影片
港鐵九龍塘站 C2/ H 出口
繼續閱讀
開飯介紹
上海王家沙老店，早在1945年開店，在當地享負盛名，以上海點心而聞名，其中「四大名旦」—鮮嫩味美的蝦肉餛飩、滲滿肉汁的蟹粉生煎、酥香可口的豆沙酥餅和香脆鬆透的兩面黃—更是家喻戶曉。其他食品也多是用蟹粉炮製，招牌菜有蟹粉小籠飽，招牌青豆容湯丸和醉乳鴿等。
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
有一陣子忘記王家沙，今天有點兒想吃小籠包呢！ 小籠包一如以往鄙薄餡靚料足。 鮑魚炒飯每一粒醬汁都比我一粒飯都比醬汁包圍着一啲都唔馬虎，鮑魚有兩隻大大隻的， 煙煙銀銀非常鮮味。 一定要讚下呢一個漕溜魚片，味道甜甜的，魚片非常非常的滑溜，一個人真係可以食晒全碟。而且一啲骨都冇，非常適合小朋友吃。 奶油津白好大碟，都幾抵食，非常creamy! 蔥油海蜇頭，呢個做就做得比較酸，非常開胃，海蜇頭爽爽脆脆的。 質素依然高， 沒有失望。
繼續閱讀
今次到爺爺生日食飯~都係食中菜，今次揀咗王家沙，因為傳說係唔錯嘅~我哋12位，間咗房畀我哋有個姨姨waitress淨係serve兩間房(兩圍枱)，佢幾好笑容，又好禮貌，好有親切感~讚讚食嘢喇~因為我遲到😅好多都冇影相……同埋冇睇menu...前菜有麻醬粉皮，拍青瓜，蒜泥白肉粉皮，醃芽菜，生煎包， 蔥油餅……🤔(係咁上下)蔥油餅好香口， 麻醬我最愛，仔仔食咗半碟青瓜，其他都不過不失啦～擔擔麵，好開心有得揀唔辣，仔仔終於有得試👏🏻上海粗炒都炒得好好，冇乜油小籠包，好多湯好正，仔仔食咗三粒呀!整體都真係傳說中嘅唔錯~最鐘意都係豆沙鍋餅，好多芝麻，又香又脆
繼續閱讀
難得放假，約左親愛的去又一城午餐，你知依排食野要好小心，又要睇牌面又要睇色水，但係上次無見佢比人襟飛，又想食上海野，唯有試試依間。城中比佢好味既上海菜大有人在，不過親愛的講到佢食過，即管試試。2個人埋單$700幾，價錢貴左少少，但8樣餸算係甘1. 雞絲粉皮(夠凍夠味)2. 醉雞(嘉美雞好鞋，成$98唔值，酒味夠，但唔滑就不如唔好食)3. 四喜酵夫(我無掂過，賣相唔吸引)4. 千層峰(辣味幾好)5. 淨煨面(湯幾好，唔太咸，但我就撈千層峰既汁，正)6. 蟹粉小籠包(個頂皮好厚，蟹粉乾到似標本，皮薄但延伸性差，5隻未食已經爆3隻汁)7. 東坡肉(個包塊皮又凍又鞋，但肉夠肥唔膩，但啲肉，鞋到好似肉絲甘，包唔索汁)8. 豆沙窩餅(不過不失)環境就擠逼，太多遊客，又嘈，可能又一城就係甘，服務算唔錯，係甘加水，啲野黎得好快。不過$700幾蚊，一餐半餐算啦。
繼續閱讀
食過好多碗擔擔麵，試過好多間餐廳，暫時最好食係呢間。花生味超級重，超多花生，個湯又唔會好辣，每啖麵加少少湯同花生咁一齊食好正。其他嘢食都唔差，叫咗紅油抄手同蒜泥白肉。份量適合兩至三人吃。
繼續閱讀
比想像中好食！食之前睇左好多食評，好多都講到麻麻地，食物又差服務態度又差，搞到我都唔敢試，不過佢係個商場屹立不倒左咁多年，應該有原因既，所以就膽粗粗試下。星期日下午兩三點，人不多，我地叫左四樣野，包括王家沙擔擔面，薑汁湯丸，蘇式鮮肉小籠包，流沙奶黃包。擔擔面味道唔錯，唔會好濃味，面質都幾有口感。薑汁湯丸等左勁耐，同埋$42得三粒，唔係好抵，味道一般，應該都係出面買番黎既湯丸。小籠包大讚，勁多汁，皮薄餡靚。奶黃包都好出色，中間個流心無止境地湧出黎，完全停唔到，個包都好軟淑，好好味！整體黎講，係又一城咁高檔次既商場黎講，價錢都算合道，味道還好，服務就一般，未至於其他人講到咁差，不過唔算特別熱情同友善，不過不失！
繼續閱讀