The Americano By Texas Burger (已結業)

星期日下午來到，很多座位還可以選擇卡位，兩個女仔點了兩份all day breakfast， 明明餐牌是寫包括薯餅，但上菜時卻變成薯條，本問題不大，但侍應是否應該落單時說明呢? 另外這裡的人手是足夠的，但態度散漫，有個男的(戴眼鏡)叫都唔應，女的則無禮又黑臉，好像不想做的，難怪這裡假期也這麼多吉位。

今日中午約咗朋友嚟呢度食, 見到裝修唔錯.. 有幾多人食, 好似都唔錯咁。但係食咗先知原來係伏。我叫咗個b餐: 煎鴨胸柑橘沙律, 首先個鴨胸 有陣叔叔地嘅味。食落仲有啲腥。食咗一嚿就食唔到其他落去。至於個沙律就不過不失啦。覺得咁樣樣一個餐88蚊好唔抵。另外朋友叫咗個芥末洋蔥汁德國腸拼盤配忌廉薯蓉。一上菜, 嘩個賣相其差, 條腸仔好似大蟒蛇咁, 睇到都冇曬食慾。 食落條腸仔係唔差嘅 但係都唔值呢個價錢。 價錢就算平一倍我都未必會食第二次。總括而言賣相同味道真係好一般, 甚至可以話係難食, 應該唔會有下一次。

朋友帶左來荔枝角工廈穏食，估唔工廈都有甘高水高的美國菜。食物味道唔錯，環境都舒適，最緊要係唔限時，聚會傾解的好選擇。今次無試到漢堡包，叫左烤豬肋排，烤得岩岩好保持肉汁唔會太干。

同朋友仔一齊行完位於荔枝角既D2place 第1期同第2期,去左億利商業大廈入面既The Americano晚餐,服務員帶我地坐卡位座,枱面有個天氣瓶好靚喔~玻璃窗外望住D2place2既正門,餐廳仲播住K-pop既歌~覺得個PlayList有啲嘈我地一人選一款一齊食,A)焗墨西哥芝士粟米片The Americans Nachos**尼款有啲牛油果蓉夾住粟米片食,邪惡得黎無熱氣B) 卡羅箂納燒烤骨1/2 Slab Carolina BBQ Ribs**豬仔骨好多肉又易拆肉C) 德州燒烤漢堡Texas BBQ Burger **一切塊肉就散,尼個唔建議share食D) 鵝肝菌大傘菇意大利飯Risotto with Portabello Porcini**塊大傘菇真係好大隻,菇味香濃

放工之後約同三五知已到荔枝角工商業區裡的D2place行逛，主要都是拍照和買一些飾物，到了晚餐時候卻發現附近都沒有些好吃的餐廳，打聽之下知道在億利工業中心1樓12室開設的The Americano 是天后的Texas Burger的Cafe分店，主打美式漢堡。在進入工廠中心的大門和電梯大堂前，我絕意想不到餐廳的裝修是如此美麗的，燈光柔和，桌子和坐椅的間隔比較疏，一枱可以容下6－8人，是個適合聚會的好地方。煙燻鵝肝漢堡配炸薯條，賣相真的非常吸引，原來裡面的醬汁帶有甜甜的沙津醋，鵝肝香滑味濃，配搭芝士和新鮮蔬菜真的很好吃。卡邦尼煙肉忌廉意粉味道濃郁，醬汁剛好掛在意粉上，配上新鮮煙肉加炸過的煙肉，一嫩一脆更有口感，芝味十足，份量亦夠１～２人份。炸魚薯條非常香口，炸魚用上了鱈魚，不會有冷藏味，真稍為覺得炸的時間有點太長，我覺得魚肉可以更嫩口。

我去過三次頭兩次都係去食lunch lunch嘅lunch set好吸引有豬手又有resource同女仔食會好飽好多選擇其實好邪惡但係又好好食 環境唔錯lunch 都多人琴晚夜晚去食人就唔多得小貓三四隻嘢食價錢其實都同lunch價錢差唔多不過選擇就少咗好多但係啲嘢食都好食佢哋嘅burger配薯條啲薯條超級好食服務態度都唔錯都係友善嘅我就係覺得佢杯薄荷朱古力好好飲佢啲嘢食卡路里一定好高好似我不過真係好好食但如果要keep fit受新嘅朋友就唔好去啦因為1000卡走唔甩飲埋杯朱古力2000幾卡都嚟緊我同我個朋友thank兩個女仔買咗四樣嘢食唔係講笑3000卡到嚟緊

今天慶祝朋友生日，一行三人上工廠試食西餐慶祝。今天點了漢堡飽，墨西哥片，牛扒，意粉，三文魚沙律，最後叫甜品。推介必食漢條飽及墨西哥片，由其墨西哥片的沾醬，好好味。但牛扒主菜一般，有肉味但唔夠淋，意粉有彈性但是沒有特別。主菜沒有驚喜，反而甜品會值得一試，多款及自家制的。晚飯平均$300左右。

The first impression was that reservations seemed confusing - the online booking was confirmed and then cancelled by this restaurant - we unknowingly went and still got seated and fed. The food was good but came very slowly - the salad was so-so, the cream of tomato soup was smooth and not too heavy; the cheddar cheese burger was quite meaty and juicy and went well with the golden crispy chips crispy, the pig knuckle came with a lovely Hollandaise-like sauce and the meat was well seasoned withou

湊仔其實無乜娛樂，唯有有時寫下食評，打發時間。我是第二次來，其實貪呢度地方闊落，豆丁坐得開心，唔似億利其他餐廳逼gip。無book位，七點的餐空空蕩蕩，settle好就點菜。唔知點解上次散叫，今次就選擇set dinner。一個墨汁海鮮意大利飯，一個蝦餅漢堡。我覺得意大利飯好好吃，不過我唔食青口，所以留俾太座KO佢。我個蝦堡就ok，反而啲伴碟薯條好脆好香口，又多，個漢堡餐食到我飽哂飲品點了杯朱古力，幾濃郁幾甜，啱我。太太想飲cappuccino，但竟然無！唯有飲薑啤，夏天飲汽水都olay嘅。地方大，仲可以俾豆丁行幾步。服務也不錯。但可能接左外賣到會單，上菜有啲賣。

之前同朋友2個人食過唔錯，工廠區夜晚又唔怕訂唔到位，呢度係天后Texas Burger姐妹舖，都係美式西餐，美式更係有漢堡先似樣啦，10個人食扣返生日唔洗比錢，每人都係夾200蚊左右，叫左好多野食，差點食唔晒1，炸洋蔥圈2，炸芝士條3，墨西哥脆片4，紫椰菜沙律5，炸咖啡黃金角6，德州牛肉漢堡7，波蘿蝦漢堡8，海鮮墨魚汁意大利飯9，烤咸豬手10，汁燒豬仔骨11，燒春雞12，黑松露啡傘菇寬條麵其實樣樣都好味，本人比較推介燒春雞同德州漢堡唉…openrice可唔可以新加功能上傳多D相呀！今次都上傳唔晒，講好話連上次既相一齊上傳都攪唔到

中午時間，周圍都滿座，只好試呢間仲有位嘅舖頭，入坐，冇人招呼你叫幾次一腳踢嘅妹妹仔（上菜，落單）先幫你落單，由於想快啲返公司，只好同同事先吹水，嘢飲先嚟，而嘢食，都只係上咗餐湯/ 沙律（二選1），湯飲埋，嘢飲嚟埋，隔咗成3-4個字先突然話冇餸，要我地叫第二樣，食lunch 時間得返5分鐘，而我地勁嬲走人，冇嘢食，服務差，同佢講嘢飲冇飲過仲話要收錢。隔離枱嗰3個，其中2嗰食完嗰飯，另一個卻遲遲未送到正確嘅餐，我諗佢地都好無奈。最後我地係餓住嗰肚返公司叫嘢食。除咗1腳踢嗰位妹妹仔，吧枱嗰2個見忙都唔會出嚟幫手，真係希望你地改善下。

尋找荔枝角工廈隱藏美食 發現驚人隱世鹹豬手前菜有清豆湯 豆腐沙律都好開胃海鮮墨魚汁飯好味的 不過可能我食左另一個重頭戲先所以當我食個飯的時候 海鮮有d凍 但意大利飯還是暖的黎到重頭戲 鹹豬手首先份量大 然後皮脆 好似食緊乳豬皮咁肉質超嫩滑 不會太鹹而伴碟的薯蓉都好好味另外set dinner跟1杯$34或以下的飲品 可補錢轉其他飲品的加錢試左peach soda和hazelnut chocolate 朱古力俾到驚喜我 唔算太甜 好濃朱古力

忙爆想開夜車但屋企電腦系統罷工，唯有請日假來探探維修中心。電腦部件入廠後，就輪到我醫肚了。到荔枝角搵美食，不妨到工廠大廈找特色餐廳，入到呢間，裝修新淨，美式主題與背景的強勁音樂好夾，好有beat，由於到了午市，小弟一丁都獲分配臨窗卡位，感覺非常良好，叫了凍latte 和瑞士漢堡。由於我出名輪盡，一口咬漢堡只會弄得一身都係，所以用刀叉一層層食。首先，個包超鬆軟耶，包身夠挺但好易壓低，入面有火腿、雜菇、芝士、生菜，牛肉，份量足，各項目都新鮮企理，牛肉肉質實的的唔係鬆拋拋，雖肉汁唔算多，但夠牛味，沒被其他配料搶鏡，另隨包附上薯條及青瓜。凍latte咖啡味濃郁，下次應該食完包先叫，難得個包咁好味，要專心食，唔好溝亂個味道。望出窗外，荔枝角真係有好多美食，要計劃定下次接電腦部件出院時，再食咩好喇。

這裡已食過多次，貪其不趕客，食物有水準，兩女子點兩個餐之餘，實在抗拒不了小食香蒜帕馬臣薯條跟水牛城雞翼。餐可選湯或沙律，我要了是日餐湯～西蘭花湯，要攪拌之後西蘭花味道才出來，第一次飲此湯味道頗特別。最喜愛的香蒜薯條，剛炸好的粗身薯條上灑上帕馬臣芝士跟一點點蔥，醮獨有醬汁，不能不一口接一口。水牛城雞翼辣味足，炸過嘅雞翼淋上醬汁，醬汁味道聞落怪怪的，味道好就不在乎了。跟餐飲$34以下飲料，可以補差額選特飲，我倆選薑啤，樽裝上的薑啤份量多，包裝有些美國西部牛仔feel，少少甜，薑味稍微欠奉。牛肉絲簿餅，個人比較喜愛簿批的，這個正合心意，聲稱慢煮的牛肉頗乾身有烤焗味道，分不清了，灑一點點黑椒極為惹味。德州燒烤漢堡，忘記了美國餐特色以巨型堪稱，上枱給嚇怕，巨厚漢堡內有炸洋蔥圈、烤過煙肉脆、炒過嘅洋蔥、芝士，當然唔少得漢堡扒，豐盛嘅肉汁，煙肉勁脆，有酸青瓜中和飽滯。每樣都份量十足，最後還是打包好了。

大約一年前同同事嚟過，當時大家都order burger, 味道一般....今日難得有朋自遠方來，諗住呢度易訂位，決定比多次機會。12:30pm 到，由於早一晚訂位，餐廳為我安排咗卡位 - 舒服。時間尚早，全間餐廳只有兩枱人，亦只見2位女waitres。我想落order, 但其中一位一路忙，另一位金髮戴眼鏡waitress 一直只企係遠處。明明見到我舉手但扮睇唔到。等咗陣，最後都係要由較勤力嗰位take order。朋友唔係太肚餓、點咗個salad ；我就要咗個印度咖哩set lunch。食物好快到，但我發現個咖哩set 冇naan bread, 而menu 入面有，所以搵waitress。今次金髮waitress 比反應，但只係停係距離我張枱2米外。我再示意，佢先行過嚟。我：唔該係咪有naan bread 跟？Waitress: 乜嘢係naan bread ? （語氣不徍及冇表情）我：麵包 （費事講印度烤餅佢唔明）Waitress : 而家冇嫁啦喎！（𨍭身離開）再講食物，我D咖哩都ok, 但朋友個salad 超多醬，味道怪怪地，只係食咗3份1。我連餐飲都冇要就埋單，待應亦冇問。