影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
🍜 沙田麵屋Kokoro | 正宗東京撈麵 + 伊勢宇治抹茶！🍜 正宗全料東京撈麵這碗撈麵真係份量十足！彈牙麵條拌上濃郁醬汁，仲有叉燒、溫泉蛋、紫菜、玉米等配料，層次豐富。一拌之後，每一口都充滿日式風味～叉燒肉質鮮嫩，加上溫泉蛋嘅滑溜蛋黃，簡直係完美搭配，喜歡濃味撈麵嘅一定唔可以錯過！🍵 伊勢宇治抹茶來自伊勢的宇治抹茶，濃郁茶香中帶有天然甘甜，口感細滑，完美平衡撈麵的濃郁味道，為整餐增添一份清新感。Kokoro絕對係日式麵食愛好者的朝聖地，無論係濃厚撈麵定係清新抹茶，都展現出品牌對食材和味道嘅用心！
繼續閱讀
同朋友黎試新野，日式撈麵香港真係比較小見。最正係店員送上指示牌，教埋我地點樣食~🍜 原味撈麵個麵擺盤都好精緻。上面嘅生蛋撈埋入個麵，再搭配特製的醬汁，香氣撲鼻。麵條入口有小麥味，煙韌有咬口，都算好掛汁，而且仲有好多紫菜碎~ 每一啖都好夠味🍗 炸雞球簡簡單單已經好夠~ 新鮮出爐，外皮炸到金黃酥脆，內部鮮嫩多汁。再搭配沙律醬就好正🍵 伊勢抹茶做出鮮豔的綠色，口感絲滑~ 味道濃郁且回甘唔會太苦，唔錯喎🍵 靜岡焙茶呢杯就深黃色，香氣濃郁，口感柔和。最鍾意佢比綠茶更加醇厚，都好正~
繼續閱讀
突然好想食日本撈麵就嚟依間 裝修都好有日本特色員工有禮貌但店舖偏細 好快就滿場椅偏硬 唔適合坐太耐 叉燒撈麵，日式東京撈麵，雞軟骨餃子，純綠茶，紅豆綠茶牛奶東京撈麵同叉燒撈麵的分別就係欠叉燒其他材料都是一樣的雞蛋，蔥，肉鬆，辣肉碎，紫菜等等撈麵係有特別方法食 張枱有個教學食到最後可以免費要一碗小飯撈叉燒正常厚度，偏林 也唔錯辣肉碎係偏辣 如果平時唔食辣的人 真係好似我咁辣到面紅 但都可以勉強接受係好食的撈麵梗係要篤蛋黃先 撈好可以加少少黑胡椒增加香味 然後蝕到三份二左右可以加少少醋食落無咁漏 食晒啲麵 啲餸係多到剩低咗可以免費拎一碗小飯撈真係啱啱好份量 而且係好食好特別，食晒麵加小飯 岩岩好飽晒但味道偏鹹 真係要飲返杯茶解油膩雞軟骨餃子好特別係值得一試外脆內軟 整體餐廳都好食
繼續閱讀
有一日嘴饞，真係真係好想食咖喱，但係又唔想食味道太重嘅印度咖喱，諗諗下只好食味道比較淡比較甜嘅咖喱，但係應該要去邊度搵日本咖喱呢？喺openrice 上隨手翻一翻，俾我搵到呢間【麺屋こころ】，係一間日式撈麵專賣店，喺佢哋嘅餐單上面見到有一款叫做【咖喱炸雞撈麵】嘅。就引起咗我嘅好奇心，到底日式咖喱，再配日式撈麵，到底係一種點樣嘅體驗。然後又咁啱，喺我沙田屋企附近就有一間分店，於是就安排即刻去食【咖喱炸雞撈麵】。嚟到新城市廣場，可以見到佢哋嘅招牌【Kokoro Tokyo Mazesoba】，然後櫃檯仲見到佢哋嘅製作過程，環境算係唔錯，仲幾乾淨。唔耽誤時間，即刻點上一碗。睇住賣相都幾唔錯，跟住旁邊嘅指示牌撈一撈。日式咖喱味道非常正，好正宗，炸雞好香脆可口，油味好香，拉麵可口彈牙，唔會食起嚟好糯好軟，搭配其他小料食，別有一番風味。日式咖喱搭配撈麵味道真係好好食，非常推介大家都嚟呢度試一試！！！！(沒有用餐優惠）
繼續閱讀
位於沙田正街18-19號新城市廣場一期7樓704號舖的麺屋こころ，實在係一個令人期待的拉麵天堂！今次我來試咗幾款特色撈麵，真係食到心滿意足。首先，我嘗試咗山椒麻辣撈麵，呢款撈麵真係令人驚豔！獨特的麻辣風味，將麵條與山椒油等調味料拌勻，食落去味道香辣爽滑。山椒帶來的麻味令整個撈麵層次分明，彈牙的麵條配合濃郁的醬汁，絕對係辣味愛好者嘅首選！每一口都讓人感受到辣椒的香辣，食到口腔都火辣辣，卻又令人欲罷不能。接著我試咗咖哩撈麵，香濃的咖哩醬香氣撲鼻而來，令人一試就愛上。味道相當豐富，細膩的口感與Q彈的麵條形成完美對比，吃落去有一種驚喜的感覺～最後，當然要試試炸雞球！這款炸雞球外脆內嫩，炸至金黃色，外皮香脆，內裡保持肉質鮮嫩！搭配特製醬汁，香甜又惹味，食落去完全停不下來，令人一口接一口，幸福感滿滿！總括而言，麺屋こころ不單止提供美味的撈麵，還有令人驚喜的炸物，環境舒適，非常適合與朋友聚會或家庭用餐。
繼續閱讀