影片
港鐵黃竹坑站B出口, 步行約2分鐘
繼續閱讀
電話號碼
28182263
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
身為新界西既朋友真係無幾可會出港島，黃竹坑我印象中只係黎過1,2次。今次為左朋友生日飯先會出城。結果意外發現到呢間超好味既韓燒餐廳！山洞食堂位於黃竹坑新開幕商場THE SOUTHSIDE，店內座位寬敞舒適，有大空間適合多人聚餐。最上等牛肋骨超級長嘅一條，店員會幫忙剪開數大件先燒。肉質口感都很不錯，油花分佈均勻，帶有微微嚼勁，好香牛味，燒完都仍然保持嫩滑多汁。山洞和牛壽喜燒數大片和牛薄片，牛肉雪花分佈平均，入口即溶，牛味都幾濃，蘸上特調蛋汁配壽喜燒醬汁，更惹味！慶州黑毛豬盛合共4款部位，豬腩肉是一整條的，油花分佈平均，燒起來油香十足，用菜包住一齊食非常滿足！我則比較愛豬梅頭，因肉味較濃和肉質較滑。朋友則愛吃豬大腸和豬皮，燒至香口沾上辣醬和黃豆粉真是一絕。炸醬麵我好少可會讚係香港食到的炸醬麵，但山洞食堂的炸醬麵真係好出色，麵條充滿筋道，炸醬濃厚可掛麵，味道香口不會偏甜。必點推介。海鮮豆腐湯辣海鮮湯材料豐富，味道鮮甜無比，唔會太咸太辣，飲落舒服，用來拌紫菜飯很不錯飲品方面，我地點了青瓜青檸梳打 & 西柚乳酸梳打，都幾清新，啱晒夏天兼食完烤肉後飲！
繼續閱讀
自從黃竹坑開咗新商場之後😇我同屋企人都鍾意過黎食晚飯，因為個度真係好多新餐廳呀🌟今次揀咗去山洞食堂食韓燒❤️食韓燒必有嘅前菜，呢度有我最愛嘅薯仔沙律、芽菜、菠菜、麻醬蓮藕、仲有醃蘿蔔同泡菜😝最上等牛肋骨長長一條嘅牛肋骨，店員會幫手燒到五成熟🥰牛肋肉非常多肉汁，而且牛肉嘅味道好重🤩牛魔王表示超級滿意😍山洞和牛壽喜燒和牛肉片嘅雪花紋路好靚仔，脂肪比例平均😚燒到自己鍾意嘅熟度，沾埋蛋黃、蔥花加壽喜燒嘅醬汁一齊食😋牛油香再加蛋香更加滿足呀😌慶州黑毛豬盛合呢個拼盤超豐富，裏面有滷水滷得超入味嘅豬皮同埋豬大腸😛豬皮充滿骨膠原，大腸軟腍又香口💖另外仲有可以燒到火光紅紅嘅豬五花☀️同埋肉味香濃嘅豬柳❣️海鮮豆腐湯豆腐好嫩滑，海鮮有海蝦、青口、蜆肉等等😉湯頭微微辣飲落好暖胃，有陣陣泡菜嘅味道，成件事真係好韓式嘅😇炸醬麵呢碗炸醬麵令我諗起去首爾食嘅味道✨真係幾正宗喎！裏面嘅炸醬份量好多，仲有啲青瓜絲食落好清爽🤓
繼續閱讀
The Southside 商場入面嘅山洞食堂裝修好有特色配合陰暗燈光真係好似入左洞穴⼀樣～😍入座後店員先送上泡菜前菜五款仲可以加錢無限任添山洞食堂係食韓燒嘅有套餐都有單點仲有唔少肉食盛合好似我點嘅呢個慶州黑毛豬盛合有慶州黑毛豬五花、豬梅肉、汁燒豬皮、豬腸同豬下肉⼀次過可以試到不同部位有唔同口感同食味個尤其個汁燒豬皮好特別主要係翻熱返豬皮入口好厚但好軟淋滑滑溜溜豬五花好肥好嫩自己燒都唔難唔會鞋口和牛肋眼上蓋店員介紹呢款係ribeye上方嘅稀有部位肉質細嫩脂肪較多雪花超靚燒烤完後又香又juicy好好味！最上等牛肋骨長長⼀條牛肋骨店員會先幫忙剪開呢款肉肉味較濃肉質厚實口感好豐富🤤除左燒肉山洞食堂仲有唔少傳統韓食海鮮豆腐湯海鮮量多又豐富泡菜味香濃配珍珠米開胃下飯食完濃味食物要解解渴西柚乳酸梳打同荔枝梳打係唔錯嘅選擇有新鮮果肉味道唔錯爽口解膩
繼續閱讀
山洞食堂 @sandongsikdang黃竹坑香葉道11號THE SOUTHSIDE 2樓202-203號舖味道評分:☄️(必食之選)>☀️>🌤>⛅️>💨☀️最上等牛肋骨 $388上枱後會有店員幫手切靚塊肉，食落去頗有口感，但完全唔會覺得韌，真不愧係最上等嘅肉👍🏻😏☄️和牛肋眼上蓋 $220肋眼上蓋可以話係成隻牛入面最稀有嘅部位！啲油花靚到唔捨得燒左黎食🥹塊肉本身切得唔厚，係鐵網燒兩燒已經可以食得。果然入口即融，唔洗沾醬都好好食！☀️慶州黑毛豬五花肉配生菜 $188大大片嘅五花肉放上鐵網一陣，高溫逼出嚟嘅豬油令到塊五花肉燒出黎表面十分焦脆，勁惹味😊仲可以配搭生菜同埋蒜去膩，更加有韓玌風味！☀️1++韓牛牛肉石鍋飯 $188我地覺得淨係食燒肉會太油膩，嗌左一個石鍋飯想轉轉口味。黎到之後店員會幫手撈拌，每條韓牛條撈左蛋汁再係熱辣辣嘅石鍋入面燒兩燒，超級送飯~食到最後仲有飯蕉😻☀️海鮮豆腐湯 $138有別於平時嘅豆腐鍋只有泡菜味，依一碗嘅湯底蝦味十分濃郁，入面除左有蝦外，仲有青口、蜆，種類多仲好足料！☀️西柚乳酸梳打 $42☀️提子梳打 $42店員好細心提醒我地飲之前要撈撈個底先~飲到最後都仲有味😌好飲！✅餐廳環境猶如真係在山洞中用餐🪨✅想睇更多食評就要follow @gulugirl102 🐰
繼續閱讀
被稱為美食沙漠已久的黃竹坑，作為南區人都試過當區的餐廳，確實選擇不多。當天southside開張當然要即時感受一下，順便試試新餐廳 ，相當滿座，不少餐廳大排長龍，幸好早早訂了位 。店內裝潢雅致座位寬敞，有別於一般韓燒那麼開揚熱鬧 。一坐下店員已奉上前菜五小碟 ，其中泡菜和薯仔沙津會讓人吃過不停 。在南區最近開幕的這間韓燒餐廳,為顧客營造了舒適寬敞的用餐環境。我們這次品嘗了一系列道地的韓式燒烤料理,每一道菜式都獨具特色。首先,我們點了最上等牛肋骨，肉質帶有一絲甘甜，搭配餐廳特製的調味醬料 。個人最愛和牛肋眼上蓋！！！油花分布均勻，入口即化。 超愛黑毛豬五花肉配生菜，豬肉紋理細緻，肥瘦相間，好像上月在首爾吃到的！石鍋飯更是韓式經典，濃郁的牛肉香氣與米飯完美融合 。還點了海鮮豆腐湯湯頭濃郁鮮美，超足料，不少蜆仔同大蝦，鮮味之餘帶少少胡椒辣—————-𝙒𝙚 𝙤𝙧𝙙𝙚𝙧𝙚𝙙:最上等牛肋骨 $388和牛肋眼上蓋 $220慶州黑毛豬五花肉配生菜 原味 $188韓牛生牛肉石鍋飯 $188西柚乳酸梳打 $42荔枝梳打 $42海鮮豆腐湯 $138—————————————————𖠿𖥣 山洞食堂 (黃竹坑)〒 黃竹坑香葉道11號THE SOUTHSIDE 2樓202-203號舖—————————————————
繼續閱讀