最岩傾計。廚師如常吃完一道才順序上其他，一啲都唔會有趕你走嘅感覺好啦正式講野食啦，前菜有温泉蛋配法國白蘆筍，Caesar salad及鵝肝多士，我唔食蘆筍都覺得呢個前菜好食，沙律更加係開胃菜，本人喜歡鵝肝當然係好味之後就係湯啦，今晚有洋蔥湯同蕃茄蟹肉，我撰左蟹肉。上次飲過磨菇忌廉湯已經一試愛上，今次更加期待佢嘅湯，當然不負所望到主菜啦，我地就叫左海膽意大利飯同牛扒羊架豬頸肉，兩者賣相好同味道都非常好飲品方面，我地試左士多啤梨乳酪沙冰同玫瑰花茶.到最後甜品方面，叫左個伯爵茶奶凍及香桃朱古力，最優勝地方係唔甜，食飽左都唔會覺得濟，伯爵茶更加係出色期待下次光顧再有新驚喜