Uncle Tetsu's Cheesecake (已結業)

今天和哥仔吃完晚飯，行過日本九州福岡的人氣蛋糕店，沒有人排隊，又想起上次去日本經過而沒試，便買了一個返家和家人分享😋。$59 一個約6吋蛋糕，價錢大眾化👍。買的時候還暖哄哄、香噴噴。包裝也一如日本的店子那樣細心精美。盒內的包裝紙和盒上的兩個梳氣孔避免了倒汗水弄濕了蛋糕。讚一個😊。蛋糕非常軟熟，蛋味不重，但芝味十足😋。這種蛋糕有少許濕度，但吃下去的感覺卻非常的輕，綿滑細緻，有一種像蛋白打鬆之後的輕盈💭。愛重芝士味的人，吃多了New York Cheese Cake，吃這個輕芝士蛋糕也應該滿意😋。切下一小件，來一杯紅茶，悏意非常😊。Encore度 7/10。

今日去銅鑼灣行街，發現sogo後面條街原來開咗間「老爺爺芝士蛋糕」即刻入去買返個黎食味道同係日本食一樣 好軟lumlum! 入口即融！蛋糕size唔太大，但$59一個都接受到既！下次再去銅鑼灣應該再買嚟食！

一路以為尼間野得芝士蛋糕賣，但最近係團購見到60蚊有6個芝士撻/綠茶紅豆撻，就買左黎試下。size都算合理，唔會好細個。先講芝士撻，味道係甜甜地既cream cheese,,有少少酸味，叮左之後食，中間做唔到流心效果，唔知如果即場食會唔會流呢？個撻皮過左2個鐘叮返都仲脆，講真以10蚊一個黎講合格有餘。另外仲有綠茶紅豆撻，綠茶味好濃，濃到有d苦，紅豆都算多，不過我覺得有d硬。好多鋪頭都有綠茶撻，不過有紅豆都係第一次見，所以都幾新奇。值得讚既係2個撻唔會太甜，以團購10蚊一個黎講，真係好抵，值得一試。原價就16蚊一個，以日本品牌黎講，價錢都算合理既。

逛街途中見到呢間專賣cheese tart & cheesecake為主既鋪頭，心癢癢又想買個cake返去同家人開心share職員仲好有耐性解釋有凍食或熱食2款熱烘烘新鮮出爐，回家沿途扥住個底仲暖暖既，好期待質感幼滑軟綿，類似雪芳蛋糕咁，芝士味充足，雖不是極濃芝士，但重點係只需$59一大個，好抵食

On my way to Aberdeen, this cake shop is located right next to the minibus station in cwb. The cheesecake is light and fluffy with a milky taste. The sourness was just right. The small size cake was actually very easy to be eaten and I could easily finish the whole thing by myself but I have decided to split the cake in half and leave the other half for breakfast tomorrow. The 16cm cake is much better than other Japanese cheesecake from supermarkets. For $59, I think it's not a bad price and I w

係門口已聞到陣陣香氣 , 又唔洗排隊緊要買返個^ ^新鮮熱辣出爐 , 返到屋企仲有餘溫..蛋糕看上去綿密, 入口鬆軟 , 芝味濃郁!重點價錢合理$59 /個…值回票價!

雪左一晚先食，口感鬆軟濕潤，味道輕盈，芝士味剛剛好，唔會話太重芝士味，而且唔太甜，所以食完都唔會好溜，$59大大個，算係ok抵食，唔洗排隊的話，都可以嘅下次可以試下芝士撻

之前新開既時候，見到都有人排隊去買，當時已經好想試下，今日放工經過見無人排隊，所以就去買返個芝士蛋糕返屋企試。芝士蛋糕面印有佢既logo，都幾有心思。食落去，芝士味濃，蛋糕質感軟綿，食完一舊真係忍唔住想再食第二舊。依個價錢同質素，都算係值回票價喇

朋友話food expo都有得賣，但我地都買唔到，其實點解要喺入面同人迫呢？呢度咪有囉！以為自己好熟cwb,點知出左mtr行左成個圈先知就喺sogo後面，外賣台式茶對面咦，原來d芝士蛋糕得一隻size,直徑16cm,其他係貝殼蛋糕同芝士撻。$59一大個，絕對唔貴喎，平時好食少少嘅麵包店賣細細個都好貴外賣店黎，要即拎走。買芝士蛋糕有得加$13買芝士撻，唔洗啦，想試蛋糕啫。舖入面即焗，係焗盆加水咁焗，哦唔怪之咁多人鐘意啦！以前都有做過呢隻，入面會好moist,唔似普通嗰d.一出爐就即用一個電熱嘅pattern印上蛋糕，就係最重要嘅logo仲可以揀常溫/熱食。連一個紙袋個盒好多圓形，for蛋糕散走d熱氣。蛋糕有張紙包住晒，用黎吸走d水氣，唔會比倒汗水整濕個蛋糕後面有印埋成份，完全無添加咖！~外賣，原來無比叉，得把刀喺入面個logo幾靚個蛋糕隻色仲焗得好靚tim!唔似流心蛋糕，一吉落去好軟熟，好重芝士味好cream好moist!!食得多流心都係食返呢d正常野窩心d,話晒都食左呢種好多年

路經見到無人龍，拿拿聲買2個芝士蛋糕($59/個)，因為真係太好味，軟棉棉芝士又濃，全家至愛，最愛剛出爐即食，正到不得了另買3件芝士達，熱食正，回家雪凍後食，一樣回味無窮

家姐晚上同朋友食飯，買左依間既芝士蛋糕返屋企比我食，我之前一直都無食過，貪食既我緊係急不及待試下啦蛋糕面壓左店既logo，蛋糕賣想已好吸引我係因為焗到金黃色，質感輕盈鬆軟，陣陣芝士味道香滑可口，而且蛋糕綿密，估唔到$59一個六吋既芝士蛋糕都咁高品質，完全價廉物美，大食既我鯨吞左半個

來自日本九州福岡的 Uncle Tetsu's Cheesecake的「招牌芝士蛋糕」，最初登陸香港時據說曾經掀起一陣排隊購買的熱潮，事隔數月，熱潮減退，正是我這個不喜歡排隊的人購買這兒招牌芝士蛋糕的良機。這一天，我買來的直徑16cm的小個裝芝士蛋糕，質感鬆軟輕盈，味道可口，芝士味適中而不過濃，只售 $59，實在抵吃。這蛋糕雖然不太大個，一個人獨享仍然絕對足夠，二人分嚐更是最佳，而即使四人分甘同味，每人只分得四分之一，小吃多滋味，也不錯呢！

我仍然都係覺得，要食好嘢係唔一定要排隊架，同好食嘅嘢係熱潮過咗之後都仲係好食，所以都係唔駛排隊好。今次機會終於嚟，今次行過，竟然無人排隊，直行直入，俾錢走人！呢個芝士蛋糕真係幾好食，食落好似食緊啲foam咁，非常之輕盈，不過味道仍然喺濃郁嘅，芝士味都唔少。我覺得芝士味幾啱啱好， 唔會話太過濃，而且呢個蛋糕唔太甜，所以成件事都balance 得好好，真係會有"you want to keep going back for more" 嘅感覺。我覺得分分鐘可以一口氣食起碼半個 ！最重要係呢個蛋糕都唔算貴，下次行過唔使排隊我會再買嚟食！

曾經令人趨之若騖的日式芝士蛋糕，係伊藤家。佢既蛋糕，曾經引來長長人龍。佢既分店，曾經有過十間。佢既業績，曾經刷下日賣千個蛋糕。可惜香港人貪新鮮，熱潮過後，把把遺忘了。***17年後既今日，伊藤家已係香港幾乎絕跡 。(百佳及便利店有mini版出售，價錢只係$15左右，比起最初平好多喔)一式一樣的產品，換左個品牌，又係香港捲起一個小風潮，又吸引唔少人排隊一試。佢叫Uncle Tetsu。當晚9pm，蛋糕竟然仲係新鮮出爐咁樣一個個拆紙即刻放入盒。隔住個盒都摸到熱辣辣!但真正吸引我買既，係價錢$59咋。我仲以為會好貴。食落實在係好濕潤同重空氣感。比起伊藤家，少左少少蛋味，同好似膩少少，但真係好空氣感，腍啲，化啲。雖然整體同伊冇大分別，但價錢平，質素高，仲要係新鮮出爐，我都覺得幾值得買，性價比高。唔知今次呢個‘熱潮‘，可以維持幾耐呢?_

之前去大阪食過呢間舖嘅蛋糕,超愛軟綿綿又濕潤的口感。返到黎香港一直想搵相似嘅蛋糕,可惜試過好多間都做唔到濕潤嘅效果。直到某天發現呢間舖終於喺香港開分店!今日出銅鑼灣,即時走去買返個試下,只見新張熱潮過後,似乎風光不再,舖頭非常冷清,心裡面都驚會中伏。Anyway,$59一大個cheese cake真係好抵,而且相信再差也比美x的好吃。打開個蛋糕盒,發現香港的比日本的縮水,較為矮身,也沒有底部的提子乾,也不及日本的綿密,芝士味也沒那麼濃。其實唔同日本嘅比較,個cheese cake係幾好食,喺香港黎講,都係我最愛嘅蛋糕之一。