影片
港鐵尖沙咀/尖東站 A1/ C1/ L5 出口, 港鐵柯士甸站 F 出口
繼續閱讀
特色
適合大夥人
附加資料
20:30 last order
營業時間
星期一至日
11:30 - 21:30
以上資料只供參考, 請與餐廳確認詳情
相關文章
4月尾嘅星期日，約咗舊同事食飯，預先book 了枱，呢度食飯有時限，因為佢嘅食物真係好食，海港城呢個商場，這間餐廳算高性價比。亦坐得舒服嘅，坐位間有足夠距離。我哋食咗沙嗲，燒得啱啱好，肉骨茶，叫咗個冇限加湯嘅，全部料也包埋的選項，勁好飲，濃濃的肉骨茶味，而中藥味不過火，海南雞又做得好滑，有雞味。
繼續閱讀
海港城呢間餐廳每次行過見到都大排長龍，今次就訂咗位試下佢😂好好彩安排到坐窗口位，可以望住靚靚海景食正宗星馬菜🇸🇬🇲🇾🔸椰香海鮮喇沙 $128每次食星馬菜必點菜式🤤喇沙湯底香濃帶微辣，麵底係米線加米粉，索晒湯非常好味🤤配料都好足料架，有大蝦、魷魚圈、魚片頭、豆卜、芽菜同糖心蛋。秘製參巴醬用匙羹另上，可自行決定辣度👍🏻🔸炒貴刁 $118呢度嘅炒貴刁特別在於係河粉混合油麵一齊炒，而且相當有鑊氣💯配料亦都非常豐富，有大蝦、臘腸、蛋絲、芽菜同韭菜。🔸印尼炒飯配沙嗲串燒 $118炒飯有得揀辣同唔辣，今次就揀咗食唔辣。上枱係顏色偏深嘅印尼炒飯，食落醬油味非常香濃。再加埋兩串沙嗲串燒、流心嘅太陽蛋同蝦片，非常滿足👍🏻🔸沙嗲拼盤(6串) $118雞肉同牛肉各3串，串燒都燒得啱啱好唔會太乾柴👍🏻沙嗲醬好濃稠好重花生嘅香味。🔸五香雞卷 $96雞卷炸得非常香脆，入面包住雞肉粒，再配埋旁邊嘅泰式辣醬非常惹味。🔸熱情果沙冰 $38非常清新嘅飲品，啱晒食完濃味嘢refresh一下😂🔸椰香斑蘭紅豆冰 $48飲落唔會太甜得嚟又帶有斑蘭嘅香味嘅紅豆冰，可以一試👍🏻#FEVI_星馬菜#FEVI_尖沙咀
繼續閱讀
海南少爺係海港城想食星馬菜既餐廳唔係好多，呢間位於地下既海南少爺就係其中一個好選擇！今日行街行到兩點幾，黎食個late lunch都好多野揀！馬來西亞九骨肉骨茶超多料既肉骨茶！湯入面有熬左好耐既藥材，出晒味！仲有排骨、豬手、豬腩肉、豬肚，雖然咁多材料但個湯一啲都唔油！啲豬肉仲入晒味添！除左湯入面，仲有其他配料可以落個湯度煮！響鈴、豆卜、油條、炸支竹魚皮！樣樣都卜卜脆，又好索味！正！升級海南雞套餐食得星馬野唔可以唔食海南雞啦！無骨既海南雞食落夠方便！唔會太肥既雞食落好有雞肉味，而且肉質唔會好鬆，雞皮又有彈性，好食！套餐仲送一個菜同兩碗雞油飯，雞油飯好香！配海南雞食岩晒！上湯煮菜好解膩！兩個人食岩岩好！
繼續閱讀
第一次嚟到呢間餐廳，令我刷新咗星馬泰嘅菜式嘅惹味，首先嚟到呢度，第一時間要欣賞佢個招牌嘅圖案，好似一個銅錢好靚呀。嗌咗一個咖哩薄餅，一嚟到枱嘅時候，香味非常充足，記得要趁熱食呀。之後嗌咗一個雜錦嘅撈起，入面係紅蘿蔔絲，脆卜卜嘅芋頭絲，仲有雞肉絲，我最喜歡食這一個之後嗌咗最重要嘅主菜，海南雞飯套餐。呢個套餐入面有一個喇沙，真係一次過滿足曬我兩個願望呀。之後嗌咗一個partner最喜歡食嘅梅子骨，因為酸酸地嘅味道一定令佢好開胃㗎，啱曬佢呢個大胃王呀。之後嗌咗我鍾意食嘅蠔餅，蠔嘅鮮味好配搭到雞蛋嘅香氣呀。呢一個餐廳我推介下一次要同屋企人嚟
繼續閱讀
自從試左一啖喇沙之後就好鍾意呢個咁豐富既味道，慢慢仲幾鍾意食星馬菜tim，所以今次就試下呢到，估唔到有驚喜🤩 首先係環境好靚😍 呢到近海🌊，有落地玻璃可以近距離睇到海景～ 加上裝修以少爺別院裡面大宴親朋既盛況為藍本，有唔少銅器同青花擺設，但又用左時尚既顏色配搭，令人耳目一新又舒服😌 野食方面用心又有風味，每樣野食都有層次同好食😋 連一坐低上既荔枝紅茶☕️都好飲，值得翻兜👍🏻(5 😍 係滿分，🤩係半分）海南雞飯拼海鮮喇沙 🐥🍚🦐🍜 - $138 (好味指數：😍😍😍😍🤩)有得雙拼就啱晒小編呢啲多心想試多啲野既人😜 首先個海南雞🐥幾有水準，雞皮夠油水，夠薄又爽滑，有油香但唔會漏～ 中間好似有層薄薄既啫喱咁🤤 肉質細緻嫩滑，雞味🐥濃郁，無骨🦴就可以啖啖肉咁，旁邊仲配甜醬油、薑蓉🫚同埋酸辣醬🌶️ 油飯🍚就以香茅、南薑🫚同斑蘭葉🌿炒香，油潤香口，連條菜心都新鮮好食😋 而個喇沙都幾正🤤 用左咖哩醬🍛、椰奶🥥🥛、檸檬葉🍋、南薑🫚、香茅等南洋香草🌿等等材料煮個湯底🥣出黎，再淋上助開胃既椰奶🥥🥛，就搞掂lu~ 配料就有索味既油豆腐、爽口既芽菜、creamy既溏心蛋🥚、爽口鮮甜既蝦🦐、彈牙既魷魚圈🦑、有口感既既魚片🐟，湯底🥣有香濃既咖哩味🍛同芳香既椰奶🥥🥛香味，有一層紅油，辣辣地🌶️夠晒香口惹味，同時有淡淡甜味，所以唔會好辣🌶️，啱唔同既人食～ 迷你版已經好滿足😌馬來西亞肉骨茶 🇲🇾🍖☕️ - $178 (好味指數：😍😍😍😍🤩)感覺幾正宗，佢地話落左16款藥材落去煲，味道甘甜帶有啲鹹香，感覺溫潤，飲完之後又有餘韻，藥香同肉香相輔相承，又唔覺飲完會燥👍🏻 肉方面小編就揀左必備既三吋排骨🍖同埋豬手，三吋排骨🍖肥瘦適中，肉質鬆化嫩滑，肉味🐷幾香濃，亦都入晒個肉骨茶🍖☕️既味，而豬手就有豐富既膠原蛋白，有膠質又幾爽口，唔會話好大舊骨🦴無野食～ 另外仲有清新既炸支竹、好索味既豆卜、甘香酥脆既油條、金黃香脆既炸魚皮🔥🐟同埋軟腍芳香又有鹹香既冬菇⚫️🍄，每款配料都索晒啲精華😻星州蠔餅🦪🫓 - $118 (好味指數：😍😍😍😍)首先以大米同黃豆粉磨成漿，再加埋蠔🦪、豬肉🐷、蛋🥚、香菜🌿等等就攞去炸🔥，就有金黃酥脆既蠔餅🦪🫓，蠔🦪既份量都幾多，鮮嫩彈牙唔會腥，有埋豬肉🐷同蛋🥚就更加香口惹味，配埋清香既香菜🌿，層次分明～ 表面脆脆地但裡面幾濕潤，幾好食😋好味指數：😍😍😍😍🤩推介指數：😍😍😍😍🤩
繼續閱讀