影片
以上資料只供參考, 請與餐廳確認詳情
下午茶黎食個越南河呢到舖面比較細但都算坐得舒服而且乾淨Tea set價錢都幾抵既同朋友叫左牛河河同埋鮮茄河好大一碗，好多配料我地當lunch食都食唔哂牛肉都幾嫩湯底就冇咩特別蕃茄湯底比較特別奶茶幾好飲
繼續閱讀
今日又同女朋友食新越越式料理🇻🇳，今次食扎肉炒金邊粉。.本身預期佢會係甜甜地，表面到有少少花生碎嘅金邊粉。雖然結果唔係，但係味道都合格嘅。$57一碟，份量算多。呢碟金邊粉炒得唔錯，夠鑊氣，條條分明，但又唔多油😯。調味配料感覺上同港式炒烏冬差唔多，冇咩驚喜🤕。.價錢方面係呢佢算係中等水平，但呢個亦不乏平過佢而且更加好食嘅選擇😅。.環境方面由於中午比較多人，同隔離唔識嘅人都要手踭掂手踭咁樣食🙁。
繼續閱讀
到九龍城街市買完東西後已接近二時，肚子都餓透了，我們二人便打算到附近的食肆醫肚，最後選了吃越南菜。位於福佬村道的新越越式料理的裝修頗為簡單，白色牆壁配特色透明膠櫈和藤椅，甚有越南feel。這裏供應午餐精選的時間是由上午11:30至下午3:00，選擇多元化，加$18便有一個升級小食，加$9有一個升級特飲。~炭燒香茅豬扒湯河+蝦餅三片+椰汁綠豆冰湯河份量不少，配料有大量爽口芽菜、洋蔥圏、蔥粒和已切開的炭燒豬扒。滑滑的河粉配了一個較清的湯底，吃完也不會覺得口渴。熱騰騰的蝦餅爽脆，沾上酸酸甜甜的醬來吃，更覺美味。冰凍的椰汁綠豆冰入口清爽，不會過甜，是夏日良品。~越式海南雞飯+越式春卷兩件+三色冰海南雞飯賣相不錯，雞皮爽滑，雞肉沾黑醬油吃味道甚佳。有味油飯吸引，蔬菜湯味清，是個好配搭。春卷脆口配爽口生菜來吃，便不會熱氣了。冰凍三色冰裏有綠豆蓉、紅豆和啫喱條，令人感覺滿足。~牛油雞翼兩大隻雞翼分成4份，外脆肉嫰，配大量炸蒜粒，是個不錯的小食。如果牛油味可濃郁些便會較理想。
繼續閱讀
最近成日有機會在九龍城區出沒，周圍搵啲小店試吓。我朋友一人叫咗一碗生牛肉湯河，有讚有彈、好壞參半。首先要讚下，店員俾咗兜金不換同青檸我哋，咁樣嘅做法好正宗，唔係每一間越南餐廳都會咁做，而我都好開心咁將全部金不換放晒落我碗湯河度。另外，佢嘅牛肉河入面有好多芽菜、生洋蔥絲、炸乾蔥、碎蔥、好啱我口味。仲有，河粉都幾滑下，值得加分。 除此之外，都要讚下呢間餐廳嘅環境。裝修用色主要係白色同淺灰色，舒服簡潔。餐枱夠大張，坐得舒服。不過，今餐飯最需要彈嘅，就係佢嘅牛肉湯冇乜牛肉/牛骨味，仲要非常鹹。我認為，一碗牛肉湯河嘅靈魂就係湯度，佢個湯做得唔好，下次真係唔使再來幫襯。
繼續閱讀
6月去完越南，好似幾個月無食過越南野.心思思.九龍城原來除左泰國菜館多，也不乏出色越南菜.尼間店雖然細，但人氣都幾旺.當然要點生牛河，睇下距既水準去到邊.香草先上，分開一籃.湯色較深，偏濃.有點特色.鮮甜味足.加入芽菜增加口感.牛肉高質，夠滑夠嫩.河粉薄身，煙韌.口感唔錯. 整體感覺比較出色.龍眼冰.甜味較淡，清幽.食得出係龍眼本身甜味.果肉夠多.仲點左個小菜.越式牛柳炒西蘭花.牛肉滑嫩，醬汁好惹味.西蘭花熟度perfect.好滿意的一餐飯.路過九龍城食厭泰國嘢.不妨一試.
繼續閱讀