影片
開飯介紹
長沙灣人氣新加坡菜餐廳的分店，其招牌海南雞飯標榜一份有半隻雞，而且嫩滑富肉香。裝修糅合懷舊及優雅風格，如以採用不同類型的吊燈及西式餐椅。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
今日去朋友屋企吹水，帶左我落樓下食依間蘇山雞飯，排左大約半粒鐘終於入到去，星馬菜式好多選擇🤪我地揀左幾款有代表性菜式，每款都好好味，而且價錢都好合適相對抵食，值得排隊！🥹✨獅城芽菜走地雞飯雞飯米粒香軟帶有淡淡雞油味，配上爽口嘅芽菜，同埋滑嫩嘅走地雞肉🤩無骨之餘仲有果凍透明狀嘅膠原蛋白，最後仲有一碗雞雜冬瓜湯，幾鮮而且暖胃，依幾款加埋一齊係好夾嘅組合😎✨叉燒香辣蝦麵湯底香濃唔算好辣，叉燒肥瘦勻稱，甜甜地幾開胃😋 蝦有兩隻都彈牙，豆卜吸晒湯汁，蛋熟度啱啱好，麵條幾有嚼勁亦唔會太硬身😁✨鮮油咖央多士咖央醬香甜順滑，配上厚厚嘅鮮牛油，輕輕溶化喺脆脆嘅多士上面🥹份量好多完全無慳皮，超級邪惡🤣兩者完美配合，兩個人share食會唔夠喉哈哈，仲要好抵食跟餐只係加15蚊❗️❗️✨參巴辣蝦醬通菜通菜清脆爽口，配上香辣嘅參巴蝦醬，味道鹹香又帶少少辣勁，份量夠哂兩個人食有餘，超級惹味🤤✨恐龍美綠恐龍美綠香甜冰涼，美綠嘅甜味加埋大量嘅美祿粉，口感豐富☺️濃郁嘅巧克力味道配合冰凍嘅口感，係夏天一大享受，好解渴🤭
繼續閱讀
大隻仔今次覓食嘅店舖就係💥 蘇山雞飯 💥大隻仔今次介紹呢間星馬餐廳，海南雞飯同咖央多士都好好食，招牌海南雞飯必食推介，用咗二十幾款香料浸雞，雞肉嫩滑又入味，咖央多士烤到金黃酥脆，中間夾住香甜可口嘅咖央醬同厚厚半融牛油，不得了。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鮮油咖吔多士 $30咖吔多士好好食，麵包烤到好香脆，加上充滿椰香嘅甜味咖吔醬，中間夾住大大塊牛油，極之邪惡，但非常好食。🔥 參巴辣蝦醬通菜 $42馬來西亞嘅參巴醬真係好好食，加埋蝦醬一齊抄通菜，帶少少辣，充滿咸香，會食唔停口。🔥 招牌海南雞飯配 雞雜冬瓜湯 $85 黎得蘇山雞飯，梗係要食馳名嘅海南雞飯啦，去骨海南雞超級滑，啖啖肉，非常滿足，雞皮下仲有一層透明啫喱，再配上傳統三款海南雞醬汁，薑蔥蓉、黑醬油及酸辣汁，各有滋味，不過大隻仔最鍾意就係點酸辣汁加薑蔥蓉一齊食，真係最好食。雞油飯亦同樣出色，油而不膩，油飯夠曬味道，隨餐附送嘅冬瓜青湯內有好多片雞雜，而且雞腎好爽口。🔥 夜市沙嗲6枝（半價） $54沙嗲串燒有雞肉或者牛肉可以揀，亦可以各選三枝，牛肉同雞肉串肉質都唔會乾柴，不過沙嗲醬就比較重味，唔好點太多。🔥 小食拼盤 $98炸雞翼、泰式魚餅、炸鳳尾蝦春卷、豬肉串各2件，可以一次過試晒4款小食，鳳尾蝦春卷最有驚喜，外皮超脆，而且蝦肉好彈牙，配埋少少酸嘅辣味冬陰功醬，非常滋味。🔥 開心果椰子奶昔 $32夏日特式飲品 -椰子味道突出，配上開心果，顏色好靚，好適合打卡。🔥 砂拉越菠蘿冰 $48夏日特式飲品 - 選用時令原隻菠蘿，取出菠蘿肉，加入冰粒，攪拌成菠蘿冰，一個菠蘿只可以製成一杯菠蘿冰特飲，保證原汁原味。
繼續閱讀
這間餐廳以前有食過，價格親民水準唔錯，他們的海南雞飯確係好食，今次encore再來食，試下其他新野先。牛車水醬油雞飯 $85此菜式有點似廣東菜的豉油雞，雞件醃得尚算入味，醬油甜味比咸味重，雞肉幾嫩滑，另配三款醬汁佐食，但最重點推介的其實是那碗油飯，雞汁精華令油飯香口而油潤，飯粒偏軟身但好好食。另此餐跟配雞雜冬瓜湯，味道鮮美可口。火焰醬香椰子雞窩 $168雞窩上桌時，店員同時拿著一杯矛台酒及沙漏前來，原來係即席將酒倒在煲蓋上再點火，用沙漏計時，夠鐘後一打開，不但有酒香更有香濃椰子味撲鼻而來。湯底超級清甜，完全是整顆椰子水作湯底，再加少少酒味及雞味，好飲到成煲湯清晒。雞件有半隻雞份量之多，但始終是煲了湯的雞肉，不算太嫰但亦不鞋口。反而椰子肉就好軟嫰，好好食。麻辣玻璃魷魚通菜 $25(跟餐另加)跟餐另以半價加的菜式，魷魚質地好彈牙爽口，麻辣醬料幾香口，醬汁滲入通菜內都幾惹味好食。砂拉越菠蘿冰 $48原個菠蘿上桌份外吸晴，飲得出無額外的糖水，純天然果汁製成的沙冰，還有片厚切菠蘿果肉，夠清甜，超級解喝。涷生椰拿鐵 $12口感很順滑又不會很甜，比一般拿鐵多了一點點椰奶味。
繼續閱讀
好耐之前食過一次蘇山雞飯，念念不忙佢隻海南雞🤭原來而加係太子都開咗一間，方便好多呀👍🏼人流好旺，個場6半去到已經full哂，食到7點半再望一望已經要排隊😂好誇張！獅城芽菜走地雞(半隻) $140寫明係走地雞㗎！真係得里度先有！雖然啲皮無好黃，但入面超嫩👍🏼有啲凍啫喱添呀！味道唔會好咸，無咩骨，明顯店員處理過👍🏼唔會食到好污糟❤️雞肉比較瘦，健康人士必點！海南豬扒叻沙摻摻 $70有得揀老鼠粉，米粉，油麵！我地就揀咗油麵，湯底好香有椰香味又唔會太辣😍仲附送魚蛋片同白魚蛋添呀！！豬扒先至最正👍🏼我地食完都讚不絕口！好香香茅，又唔會太油！有啲肥肉痴邊，好好味😎下次都要再點！！里個餐我加咗$49要小食拼盤2人份量黎，不過好豐富好多嘢食😱性價比高！有魚餅，炸蝦，炸雞中翼，炸雞髀仔，肉串👍🏼👍🏼有水準呀！開心果椰子奶昔 $35好香呀！！椰子奶昔好飲好消薯👍🏼👍🏼仲加咗開心果，個色好似healthy drinks😂
繼續閱讀
今日喺太子呢邊上完堂，約朋友喺附近呢間比較多人排隊嘅馬來西亞餐廳試試，心心念念咗好耐嘅肉骨茶終於有得飲下啦！肉骨茶呢度嘅肉骨茶係傳統嘅胡椒風味，亦都係我個人偏鍾意嘅style，大量嘅原粒白胡椒同排骨去熬煮湯底，白胡椒嘅清香充滿住整個湯，但飲落並唔會太辣，啱曬啲鍾意聞落香而唔係太食得辣嘅朋友。黑白雞飯（海南雞+醬油雞）呢度嘅黑白雞飯即係海南雞同醬油雞兩種，雞件比較肥美，個人比較鍾意海南雞，點上特調醬汁食真係幾惹味，醬油雞都唔錯，皮滑肉嫩。娘惹咖哩牛筋腩干撈老鼠粉娘惹咖哩夠曬地道，出面比較少有乾撈老鼠粉，今次我專登點嚟試一試，老鼠粉即係市面上嘅銀針粉，咖哩調味恰到好處，濃香而唔辣，牛筋腩炆得好淋，配上呢種咁香濃嘅咖哩夠曬入味，令本身唔鍾意食太多澱粉質嘅我都一啖接一啖停唔到口呀！參巴辣蝦醬通菜濃郁嘅參巴醬同通菜一齊炒簡直天衣都無縫，通菜夠曬入味，帶微辣香氣，而且份量都唔少，兩個人share啱啱好。特色小食拼盤包括有雞翼、泰式魚餅、脆炸鳳尾蝦春卷、豬肉串。個人覺得最特別嘅係脆炸鳳尾蝦春卷，外皮係網狀脆紙卷成，入面係彈牙嘅蝦肉混和豬肉等食材製成，食落非常之香脆，而且市面較少食到。另一個係豬肉串，其實佢類似豬肉卷嘅感覺，用咗唔同嘅香料配搭豬肉混合製成，食落充滿東亞風味。夜市沙嗲串燒串燒拼盤共6串，包括有雞肉、牛肉各3串，每串都充滿住香茅同其他香料味，再配上特製沙爹醬，層次非常多，十分推薦俾鍾意濃味小食嘅朋友。開心果椰子奶昔呢個奶昔夠真材實料，開心果果仁嘅味道突出，估唔到椰奶嘅味道非常之match到開心果嘅味，飲落比較surprise可以做到咁濃香。菠蘿冰原個菠蘿打成嘅冰，完全飲得出冇加額外嘅調味，例如糖水或奶，100%整個菠蘿攪拌而成，原汁原味，而且份量十分多，用原隻菠蘿裝住全部菠蘿冰，個人覺得性價比非常之高，會嚟再飲呢個特飲。
繼續閱讀