Top Blade Steak Lab (梭椏道)

營業中

休息中

今日行過何文田，見到有間西餐廳好多人排隊。咁啱差唔多到晚飯時間，於是就揀咗喺呢間top blade steak lab食晚餐。等左10分鐘左右，可以入去啦。餐牌選擇雖然唔算多，但係每樣貌似好吸引！我哋叫咗香草平鐵牛扒同埋美國390日穀飼Prime 級平鐵牛扒。我地加左$48升級埋藜麥沙律同埋自家靚湯，最重要嘅係，薯條可以任食！呢樣好重要，鍾意食薯條嘅唔好錯過，再講多一次，薯條可以任食！藜麥沙律賣相健康，食落夠fresh。自家靚湯酸酸甜甜都幾開胃。薯條炸到乾身，一啲都唔油膩，食得出好香嘅黑松露味，服務員好勤力咁問每位食客使唔使加薯條。主角來拉！香草平鐵牛扒我哋嗌左熟度係Medium，呢個跟埋一個烘嘅蒜蓉。烘熟咗嘅蒜蓉，辣味同蒜味不大，個人覺得幾好味，幾健康。牛扒上時已經切開咗，可以見到入面粉嫩粉嫩嘅粉紅色，望到都好吸引呀！食落肉質鮮嫩多汁，入口即溶。美國390日穀飼Prime 級平鐵牛扒呢個牛扒我哋叫咗熟度係Medium rare, 熟度剛好，切開入邊都係粉紅色㗎！穀飼牛扒食落牛味比較重，口感有嚼勁，非常juicy。配菜有香滑嘅薯蓉同埋蕃茄仔。嘢飲方面，我地叫左RoseMary Moji

好耐之前喺銅鑼灣分店食過一次，一直都對佢啲任食新鮮熱辣辣黑松露薯條念念不忘，今次帶埋屋企人一齊嚟食！想book位嘅時候原來已經full booking，所以我哋決定早少少六點嚟，好彩嚟到之後店員都好快即刻安排到六個人嘅座位俾我哋🤩呢度嘅服務真係好好，店員會逐一介紹，確保你食到一世啱你口味嘅牛扒～又會周不時都會同你refill任食嘅薯條！.I’ve actually tried the CWB branch before and all i could remember were the all you can eat truffle fries 😋 tried to make a reservation but it was already fully booked ☹️ luckily we went a bit earlier because it was packed by 6:30 😆 the service here was great 👍 the waiter explained the entire menu to us and they always asked if w

最近經常開OT，食無定時，難得一日放假一定要食番餐好嘅等自己滿足下！我同男朋友就去左何文田呢間Top Blade Steak Lab ，佢地係專門採用牛身體嫰滑嘅部位Flat Iron去整牛排！🔥任食薯條呢度嘅薯條任食唔嬲，每當你食完一碟，店員就會主動過黎refill，而且每枱仲有支茄汁可以任落，我一向食薯條都覺得茄汁先係主角！薯條每次refill都係熱辣辣，即刻炸起，唔會話炸好一大堆攤到凍哂先比你食！ 🔥蕃茄湯 每叫一份牛排就可以加$48升級有一個湯及沙律，今日嘅特色湯係蕃茄湯，飲落啖啖都有蕃茄肉，落足料去整，酸酸甜甜嘅味道令人好開胃！🔥蟹肉藜麥沙律 沙律菜好新鮮爽脆，藜麥加左d口感，用橄欖油同黑醋去調味，感覺好開胃！🔥美國390日穀飼prime級平鐵牛排 我地叫左Medium，好明顯睇到餐廳處理成數做得好好，牛排入面仲有血水，係真係Medium！食落flat iron真係好嫰滑，咬落有肉汁，肉味好濃！ 🔥香草平鐵牛排 呢一款都係叫左Medium，仲好貼心幫我地切開一塊塊！個人認為呢款肉味冇咁濃，但係同樣好嫰滑，另外配上一大舊焗蒜頭，男朋友好鍾意食！ 🔥Apple Earl Gre

Booked a table for two for dinner on Christmas eve. There were many people waiting outside but we had our table 5 minutes earlier than our reservation time. Service was great, our server explained all the items on their menu so it was easy for us to pick based on our preferred cut/ flavour of the meat. We ordered a herb flat iron steak and the Prime Flat iron. Both of which were cooked perfectly, but could use a tad more seasoning. Their truffle fries were amazing too, always hot freshly out the

何文田的Top Blade Steak Lab人氣一直高企，最近開了銅鑼灣分店，分散了人流，筆者今晚就和男友到何文田本店用餐。店家貼心在門口安排了座位讓食客坐着等位，我們6點前去到就用不着了。餐廳面積不大，以單邊長梳化為主，另一邊靠牆有四人卡位，近門口亦有望住街景的吧枱位。餐牌簡潔，列出各式食物和加配的選項。來到這裡招牌flat iron是必點的，另外亦試試它的burger。餐湯是蘑菇忌廉湯，蘑菇足料，每啖都有幾塊蘑菇片，忌廉湯濃稠，沒有一舊舊粉，可見製作認真。沙律的醬汁味道清新，加了藜麥粒頗有咬口，沙律菜新鮮。男友點的dirty檸檬特飲酸酸甜甜，加了梳打水飲落好醒神😂筆者的bless冷壓蘋果伯爵茶較為清新，無糖得黎亦不會過淡，推介～Ultimate Burger (8/10): 漢堡扒超腍，有食緊西式獅子頭的感覺😂😂😂 其他配菜也爽口好吃Herbly Flat Iron Steak (9/10): 點了店員推介的medium，肉質亦很腍，咬落超juicy~值得一提薯條是無限添加的，薯條炸得香脆，亦不會過鹹，不錯～

聽朋友介紹有一間平民價牛扒餐廳性價比好高 今日就嚟到何文田試一試黎之前有打過電話預約訂枱 可惜好快就full booking 所以好早6:30就嚟到餐廳避開人群一嚟到店員就好主動同熱情咁介紹餐單 重點係未落單之前 已經好快有另一位店員將任食嘅薯條放係每人既碟上面 好正最後當然叫咗鋪頭最熱門嘅香草平鐵牛扒 店員仲推薦五成熟 的確冇介紹錯 肉質好香又軟 絕對係必食嘅推介另外仲叫咗蜜桃平鐵牛扒 我個人比較鍾意香草平鐵牛扒多d 蜜桃平貼鐵牛扒因為加咗咖啡粉 會有浸特別嘅苦澀味 所以配搭左蜜桃去昇華牛扒嘅味道 不過我都係未接受到呢個味道 個人都認為苦澀味係比較重 總括嚟講呢間鋪頭係值得推介 店員熱情嘅招待同牛肉嘅高質都值回票價 仲要有任食嘅薯條真係好幸福 一定會再來光顧

好耐冇去過一間餐廳性價比咁高(無論環境、食物、員工態度、價錢）餐廳設有網站可以book定位先（https://steakwithyou.com/），版面清晰易用！如果去到多人就要攞飛慢慢等了由於我地去果日係假期廢事有排等，所以一早就book定位，去到門口果然好多人等緊，但我地可以直接入去坐低。店員遞上餐牌，介紹餐廳所選牛既部位：flat iron，肉質相對嫩滑。然後又續一介紹每款既特色，各自用左啲咩香料調製。size一般就8oz ，都夠食其實。我地最後選擇左香草同黑桃，慕求可以試下唔同味。同埋加左$48轉餐，就有湯同沙律。個湯係磨菇忌廉湯，非常濃郁，唔會稀浪浪咁，沙律菜加藜麥之外仲有啲蟹肉，食落個感覺係新鮮既！順帶一提，都係餐廳主要賣點，等緊食既期間，店員就會拎一盤薯條出黎夾俾你，薯條係任食的，你唔洗主動叫，店員見你差唔多食完就會問你要唔要，基本上薯條個碟是常滿的個薯條🍟熱辣辣，幼身，仲有啲松露味，我refill左4次Herbly Flat Iron ($150)牛選了medium，上菜時已切開，見到好粉嫩，望落好juicy，食得到陣陣既香草味，再配合埋粒粒蒜頭同灑左係碟邊既鹽，有多重

呢間餐廳之前已經食過啦，果日同朋友咁岩話想食steak，我就提議黎呢間啦同幾年前新開既時候一樣咁full,所以我地都等左一陣先有位。我地叫左香草平鐵牛扒。好有炭燒既味道，唔錯。仲有叫咗黑桃平鐵牛扒，個蜜糖汁幾好食，甜甜的。兩個steak相比，我地都中意前者多啲，因為肉質比較嫩。呢度仲有任食fries,即叫即炸的，熱辣辣，好有黑松露味，令人食唔停👍🏻👍🏻另外值得一讚的係呢度既staff都態度好好👍🏻👍🏻☺️

2年幾前喺餐廳啱啱開嘅時候，我已經嚟過一次，都幾唔錯。仲記得當時係喺睇演唱會前食，因為餐廳個位置都有啲啲隔涉，旺角東火車站行嚟係最近。呢日約個friend食晚飯，大家講起嗰陣喺英國讀書時食過有間好出名嘅flat iron，就提議不如食top blade啦！雖然知銅鑼灣開咗分店，但大家都返九龍，就決定嚟何文田食。由於預唔到幾點放工，所以無book定枱。估唔到我哋成8點先去到，都竟然要等位，爆場坐滿哂，留意返呢晚只係星期三晚！好彩都係等咗10分鐘內就入得👏。一入到去，有位資深啲嘅店員就問我哋有無食過，再即刻介紹返有乜食，同埋每款flat iron有咩特色同建議熟成度，勁informative啊😎。呢到對於有選擇困難症嘅人嚟講會比較好，因為主食得6款揀，3(+1不在menu上)flat iron，1豬鞍扒同1漢堡包，選擇比開業時多。不過一心想食牛🐮，所以無考慮豬同包。呢到其中一個賣點係有任食薯條🍟，外型無咩特別，似幼身麥記嗰種，但食落熱辣辣好正，估計應該要不斷即炸，因為個個都會添食嘛。薯條最特別係一食落就會發現有好香嘅松露味😍，賣飛佛！題外話，主要有個帶眼鏡嘅店員哥哥負責問客人使咪加薯條，佢

今日行開見到有間專食食牛扒嘅鋪頭，何文田黎計比較少見。餐牌只有賣五款扒類，一入黎waiter就好有心機介紹唔同扒類有咩特性口感，好有耐性。最後揀左一款 iron steak 同一款 black jack。個人比較喜歡 iron steak，肉味較香，質感較豐富。至於 black jack 就比較重煙薰味。Waiter 亦有建議我地配搭伴碟蜜桃黎食，食落的確幾配搭。最後亦有按照 waiter 建議叫左 dirty lemonade 同 dirty iced tea，但感覺無牛扒咁出色，味道偏重焦糖的薰味。

朋友話想食扒，我即刻諗起一間隱世小店！餐廳唔算大，裝修算有心思呢度最主打係食Flat Iron steak唔係度度都有得食架！Flat iron呢個位係非常之嫩滑😆除左steak, 呢度都仲有黑毛豬扒同burger揀+$48可以有埋湯同沙律🥢藜麥沙律雖然呢度主打食steak，但沙律一啲都唔hea架！沙律加左啲蟹肉，增加左鮮味☺️而且啲菜都新鮮，沙律汁調味都恰到好處🥢周打蜆湯好足料！好夠味☺️ 足料到飲完個湯都有少少飽😂🥢薯條呢度嘅薯條係任食！薯條有連少少皮，炸到好脆睇落平平無奇，但其實佢加左白松露鹽！食落好香，會令你一條接一接咁食🤪我都refill 左3次😆🥢香草平鐵牛扒 medium呢款係呢間餐廳最平個款牛扒但估唔到食落咁驚喜！牛扒整得好香好香，食落好有肉味同真係好嫩🥢美國穀飼Prime級平鐵牛扒呢款係最貴嘅牛扒睇落都厚身啲，同埋肉汁係多好多嘅🤭不過可能烹調方法有啲唔同，覺得無香草個款咁香但食落都好林同埋好juicy👍🏻🍹Virgin mojito + dirty lemonade Dirty lemonade 比較特別除左用左新鮮檸檬，仲加左rosemary syrup，飲落多左一陣香

估唔到第一個食評係寫比呢間，食過幾次，牛排算ok，薯條幾好味，但係服務真係超差:1. 帶2個小朋友，一個9歲，一個5歲，居然話我冇叫2份牛排比佢地一人一份。2. 要佢加水、加薯條要等超耐。3. 成間餐館冇乜人，但係都同我地講話要人齊先入得去，同用餐時間得一小時。真係無下次……

今日約了朋友，而朋友選擇了之前食過覺不錯的何文田的top blade，來到沒到個環境十分特別，梳化位大又舒服，餐牌有不同食物選擇，我地二人有叫主菜，湯仲有甜品都好飽又滿足。紅湯味道好清新又開胃，平鐵牛扒，牛扒十分多牛肉又軟熟，好濃郁牛味有驚喜。仲有任食幼薯條好新鮮又夠脆口。另外朋友叫了漢堡，原來咁大份，入面勁多芝士仲有厚厚的漢堡，蕃茄，生菜，而包仲有烤過好香，漢堡肉質口感好味而多肉汁，而且仲有新鮮的菜沙律好清新。最後我地再叫了甜品，微酸而不太甜好味道又夠清新，朋友真的沒有介紹錯這小店。

久仰大名，但一直都未有機會去，見到良心小店名單上出現，即刻去試試！衣家星期六人少左，夜晚都係等3.4個字就有位！爽啊？店舖主打食Flat iron 嘅部位，店員會問你係咪第一次黎再介紹成個menu同建議配合咩熟成度黎食。如果有人等位就限時60分鐘，無就可以坐落去！重點係有無限薯條任食！！先講下第一樣出現嘅薯條，見到薯皮證明係原個鮮炸，有少少太咸，不過有重重嘅黑松露味，我地懷疑有用黑松露油去炸好香好鍾意，店員會定時拎住一大碗薯條出黎幫大家fill, 全晚都食左三轉，好滿足！之後個重點香草平鐵牛扒上場，配完個焗蒜頭。牛肉肉質超嫩！好多肉汁好香牛味！好高分！個牛本身都好食，佢個平鐵煮法更加將佢個牛肉汁鎖住，百幾蚊一塊真心超值！另外我地叫左塊豬，份量十足，好厚連少少骨，都十分好味，豬會配左洋蔥汁，又係一d都唔鞋，唔會乾爭爭，好香豬味。係有多少少肥脂，不過都可以接受。如果大家唔怕口臭可以食埋個焗蒜，之後食過其他餐廳試過食到好苦好乾嚇怕左，今次唔會啊！好易入口，唔會苦，係難挖佢地出黎同第二日個口都仲keep住有d臭唔怪得長期都多人食都贊，性價比真係好高！

想食牛扒, 上openrice搵到依間, 見到很多好評, 滿帶期望去試, 結果失望而回點了FLAT IRON STEAK 和一個蜜桃慢煮牛扒, 蜜桃慢煮$238比IRON STEAK還貴,但肉質一般很多根IRON STEAK肉質還可以, 但只吃到咸味 ~_~飲品點了 DIRTY Lemonade 和 virfin mojito , 都不好飲！湯和沙律都一般服務一般般，地方小, 坐得不舒適，還有像快餐式經营,只準吃一小時，　有人等位就要走, 人平均345, 不值,不會再去了