影片
電話號碼
26742194
26743933
附加資料
乘52K專線小巴往坪輋，雲泉仙館站下車
營業時間
今日營業
11:00 - 15:30
星期一至日
11:00 - 15:30
*最後落單時間15:00
以上資料只供參考, 請與餐廳確認詳情
陪老闆齋戒食素菜，我真心覺得蓬迎比雲泉好食多倍呢！雲泉仲要無燉湯散叫、無湯麵供應，選擇不多。任食白粥⭐️⭐️⭐️綿綿芳香清新舒服。雜菌西蘭花⭐️⭐️室溫西蘭花一早烚定墊底，沾上辣椒醬惹味爽脆，雜菌竹笙清淡沒什麼味道。蜜豆鮮魷⭐️⭐️蜜糖豆非常爽甜，忍唔住搶住食！不過素鮮魷怪味腍腍不討好。七彩素拼盤⭐️⭐️我最喜歡甜酸齋，甜酸度清淡不太強烈。其次喜歡咖哩齋，輕輕黃薑味道，有少少辛味但不辣的。兩者都嚥嚥韌韌，唔難食還可以的。餘下的都不太感興趣，齋叉燒、齋鴨腎、齋鴨、齋雞，但不想浪費食物都照樣吃掉吧！原盅燉猴頭菇湯⭐️⭐️⭐️⭐️⭐️重量級一大鍋十分震撼！眼測應該係黃瓜不是冬瓜，索盡精華爽甜爆汁超然美味。湯汁飽滿潤滑幼細火侯爆燈，清澈見底但濃郁甜美，瓜甜菇香搶住飲，座上每位朋友都讚不絕口！豉椒炒田螺⭐️⭐️蜜糖豆、紅尖椒、青尖椒兜成一碟，非常爽嫩鮮甜爆汁！但田螺怪怪的味道、怪怪的質地，是否魔芋來的？滑潺潺似硬啫喱。齋舖不提供豉油的嗎？淡口田螺想點豉油啊。鮑魚菇扒豆苗⭐️⭐️⭐️翡翠苗炒過格外爽甜無草青味，有一丁點獨特甘味。滑嘟嘟鮑菇，用蠔汁鮑菇搭著豆苗享用，較可口美麗！雲泉鼎上素⭐️⭐️將炒好的齋菜熱熱的淋在椰菜底上，珍珠筍、雞髀菇、鮮冬菇、猴頭菇、雲耳，平平淡淡簡簡單單樸樸實實，十分靜態的演繹唔難食。西檸鴨⭐️⭐️⭐️像真度極至！味道及質地似足鴨肉的香甜，炸得鬆化吸盡黏厚西檸汁，醒胃地品嚐。春卷⭐️⭐️沒有肉沒有蒜的齋春卷，瓜菜菇的餡料濕到已完全融合，已經分不開是什麼。滾滿酸咪咪的喼汁，脆卜卜整粒啪入。
繼續閱讀
放假唔想 去旺角 尖沙咀 同人迫， 又唔想北上， 今日揀咗遠離市區 淨化心靈 嘅午餐， 粉嶺雲泉仙館食齋， 首先要搭地鐵入到粉嶺 再轉小巴， 因為今日星期日都幾多人等小巴， 不過大約十零分鐘都上到車， 小巴都好快大約十零二十分鐘就到達， 雲泉仙館 地方好大好多打卡位 除咗食飯之外其實都可以玩半日， 食完飯又可以行下市集 好多新鮮蔬菜買。我哋叫咗最出名嘅五柳素石斑， 海鮮扒時菜， 羅漢齋， 春捲拼西檸鴨 等等五柳素石斑：外皮 酥脆入面包住嘅係芋頭， 加上五柳汁 酸酸甜甜好醒胃。羅漢齋： 包含好幾種菇 類， 粟米芯 雲耳 雪耳等， 味道調教 都好好 又唔會太鹹。春捲拼西檸鴨:炸得香口, 配上西檸汁,正👍特別一題係佢嘅白粥超好味 ， 好綿滑， 食完仲可以無限添加❤️
繼續閱讀
今天掃墓後專程揸車前往雲泉仙館，因一年前左右食過食物有水準，令我難忘。 今天也是令我十難忘，食物質素變得差勁，連兩餸飯也比好吃得多。紅燒豆腐，大約6-7磚豆腐下墊滿又黃又硬又老的菜心。香菇時菜又係幾片好似秀珍菇下墊滿一大堆又黃又硬又老的菜心，我們點了個五餸套餐已經佔了兩大碟老殘菜心（而套餐的價錢根本沒有什麼優惠和單點價錢一樣），一點七彩素齋，上碟亂七八糟的酸齊咖喱齋等。本來打算去大家提議的蓬瀛仙館，我卻堅持去雲泉仙館，卻換來如此地獄豬餿式的食物，令我不得不花時間寫下這篇食評。（這是我人生中是第一次寫的食評）
繼續閱讀
長輩至愛的地點，認為是最好味的素菜點，由粉嶺搭小巴去，中午時間人頭湧湧，有一家大細，有兩三好友，仲有一堆堆姐姐。排了約15分鐘就上到車，入到去已1:00，馬上自己找位，再選餐。選好後，就到售賣點排隊購買。買好，就叫客人等帶位……what...以往唔駛喎......我就同售賣姐姐講已有長輩坐好，佢就俾號碼牌給我了。選了芋頭魚及竹笙四蔬：芋頭魚大大份，可惜已放涼，唉…明白人多就係咁。竹笙四蔬也只是暖暖的。好在長輩最愛的白粥夠熱，長輩冇投訴。
繼續閱讀
🔹️知道 “雲泉仙館素食中心” 的齋菜一向口啤唔錯, 一直也想試吓 🥗🥬🥢今次可以試到美味齋菜之餘, 又可以遊覽雲泉仙館😍素食中心服務稱心滿意👩💼👩💼價錢親民💰🔸️我們點了🥗七彩大拼盤、雲泉羅潢齋、五柳素石斑、如意菰時菜、香脆炸春卷、雙菇時菜、香脆素雞、還有無限添加栗米粥🌽🥣粥底十分綿滑😋齋菜果然高質有水準👍份量滿滿, 值得試試😋🥰🔹️食完後還可以逛逛附近的小檔攤, 有不同種類的海味、小食及零食🛍😋😁
繼續閱讀