734
15
17
| 餐廳: | 大滾友火鍋 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
開飯介紹
裝修風格古色古香的火鍋店，香濃雞湯底選用三黃雞並加入花膠熬製。款款湯底都份量十足，並有多款海鮮、手打丸及豆品等配料提供。
繼續閱讀
營業時間
今日營業
12:00 - 01:00
星期一至日
12:00 - 01:00
*最後落單時間: 02:00
以上資料只供參考, 請與餐廳確認詳情
有關獎賞計劃
優惠
| 餐廳: | 大滾友火鍋 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
有一段時間冇黎大滾友，原來擴張左樓上舖，樓面大左啲，仲多左大房啱晒成班人黎食。今日揀左晏晝黎打邊爐，6:00前埋單有68折～抵好多▪️玲瓏浮凸花膠雞湯鍋（半隻） $328呢度最正都係佢嘅花膠湯！！一鍋有勁多花膠，煲滾咗個湯之後建議飲一至兩碗先，個湯真係超正，非常滋補～食埋啲花膠再落雞，等一陣就食得，肉質鮮嫩▪️大滾友牛肉拼盤（細）$428估唔到細拼盤已經有咁多款牛，頂級雪花牛、牛頸脊、牛舌、牛胸尖、骰子牛肉粒、澳洲和牛金錢展等等，一盤夠晒豐富，啱晒想每樣都試吓嘅人，淨係個擺盤已經好吸睛，咁多款牛味道都唔錯👍🏻值得叫▪️香辣牛肉餃$78牛肉餃入面包咗辣椒，出面未食過，幾特別，香得來唔算好辣，啖啖肉▪️手打鮮牛丸$72$72有四粒，牛丸用新鮮牛肉打成，口感彈牙，真材實料▪️即炸黃金響鈴$88咁多次嚟大滾友一定會嗌佢哋嘅黃金響鈴，加入鹹蛋黃炸過，一份六條，熱辣辣脆卜卜，放落花膠雞湯簡直係絕配，吸湯入味😋▪️脆炸黑松露午餐肉$88黑松露午餐肉外層炸到金黃色，午餐肉夠味得黎又唔會搶咗黑松露嘅香味，就咁食都可以，唔需要放湯▪️紫淮山$58▪️爽脆豬膶$58▪️藍妹生啤500ml $88食完仲送一大桶焦糖豆腐花，滿足
繼續閱讀
同班friend今次決定留港消費❤️🔥拉大隊去我既愛店🫶🏻九宮格～🥘 半隻花膠雞濃到黐線嘅金黃湯底，花膠厚過我塊面🐔！滾兩滾仲有成碗骨膠原黐住個嘴👄花膠份量十足 真係好鮮甜💫雞肉都算嫩滑 朋友話飲完成個人滋補晒😂 🐮 牛肉拼盤（細）雖然叫「細」但份量都夠2-3個人share，淥3秒入口即溶，個「牛魔王」friend食到唔出聲狂點頭🙂↕️肉質好嫩，牛味濃，抵讚！ 🐷 豬頸肉平時好少喺火鍋店食到咁高質嘅豬肉 🐖砌到乙好靚 似玫瑰花🌹🥰沙白！痛風大王 當然要叫蜆 所有甲殼類都是我最愛！好大隻 肥美無沙生根波波🍩響鈴🔔又係必食item!!既叫即炸 好脆 一上枱要即刻食🤤🍻 生啤 + 火焰焦糖豆腐花食到最後 店員送上「火焰焦糖豆腐花」 🪩即場用火槍燒焦糖 視覺效果滿分❤️🔥！豆腐花好滑 焦糖脆脆哋 💫配埋生啤🍻perfect ending！ 💰 性價比高人均$300左右🪙食到咁多嘢 仲要質素唔錯 絕對係同朋友聚餐嘅好選擇！ 🛎️溫馨提示～晚市幾旺場，建議早少少去或者訂定枱～
繼續閱讀
最近因為同朋友慶祝生日，特登搵左間有特色既火鍋店試下，結果揀左大滾友。聽講呢間火鍋以極足料既湯底同充滿視覺效果既高質菜品聞名，仲好岩打卡，於是滿心期待咁同朋友一齊去試試！.第一個要講既係佢既消暑冬瓜瑤柱鍋，夏天食火鍋最岩揀呢個湯底，成個大冬瓜入面塞滿冬瓜肉、瑤柱、魚翅、蝦肉、芹菜同蟹柳等等，料多到爆！店員會幫手切開冬瓜，煮滾後湯頭香氣撲鼻，飲落清甜又鮮味，飲完真係覺得好消暑，成個人都舒服晒。.接住試左牛肉拼盤（細），呢個拼盤真係滿足晒牛肉控既心願！入面有吾同部位既牛肉，包括手切外裙肉、牛頸脊、皇喉片、金錢𦟌、牛舌同牛柳粒，每款口感都唔同，牛味濃郁，涮幾秒已經好嫩滑，食完好滿足。.仲試左伊比利亞橡果豬 ,呢款豬肉真係吾常見，聽講係世界上最頂級既豬肉之一。因為用橡實同天然草本飼養，肉味特別濃厚，脂肪分布均勻，涮完食落口完全吾會覺得肥膩，反而有種獨特既香味，值得一試！.跟住有大滾友雜菜拼盤，呢個拼盤好豐富，有粟米、蕃茄、木耳、淮山、金針菇、白菜、油麥菜同生菜，色彩繽紛，望到都覺得健康。涮完食落口每款菜都有自己既清甜同口感，平衡返肉類既油膩，幾好。.手打既蟹籽鮮蝦丸，亦都好驚喜，蝦丸爽口彈牙，每粒入面都有真材實料既蝦肉，涮完熱辣辣咁食，鮮味爆棚，完全吾係普通丸仔既質素。.另外仲試左黑松露午餐肉。,呢款午餐肉經油炸過，外脆內軟，黑松露既香味好濃郁，單食已經好正，涮湯再食又多左層湯底既味道，兩種食法都好推介。.飲品方面就叫左竹蔗茅根 ,呢款係店家自家製，肉眼都見到竹蔗同茅根，味道清甜又解渴，飲完成個人refresh左，岩晒搭配火鍋.最後甜品環節，店家好貼心送左個火焰焦糖豆腐花比我地，呢個真係驚喜！木桶入面既豆腐花上面鋪左一層黃糖，店員即場點火，火焰效果好震撼，火熄左後黃糖變成一層焦糖，食落外脆內軟，比普通豆腐花多左層口感，甜度又岩岩好，完美收尾。
繼續閱讀
食火鍋想食得精緻，身為元朗人推介「大滾友火鍋」，以宮庭風為主題，店內裝潢古色古香令人如穿越時空回到古代，龍頭雕銅鍋、仿古風醬油瓶、還有每款菜式上菜時的氣派排場，充滿驚喜🤩單單是湯底都有十幾款，每款都各有特色又吸引。天氣開始熱「點選了香濃豆乳蜜瓜濃湯鍋」，清清地又消暑。端上湯鍋時已令我哋十分驚喜，原個哈蜜瓜🍈加上玫瑰花造型冰粒🌹，紫椰菜仿花瓣，配上煙霧效果💨，真的有種在吃御膳的感覺。玫瑰冰粒係雪凍的豆乳濃湯，而湯底仲有新鮮龍躉魚片，足料又矜貴，味道香濃又充滿魚香，鮮甜清新，剩飲都好好味。「大滾友牛肉拼盤」🥩有7款牛肉，牛頸脊、牛𦟌、安格斯牛、骰仔牛肉粒、牛舌片頂級雪花牛肉和牛皇后。全部係手切牛，口感特別豐富，牛𦟌和牛頸脊都有滿滿嚼勁，肉味濃郁；安格斯油花重，甘香稔滑。最特別要推介係牛皇后，其實是牛血管部份，平時較少地方食到，而口感是超級爽彈，有牛香卻沒有內臟味，亦沒有油膩感，味道不俗，一定要試試。「伊比利亞橡果豬」 滿滿的一碟份量很多，口感彈牙有韌勁，肉味獨特，香濃又不帶半點豬羶。橡果豬剛熟就可食，保持肉質口感嫩滑，味道更好。「勁辣跳舞牛丸」手打牛丸混合左紅椒片和其他香辛配料🌶️，個人覺得辣椒味濃郁，辣度可接受，未至於辣到跳舞😂而牛丸都幾彈牙結實，真才實料。「大滾友響鈴拼盤」 有原味和鹹蛋黃各三件。即炸響鈴香脆鬆化，特別喜歡鹹蛋黃味，炸到起沙的鹹蛋黃包裹着響鈴，鹹香惹味。仲有「雜菜拼盤」有粟米、香芋條、窩筍、新鮮蔬菜等。飲品推介「自家製竹庶茅根」，清甜天然又解渴。最後附送一桶「火熖焦糖豆腐花」🔥，即場點火把黃糖燒成焦糖，增添風味。豆腐花順滑，焦糖帶點香脆，估唔到一個咁普通既既甜品也咁有心思👍一餐精緻的宮廷火鍋，令人喺視覺和味覺都充滿衝擊，十分回味。
繼續閱讀
💖特色宮廷風火鍋，一試難忘💖身邊總有火鍋精朋友，同我去食特色火鍋，全店主打宮廷風格，真的令我大開眼界。✨玲瓏浮凸花膠雞湯鍋✨湯底很有驚喜，金黃色雞湯賣相吸引😍 選了半隻花膠雞，花膠足料大塊，雞件新鮮嫩滑，份量十足。雞湯越煮越濃郁，骨膠原滿滿，雞香味濃，陣陣香氣，令人食慾大增。✨牛肉拼盤(細)✨份量一點也不少，款式頗多，內有金錢牛𦟌、牛柳粒、牛小排及牛舌片，十分豐富。放進雞湯小灼，牛柳粒及牛小排牛味濃，牛𦟌軟腍，牛舌片彈牙，非常不錯。✨伊比利亞橡果豬✨有着大理石紋般的油花，豬肉帶獨特香味，肉質細嫩，有風味又多汁，非常好味。✨手打鵝肝墨汁墨魚丸✨非常有特色，墨魚丸內含手打鵝肝，食落爽口彈牙，甘香甜美。✨蟹黃餃✨皮薄而又餡多，隻隻都好飽滿。一口下去，餡料傾瀉而出，蟹黃味十分鮮甜，令人回味。✨大滾友雜菜拼盤✨新鮮，款式十分之多。九孔蓮藕、萵筍、紫淮山等非常爽口，粟米、蕃茄、金菇、娃娃菜、唐生菜及油麥菜等吸飽湯汁，十分鮮甜，令人回味。✨自家制竹蔗茅根✨份量充足，清香甘甜，一邊吃火鍋一邊飲它，最能下火。✨火焰焦糖豆腐花✨非常吸引眼球，點火一瞬間，手機停不了🤩。將黃糖燒至微微焦香，感覺像布丁，豆腐花非常滑嫩，微甜可口，作為飯後甜品十分圓滿。湯頭非常濃郁及高質，吃到最後也有陣陣香氣。餐廳環境氣氛舒適，特色宮廷風，令人很有驚喜，整體非常不錯。想睇更多介紹，馬上Follow我啦😁。
繼續閱讀