影片
港鐵尖沙咀/尖東站 B2 出口, 步行約4分鐘
繼續閱讀
電話號碼
29076666
開飯介紹
始於2001年的深圳川菜品牌，其招牌「豆花魚鍋」加入手工磨製的豆花，口感及風味獨特，午市更設有一人前分量，照顧不同食客需要。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
-
網上訂座服務暫停
今晚同老公去左尖沙咀金馬倫道食豆花魚，餐廳地點方便，過江龍來自四川，環境乾淨企理，地方闊落，坐得舒服。餐牌有一人煲仔飯套餐，亦有唔同種類米線套餐。另外，仲有小食、小菜、其他煲類同甜品等。而我就想食佢哋招牌菜，豆花魚。我哋揀左2-3人晚市豆花魚餐，餐跟米線或白飯，想食其他配菜亦可另加，整體價錢相當抵。跟住我哋仲叫左個粉絲煲，呢個煲有兩杯飲品送。酸菜豆花鱸魚：份量超多，鱸魚切得夠薄大塊，魚肉新鮮嫩滑。配菜有豆花、芽菜、薯仔同酸菜，而豆花係自家製，豆味較濃。湯底用左金湯，飲到魚嘅鮮甜味，辣度剛好，越食越惹味，但又唔會有越食越辣果種感覺，真係唔錯。蝦仁粉絲煲：職員好細心，先較好手機六分鐘計時，之後仲幫我哋撈勻。粉絲煲份量好多，蝦仁都有好多隻，新鮮帶甜味。另外用左蒜蓉同煮，然後再加左少少豉油調味，入口好香蒜蓉味道，好味。飲品：凍咸檸七冰凍夠味，自家製豆漿豆味濃，口感幼滑，甜度剛好。另外仲叫左個涼粉爽，當甜品食幾好。軟雪糕：免費任食，雲呢拿口味，冰凍口感，天氣咁熱食就啱晒。
繼續閱讀
老婆一向喜歡蕃茄湯系列嘅嘢，又鍾意食魚，無意中發現呢間主打食魚嘅「柴夫人魚館」，明明喺川菜嘢，但其中一款湯底喺蕃茄湯，啱晒佢，加上甚麼豆花魚，我都好奇想試一試喺乜。店內裝修新派，紅色為主調，一室火辣焫焫嘅感覺，放心，裡面冷氣十足，唔會未食就一身汗。而一邊牆上掛上大電視，唔喺播新聞，而喺不斷有短片介紹佢哋啲招牌菜式。餐具放晌枱側拉櫃，自由取用！牆上仲掛咗個「柴夫人」品牌嘅故事，介紹佢哋嘅「順富豆花」，原來好有歷史。酸菜魚叫食過下，豆花魚我哋兩個就第一次食。呢度有一系列「90分鐘豆花魚自助套餐」，定價非常之平，所以，你都見座無虛席。唔食自助套餐都無問題，仲有好多1人套餐、2-3人套餐，以及主食、小食、飲品……等等供散叫，定價都好相宜。老婆向來細食，食得唔多，散點對我哋嚟講就划算啲。蕃茄豆花魚套餐（轉鱸魚）$71個蕃茄豆花魚本身$55，再轉鱸魚加多$6，升級為套餐就加多$10，就有多一份小食配粉麵及奉送汽水或豆漿，嚟到都非常之大份，仲伴埋一小碟榨菜添。小食可以5揀1，老婆最鍾意食蓮藕，所以，揀咗「香口藕夾」，估唔到又幾好食喎。其實佢喺將兩片薄藕片夾少少肉餡，再上漿脆炸，一來脆口，二來又食到蓮藕嘅爽脆，感覺幾特別。講返個蕃茄豆花魚，個蕃茄湯都算唔錯，幾酸香開胃，而啲鱸魚堅喺嫩滑到不得了，完全無骨又大片，啲豆花又滑又富豆香，米線滑溜有咬口，老婆更讚多句話鍾意佢有好多蔬菜。燜鴨煲仔飯 $56如果嗌煲仔飯，就要俾啲耐心，因為即叫即做，煲喺要啲時間，嚟到熱焫焫，值得等待。雖然只賣$56，但睇相都見飯面擺滿燜鴨，而啲鴨肉好入味，燜得夠腍，至於個煲仔飯，飯粒分明，好軟熟，加咗自家製嘅醬油變得更加好食，底下仲有唔少飯焦，咬落卜卜脆。凍咸檸7 $26、自磨豆漿（跟餐）因為小弟試咗個煲仔飯，所以，點都叫番杯超級冰凍嘅咸檸七爽一爽，俾咗成粒咸檸檬，所以，非常夠味；佢哋嘅豆漿喺常溫，即喺微暖，咁樣反而啱我老婆，佢就話啲豆漿豆味香濃。軟雪糕（免費）本來都想試試店家嘅紅糖糍粑，不過，老婆話佢已經好飽，而糍粑一客有6粒，我都怕食唔晒，所以，唯有下次有機會先再試。不過，近門口右邊有部軟雪糕機，寫明喺免費吃，故此臨走都唧番杯邊行邊食，餐廳嘅慷慨真喺讓客人窩心。整體嚟講，呢度啲食物都好有質素，而且，幾有特色，以尖沙咀區嚟講又唔算話好貴，招呼好好，得推推介一試。
繼續閱讀
假日同朋友行經尖沙咀金馬倫道發現有間柴夫人魚館主打豆花魚, 係四川菜中, 酸菜魚就食得多, 豆花魚就真係未試過, 咁就要去試下啦 !餐廳面積不大, 人流都幾旺。豆花魚可自選辣度。招牌豆花鱸魚 $218/鍋鱸魚份量多, 魚肉鮮嫩, 配上唔少豆花係湯面, 賣相豐富吸引, 豆花軟綿嫩滑, 同魚片一樣咁滑溜, 而配料有大量土豆片, 芽菜, 黃豆等等. 辣度相比酸菜魚較温和, 但亦都可以自行選擇大中小辣去迎合自己的口味。一試已令我大愛!!另外可以追加火鍋配料,配牛肉片 加$26/份: 牛肉片鮮嫩肉滑配牛百葉 加$26/份: 牛百葉爽口彈牙配牛肉丸 加$26/份(6粒): 牛肉丸新鮮彈牙, 多汁香甜。鴨血 加$12/份: 彈滑鴨血最佳配辣味湯底。蝦仁粉絲煲 $118/份(配2杯自磨豆漿)大大煲, 數隻蝦仁隻隻爽口彈牙, 粉絲份量仲好多添, 粉絲索滿蝦仁鮮味, 入口惹味, 加上仲有2杯新鮮豆漿送, 非常抵食。麻辣拌魚皮 $49/份魚皮非常爽口, 麻辣味十足, 入口無幾耐就可以感受到麻辣的衝擊力有幾強勁。黃金大餅 $29/份新鮮熱辣, 切開幾件後都仍然咁大件, 份量十足。 外層佈滿芝麻, 炸得非常爽脆, 內層就軟綿, 真正做到外脆內軟, 非常有驚喜紅糖糍粑 $33/份(6件）糍粑圓碌碌, 漲卜卜, 一咬內層流心紅糖慢慢流出, 外脆內軟, 好食。最後要講下店內近門口位置有自助雪糕甜筒機, 免費任食, 店家對客人非常貼心呢!
繼續閱讀
朋友想食豆花魚，於是去了尖沙咀金馬倫道27號東輝大廈地舖～柴夫人漁館，港鐵尖沙咀B2出口，步行約4至5分鐘。店內裝修新穎，座位寬敞清潔，牆上掛了多張相是這店的招牌菜。菜譜豐富，多款豆花魚、鮑魚雞煲、港式煲仔飯、還有多款小食和配菜等。蕃茄豆花魚$198擺盤精美，上枱時熱騰騰，鍋內有蕃茄、薯片、豆芽、鮮魚、湯底濃香蕃茄味，豆花非常滑嫩，入口即溶，薄切魚肉鮮嫩可口，且份量十足，吸入蕃茄濃味，更覺鮮甜可口。紅油海蜇$58海蜇爽口彈牙，非常入味，配上青瓜絲、紫洋蔥絲、芝麻、香草和小許麻辣更覺惹味，好食到不能停口。紅薯粉$16火鍋必點食材，吸入湯底精華味道，紅薯粉嫩滑有嚼口，好食又抵食。凍咸檸7$26、自磨豆漿$6咸檸味濃配上七喜，是飲品的絕配。自家製的豆漿，豆味香濃，甜度剛好，為這美味晚膳劃上完美句號。免費軟雪糕餐廳為客人免費提供雪糕，剛吃完熱騰騰的食物，吃杯軟雪糕，使口腔舒服又完滿。
繼續閱讀
星期五晚上去左食烤魚！尖沙咀小有名氣嘅柴夫人魚館，離遠已經見到個燈牌，非常好認。我地叫左呢到個招牌 - 豆花魚蕃茄豆花魚 巴沙魚塊 無骨，適合鐘意大大啖食嘅人士。份量2-3人，配菜有豆花，芽菜，薯仔，蕃茄等配料非常足，食到底都仲有唔少配料。巴沙魚塊厚身，肉質嫰滑，無骨，加上冇骨，食落更覺得魚肉滑溜。蕃茄湯底濃郁，味道唔會過重，蓋左魚嘅味道。隨住時間個湯滾得越耐，配菜吸哂蕃茄湯底湯汁，爽脆芽菜，軟腍薯仔片，咬落充滿蕃茄濃湯味，好食！而招牌豆花軟綿，食落口唔會散，吸埋湯汁更好味。鐘意豆花嘅人士一定要試下。外加配菜 生菜 牛肉片。生菜新鮮，鐘意爽脆定熟透嘅生菜都隨意調配，配上蕃茄濃湯，特別清新開胃。牛肉片嫰滑，都有鮮牛味，味道唔錯。小食 蔬菜大餅，食落幾有驚喜，外皮有d似煎堆外皮，脆但有軟糯口感。內饀麵包，鬆軟，口感不俗。加上大量芝麻，香氣十足。自磨豆漿 冇外加糖，值得一讚，非常新鮮，解渴降溫，配熱辣辣嘅食物一流。食飽都仲有任食雪糕，隨意到門口旁嘅雪糕機自製。
繼續閱讀
您可能會有興趣的...