影片
港鐵上環站 A2 出口, 步行約3分鐘
繼續閱讀
電話號碼
31888007
開飯介紹
日式氛圍, 空運高質時令食材，經壽司主廚精心挑選再發辦，每一道菜都是驚喜與美味的結合. 設有多間特色箱房迎合每位客人.
繼續閱讀
營業時間
今日營業
12:00 - 15:00
18:00 - 22:00
星期一至六
12:00 - 15:00
18:00 - 22:00
星期日
全日休息
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
見到社交媒體網站有foodie介紹，見啲相正正常常就同朋友試下，點知就出事。再次印證點解會無端端做優惠？因為真係無質素可言，你話佢平又唔係，貴又唔係起碼食到你飽。首先一到餐廳，就見師傅急急子咁上菜，係咪趕收工？可能我地遲咗開始怕我哋唔夠時間追加？個所謂茶碗蒸只係暖，打開見到有堆海膽諗住有驚喜點知海膽都出事，有陣膠味，個蛋仲要蒸過咗火係一啲都唔滑，想點先？雖然有3款生蠔但係佢用好調味啫喱放係生蠔上面掩蓋生蠔既味到上第一舊壽司，我咬左好耐因為有筋，咬黎咬去好似食香口膠咁。啲飯望落似赤醋飯但係又無咩味，然後啲飯又太熱，成件事好怪。有火灸過既壽司大部分都係燶既。。。其實如果趕時間可以唔做omakase，點解要咁虐待啲客虐待食材。做茶仔都未嚐唔係一個好選擇
繼續閱讀
$1500 3位既omakase 其實本身無乜expectation, 嘢食算okay，有螺、生蠔、蒸蛋、刺身再加6件壽司，有埋海膽。 不過睇返之前嘅comment，都好認同佢地既服務態度真係好差。 首先，Omakase 竟然係無問人有冇食物敏感，我地都冇留意，直到上咗一道有蟹嘅熱盤，我哋有朋友對蟹敏感，所以食唔到，佢哋嗰個廚師個反應大到即刻反哂白眼，好躁。之後佢突然收走我其中一個朋友碗蟹，但其實係另外一位朋友對蟹敏感，所以我以為唔食得所以冚返蓋，跟住佢就仲更加大反應話「你地一個人蟹敏感啫，唔係三個都要換麻」。 跟住我叫佢冷靜啲，話我哋冇諗過要換，只係你攞走咗冇對蟹敏感個個人既嘢食。 當然同一個唔冷靜嘅人，叫佢冷靜啲只會更加turn on 佢，所以佢係鬧返我話佢好冷靜，叫我冷靜啲…之前再話換比番2件壽司我地😅多謝恩賜 從頭到尾佢哋都冇講過一句唔好意思，覺得好似冇問題咁。本身已經一早喺OpenRice俾晒錢，但最後走個時要另外俾返服務費，真係唔係好想比😅只可以講 呢餐飯係貼錢買難受，呢餐係唔貴，但唔代表食「平嘢」就要受你氣，基本嘅禮貌都應該要有。講真，平嘢都要五百幾蚊一餐，最基本omakase 都一定會問客人有冇食物敏感，就算唔記得咗問都應該可以冷靜地處理，而家好似搞到係我哋錯冇同你講食物敏感😅唔講仲以為去左茶餐廳去完好明白點解佢成個午餐時間其他客都冇，唔好比佢OpenRice入邊嗰194個好評呃咗🙈如果仲想去既人 要有定心理準備啦…
繼續閱讀
01.03.24My birthday dinner🤤一個超級豐富，食到飽飽嘅晚上第一次食壽司版本嘅阿媽家姐 成日以為食壽司版本一定冇鐵板燒咁飽真係今次唔同晒今次嘅感覺係飽到癲咗真係非常之啱，好似我咁食得嘅朋友一定要過嚟試吓佢嘅壽司版本呢係無限追加你可以瘋狂狂咁樣食鍾意食壽司嘅朋友真係唔可以錯過除咗海膽同埋大拖羅唔可以追加之外，其他你都可以想食幾多就叫幾多我就淨係追加咗兩舊咋，因為本身已經有成13舊壽司食咗落肚所有嘢呢都好新奇好似係你面前表演咁廚師喺面前即場整俾你食有時如果食鐵板燒都要等好耐，但係佢哋嘅手腳真係好快絕對唔係因為你等得耐，所以飽係因為個餐單真係非常之豐富好開心呀個碟仲會寫埋Happy birthday 慶祝生日或者慶祝周年紀念都必推介去到甜品環節，我就最鍾意食嘅薑味雪糕真係好特別未食過呢一個味 鍾意薑嘅朋友真係推介！霜瀛 (上環)上環蘇杭街57號香港嘉賦酒店2樓
繼續閱讀
$1,980一位的「醍」套餐，有：先付海膽茶碗蒸日本生蠔時令刺身6款季節料理1款酒の肴1款手握壽司吸物甜品拼盆omakase晚餐任食手握壽司放題，非常之適合大胃王。刺身新鮮，尤其是日本生蠔，味道鮮美，口感同肉質都好出色，海膽茶碗蒸好鮮甜，雞蛋蒸得好絲滑，每道菜菜式都精緻美味，選擇款式都多，真係食到飽飽離開。餐廳氛圍和風，環境座位舒適，師傅手藝精湛。以價格和品質來說，這是一個值得一試的餐廳。值得推介。
繼續閱讀
[ 霜瀛 ]網上見到介紹上環呢間刺身壽司廚師發辦，晚市omakase可以免費追加手握壽司🆓🍣，而且有同行優惠👯♂️，2人同行1人半價、3人同行1人免費，值得一試。✿ 醍 $1980/位款式豐富多元化，有3款先付(前菜)、海膽茶碗蒸、日本生蠔、6款時令刺身、煮物、手握壽司(免費追加)、吸物及甜品拼盆。先付當晚開胃前菜係湯葉(日式豆皮)、蟹膏豆腐三文魚籽及瑩光魷魚。海膽茶碗蒸🥚茶碗蒸表面放上日本北海道馬糞海膽，用料高級。日本生蠔🇯🇵🦪岩手縣米崎生蠔，配以柚子檸檬啫喱及沖繩海葡萄，蠔肉爽口肥美，海水味重。時令刺身6款 🇯🇵🐙🐟日本空運時令刺身，視乎貨源款式每日不同。每款刺身都以不同調味配搭，而且擺盤精緻。1.新鮮八爪魚 配柚子鹽2.鱈魚白子3.赤鯥魚 配北海道三升漬4.鰹魚 以日本蘋果木煙燻5.北海道帆立貝 以日式燒汁炙燒6.鮟鱇魚肝最中餅 配魚子醬煮物是日熟食係慢煮鮑魚，煮得入味，配甘香嘅鮑魚肝醬及山椒葉等調味，味道層次分明。手握壽司🇯🇵🍣以日本空運時令刺身即做嘅手握壽司，用料新鮮，調味方面每款壽司各有特式，某啲刺身更係矜貴食材👍。晚上9點前仲可以免費追加壽司(海膽、拖羅除外)，食咗十幾款壽司超級飽呀😂🤣！當晚魚壽司有伊佐木、金目鯛、魴鮄魚、赤血引、深海池魚(配白松露)、灸燒黑鯥魚(配黑松露醬)、炙燒銀鱈魚、炙燒梭子魚、拖羅；其餘有活赤貝、新鮮北寄貝、白蝦、北海道馬糞海膽杯。吸物🥣舞茸菇清湯，加入日本蓴菜，口感滑嘟嘟好特別。甜品拼盆🍈🍮生果有鮮甜多汁嘅日本赤肉蜜瓜。甜品係烘焙茶法式焦糖燉蛋，焦糖脆而不太甜👍。總結🫦 餐廳以現代和風裝潢，席前有10個座位欣賞師傅手藝，晚市omakase有同行優惠好適合約埋朋友去食餐飯。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿霜瀛地址：上環蘇杭街57號香港嘉賦酒店2樓電話：3188 8007✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀