影片
港鐵荃灣站 B1 出口
繼續閱讀
營業時間
*新春期間照常營業
星期一至日
11:30 - 15:00
17:30 - 23:30
以上資料只供參考, 請與餐廳確認詳情
放肆大吃放題去今日趁星期六難得同朋友係荃灣行街.行到咁上下經過大鴻輝樓下好多姐姐派傳單！見朋友想食日本野，所以就到大井町試下啦！放題最好就係可以任飲任食，這邊分為自助區及點菜.食物種類繁多.真係啱晒我地咩都想食的心態！一個價錢可以每件試少少！爽！刺身新鮮..帶子,三文魚肥厚，甜蝦肉質彈牙!迷你海膽手卷，賣相細小可愛，真係一啖一個最適合女士享用..對於我呢個海膽怪.叫左4轉都仲想再食！這邊的燒烤炸物亦好吸引.最愛的鹽燒蝦好有泰式嘅味道，蝦肉新鮮彈牙. 蝦殻沾滿鹽香😍忍唔住要再ENCORE!還有榴槤炸彈.外脆內暖.真係會食到停唔到口架！另外還試了雜菜鍋.鍋裡的雞脾菇及菜都充滿豬骨濃湯的味道！飲品款式選擇好多.汽水啤酒唔少得，估唔可以任飲梅酒及清酒燒酌.真係啱哂我口味！而對於我這個甜品控看到個甜品櫃入面的芝士蛋糕.布丁及奶凍,即刻心心眼😍每件一口而且不會過甜.所以不禁吃了很多！最正係仲有Movenpick雪糕食！真係肥多幾磅都冇所謂😂
繼續閱讀
Happy Friday放工約了朋友去荃灣食放題，因為聽同事朋友都推介大井町日本放題.所以急不及待訂位刷餐飽！一上到來侍應就安排了靠近窗口的位置可以邊食邊睇到街上的風景！就在我們隔離有一個自助形式的沙律小食及甜品吧！有凍蝦.青口.螺及枝豆選擇😍飲品就除了汽水，啤酒，果汁，估唔到仲有清酒同梅酒，此店還貼心放了一個暖飲品櫃.照顧一班不太喜歡飲凍飲的朋友！另外甜品櫃有各式芝士蛋糕，慕士蛋糕，奶凍，布甸..還有一個雪糕櫃..真的應有盡有！我每次習慣放題都會先點刺身.呢度嘅刺身每件厚度都好平均，食落去冇雪藏嘅味道，非常新鮮😋然後就嚟一輪壽司，這家的壽司種類非常多，特別是有一系列的創作壽司，因為壽司和手卷全部都是迷你型，所以可以試多幾款都不怕！而不得不提最回本之海膽手卷，相當脆口的紫菜包着新鮮的海膽.好正😋Encore了兩次😋我們還叫了蝦及超甜一口日本蕃薯天婦羅！天婦羅的粉漿不會太厚及油膩👍還有炸物及燒物..為咗每樣都可以試吓，就每款都只係一串起兩串止！好難得一間放題可以全部都沒有漏單.服務亦很不錯.而且上菜速度都好快.唔錯唔錯！😬最後我們還各自選了一款限定雪糕為是次放題劃上完美句號.兩個都捧著大肚子回家去！
繼續閱讀
平時大鴻輝商業中心的大堂晚上超多人打蛇餅， 所以決定午餐去食。定食選擇都幾多， 包飲品一杯。基本上都係放題的食物以套餐形式包装。當然午餐也有放題定食， 但人流唔多， 仲坐到窗邊位， 所以用幾拾蚊歎放題食物， 都幾正！
繼續閱讀
任飲任食日式放題，相信大井町能夠滿足你。刺身、壽司、手捲、卷物、軍艦、火焰壽司…… 刺身非常新鮮，包括三文魚、帶子、北寄貝、甜蝦、赤蝦等等，任君選擇，無限添加。壽司有軟殼蟹卷、鰻魚反卷、和牛卷、火焰三文魚腩、花之戀等，應有盡有。要是每款試一個已經很飽了。甜品、飲料、小食、冷盆均需在外面自助形式領取。甜品也有十幾款，冷盤也很精緻，飲料也有分凍及暖的，很體貼細心。如果喜歡喝啤酒的人，有hoegaarden，學多幾罐已經值回票價。出面有雪糕櫃可以任食，而每枱每人亦可以選擇一款dreyer's 或 movenpick雪糕，很滿足。
繼續閱讀
今日朋友帶路，帶左我去食呢間質素好好又唔貴既放題。都係$208位😋一路食一路讚口不絕！各方面都好滿意😄決定將呢間餐廳成為係我食過既放題既排行榜第一名。餐廳環境好大間，座位闊落。唔會覺得狹窄，坐得舒適。點菜紙分門別類咁放好，好清晰整齊，唔怕驚睇漏。而且食物選擇都好多種類。職員既服務態度都好好，點完食物既上菜速度相當之快速，仲無漏。好快成枱都係野食！好誇張。👍除左點菜紙，出面仲有自助吧，有啲沙律，水果，大螺，青口等等，飲品有好多款式，值得一讚，仲有暖櫃提供暖飲。仲有清酒🍶啤酒🍻，雪榚甜品仼飲仼食👍😄講番啲食物先，刺身壽司質素都好好。好新鮮肥美，放到好靚。大部份既刺身款都有🤗三文魚同油甘魚好正，係腩位黎。好鮮甜呀☺️仲有海膽手卷食添！炸物：熱辣辣，炸到好香脆！芝士年糕，紫芋丸，芝麻雞翼，榴連炸彈 都係必點。最令人驚喜係： 香辣單骨雞翼 夠哂辣好惹味！同紅豆雙皮奶，好香濃奶味👍燒物串燒：雞軟骨，燒牛舌 好爽口煙韌！燒菠蘿同牛油粟米 好清甜，好解膩！日式蒸蛋都整得好好味，好滑好香蛋味。👍推薦。另外我最欣賞餐廳連 啲料理都做得好有誠意，一啲都唔馬虎。我都係第一次會係放題到叫啲咁飽肚既野食，但都值得一叫。辣汁炒蝦仁同地獄辣蜆🌶鐘意食辣一定岩哂，夠哂辣，好惹味！食唔停口蟹粥同牛肉壽喜鍋🥘好多料，好夠味道。最後仲食埋雪糕🍦甜品，真係食到我地好飽好滿足！😋
繼續閱讀