影片
開飯介紹
餐廳老闆來自台灣，主打的牛肉麵湯底以10斤牛筒骨熬至少30小時，不會添加任何味精，而麵條則由本地麵廠製作；另外此分店更供應台式便當。
繼續閱讀
營業時間
今日營業
11:30 - 20:45
星期一至日
11:30 - 20:45
公眾假期
11:30 - 20:45
公眾假期前夕
11:30 - 20:45
以上資料只供參考, 請與餐廳確認詳情
-
網上訂座服務暫停
相關文章
兩口子放咗工喺觀塘揾食，季後風襲港🌀🌬️，今晚凍凍地好想打邊邊，但係兩個人又唔想食放題咁Heavy同消費貴🙈，即刻上openrice search下有咩一人火鍋好🔥🍲，發現呢間平時lunch食台灣麵大排長龍嘅六兩三有得食一人火鍋，仲要價錢好似幾平😝，就決定一於試下佢😅佢有台灣麵套餐同火鍋套餐，最後我地各人叫咗個一人火鍋套餐食：我就叫咗：蔬菜養生鍋套餐 $128🌽🍅🥬🍠🥦我配鹿兒島豚梅肉🍖, 冬粉 & 飲珍珠奶綠🧋鹿兒島豚梅肉🍖上台賣相已經唔錯，日本豚肉出名肉質柔軟而無豬臊味，果然係唔錯，食落鬆軟，入口軟腍帶彈性，夠香！而每個餐除咗主菜肉類外，每份都包咗一兜台灣丸同蔬菜🥬🥦🌽🧅，丸類包括咗：燕餃、薑母鴨丸、鱈魚丸、貢丸、花枝丸， 而菜類都有唐生菜同高麗菜，菜夠新鮮同份量都夠多，呢兜嘢都可以食飽我。另外我同老公都好鍾意食嗰隻燕餃，口感脆嫩滑順，好食！而原來台灣嘅冬粉即係我地叫咗粉絲，真係失禮晒😅😝另珍珠奶綠可以選擇去冰走甜, 啱晒我呢d減醣人士🥰😋😝另我老公就揀咗 牛骨沙茶鍋套餐🍲 $128配美國Prime牛頸脊 & 王子麵🍜 & 珍珠奶茶🧋Prime牛頸脊🐮🥩唔冼多講一定有質量保證，上抬果然好靚，牛嘅油花適量，肉質鮮嫩爽滑，肉味濃郁，Prime牛頸脊🐮🥩真係好適合打邊邊，平時自己都有上網訂1KG Prime牛頸脊返屋企切件分幾餐食，正！我老公仲額外加咗碟澳洲M7和牛後腿肉眼 🐮🥩（$69）試下，估唔到呢個價錢但肉質又唔錯，仲大大塊，份量勁多😅😅，食到我地要放棄個冬粉先清得晒🙈🙈。另外，牛骨沙茶湯底要讚一讚👍🏻👍🏻，夠晒濃味，所有嘢落完後食都好入味，最後加埋個王子麵，變成自制嘅沙茶牛肉公仔麵咁，真係不得了🎉🎉🎉總括嚟講，呢間即慶打邊邊嘅台灣餐廳性價比都算高，而餐廳環境唔錯，枱與枱好有距離，仲有一d簾幕相隔住，唔冼同隔籬枱一齊打邊爐咁，坐得舒適，以百零蚊一個人嚟講，有質素又唔冼好似去咗連鎖快餐店食一人火鍋咁擠迫，而食材新鮮，我會得閒放工再嚟食💪🏻💪🏻😋😋🫰🏻🫶🏻
繼續閱讀
之前喺尖沙咀食過記得幾好食 佢係由台灣基隆人老闆主理 主推秘製紅燒牛肉麵 但原來佢喺觀塘開咗分店 玩埋邊爐😮‼️——————————————————————🐕藥膳麻辣鍋套餐（$138）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯包雜菜盤一份+丸三粒+主食+$25轉咗澳洲黑安格斯牛肩肉幾鐘意佢嘅豚梅肉 厚片又大塊 食落啖啖肉又夠腍身😛湯底方面它的麻辣屬於典型台灣款不是四川那種橫行霸道的麻酥辣是偏向內歛 後調才隱隱浮出的辣它辣椒豆瓣醬的辣香頗特出再混合了八角 肉桂的藥材飲落舒順 是易入口的麻辣湯配料額外叫了澎湖花枝丸就是喜歡它有粒粒花枝肉😝雜菜盤的大甲芋頭也很不錯質感綿密 芋香濃香突出主食揀了冬粉唔喺煙韌彈牙嗰種似蒸海鮮啲粉絲——————————————————————🐕 滷肉飯（$32）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯$32裝到滿滿真係好抵食肥膏入口即化卻不油膩😮醬汁調較得宜 盡滲飯內肥膏和咸甜醬汁交會同係台灣食到嘅好似😚如果有埋酸菜就仲正——————————————————————🐕 鹽酥雞（$38）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯鹽酥雞調味亦不錯炸皮輕薄酥脆 就算放涼都仲脆而且份量超多 有成十幾件😝😝好抵食！！！——————————————————————
繼續閱讀
台灣美食都可以有豪華二人套餐😍小食皮蛋豆腐凍冰冰，好惹味 有甜甜地嘅醬汁 仲有木魚絲👏再加埋重口味嘅皮蛋 平衡花豆腐嘅平淡👍係一個幾好嘅前菜🤍跟住叫咗一個半根半肉牛肉麵🤎湯底深啡色 有鮮甜嘅牛肉味道面底係比較粗身嘅 有口感牛筋都幾多 而且好腍牛肉就係一塊塊嘅 🟫加埋青蔥同埋菜成碗牛肉麵都鋪排得好靚🥘另外一碗叫咗花枝餅蕃茄湯底面🍅🥫花枝餅即係平時嘅花枝丸，不過佢係用一個吉列餅嘅形式呈上有口感，而且食得出又新鮮嘅花枝蕃茄湯底甜甜地 都幾濃郁👏套餐另外亦都有一個小食，我哋叫咗鹽酥雞鹽酥雞一粒粒粒好脆 鹹味適中🐣二人套餐亦包括兩杯嘢飲叫咗杯珍珠奶茶同埋蜂蜜咸金橘🍺🍹-跟住再叫咗黃金地瓜條 即係番薯薯條 好似薯條咁樣炸得脆脆的 但因為係番薯，所以就比較腍 外脆內軟嘅感覺😍仲有額外叫嘅粒粒西柚冷萃茶 好清新啱晒出晒汗嘅我哋😅😂
繼續閱讀
喺觀塘食到一個價錢相宜嘅打邊爐真係好開心啊！觀塘嘅呢間六両三推出咗好多唔同款式嘅火鍋套餐，每個套餐只係一百幾蚊，所以我同伴一齊叫咗個二人套餐。二人套餐包括兩個小食、兩個湯底、兩款肉類、兩份基本火鍋配料同埋兩杯飲品，仲有雪糕作為甜品。我覺得味道都好唔錯，我哋揀咗蕃茄湯底同埋沙茶鍋湯底，味道都好濃郁。加埋豉油會更加美味。佢嘅份量都好足夠，味道都好好。我特別鍾意佢嘅小食，特別係牛展，辣辣嘅味道好開胃，好好食！至於飲品方面，亦都有好多款台式飲品可以揀，包括珍珠奶茶，真係好滿足。
繼續閱讀
又喺觀塘附近收工，行過見到國基集團中心樓下啲餐廳餐單，見到呢間六両三嘅晚市火鍋性價比好似好高咁，就同朋友入去食。我哋兩個人就叫咗個二人同行火鍋超值套餐。包開胃涼菜，小食，飲品同埋甜品，加埋$328。打邊爐邊少得響鈴，我哋另外加咗一份響鈴。開胃涼菜我哋揀咗皮蛋豆腐，小食就揀咗炸花枝丸，飲品朋友叫可樂，我就揀咗荔枝梳打。湯底方面，我就揀咗藥膳麻辣，配料仲有鴨血同百頁豆腐，朋友揀個湯底就係台式白胡椒，佢個湯底就冇咁多配料。我哋兩個食完火鍋之後都唔會覺得話太口渴，所以我諗湯底都算清，唔錯。佢火鍋套餐嘅配料都好足夠，蔬菜有好多種類，佢小食嘅炸花枝丸，同埋火鍋配料入邊嘅花枝丸，真係好食，好彈牙，正。啲火鍋肉類肉質鮮嫩，份量我覺得都足夠。
繼續閱讀
您可能會有興趣的...