影片
港鐵油麻地站 A2 出口, 步行約2分鐘
繼續閱讀
開飯介紹
Explore Kitchen 是一間環境寫意自在的西式餐廳，提供多款高質素西菜、甜品和特飲。值得推介的有牛味香濃的碳燒美國安格斯西冷、大份超值的雙層牛肉芝士漢堡、香甜蜜瓜沙冰、西班牙玉桂條伴雪糕和各式自家製mocktail。
繼續閱讀
附加資料
惠顧滿$500元以上，歡迎使用信用卡
營業時間
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
朋友介紹來呢度食，看到食評有點担心。抱住試吓的心態，親身體驗係咪咁差先。不論男、女的淺啡色衫年輕一些的侍應、態度都非常好，好樂意幫忙。我原本坐的位置剛巧有一大班人一齊，比較嘈吵，同個男仔講，他立即幫我轉位。點餐時，大致都ok , 只是覺得綠色衫的侍應有點不耐煩，朋友問多句，都有點唔想答你咁，耐性有待改善。但後來埋單傾計，態度多ok 喎。午餐前菜：餐包餐湯或沙律主菜：點左兩個餐-左個牛扒和盲鰽魚，魚好好食，3 件，好精緻。煎香塊皮，d 肉好鮮嫩。d 配菜好豐富：有南瓜、車厘茄、薯仔、菜（有少少醋調味）
繼續閱讀
星期日黎食 lunch, 點知食野變受氣。個阿姐黑口黑面態度十分惡劣，講野大聲過大排檔，員工之間傾計竟然夾雜粗口。明明大把吉位，係要安排坐死位，同佢講話想坐出d, 態度超差大話話［好呀］，之後掉餐牌落枱。食野一直無人收碟，張枱無位擺，送餐見到都堅持唔收碟，叫又無人應，唯有將碟叠起，之後粗聲粗氣男人竟然話做乜叠起d碟，佢好難攞喎。兩大兩細叫咗4個餐，加埋錢叫曬飲品，小朋友攞支水出黎飲，竟然即刻叫收埋，如果唔係要收錢。收碟又唔見佢咁快。我唔會再黎亦唔建議，如果呢兩個人唔係老闆，係打工既，老闆真係慘。
繼續閱讀
餐廳入面好啱打卡📸️第一次去食👍味道幾好 湯都正 連埋野飲同湯樓上鋪Cafe價錢中等既西餐廳！玻璃屋設計裝修近彌敦道大街和地鐵站，位置方便，環境裝修，好好一班朋友聚會，😍😆早去食午餐時間不太多人☺️無論兩、三個人或多人去坐都好🫶推薦😆📌三文魚黑松露蛋炒飯📌香煎紐西蘭西冷牛扒配黑椒汁
繼續閱讀
公眾假期同朋友冇咩Planning，又冇Book餐廳，喺彌敦道搵餐廳嘅時候，咁啱上咗一間隱世西餐廳食晚飯。是日餐湯係椰菜花湯，加$48可以轉海鮮龍蝦湯，所以我地一次過試曬兩種湯。龍蝦湯鮮味好濃，材料幾有誠意，有青口又有鮮蝦。除咗湯之外，每人都可以從六款頭盤沙律甜品揀一款。我地揀咗黃金薄脆海鮮酥同煙三文魚凱撒沙律。海鮮酥上嘅沙律醬非常開胃，魚子醬帶出蝦嘅鮮甜味。煙三文魚凱撒沙律冇咩特別，煙三文魚大份啲會食得更滿足。上主菜之前，我地點咗一份芝士焗西蘭花。上碟時仲係熱辣辣，菜式用上兩款芝士，拉絲非常好食，西蘭花新鮮、焗得唔太老。主菜之一嘅意大利飯嘅配料簡單，帶子調味適宜，肉汁保留咗喺裏面；龍蝦汁就係頭先龍蝦餐湯溝淡咗嘅版本。另外一款主菜就係燒牛肋排，燒得好淋，唔駛用刀都食到肉，調味非常出色。甜品需要另外加錢追加，絕對冇令人失望。日式蘋果芝士餅非常好食同Creamy；水蜜桃雪葩用雪凍咗嘅水蜜桃裝起，雪葩水蜜桃味好強。餐廳會定期更新Menu，有興趣嘅朋友就快啲去試下啦。黃金薄脆海鮮酥煙三文魚凱撒沙律 $68香煎北海道帶子配龍蝦汁意大利飯 $208自家醬燒美國牛肋排 $218日式蘋果芝士餅 $38
繼續閱讀
聖誕同另一半喺油麻地行到攰又夠鐘食Dinner，於是近近地又去返呢間餐廳。唔講咁多廢話，羅勒蕃茄濃湯同法式海鮮龍蝦湯一如保持水準，main就叫咗炭燒西班牙粟飼配黑醋蘋果蓉帶骨豬，燒到外脆內軟，冇得輸，而烤美國野雞配法式金菌牛油汁雞肉好軟滑，好好味👍🏼另外再嗌嘅黃金薄脆海鮮酥就真係麻麻，凍咗同失水準，蜜糖雞翼唔錯不過不失啦。跟餐甜品雖係自家製，但唔太好引起我興趣，所以散嗌兩個雪芭，菠蘿雪芭同朱古力雪芭，反而有驚喜，兩個甜度都恰到好處。下次經過會再幫襯。
繼續閱讀