Waffills (已結業)

下午同妹卡去完中央借書後, 口痕痕就去左妹卡介紹既WAFFILLS試下!!去到一坐低就叫左妹卡大力推薦既Milkshake(比利時焦糖餅乾奶昔) ($28)。本身我個人較虛, 好怕飲D好冰(eg. frappe)既野, 但哩杯又可解熱, 又唔會凍到個頭唔舒服。而重點係, 哩杯飲品既cookie味係好自然咁混入其他材料, 亦好夾, 唔會好似某咖啡連鎖店既cookie latte咁味道怪怪  仲有就係, 如果你好似我咁, 飲開某咖啡連鎖店既caramel latte要少甜的話, 你就會覺得哩杯飲既甜度岩岩好!! (當然好似我妹卡咁既嗜甜一族亦可以叫佢加caramel syrup。)但我個人覺得無咁甜, 飲得到埋佢個香蕉味會更好!!! 值得一提既係, 我覺得果個waiter姐姐好nice   由於個吧枱枱面深度太淺, 我同妹卡都要坐得好近道牆, 好似喺度面壁思過咁。但由於其他枱都有客人坐左, 所以我地就照坐吧枱。喺等野食果時喺吧枱前既黑板塗鴉~~ waiter姐姐見到我地寫既野後, 主動喺有客人離開後問我地洗唔洗換枱, 真係好貼心!!!!!  飲飲下野, 主角Banana Glace

我都幾鐘意食窩夫，知道waffills薄有名氣，終於有機會朝聖。來朝聖的人好多，店好細。不好坐的高椅，環境已經係令人失望。我點左朱古力的Brussels($65)，menu上講到Brussels的質感係Light and Crispy。因為我不想食太多，所以揀呢個。但切下去果下心諗，也太薄了吧！香脆係有的，但空氣感也太重了吧！其實係飽肚的，不過滿足不到口慾。可能列日窩夫會更適合我。另外果球雲呢拿雪糕係好甜，好假的味道，又溶得快...我地見到啲雪糕其實係雀巢雪糕...我不太吃甜所以不太知道雀巢雪糕係咩味，但就是另一個失望的味道。朋友點了Apple Waffills($88)，其實這個比較有特色。窩夫中有蘋果餡料，像蘋果批中的餡料，酸酸甜甜的，重點係肉桂粉的味超香濃。不過我不嗜甜，少食多滋味。(朋友話雜苺雪糕好食，看來是我中伏了...)這間食店，可能我還會俾多一次機會的。

偶爾來到這間餐廳。 原本係想食隔離個間雪糕但係太多人冇位，所以就試左E 間！ 絕對有驚喜！ 短短兩個禮拜我已經去左3 次！ 原本以為係普通waffles， 但係原來可以入門係蘋果，就好似蘋果pie waffles! 超好味！雪糕一定要叫G（ 貴個隻係比利時雪糕）， 配上蘋果派waffles 真系冇得頂！ 當飯後甜品不錯，因為比較大份，適合light dinner 後甜品～ 

雖然用餐已久, 但仍不得不寫, 因為想起還有點氣。年初二本想到隔鄰的雪糕店吃雪糕, 可是還沒有開, 一場走到這裡來唯有試一試這間人氣窩夫店。首先餐牌像其他人所說的很難看得明, 終於到點餐時才知道有分雀巢雪糕和另一款貴價Glacio雪糕。由於想和朋友分享, 所以點了分量大點，有三個Glacio雪糕球的窩夫三重奏 ($98, 比選雀巢雪糕貴$30)。窩夫一上枱就有點失望, 原先看餐牌好像有三款口味的雪糕:朱古力，雲呢嗱和香橙。我一心以為三重奏便是每款口味各一球雪糕，怎知出來的是雲呢嗱兩球和朱古力一球！既然有重覆口味，為甚麼不先問我較喜歡那一口味？算了，還是試雪糕，我喜歡朱古力，第一啖就先試這個，怎知一試甚麼心情也沒有了，這真是Glacio雪糕嘛？怎麼和雀巢沒兩樣，只有好假的朱古力味．．．．．我到現在還在懷疑他們是不是弄錯了給了我平價雪糕，總之感覺就像被騙了。至於雲呢嗱雪糕香香甜甜的，味道還可以，但絶對無驚喜。主角窩夫，鬆軟好吃是沒錯，可是有一邊不知是不是發粉不均，有點苦澀味...唉．．．所以如果真有下次，我會建議大家叫最簡單的淨窩夫吃，真的想吃雪糕，留待過鄰店吃。

原來窩夫想有餡要說明，五洗點等位，但入面好熱下。。 窩夫落單等10分鐘就有，攞到裏覺得幾大塊，點知一切即刻變形。。好似張紙咁薄窩夫上面白色粉末喺糖，，白色個堆喺忌廉加雪梨。紅豆汁。溝埋都OK熱凍2種feel。個雪梨五酸、有D似煲完湯伽口感，五喺爽伽口感！可惜個汁太少。總體有D失望

Haven't been here for a while but suddenly remembered this place for waffles when I saw them listed as a openrice finalist for the Best Restaurant Awards★☆★☆★☆★☆★☆★☆★☆★☆★☆★Waffle filled with apricotreviously I have tried the apple version and this one is an improvement.The apricot filling is just as good as the apple but this time there were less white chocolate shavings so it was not cloyingly sweet and there was a good layer of cream which complimented the waffle and apricot filling.★☆★☆★☆★☆★☆

下午茶既第二餐，我響Via Tokyo同呢間作決揀，最後我地揀左唔使排隊既呢間（亦都係我地今日最錯既決定）其實我真係好鐘意食甜品，由其有vanilla雪糕+蛋糕/waffle之類既甜品，呢間我都想試好耐，一直都未試過，今日試完就好失望。先係個餐牌，我個人覺得好亂，好似同一樣食物印好多次出黎咁，勁唔討好😒主角黎勒，賣相同menu 一樣，雪糕我緊係揀Glacio啦，因為真係好好食，仲好食過haggan daz架，未食過可以試下，真心推介👍講番waffle先，切果時覺得好鬆軟，滿心歡喜放入口，點知食到怪怪地味，唔係變壞果種，S先生話應該係冧酒味，加左落去蘋果道引發出呢陣怪味，即時令到成塊野唔！好！食！😨好唔開心呀即刻，分開黎睇，塊餅好食，雪糕好食（大牌子供應好難難食）蘋果心加冧酒唔好食好難食🔥到底係咪我有問題？冇理由賣到$88塊都冇人講過有陣怪味好難食？我都唔知點比分好，但比唔落好評，如果要去食，記得唔好叫A7/冧酒系列/蘋果心系列。

Miss CC 是Waffle控來的，願望是試盡全世界的Waffle這次聞風來到銅鑼灣這間Waffills，正正就是賣比利時首都布魯塞爾的兩款人氣街頭小食：Brussels Waffle & Liege Waffle中午飯後來到此店，空無一人落Order後等了十多分鐘Brussels Waffle With Maple Syrup賣相不俗，Waffle 好脆，好薄不要誤會，我冇傷風，但佢真的完完全全冇味薄＋冇味，我好像沒吃過一樣若你真的很想試，我建議你試Liege Waffle吧了順便告訴我較果如何

WAFFLE 係近期大熱食品, 呢度有3款唔同既WAFFLE 亦有唔同配搭. 布魯塞爾WAFFLE 灑上糖粉, 可惜我唔太喜歡過量糖份. 一落手切, 已知很鬆軟, 食落亦都好鬆軟, 一陣風咁, 成份食哂都唔係覺得好飽滯住, 但唯一缺點係唔熱! 呢個WAFFLE 應該係即整, 但竟然唔熱??配上既蜜餞香梨甜甜地但仍保持梨既少少硬度, 幾好, 最怕梨係會林哂冇口感.另外蘋果甜心WAFFLE 就好熱, 總係覺得WAFFLE 要熱熱地食先正! 蘋果夾心既WAFFLE, 配上比利時VANILLA 雪糕. 雪糕好軟身好香, 一口雪糕一口熱既蘋果夾心WAFFLE, 配搭很好! 不過呢款WAFFLE 個皮稍硬身, 如果沒有加上雪糕, 味道只算一般.

路過此店，試試這裡的窩夫。下午茶時份，店裡有不少客人，剛好有一張高桌，幸好不用等位。餐牌選擇甚多，窩夫有甜的，亦有鹹的，真叫人眼花繚亂，選擇困難。最後選了櫻桃戀人列日窩夫加一球比利時朱古力雪糕，熱騰騰的窩夫香脆可口，冰凍的朱古力雪糕味道濃郁，配以暖暖的、酸酸的、有果肉的櫻桃醬，令整個甜品的溫度和味道添上不同層次之餘，又不覺突兀。食完這甜品令人很快樂，這是一次美好的體驗。

聽聞近期禮頓道開咗好多好評嘅小店，見噤啱要出銅鑼灣做野，一於去逐間試試！今次睇中咗主打比利時甜品嘅Waffills，其實喺遠處都已經見到人龍，睇嚟大家都係同我一樣，聞風覓食小店內得５張檯，所以客人流量較慢，唯有慢慢等，同時都可以專心睇睇有咩啱心水，原來小店並唔得淨買甜品，仲有啲小食，不過我本身食飽先嚟，所以同小食無緣喇！甜品喺３種窩夫加個人口味，自由配搭！今次我選擇咗布魯塞爾窩夫，原因係怕列日窩夫太干同蘋果甜心窩夫太濟！口味方面要咗雲呢拿雪糕 + 朱古力醬，雪糕就選擇咗比利時出品，其實仲有維記雪糕比我選擇嘅，但一場嚟到就試下佢地嘅主打啦！但要留意要比利時雪糕係比維記雪糕貴十幾蚊嫁等嘅期間有留意到店內裝修，都幾有特色，但唔知係燈太多定廚房通風裝置有問題，愈坐愈熱同焗，有啲辛苦等咗１５分鐘，甜品上檯喇金黃色嘅外表，睇得出唔係翻炸或翻整！但雪糕已經溶溶地，令人擔心會唔會食到一半溶晒！切落去嘅第一下就感覺到個窩夫有幾噤鬆脆好似唔駛用力就可以切開，鋪面嘅糖霜食落有小小小小甜，朱古力醬真係好普通，仲有啲水汪汪添！一食落口，我就明白點解切落去個時噤鬆脆喇，原來係個漿開得好薄，而每個窩夫都唔係用得多漿

我也是第一次吃鹹的waffle，這次又是收工便到附近的店吃，近來銅鑼灣一帶開了很多食店也是非常特別和出名的，所以很多也很想嘗，這次叫了豬肉waffle，友人點了honey waffle豬肉的非常特別，不會太乾，肉裡有汁，吃的時候內裡是充滿一絲絲的豬肉絲，加上香脆的waffle，非常好吃。友人的honey waffle也不錯，雖然沒有什麼特別，但他的waffle也是很好吃，很香蛋味，又香又脆店長是一名外國人，由外國人製造的食物感覺也好一點，像吃地道的小食般

聖誕節同男朋友係CWB食完飯,夜晚行下銅鑼灣附近打算搵甜品食，馬上OPENRICE之後就友定專登黎試。咁佢就有種WAFFLE, 最受歡迎係 列日窩夫但賣哂, 咁就食b set 即係相中果個，叫左朱古力味，都幾唔錯即叫即整,賣相普通,所以個WAFFLE好暖,味道都好好,好有蛋味個雪糕係雀鳥巢,如果想要其他牌子既雪糕可以加$.希望下次可以食到列日窩夫。

係灣仔食飽飯慢慢散步到希雲街, 好自然就會覺得肚餓準備食甜品 因為附近大大話話都有幾間出名的甜品鋪, 行過黎已經流曬口水啦 Waffills有三大款格仔餅選擇1, 圓形的列日窩夫, 厚身鬆軟2, 長方形布魯塞爾窩夫, 每一格都好脆薄身3, 長方形有餡蘋果夾心窩夫, 今次無試到, 見到其他人食都覺得好吸引 環境都幾細, 無乜位擺野, 大約得六七張枱, 如果可以係牆上面加啲掛勾, 比客人掛吓外套或手袋就好唔洗欖住啲嘢黎食, 點都舒服啲  地下用左廚房嘅防滑地磚, 感覺好似電影場景裏面, 做廚師嘅男主角喺餐廳廚房中嘅一個角落為女主角準備一個浪漫嘅晚餐咁 (入戲了, hahaa)蜜餞香蕉布魯塞爾窩夫$38 (2.5/5)蜜餞比我嘅印像都係用糖煮過成焦糖面或長時間浸過, 而呢個食落只係普通香蕉, 唔通個朱古力就係用蜜餞整? 個名改得幾好, 但與事實不符, 失望櫻桃戀人列日窩夫$38 (1.5/5)我見到實物個反應係''騙鬼人嘅''!! 明明menu上面嘅相有幾粒完整車厘子, 黎到得pat醬加一粒, 就好似俾即食麵袋上面賣相呃到咁, 但無諗到會係喺度發生ヽ(｀Д´)ﾉ櫻桃醬暖暖地食落感

早前獲悉銅鑼灣開左間waffle專門店，一直都沒機會去試。是日終於將它排上日程，去一嘗美味around7點到，鋪頭裡面很空蕩，得一張臺有人。安安靜靜都幾好。鋪內很乾淨，睇落好舒服，光線亦都唔錯。幾適合下午茶，不過臺就細左d。menu好....複雜睇落。店員幾nice，主動問我地之前有無來過，幫我地介紹左幾款，都解釋左三款waffles有咩唔同。liege比較厚身甜d，brussel則比較薄身脆d同埋無咁甜，apple waffle中間藏有apple。最後撿左apple waffle來試下，覺得特別d，with vanilla and chocolate ice-cream and homemade chocolate source。waffle現叫現整，大廚系個靚仔鬼佬 大約十來分鐘，waffle整好，熱辣辣上桌。店員好nice同我地話，趁熱品嘗啊~睇落個賣相好靚，香氣都好吸引。滿心期待。切下大大一塊，配上vanilla icecream塞入口中。waffle熱度很夠，中間apple好足料，唔會太甜，亦都無咩cinnamon味道。配上甜度略高的比利時雪糕啱啱好。不過失望之處在於，食落w