Tommy Yummy (The LOHAS康城)

營業中

休息中

好耐冇入過康城，前排入去做嘢，見到呢間新嘅餐廳開咗，一路都心思思好想試，終於同男朋友就啱時間入嚟康城，順便試埋佢成個舖頭嘅格局同普通餐廳好唔同，好有特色門面格局好似去咗泰國咁服務員態度好好，好有禮貌可能未到繁忙時間，所以店入邊未係算好多人可以自己揀位服務員安排咗卡位，啲位都幾舒服，幾寬敞睇完成個Menu之後，最尾揀咗set dinner食全晚最深刻係呢個咖喱雞，好奶好Creamy，勁正勁惹味，椰香味十足，可以送兩碗飯鮮芒椰香柚子露杯嘢飲又係好出色，唔會太甜，芒果亦都好新鮮，唔會搶咗其他嘢食嘅味，作為點綴係一流冬陰功（2人份）冬陰功個味好出，其實我本身麻麻哋冬陰功，但我竟然可以成碗食得晒，食完開晒胃其中一個驚喜之作，冇諗過喺商場嘅餐廳都可以煮出大排檔嘅味道，好有鑊氣，唔係講笑，我男朋友本身唔食菜，但俾佢食咗一大半，睇嚟以後想叫佢食菜都要嚟呢間餐廳食先得虎蝦海鮮混亂杯麵有冇諗過杯麵都可以上得餐枱？食完呢味菜之後，我直頭想返屋企自己試煮一下用料好足，啲海鮮好新鮮，勁香勁辣總括而言，成餐飯都食得好開心好滿意，下次入嚟康城都一定會再食！

復活節假期前夕，洋洋同兩個小表妹聚餐，我哋一行4大4小去咗間裝修風格清新嘅泰式Cafe下午茶☕️先嚟擺盤好靚薄荷青檸梳打，打卡一流，一口透心涼❄️岩曬夏天飲船湯金邊粉，可以選擇3款配料，湯底夠濃郁，唔係鹹嗰種，熬製入味，肥仔差唔多食左成碗🤣黃咖哩蟹肉配薄餅🫓微辣口感，刺激味蕾火車頭炒飯🚂牛粒肉質煙靭芒果軟殼蟹米紙卷🥭清新開胃小食仲有泰式炸物拼盤，小朋友最鐘意嘅蝦片脆卜卜，炸魚餅香口，足料蝦餅🦐🦐特別推介🌟燒春雞，啖啖嘅雞肉充斥檸檬香，好特別！座位舒適闊落，而我哋嘅8人大枱，職員更擺好曬4 set兒童餐具🍴呢啲細心位 真係好得我歡心🫶🏻絕對係親子友善餐廳💗途中我哋對電子落單唔太熟悉，職員亦好照顧我哋，服務態度100分💯而且每份價錢只係5 6十蚊，環境舒服又抵食下午茶👍🏻推介住將軍澳嘅媽媽們去試吓#將軍澳餐廳 #泰式美食 #抵食下午茶

康城有不少朋友屋住，是日經過康城商場，看見新開了一間泰式餐廳，被新穎的裝潢吸引。它有別於傳統泰式餐廳，這間餐廳感覺清新，座位也闊落，於是被安排坐在近門口的圓桌梳化位置，感覺挺舒適的，我們就在這享用了個悠閒的下午茶。《串串沙爹雞豬》用特式玻璃杯裝著兩串串燒，頗新奇的，沙爹汁濃郁，雞肉豬肉燒得頗淋，十分惹味。《冬蔭功二人量》酸辣鮮香的冬蔭公湯底恰到好處，不會很咸很辣，是個很開胃的湯，湯底有一隻彈牙的大蝦，與其他湯底配料形成很大對比。《泰式雞肉金邊粉》這個金邊粉份量足夠，味道相對較清淡，是淡口味者之選擇，雞肉配料頗多的，若點上其他酸甜會較出色。《黃咖喱蟹肉配薄餅》這個泰式薄餅一點也不遜色，不油不膩；黃咖喱伴有啖啖蟹肉和一些薯角，薄餅包著蟹肉再沾上黃咖喱一流，非常美味。《泰式蝦餅》最為驚喜的蝦餅，蝦餅內裡是一隻大大的鮮蝦，炸得超級彈牙爽口，點上秘製的酸甜醬，簡直吃到停不了口。《泰式奶茶》賣相吸引，猶如擺設品般美麗，奶茶味道不太甜，而且茶濃但入口順滑，喝完透心涼。《泰式奶綠》《泰式玫瑰紅茶》兩杯飲品各有特色，奶綠比起泰式奶茶相對清新，甜度和濃度也較低。玫瑰紅茶茶底喝上去濃郁，喝完齒縫有陣陣的玫瑰

李家誠嘅金句，心曠神怡，曾經喺一時佳話。今日嘅康城站，估唔到又真係變成事實。連帶商場嘅設計，甚至乎餐廳，都符合到誠哥嘅說話。呢間餐廳嘅菜式，無論顏色同埋擺設，都色彩繽紛，美輪美奐。 🍖花束型設計嘅沙律，相信可以為好多男士，喺情人節或者其他特別節日，同時解決兩個煩惱問題--去邊度食同埋送花嘅價錢。三文魚捲成花既形狀，以切碎羅馬生菜做底，仲有同樣捲曲嘅青瓜片，新鮮嘅無花果，加埋食用花等等作為襯花。女仔心心眼。 🍖香辣海鮮配蝶豆花飯，蝶豆花本身有花青素，對身體好，但係冇味。不過淨係隻色，都令你食慾大增，再加上惹味同超大份量海鮮，有蝦有青口有魷魚，同埋肉鬆，提子乾，果仁等等嘅配菜，突然大家都對碳水化合物非常接受。 🍖既然全部都色彩繽紛，甜品都唔可以俾佢停，泰式奶茶味嘅croffle,配合食用花做點綴，牛角包本身做到好脆，再加上玉米脆脆，加強效果，就算食完個飯，都絕對可以成個甜品食曬。 🍺✨️飲品當然亦都唔睇少得，泰式奶茶做到同泰國一樣又香又滑，仲要用個好似香水樽咁珍貴咁放係度，又加分。 心曠神怡，絕對適合形容今餐，由頭到尾，都係色彩鮮艷又好味既餸菜。

去咗食午餐健身舖試吓個泰式咖啡都幾好飲，仲有個斑斕嘅特飲都唔錯，跟住有啲期待。點知主菜嚟到嘅時候嗰個冬陰功魚片麵，佢係超級紅以為好辣啦，點知佢係冇乜味，無論辣味定係鹹味定係乜嘢味都冇乜。。。。。咁就冇乜味咁樣食啦，咁魚片都算多嘅不過啲魚片有好多魚鱗真係好奇怪點解冇鯖魚特登影咗張相套返出嚟。。。。跟住一路食碗冇乜麵嘅味，跟住食啲魚片又有好多魚鱗，跟住有時食冬陰功又有好多辣椒片係咁吐出嚟都幾麻煩。。。。。重點個面真係冇味道跟住屋企人食嗰個類似菠蘿飯嘅物體有啲肉鬆喺面佢話都幾好食都還OK的。我諗叫飯會安全過叫面仲要九十幾80幾蚊一個餐，真係平日食超級貴

今天放假，諗住早啲食個晚餐，發現原來呢一度下午茶至到5:30 ，有優惠嘅套餐。原來每一個下午茶，都可以最多跟餐三個小食，少少哋，但係可以試晒咁多款。我哋叫咗個炒飯，非常之大碟， 10分足料，一啲都唔辣，炒得非常甘香。第一個小食是魚餅，醬汁少少辣，魚餅很彈牙，很喜歡這間餐廳基本上每一碟食物都有沙律伴碟，高纖得來，可以中和一下油膩感覺。蝦餅竟然係原條蝦咁樣炸，肉質鮮甜，淡淡滿足。雞翼乾身香脆，配埋泰式辣醬，非常之惹味。我們叫另一個下午茶套餐是芒果糯米飯，跟小食木瓜沙律同埋沙嗲串燒。木瓜沙律非常之清新，酸酸甜甜，非常健康。小食沙嗲串唔辣，沙嗲帶有椰香，下次嚟要再叫多幾串。芒果糯米飯很特別，用上綠色的糯米飯，芒果現時當造，非常之香甜。這個芒果軟殼蟹米紙卷是額外散叫的，呢個一定要叫，食落去非常之light，不會有罪惡感，香甜的芒果配上軟殼蟹脆脆，多重口感。這個椰香咖啡一定要試， 10分香濃，真係呢間舖頭嘅特色。奶綠是跟餐的，非常之解辣，最適合配上泰菜。

這家餐廳新式的裝潢，令人刷新對泰國餐廳的印象。⭐️豬頸肉串肉質鮮嫩多汁，烤得金黃酥脆，配上他們特製的泰式醬料，口感非常美味，值得一試。⭐️泰式雞肉金邊粉這道菜以泰式風味的金邊粉為基礎，配上嫩滑的雞肉和配料，味道鮮美。⭐️木瓜沙律拼串燒兩串沙律配上豬頸肉串燒，沙律可以中和肉類的膩感，感覺更清新。⭐️薄荷青檸梳打薄荷青檸梳打非常清涼爽口，薄荷的香氣和青檸的酸甜味道相得益彰，沒有額外的甜味，較清新。⭐️泰式咖啡泰式咖啡帶有濃郁的咖啡香氣和微甜的口感，給人一種獨特的風味體驗。⭐️泰式蝦餅（2件）⭐️泰式魚餅（2件）這些小吃都炸得香脆，內部鮮嫩多汁，搭配上泰式的醬料更加美味，都很美味，尤其蝦餅。⭐️泰奶Tiramisu這道甜點結合了泰國特色的泰奶和傳統的Tiramisu，口感柔滑，奶香濃郁，令人回味無窮。

本人食過佢另一間分店，所以今次見到佢新開左喺康城特別想試吓，同埋可以食下唔同嘅菜式叫咗一個泰式蟹肉蛋捲，首先第一下切開真係有驚喜，一舊舊大蟹肉，但係佢嘅分布亦都唔算太平均，之後食嘅時候亦都主要都係蛋為主。側邊亦都有好多羽衣甘藍可以到沙律食用。味道方面比較單調，唔算有特別大嘅驚喜。另外，我叫咗芒果軟殼蟹米紙卷，比較大嚿，口細嘅人，可能要分兩啖先食得曬，入邊冇醬汁，但係有另外放置，主要以清新為主，係一度我滿意嘅菜式另外我叫咗一個雞肉主食，但係唔記得影相，記憶中係不過不失。未有特別過人之處。反而呢餐飯，我最欣賞係佢嘅特飲一杯鮮芒椰漿柚子露，另一杯已經唔太記得係咩，因為係朋友飲，淨係記得佢都話好欣賞杯嘢飲。我個杯點解會話覺得出色，主要因為上邊有個小芒果都真係十分之甜，同埋已經𠝹開一粒粒果肉，正當我食完嘅時候以為淨係飲嘢嘅時候下邊又有一粒粒既柚子果肉，飲到最後竟然都仲有一塊芒果肉喺入邊，十分特別有心思整體成間店，味道都唔錯，一定會再嚟食🌟🌟🌟🌟🌟

係將軍澳見到有間新餐廳裝修望落幾靚今日同同事放飯過黎一試即刻中哂伏我自己叫左泰式豬頸肉炒河 $92跟餐可以揀杯飲品同一個小食上餐速度都好快用手機落落左唔夠1分鐘啲野就開始陸續送到首先送到係飲品我揀左玫瑰花紅茶飲落都正常之後係個小食同主菜主菜上嘅時候見到河粉係熱辣辣的同埋聞到好香以為味道會唔錯點知啲河粉食落係苦雖然啲河粉口感唔錯但被苦味影響哂小食我叫左雞翼食落微暖似乎係整完放左好耐一般（同場加映同事的餐點全部小食都只係暖不過同事表示小食蝦餅唔錯）

康城都有泰國菜食，門面同鋪面裝修幾靚，坐位舒適用QR code自助下單木瓜沙律🥗完全唔辣 木瓜好爽口黃咖喱軟殼蟹，咖哩好香好味🤤軟殼蟹都幾多簿餅正常發揮，配黃咖喱好夾炒椰菜苗，唔辣忍唔住食左幾舊既燒豬頸肉🤎好味呀😆加埋個汁好正豬肉生菜包🥬呢個好辣，肉碎炒得好香好味🤤甜品芒果糯米飯🍚班蘭味$88好精緻，擺盤幾靚芒果甜，班蘭味既飯同椰汁都幾好味但芒果同飯既份量真係好少總結，住係康城想食下泰國菜，呢間的確好靚好精緻，環境味道都不錯，泰國菜味道偏鹹，價錢每碟平均百幾，另有特色飲品，住康城又想近近地食泰國菜可以一試。

閒日2個人黎食午餐，等左一陣枱未坐低已經見到隻大烏蠅喺枱上面諗住撥走佢就唔再番黎點知一直飛黎我地張枱，仲企喺我杯野飲上面可想而知環境幾咁污糟即刻要求調枱，但早知就食都唔食就走超級後悔野食叫左菠蘿炒飯，同蝦球炒金邊粉先唔講味道，菠蘿炒飯完全唔熱一個飯竟然係唔熱既，真係好想知佢廚房發生咩事味道更加唔駛講金邊粉有種好怪嘅酸味食左幾啖就食唔落走人價錢仲要都唔平完全係垃圾食物完全唔掂新開張黎講環境咁差食物咁差

難得今日平日不用上班，我們決定試吓這間新開的泰國菜，餐牌非常之吸引，因為是比較上新派的泰菜，更加俾佢門面嘅專業咖啡機吸引，一定要喺度叫返杯咖啡。2:30就開始下午茶，非常之抵食，又有得叫咖喱，金邊粉，炒飯，仲可以加$30配小食香茅雞翼，同埋加$18叫特飲。小食蝦餅剛剛炸起，非常之脆卜卜，入面彈牙，仲有原隻蝦添。香茅雞翼，外面乾身，入面多汁，非常惹味。椰子雪糕凍咖啡非常之香專業咖啡味道，配上泰式椰子雪糕，非常之有泰式感覺。這杯芒果特飲好味過楊枝甘露好多，有豐富的芒果果肉，仲有陣陣椰奶香，口感豐富。一定要試吓這個蟹肉黃咖喱拌烤餅，雖然餐牌上面有一隻辣椒，但是黃咖喱唔辣，適合我哋呢啲唔食得辣嘅人，咖喱好香椰奶味，仲有粒粒蟹肉同埋薯仔。叫埋呢個火車頭炒飯，食唔晒嘅黃咖喱仲可以愛嚟撈飯，本身火車頭炒飯都炒得非常之香，粒粒分明， 10分足料。碟頭非常之多，基本上兩個人要share。這個芒果冰一定要叫，基本上三至四個人分享都絕對冇問題，上面成支雪條是真芒果，非常之香軟。正方形的是芒果冰，非常之香。中間食到咁上下仲有芒果糯米飯，幾重口感。綿綿冰配埋椰奶，真的非常滿足。

食完午飯嗰日心郁郁想食甜品，於是就入咗去，點知芒果刨冰已經賣晒，所以就嗌咗一杯嘢飲同埋甜品。Virgin Pina Colada $55 ⭐️本身以為杯嘢飲會係清甜椰汁味，但係出到嚟變咗做椰奶加咗少少鹽咁嘅感覺，整體配搭有啲怪，有啲失望唔係好做到夏日風情嘅感覺！Young coconut ice cream $58 ⭐️⭐️⭐️⭐️椰子雪糕惹味十足，再加上泰式配料花生椰絲等等，一啖食一啖好快就食晒係飯後甜品嘅好選擇，價錢亦都相宜，不過如果份量多啲就好啦！

朋友多次推介，日出康城有間泰國菜，食物扺食又美味，The Lohas 康城3樓352A號舖～港鐵康城站C2出口，步行約1至2分鐘。店內裝修很時尚，特別又雅致，座位舒服清潔整齊，以為是西餐廳，原來是間泰國菜餐廳。菜譜簡單易明，下午茶時間更覺扺食，泰式炒飯、炒粉都有，甜品和飲品款式很多而且非常別緻，菜譜相片已很吸睛。1. 鮮芒椰漿柚子露$55香濃的芒果味和椰漿味，吸管帶入鮮甜的芒果肉粒和柚子肉粒夾雜在飲品內，清新感喚醒口腔的味蕾。2. 金柚海蝦沙律$98賣相非常漂亮吸引，隔離枱的人客也覺驚豔。羽衣甘藍菜和新鮮柚子鋪蓋碟上，還有新鮮大蝦鮮嫩多汁夠彈牙，拌碟有士多啤梨、藍莓、新鮮無花果、泰式脆椰條，擺設非常有心思，調味適中，酸甜有度，是個很健康的午餐沙律。3. 泰式雞肉金邊粉$68（包1杯泰式奶茶）上枱時金邊粉是熱騰騰的，非常有鑊氣，配料豐富有芽菜、豆乾、雞肉、泰式香草，拌著碎花生粒和辣椒粉粒，混入金邊粉內非常惹味。泰式奶茶別具風格，除了香濃奶味和茶味外，還夾有椰奶味，層次感非常豐富。4. 芒果乳酪疊疊冰$118(2人份)又是一款很特別的擺設，杯面是一條鮮芒果捧，大量鮮忌廉層壓著芒果雪糕磚圍邊

Tommy Yummy （31/1/2024）今日同朋友去將軍澳行山，有不少輕鬆嘅行山路線，行到過咗午餐時間，就去食下午茶啦，我朋友話附近有間有好食品嘅泰國餐廳，我哋就去食。這間餐廳叫Tommy Yummy，位於將軍澳康城路1號The LOHAS康城三樓352A號舖，好近港鐵康城站，行1分鐘就到非常方便。餐廳的門口以開放式吧台仲用明顯嘅字寫著「Tommy Yummy Thai Cafe」，所以令人好容易見到這間餐廳，入邊嘅裝修仲好有泰國感覺，亦有多個型格打卡位，而座位都坐得舒服。下午茶餐都有好多選擇，我就選咗泰式自選湯麵，湯、粉麵和配料都可選擇，湯都有三款，我選了船湯，粉麵就選了金邊粉，而配料仲多選擇超過10款，我就選咗蝦仁、豬頸肉同通菜。還有飲品選擇，真係有好多吸引飲品，我就飲鮮芒椰漿柚子露。我朋友就叫咗泰式雞肉金邊粉同埋薄荷青檸梳打。除咗個餐原來仲可以附加小食，樣樣亦好吸引，最終叫咗木瓜沙律、泰式蝦餅和香茅雞中翼同朋分享。好快啲食物就來到啦，泰式湯麵啲船湯好好味，湯味濃郁，而柔軟的質感嘅金邊粉與船湯好夾，豬頸肉唔油膩，蝦仁亦不細粒，通菜分量都多，三樣配料都又爽又滑，同埋個湯粉都好有