影片
港鐵銅鑼灣站 C 出口
繼續閱讀
開飯介紹
供應韓式燉雞的辛安東元祖奶奶雞，燉雞份量足，加入大量蔬菜和水晶粉薯粉去燉煮，鹹甜辣三味紛陳，值得一試。
繼續閱讀
營業時間
星期一至日
12:00 - 15:00
18:00 - 00:00
以上資料只供參考, 請與餐廳確認詳情
相關文章
趁秋高氣爽，同友人行山，輕輕鬆鬆行完薄扶林水塘，就一齊落去銅鑼灣食晏，大家都無乜提議之下，又想食啲特色嘢，有質素嘅嘢，諗咗幾個選擇俾大家，最後揀咗曾到訪過辛安東元祖奶奶雞，不過睇番記錄，對上一次幫襯已經喺2014年嘅事。餐廳位處銅鑼灣地鐵一出對面嘅京都廣場7樓，相當便利。門口大大個黑底白光店名，加埋「鳥」字餐廳商標，都幾難會搵錯地方。走入店內，地方唔大，但枱櫈排得唔密，感覺都闊落；兼且裝修雖簡約，但就大玩色彩繽紛加韓風元素，電油桶嘅櫈打開就成為儲物箱。枱上放齊鐵筷子、鐵匙羮及叉，仲有把大較剪及骨碗、清水，一切開餐用具，全民自決。不過，其他服務，同樣貼心到位，店員亦好好禮貌。可能喺星期六嘅晏晝，客人無夜晚咁多，我哋食都食得輕鬆啲。餐牌從缺，因為一張點菜紙，底面兩版，圖文並茂，中英韓文，一目了然。自己剔剔剔，就完成點菜程序，減少口述之誤。Edison Square（柚子+芒果）$48無嚟3年，辛安東嘅飲品都轉晒為多款特飲，所以，我哋都試試佢哋嘅特飲。其實唔多知個名嘅含意，大抵喺啲雜飲。友人話味道OK，芒果味重啲，只喺賣$48無我哋其他兩款咁抵飲。Smoothie Cider（乳酸）$48依一款就明顯喺Smoothie+Cider，不過，上枱時喺將兩者分開上，好處喺先品嚐個乳酸沙冰，友人話好益力多味，酸爽醒神，啱晒行完山飲，沙冰打得夠幼細。之後，自行添加西打，加多加少隨心意，令沙冰多咗重汽泡感，非常有趣。Smoothie Light（芒果）$68揀依一款特飲，貪其成支炮咁大杯，可以慢慢飲。以梳打水加入芒果沙冰度，長飲長有，芒果味無欺場。辛安東元祖奶奶雞 $148半隻 / $228全隻既然嚟辛安東，就梗喺點元祖奶奶雞啦，我哋3個人，半隻就好夠食，因為奶奶雞唔淨喺有雞件，仲有水晶粉、青瓜、甘筍、薯仔等等，好大碟頭，此外，以韓國運嚟嘅走地雞烹煮亦成為其賣點。據我記得，奶奶雞喺落單先做，所以製作需時約15-20分鐘左右。友人喺四葉妹嘅「粉絲」，所以，都情商個公仔借嚟影番張相。雖然半隻，都果然好大份，雞件入味嫩滑，墨漆漆嘅醬汁濃郁惹味，配菜亦好好食，至於啲水晶粉，咬口柔滑。牛肋肉生菜包 $7810款小食中，我哋揀咗牛肋肉生菜包，一客有5件，賣相精巧，生菜之上有燒牛肋肉及辣泡菜，食落集清爽、柔嫩、爽脆嘅口感於一身，味道濃香帶少許辛辣，值得捱介！真露煮蜆 $68記得之前試過，所以，推介俾佢哋試，以韓國燒酒「真露」去煮，就如日式嘅清酒煮蜆，法式嘅白酒煮青口。個菜最有趣嘅地方就喺以銅壺呈上，食完蜆，又方便倒出真露清湯享用。蜆雖然唔大隻，肉地薄，但味道算鮮甜，帶微微酒香，不過，臨尾飲咪個湯先喺精髓，非常鮮香。蘆筍韓牛炒飯 $88老友喺飯底之人，所以，點一客炒飯實可以填飽大家個肚。石頭窩飯喺傳統韓式飯品，以石鍋載住，熱力逼人。飯底以露筍、韓牛粒、青豆炒成，再加上蔥花，飯粒炒得夠乾身，味道均勻，熱辣辣，又有飯焦，正喎。另附有一碟紫菜，正確嚟講可以用嚟包住啲飯食，又或貪得意撕碎拌飯都得，別有一番滋味。臨尾，都講下是次薄扶林公園嘅郊遊徑，主要喺港島徑駁家樂徑，好易行，無乜難度，大概1.5-2小時就可完成，沿途樹蔭多，有唔少溪澗，不過，依啲秋冬季節就無乜溪水。借用老友嘅四葉妹，分享一下沿途照片。總結埋餐午飯，對比番以前嘅食評，除咗奶奶雞之外，其他幾樣嘢都無加到價，個生菜包仲平咗添，而水準我就覺得保持到喇，尤其個真露煮蜆，喺大家一致公認是日最好食嘅菜式。
繼續閱讀
辛安東奶奶雞青入香港的時候很想試，慢慢地他們家的分店也越來越多。 一直都聽他們家的奶奶雞很好吃，入門前都是超級期待。剛好他們週年慶，出了一蚊雞！我們兩個人，夠哂數。 味道同屋企蒸差唔多，滑身，不過無啲人講到咁誇張好食⋯環境還不錯，因為早食，唔算太多人。除左奶奶雞，我地仲叫左牛肋肉生菜包。簡單啲咁講，佢啲肉係凍既⋯得泡菜味，牛肉無乜味同硬⋯我地仲叫左清酒煮蜆⋯同清水煮蜆差唔多⋯ 仲有叫左海鮮煎餅，呢個叫做正常返啲，不過上枱都係唔夠熱⋯題外話，佢地啲店員好奇怪，成日企正係你後面發呆，唔會行黎行去睇下客人有咩需要⋯整體而言，我應該唔會再去呢間餐廳。
繼續閱讀
一行四人食晚飯，7點入座，9點仲追緊上菜，叫咗以下幾樣：$1雞菇沙律凍番茄海踅黑松露奶奶雞麵炒飯凍番茄：甜到漏菇沙律：ok海踅：超鹹麵：好食，黑松露味濃，雞滑，麵質彈炒飯：ok$1雞：凡每人消費$50或以上可以$1 order一份奶奶雞。上面黑松露奶奶雞為3人份量，$1雞約一人份，原味。7點入座，d嘢食到8成，追個一蚊雞話無落單，問我哋等唔等。一直等一直見住周圍d雞上檯，追咗3次都未到我哋。後來就有位阿嬸報告話整緊。我哋話等咗超過半個鐘啦wor! 佢話，其他客人都要等9個字。老人家勞氣了：9個字？格離遲過我哋落單都上咗菜啦！e位阿嬸就一路行開一路啤住我家長者。其實你上唔切咪沙個冧行開囉，唔想做咪摺咗佢囉，e d咩服務態度呀？你上菜慢我哋欠咗你呀？等足9個字再追，都係無。最後差唔多9點半先上菜。一個晚飯食成三個幾鐘，找數仲話卡機壞咗只收cash.你無心做就摺撚咗佢，唔好扮晒蟹又e樣優惠果樣優惠，服務態度又差，一句講晒無下次！
繼續閱讀
繼上次半價奶奶雞之後，又有$1奶奶雞優惠，人均消費$50之後加$1就食到，按人數計份量，四人以下係例牌。嗌咗水冷面同生菜包，加埋份雞就啱啱好二人份量$1奶奶雞的骰版奶奶雞。配料依然齊全，蘿蔔、薯仔、青(?)瓜、水晶粉都喺哂度。最初驚會好細份，實情兩個人食都過得去，四個人就難啲了。明洞水冷面每次必點。好好奇個汁究竟點整？豚肉泡菜生菜包雖然一件要十幾蚊，但係味道都對得住價錢。最大問題係塊生菜包唔哂，塊肉又好韌，成舊食又唔係，咬斷又唔係，食得好躊躇。另外仲有個優惠係加$1一隻大閘蟹，都可以一戰。期待再有新優惠！
繼續閱讀
現在一提起韓國，立刻聯想到大概是炸雞?! 因為近年開得滿街也是但朋友想吃韓國菜~卻不太愛炸雞。幸好在眾多店子中也有迎合到朋友口味的餐廳 (๑´ڡ`๑)今次去的這家，以前在旺角的地舖吃過。在銅鑼灣的則是樓上舖是說每次去「京都廣場」都超怕樓下的姨姨們因為我多數是預先決定好想吃那家才去目的地，所以每每見到她們想硬塞傳單就被嚇怕(๑•́ ₃•̀๑) 特別是那裡的升降機的等候時間也太長～ 終於平安的到達。不過就要迷茫一下朋友是坐在那一邊，因為這家店間開了左右的位置Menu的話就是下單紙，部份還附有圖可以參考 (・∀・*) 先點飲品，朋友和我的那杯也是現在大人氣的「燈泡飲品」！Smoothie Light - Strawberry ($68) 朋友那杯超高身啊～我的那個小巧得多～ Edison Square - Grapefruit + Mango ($48)柚子的味道比較突出～而且還有柚子肉。飲之前記得要好好攪一下底部，不然飲到最尾會甜瓜喔!!食物方面，基本上是由朋友決定的。紫菜飯卷 ($48) 經典的韓式家常菜~跟日式的有點像，不過飯加的不是醋~是芝麻油喔 (・∀・*)豚王生菜包 ($68) 平時是自己燒肉再包~現在這個是整好給我們吃的。燒過的豚肉仍然很嫩口，還帶有少少的脂肪～吃起來更為香口(*´∀`) 因為有清新的生菜和頗辣的泡菜配在一起吃，所以也不算太油膩吧小巷炒蜆 ($68) 沒想到份量也頗多，而且用鐵板上桌~聞起來超香!! ヽ(＾▽＾)炒得很惹味，若果辣度再加強一點應該可以更好。芝士八爪魚 ($78) Menu顯示這個是辣的，但我就覺得一般而已（・ω・）就算放久了~芝士還是處於半溶的狀態，還保持著微暖這種吃法也頗有趣～配料的那些雜菌也很入味！辛安東元祖奶奶雞 ($1) 這個價錢～我真的沒有打錯喔這優惠是只要每人惠顧滿$50就可以用$1去點這個招牌菜，而且份量也不是隨便敷衍的雞很入味~還有配料像薯仔、紅蘿蔔那些也是，特別是水晶粉有最濃郁的醬油味道（´v｀)
繼續閱讀