影片
港鐵尖沙咀/尖東站 B2/ P3 出口 步行约10分鍾
繼續閱讀
電話號碼
91702433
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
以上資料只供參考, 請與餐廳確認詳情
有關獎賞計劃
晚餐有$1380同$1680，我哋揀咗一人一個，試吓分別，下面詳細介紹👇🏻Dinner Set $1680: 前菜：🧈鮟康魚肝製豆腐配上奈良漬白瓜、🐙八爪魚麵豉醬、🦀澤蟹豆腐同八爪魚都幾濃郁，炸澤蟹十分脆口。🦪長崎縣小長井牡蠣、配上用木魚煮成嘅湯汁啫喱及紫蘇花。第一次食到完全唔腥嘅牡蠣😍，仲好鮮甜添！啫喱清新冰涼，淡淡香氣唔會蓋過牡蠣🦪嘅天然鮮味，餘下嘅湯汁帶少少酸，令味道平衡。🔹象拔蚌、🔹粒貝，兩款都爽口彈牙，可按喜好配旁邊嘅柚子鹽、紫蘇鹽及Wasabi。🔹象拔蚌邊醃了醬汁，面層烤到帶一點焦香，單吃已經夠味，好食。最後食🔹柚子啫喱，幾清新。🟠岩手縣海膽，盛載係海膽杯中，入面仲有蝦肉、魚子醬、金箔，十分吸睛😍🦐櫻花蝦打成溶、面層係🟠海膽慕絲及金箔。第一次見個菜式，好特別。味道順滑濃郁，口感綿密creamy，好食！🥠清酒煮澳洲黑邊鮑，食到天然鮮味，十分彈牙。配鮑魚肝醬、鮑魚肝煮成醬油有另一番風味，更濃郁惹味，正！👍🏻🦀毛蟹、海膽、蟹醋啫喱、紫菜蝦米通。蟹帶甜味、海膽好creamy，啫喱少少酸，整體味道平衡。🐟馬友魚、燒日本白蘆筍、紅白薑牙。另外亦有🔸小零食炸白蝦仔、🔸漬物、🔸熱湯、🔸茶碗蒸。茶碗蒸夠滑溜，湯不是普通麵豉湯，有海鮮鮮味配上滑豆腐。😋🥠石垣貝壽司：爽口。🐟針魚壽司：銀白色燈光下幾靚，味道淡雅，口感獨特。🐟金目鯛壽司：面層帶點焦香，油脂綿密甘香。🦐車海老壽司：清甜彈牙。🐟熟成拖羅壽司：油脂濃香，入口溶化。🐟燒右口魚邊壽司：燒到脂油香氣撲鼻，勁好食！🟠平川紫海膽：好食，好creamy！🟠淡路島海膽：食到有花香、檸檬香，味道特別又清新，好鐘意！甜品：熊本赤肉蜜瓜🍈，自家製抹茶奶凍🍮蜜瓜超甜呀！抹茶奶凍甜而不膩，幾好食。以上係$1680 Dinner Set，項目豐富，我覺得整體係幾高質☺️。而$1380 Dinner Set，有些上述菜品並不包括，而且壽司嘅部分，品種都好唔同，性價比係高嘅。不過我覺得貴個set好食啲🤣可參考吓$1380 Dinner Set 壽司部分👇🏻🥠赤貝壽司🐟間八壽司🐟蓮子鯛壽司🦐蝦蛄壽司（即瀨尿蝦）🐟深海池魚壽司🟠平川紫海膽老公主要食平少少依set🤣表示都好食，食材同樣新鮮。佢最鍾意深海池魚，話個味道同以前食平價嘅無得比👍🏻
繼續閱讀
好耐冇食Omakase啦！今次同朋友嚟到呢間日本餐廳 —「遖」🤩🤩餐廳主打高質廚師發辦，選用日本直送新鮮食材，性價比高！Omakase晚市有兩個價位💰$1380同$1680，我地揀咗$1380試試❤️❤️🍣Omakase Dinner Set $1380/位✨-🔅先付6品包括赤海膽豆腐、螢光魷魚、磯煮八爪魚、赤穗蠔、白象拔蚌同平政魚等，味道都唔錯！！我就最鍾意「磯煮八爪魚🐙」，八爪魚Q彈爽脆，搭配軟滑入味的慢煮鮟鱇魚肝，啖啖滿足🤤🤤🔅壽司7貫·卷物🔸錫烏賊🔸北寄貝🔸池魚🔸金目鯛🔸鰤魚🔸海膽🔸炙燒右口魚裙邊全部都好新鮮，當中至愛「炙燒右口魚裙邊🔥」！用紫菜包住滿滿的炙燒右口魚裙邊，入口即溶、魚油香爆發！超邪惡呢👍🏻👍🏻🔅茶碗蒸入口嫩滑、重蛋香🥚，裡面仲有好多蟹肉，好足料！！🔅魚湯湯頭呈奶白色，味道鮮甜濃郁，飲完可以暖暖胃♨️♨️🔅甜品是日甜品係北海道蜜瓜🍈，口感清甜多汁！作為今餐完結好滿足😋😋
繼續閱讀
廚師冇禮貌， 生蠔是雪藏貸食完野，問廚師可否加單， 竟然被佢喝鬧，我未食完，佢竟然就跪係度點貸玩手機， 無言未試過咁差係香港體驗嘅差態度的壽司店我希望佢地可以正視問題
繼續閱讀
難得可以放低果果俾果爸湊🙌🏻緊係要約朋友出去食好嘢😋朋友知果媽好難帶住果果去食omakase就即刻訂左尖沙咀既遖食omakase 🍣隱世店舖🖐🏻但食材非常新鮮‼️茶碗蒸嫩滑既蒸蛋，搭配新鮮蟹肉，口感滑嫩海膽豆腐滑嫩既豆腐與海膽結合，味道層次豐富，令原本清淡既豆腐瞬間變得更加美味，並且口感細膩、清爽‼️兵庫縣相生波月蠔生蠔鮮甜爽脆，海味濃郁，展現海洋精華汁煮八爪魚 柚子汁八爪魚柔軟入味，柚子汁增添清新感，口感獨特鮟鱇魚肝 奈良漬鮮美的魚肝與奈良漬的咸香相得益彰，濃郁既口感配搭柔滑既質地，令人回味無窮熟食馬友 青檸汁清爽青檸汁提升了馬友既風味，口感清新石鯛鮮美既肉質和獨特既口感，入口好似海膽咁，特別甘甜北寄貝北寄貝柔軟潤口，肉質Q彈，炙燒後更添香氣錫烏賊🦑細膩既肉質與獨特既彈性，搭配清爽既調味池魚新鮮度極佳，肉質鮮嫩，口感似油甘魚，令人回味無窮醬油漬吞拿豐富既油脂與醬油咸香相結合，風味獨特中拖羅入口即化，肉質鮮美，口腔殘留魚油既香味施魚肉質結實，其清甜風味甘蝦鮮甜多汁，口感滑嫩右口魚邊肉質豐腴，鮮甜和油脂豐富既口感乾飄小卷乾飄小卷係一道日本平民美食，主要由醃製既胡蘆瓜、米飯和紫菜製成，口味簡單卻滋味十足黑糖黃豆粉蕨餅甜度適中，口感軟糯曲奇雪糕香滑既呍呢嗱雪糕中，埋藏了味道濃郁既朱古力曲奇
繼續閱讀
✨蜜柑綠茶🍵餐廳特登喺日本訂購嘅蜜柑綠茶，每啖都有淡淡嘅蜜柑果香，幾特別✨下酒菜🥢赤海膽豆腐 配天使蝦、魚子醬及醬油🥢磯煮八爪魚🐙配四季紅、柚子胡椒🥢慢煮鮟康魚肝 配奈良漬🥢醋漬鱈魚白子 配醋啫喱、辣蘿蔔蓉🥢岩手縣 大船渡 赤崎蠔🦪配高湯啫喱、柚子皮🥢剝皮魚 配剝皮魚肝醬、蔥及紫蘇葉花咁多款入面個人最鍾意醋漬鱈魚白子同剝皮魚，鱈魚白子一咬超級鮮甜Creamy，剝皮魚口感爽彈，特別之處係配上剝皮魚肝醬，魚肝醬味道濃郁，更加帶出剝皮魚嘅魚油香✨✨季節料理🥢北海道粒貝、象拔蚌及燒象拔蚌邊 三款唔同部位配上竹碳鹽、梅鹽、柚子鹽，個人最鍾意反而係燒象拔蚌邊，炙燒過後味道層次更豐富，最後食埋青檸啫喱解膩😆🥢清酒煮鮑魚 配鮑魚肝醬、桃汁浸蕃茄好似冇乜點見過咁巨型嘅鮑魚😱鮑魚切片，口感軟腍，有淡淡清酒香，最鍾意係鮑魚肝醬味道非常濃郁，同鮑魚味道係超級夾！🥢香箱蟹 配蟹醋啫喱好誇張嘅松葉蟹蟹乸🤫蟹蓋上面係滿滿嘅蟹膏蟹肉同蟹籽，每啖都好鮮甜大滿足😋配埋蟹醋啫喱一齊食酸酸甜甜好開胃！✨手握壽司🍣平鱸魚 配梅醬🍣錫烏賊 配海膽🍣灸燒新鮮北寄貝🍣7日熟成鰤魚腩 配柚子胡椒🍣中拖羅 🍣灸燒5日熟成大拖🍣北海道根室海膽咁多款入面我最鍾意係鰤魚腩、大拖同海膽😆 鰤魚腩口感軟熟，而且肥美，大拖羅淨係單面炙燒，唔單止有炙燒香，魚油味更加突出，仲要入口即溶好正😭最後海膽又係大癲，師傅好似唔使錢咁放咗勁大份海膽，鮮甜到傻咗😭😭呢啲先係海膽呀嘛😭❤️✨灸燒右口魚邊手卷灸燒後嘅右口魚邊魚油味係大爆發🤯右口魚邊入口即化，每啖都係魚油香🥺✨蟹肉茶碗蒸好足料嘅茶碗蒸！唔單止蟹肉份量足，而且仲有大大粒蜆肉～✨魚湯魚湯又係大癲🥺feel到真材實料，湯頭係濃郁到面頭起膠🥹‼️味道超級鮮甜，感覺所有精華都濃縮喺個湯入面😋✨甜點日本蜜瓜🍈草莓🍓配日本紅豆抹茶布甸蜜瓜超級香甜😍抹茶布甸就正正常常～
繼續閱讀
您可能會有興趣的...