影片
開飯介紹
價錢大眾化的中菜館。推介北京填鴨、口水雞及酸辣湯。
繼續閱讀
附加資料
如網上訂座已滿，請直接聯絡餐廳訂位。
營業時間
今日營業
11:30 - 22:00
星期一至日
11:30 - 22:00
*10月11日休息一天
以上資料只供參考, 請與餐廳確認詳情
有關獎賞計劃
相關文章
荃灣人都知道海之戀中有幾間擁有海景的抵食餐廳之一，其中這間東北菜更是聚餐首選。一班人想食中式菜又想特別一點都會選擇老掌櫃。鍋包肉 $96東北菜必食名菜，豬肉炸得好香脆，即叫即炸，配上甜甜酸酸的汁，一啖接一啖停唔到口宫保蝦仁 $86蝦仁有微炸過，加上醬汁好香口，連埋炸香的花生，配飯一流紅燒肉燉粉絲條 $86東北的燉菜也很出名，粉絲條可以代替主食，唔洗成日食飯咁悶，亦是美味之選高力豆沙 $13/個這個甜品唔係周圍都有得食，而且呢間做得好出色，豆沙唔會太甜，蛋白炸得好鬆軟，配上外層沙糖的口感，必食之選
繼續閱讀
行完DONKI想食晏就見到呢間中菜但佢個位置有少少難搵唔係電梯位附近如果想食得飽又抵食嘅話我覺得唔錯而且選擇亦都唔算少可以加埋小食☀️水煮鮮鱸魚配飯☀️京式炸醬麵☀️四喜烤麩☀️雞絲粉皮叫咗四樣嘢埋單港幣152以呢個份量同價錢嚟講性價比算係高水煮魚個味道好惹味唔會太辣有少少麻配料有黑木耳芽菜同薯粉鱸魚係類似生魚片完全冇骨咁炸醬麵嘅份量超級大兩個人食完麵其實已經食唔落碗白飯所以呢個價格絕對係大件夾抵食
繼續閱讀
今晚約咗朋友喺荃灣海之戀上面嘅老掌櫃東北菜館食飯。餐廳枱同枱之間比較密。今晚全場爆滿，喺香港而家難得見到嘅境況。我哋點嘅菜式，同見到餐廳內好多台食客所點嘅菜式嘅份量都好大份。唔怪之得吸引到咁多人嚟幫襯啦。北京填鴨半隻（跟一份約20塊嘅摩摩皮）-$168: 要食軟熟嘅摩摩皮，一定要趁熱食。值得一讚係佢摩摩皮嘅份量夠多，唔使再額外叫。水煮牛肉（$118）：入邊有牛肉，娃娃菜，雲耳同埋薯粉。水煮醬汁辣得有層次。
繼續閱讀
我地五個大人同二個小朋友，去到門口同佢地講一共7位，個職員直行直過，禁我就行入去問職員你哋係咪落場？佢話唔係然後就安排我哋坐，好啦點完嘢食叫佢提供六隻碗，個女侍應就真係俾咗六隻碗我，不過其中三隻係勁污糟，仲要有飯粒係到，叫佢換佢就好唔耐煩㗎嘛，等等等等，我心諗如果你有睇清楚就唔會俾啲污糟嘅碗我哋啦仲嫌我哋煩，其實唔想做就真係可以唔做㗎，我俾錢黎食嘢唔係受氣囉，食食吓有個男職員嚟打開個窗簾，曬到死，想趕人走咪出聲囉！食到成肚氣，食到一半，唔食埋單走人！講返啲嘢食先，元朗嗰間好食過荃灣嗰間，京蔥牛肉啲京蔥仲多過牛肉，牛肉得幾塊，木耳、青瓜好似變壞咁，呢間嘢真係冇下次！勁多空枱都唔執枱，喺度掛住吹水！
繼續閱讀
餐廳位於海之戀商場2樓，在Doki旁邊，適逢星期五，人流算幾多下，餐廳主打東北菜，菜式豐富多樣，餃子、涼菜、海河鮮和豬牛雞等傳統地道小菜都有，價錢算貼地價。北京填鴨叫左半隻北京填鴨，有附京蔥、青瓜和餅皮。北京填鴨皮香肉嫩，味道香濃醇厚，充滿鴨油香味，用餅皮、京蔥和青瓜沾上特製醬汁包裹食用，層次感十足。老醋海蜇頭有好濃郁既蒜香味，青瓜清脆爽口，醋味味道咸酸，同時有少許微甜和回甘，海蜇頭口感軟熟得黎有嚼勁，醋味令其鮮味更加特出。高力豆沙東北傳統甜口菜，表面鋪滿砂糖，外層炸得金黃，裏層雪白，軟滑細膩，豆沙味道香口濃郁，甘甜味濃。
繼續閱讀