彤福軒

營業中

休息中

在米芝蓮一星的中菜點心中，每一道料理都展現出高質的烹飪工藝與細膩的風味。特別是叉燒，外焦內嫩，香氣四溢，豬肉經過精心腌製，搭配蜜糖的微甜，讓人一口接一口，難以自拔。每一片叉燒都切得恰到好處，與米飯或包子搭配，簡直是絕配。精緻的蒸海參則是另一道不容錯過的佳品。海參鮮嫩滑爽，搭配獨特的醬汁，讓人感受到海洋的鮮味。蒸的過程中保留了海參的原汁原味，口感彈牙，與清淡的佐料相得益彰，讓每一口都彷彿在品味海的精華。炸蘿蔔絲則呈現出另一種風味，外脆內嫩，蘿蔔的甘甜在油炸後更顯香氣，讓人一試成主顧。每一道點心都展現了廚師的用心與技藝，讓人不禁讚嘆其精緻與美味。這樣的美食體驗，無疑是對味蕾的極致享受，讓人沉醉於高品質的中菜魅力之中。很滿足的生日宴。

今個禮拜同屋企人慶祝生日，緊係要食得好啲🫡，所以就去左有米之蓮⭐️，瑰麗酒店入面嘅彤福軒坐低之前侍應會好細心咁為每位客人拉凳，同埋鋪上餐巾，再慢慢介紹食物，服務果然係五星級👍👍柚香水晶柚皮 $168我哋首先食咗個前菜，用陳醋同柚子醬腌製過嘅柚皮酸酸甜甜，食落完全冇果皮嘅苦澀味。仲有柚皮旁邊嘅意大利辣椒仔，同樣腌左之後酸酸甜甜，爽口得黎一啲都唔辣老陳皮彤福拆魚餃 $98跟住就係第一樣點心，拆魚餃用左桂花魚嘅魚肉整成，魚肉食落口好有質感，唔會好似出面咁變左魚蓉，再加上呢個咁可愛嘅賣相，簡直係冇得輸❤️富貴瀨尿蝦餃 $64/件 (兩件起）瀨尿蝦餃係用左新鮮嘅瀨尿蝦原隻拆肉而成，望到張相咁晶瑩剔透就知道個餃皮係十分之薄，入面再配埋Q彈Q彈嘅蟹子，鮮味💯雲腿瑤柱蘿蔔絲酥 $98唔好睇呢樣點心好似好普通咁，呢到嘅蘿蔔絲係手切，每條都切到超級幼細，配埋少量金華火腿同瑤柱碎，味道又鮮甜又清新二十四年東甲陳皮芋蓉香酥鴨 $380黎到主菜，我哋叫左個香酥鴨，本身我自己唔太鐘意陳皮有陣苦味，但廿四年嘅陳皮果然不同，完全只有陳皮香氣，配埋鴨肉同芋頭蓉一齊炸，酥脆得黎又中和到個油膩感五彩炒魚麵 $320呢一味係餐廳

在假日裏，包了一間房，和朋友一起吃晚饭，酒店的食肆，招呼真的不錯，有專人。又有每樣菜的解释，誰説香港的歺廰服务差，那你真的看看你到甚広地方去，前菜叫了六樣，其中推介五香燻鲳鱼，鱼子酱金磚豆腐，及糖渍百香果，賣相好看，又味道清新，绝对要試，跟着的主菜，是片皮鸭，這樣普通？绝对不会，先上鸭上近頸的皮，入口真的会融化，加上自家制作的萍果乾，不入俗套。其他生菜鸭鬆，煎焗鱼咀，陳村粉班球，蟹肉粉丝煲，也很吃，但最回味的是大千醬蝦，及五彩炒鱼麵，大千酱酸酸甜甜有些少辢，好！炒鱼麵，彈牙味鲜，一绝也。最後跟炒飯及甜点拼盆也绝非凡品！不是價錢高的話一定會常吃。

呢間酒店入面嘅中菜館啲點心真係精心炮製，揀咗佢哋tasting menu，咁就唔使煩要揀啲乜嘢食啦。松茸遼參燒賣做得精緻，而且味道都唔錯。富貴瀨尿蝦餃大大隻瀨尿蝦，口感非常好。油雞樅菌上素餃係三款點心之中最出色，小小辣帶出非常新鮮清爽嘅味道，唯一美中不足係食唔出油雞樅菌嘅味道。彤福生拆鮮魚羹真係做得唔錯，有魚嘅鮮味但係就冇泥味，而且又唔醒，非常難得。陳皮芋蓉香鴨酥亦做得精彩，加入陳皮之後除咗佢獨特嘅香味之外，另外食落去嘅時候亦令到個香鴨酥唔會咁油膩。瑤柱蝦乾煮茭白鮮味得黎又帶住一股清新嘅香味，可能係啲蔥、芽菜等嘅配料發揮佢哋嘅作用，個湯都熬得好精彩，完全冇味精，食落口就有一種好天然嘅感覺。五彩炒魚麵看似普通，但係又係一道色香味俱全嘅菜式，魚麵嘅質地好好，咬落去就會覺得魚肉同埋麵粉嘅比例做得唔錯。甜品係香芋凍布甸，個芋頭應該都幾靚，因為芋頭味好香，同個布甸質感配合得好好。

慶祝節日我屋企人都鐘意黎rosewood 嘅 legacy house. 坐得舒服之餘 服務態度又好好 👍次次黎其實我地都鐘意食佢嘅🦆片皮鴨幾食 但今次就等我地試下佢地d點心🥟啦 原來都係好好食架窩 👍 真係每一次都冇令我地失望💪💪💪佢地d點心係比較特別 你係出面係食唔到架❣️食過翻尋味：😋😋😋😋😋👍富貴瀨尿蝦餃 👍老陳皮彤福拆魚餃👍松茸遼參燒賣👍蘿蔔絲酥👍十八年陳皮竹笙稞👍香辣豬腳仔

情人節💘選擇午餐慶祝，因為唔想夜晚咁多人。今次揀咗去食中菜，呢度服務唔使講， 10分周到。我哋揀咗套餐，頭盤「松茸遼參燒賣、富貴瀨尿蝦餃、鹹檸檬星斑」，每樣點心都好精緻，主菜「彤福生拆鮮魚羹」砂煲上，一路有火興住，包保熱辣辣！「芋茸香酥鴨」好香口，「鳳眼果雞頭米煮魚鰾」夠爽口，「上湯鮮蝦魚皮角」造型最吸引，真係好似有幾條魚仔係個碟到游緊水😂到甜品其實已經好飽，「香滑芝麻卷配懷舊自糖糕」好彩份量唔係太大，啱啱好👍🏻

最近為家老慶生，因早前過年吃過不少出色的中菜，故要求也隨之變高，故預約了這家餐廳。位處瑰麗酒店的中菜餐廳，裝修風格符合酒店定位，時尚奢華但不失低調。整體燈光偏暗，以射燈照亮每張餐枱，讓餐枱用餐的食客仿如舞台上的主角一般。服務細心有禮，殷勤專業。特別欣賞坐下時幫忙掛起的外套，在準備離開時不動聲色地拿了過來。菜品種類豐富，有不少罕見菜色。可惜同行人有海鮮敏感，令點餐有所限制。餐點擺盤精緻，味道上也很出色。由於各人口味有所不同，不作詳述。(請參考附圖)

今日同大家分享嘅係我好期待嘅-香港正宗嘅順德中菜館彤福軒 The Legacy House，係Rosewood瑰麗酒店旗下㗎！仲係米其林推薦㗎餐廳🍴一踏入餐廳，就被呢度古色古香嘅中式裝修風格吸引住啦🤩侍應先上嚟嘅係香噴噴嘅蜜汁叉燒，好軟好入味，再配埋微微酸爽嘅柚子皮，一個字，太靚啦！😆果仁酥香牛肉粒外脆內嫩，同柚香水晶柚皮嘅清甜搭配，開胃至上啊🍋接著上嚟嘅係招牌彤福生拆鮮魚羹，魚肉新鮮彈嫩，湯頭鮮美香濃，食到咁香👍🏻金腿榄仁蟹肉鮮奶炒富貴蝦球，赖尿蝦大粒彈牙，榄仁增添獨特香氣，蝦肉饱滿新鮮，加埋奶香，一口咬落去蝦汁四溢😋然後上嚟嘅係我嘅至愛-蒜蓉陳村粉蒸星斑球，香蒜同魚肉嘅撞擊簡直完美！✨魚肉香嫩，粉絲有啖勁，蒜蓉入味，真係食响口意猶未盡🔅當然，唔可以錯過招牌芋蓉香酥鴨，芋香同鴨油嘅完美結合，外酥內嫩，美味程度直逼北京全鴨仔‼️侍應推薦咗姜蔥花膠條捞牛肝菌麵，濃郁嘅姜蔥香味同滑嫩香甜嘅牛肝菌完美結合，真係令人食指大動！🌟甜點一定要點楊枝甘露同脆皮炸鮮奶，甘露Q彈軟糯，配埋葡萄乾果仁，誘人口水💯仲有外酥內嫩嘅炸鮮奶，簡直永遠嘅回頭客！總之，呢度嘅裝修、食材同味道一樣都好出色！強烈推薦比各位

新正頭另外一餐富貴朋友的宴請，去了Rosewood的彤福軒。很多人會介紹彤福軒主打順德菜，但我始終都認為這裡是優質粵菜帶著順德風味和格調。其實順德菜在香港非常普及，很多時候都不容易劃清楚漢。彤福軒的出品，我真的不需多說：精、美、美味！當然還有：貴😬 但事不離實，由軟件到硬件，包括出品、口味、環境、服務、無敵維港景，就連餐具和擺設等等全部加起來，當然貴，也應該貴，而貴得來，值！我不是富貴朋友，更珍惜這些實實在在的奢華，美而不浮誇。食物樣樣都好，特別想介紹的是「富貴有米雞」，也就是我以前吃過很多的「乞兒雞」。這菜式以前是好睇唔好食，拿個搥仔把外殼敲碎，但通常裡面的雞也是「乾爭爭」的。彤福軒的這個做法，外殼用麵包皮包裹，再用荷葉內包保存肉質，帶著荷葉香味，雞內釀了糯米，既香且濃，非一般！今個新年，大飽口福！

隱藏喺香港瑰麗酒店內嘅寶藏米其林推薦中菜館，每樣都系藝術與味道嘅結合🤩玻璃幕牆可以睇到成個壯麗維港景色（可以睇到煙花哦🤩）每道菜都會細心介紹，旁邊亦都有服務員隨時照顧需求，好鍾意盡量貼心細緻，真係令人好有好感🥰🦆芋蓉香酥鴨鴨肉燜到軟糯同芋泥既搭配簡直一絕，細膩順滑既柔軟與表面酥脆口感形成了有趣既對比🤤呢次選擇咗夜晚，景色同店內燈光實在十分舒適，睇過其佢人影嘅圖片，中午景色都好鬼靚☺️店內裝修充滿藝術氣息，每個唔經意嘅小細節突然留意到都會覺得好驚喜🥰

呢一間一直想試，但係印象中好似成日都兩位起，我係一定係食lunch嘅，夜晚六點後唔想食澱粉質嗰啲再睇返見到佢一人餐，唔記得定係點樣啦，對順德菜好似無感，但都有少少想試佢嘅炒魚麵。嗰時睇嘅一人餐都無呢樣，一定係卡拉卡拉咁出。但係都決定去試一次侍應帶位叫我坐呢個位我都有啲奇怪，點解唔係坐梳化，一坐低原來係俾你睇海景😂 三個點心都非常飽滿好食，有啲貴嘅中菜套餐。套餐入邊嘅點心好似非常Hea，係完全存在於套餐咁。你散叫返佢同一樣嘢又表現好好。呢度唔會，出嚟嘅質素係你散叫都食到咁樣。 燉湯，粒瑤柱超級大粒，食落仲唔會好嚡口攝牙，處理得非常好。我原本都冇諗住食，但係咬咗少少之後質感真係好好，我係有食晒。 記得之前食新同樂又係有瑤柱燉湯，我係啲唔食湯渣嘅人，我將瑤柱同埋啲花膠、瘦肉粒包起拎返比狗狗食。（唔好鬧我，佢哋食少量嘅鹽係可以嘅，我最少睇四五本狗狗鮮食既書）好有鑊氣好鮮甜，係彈牙嘅。但係鹹咗啲。如果有白飯送吓就好。呢個就好普通，唔記得係咪魚湯，但係啖湯唔算好飲，嗰粒魚腐都好普通呢個鹹咗啲，同埋烏冬嘅話上枱時間都係緊張啲，漲漲地….如果烏冬轉咗做炒飯，或者係佢嘅招牌炒魚麵，我會覺得呢餐係完美嘅。

今日去到彤福軒食午市，真係有驚喜！頭盤蜜汁叉燒，糖香夾帶微微炭燒味，肉質咁得令，好入味，每啖都係享受嚟！🍢 果仁酥香牛肉粒八達通好滋味，牛肉腍滑肉香，咬落去有嗲嗲脆口感，真係一流。搞到我停唔到口。🐮柚香水晶柚皮面頭光餅，清新得嚟富含層次，嗰陣果香同酸酸地嘅滋味簡直係夏天救星。🍊彤福生拆鮮魚羹賣相標青，湯底絲滑得黎又醇厚，班班有魚肉嘅新鮮味，順喉到一個唔得了！🐟金腿欖仁蟹肉鮮奶拌嘅富貴米糕，滋味惹味，邊食邊讚！🍚 簡直係一個味道同質感兼得嘅完美組合，好傳統嘅一道，但每一啖都食得出師傅嘅心機。至於豆腐花嘅酥炸玫瑰酥，外脆內嫩，啖啖都係驚喜，玫瑰味超級match！🌹最尾，杏仁茶相思挞，講真，杏味甜蜜蜜地，感覺暖笠笠，真係一個完美收尾！🍮 整體嚟講，彤福軒嘅食物質素一流，值得一試！食到咁多菜式，滿足到！下次一定會再嚟！

我同瑰麗酒店嘅設計好融合，呢間中餐廳好着重香港本地文化，會用上本地海鮮農作物作為食材！而我今次夜晚去，就叫咗我最愛嘅片皮鴨，外脆內軟，連塊包住肉嘅皮都做得幾出色，我自己一個都食咗三嚿！真係唔錯👍🏻但燉湯呢啲就比較普通，不過海景view一流！成晚同朋友一邊一邊傾，感覺生活就應當如此！

又黎到每年可以食豪啲嘅時候😂今年生日揀咗Rosewood嘅彤福軒食順德菜。其實係老公想食好耐，又有信用卡買一送一優惠👏🏻套餐一共八個菜式，享受了一個晚上💕🔸HSBC set dinner menu🔸▫️蜜汁鮮梅頭叉燒、果仁酥香牛肉粒、柚香水晶柚皮(9/10)柚皮咁樣食真係未試過，係一個冷盤，燉定蒸到晶瑩通透，清甜嘅柚香，好特別入哂味！牛肉粒好香麻香，但食落又唔辣，外脆內軟。叉燒係懷舊叉燒嘅味道，淡淡嘅玫瑰露味，梅頭肉質嫩🫶🏻▫️ 彤福生拆鮮魚羹(9.5/10)真係好鮮味嘅魚羹，好多魚，仲有少少菇、蛋花、蔬菜絲，有咬口，配上彈牙鮮嫩嘅魚肉，真係好味呀！▫️ 金腿欖仁蟹肉鮮奶炒富貴蝦球(8.5/10)炒鮮奶入面有好多蟹肉，甜中帶鮮。炒鮮奶中間包住富貴蝦肉，原來係兩大隻拆好咗肉嘅原隻賴尿蝦。又一特別推介。▫️ 蒜蓉陳村粉蒸星斑球(9/10)蒸星斑球又係好滑好鮮，口感嫩滑又爽彈！陳村粉好薄，但唔會爛咗，可以一條長片點返啲鮮魚豉油，加埋蒜蓉，惹味又鮮甜！▫️芋蓉香酥鴨(9/10)外皮炸得酥脆，用芋蓉包住鴨肉，各樣食材都配合得恰到好處！▫️ 黑松露雞頭米釀香梨(8.5/10)原個梨，入面切開中心無哂核，釀咗黑

屋企人生日，當然食好啲啦不過我哋都習慣咗中午出去慶祝，夜晚喺屋企食飯所以今次就揀咗Rosewood飲茶環境真係好舒適點心亦都好食最欣賞佢哋燒味可以揀兩款咁就唔使食咁大碟，都係同一隻味啦最後嘅芝麻卷，亦都超級好食亦都感謝服務員，超級貼心，送上壽包服務態度一流