最香餅家

營業中

休息中

去澳門當然要買少少手信啦我地去咗 "最香" 買 "粒粒杏仁餅+美味馬拉盞". 因為實在太好食喇..粒粒杏仁餅 - 好鬆化! 啲杏仁又好咬口, 真係好好味美味馬拉盞 - 呢個用黎煮麵, 真係美味到不得了. 因為夠咸夠辣. 唔需要加其他配料, 已經好夠味了

買鉅記的杏仁餅就買得多，今次轉吓口味，買最香的杏仁餅試一下‧ 雖然，隔了幾天才吃，但是餅身仍然很脆，唔硬，味道ok‧

第三站就黎左呢度買手信!]知道呢度d杏人餅,不過好難搵..問人行左半個鍾恕往路先搵到不過真係名符其實ge香.好香..!!不過好貴下..$35,,但係值得食!!咬落去鬆化,,有一種令人想繼續食ge感覺.!值得買。

前幾日過去澳門旅遊，去到就左穿右插地去找嘢食，行去夜呣街的落山位就聞到一陣的清香杏仁味，就去到這間最香餅家，之後就買了一盒普通及一盒蛋黃肉心杏仁餅，返到香港先開嚟食，但係咁上隱，因為放了幾天都仍然保存到本來的香味，加上又唔會好似啲大排子般，一咬落去就散開哂，搞到小弟真係想買多幾盒返嚟慢慢的享受。

上一次黎澳門, 搵左好耐先搵到佢!!去到既時候已經賣晒, 失望而回 今次!! 美食之旅既其中一個目標仍然係佢!! 哈哈~上一站去完『保健』食完甜品之後, 就咋咋淋殺去買上次買唔到既杏仁餅!!今次絕對唔可以空手而回既, 吼吼吼!!!今次仍然唔係好記得條路點行, 哈哈...轉左一陣, 終於搵到啦, 呼~一去到就聞到陣陣杏仁既香味, 正!! 門口見到一籮籮待凍既熱呼呼杏仁餅...沖到入去買左 (原個)蛋黃肉心杏仁餅 x2, 正呀!! 好香好脆好鬆化, 雖然係貴, 但係都值得一試再試, 哈哈!! ($35/10個)

次次去澳門都係買鉅記和咀香園, 呢兩間名氣大BUT唔代表好食, 賣得廣告多都係宣傳手法的一種。今次去澳門玩, 外婆d晨運朋友話"最香"的杏仁餅最好食, 雖然聽都未聽過, 但最奇怪係咁岩我地係氹仔搭的士去澳門半島, 連司機大哥都介紹"最香"叫我地如果買手信就試下呢家, 話係老牌餅店。拎住旅遊書都行錯左兩條街先搵到, 果然店如其名, 未行到去門口已經聞到好香的餅味, 一入到店內就見到老闆伯伯係度片肉心, 見到老闆娘炭火烤緊杏仁餅; 最好笑係店內有張poster係某某食評家, 不過而家幫另一間賣緊杏仁餅廣告囉, "食餅有餅味" 都幾岩用上最香的杏仁餅上。買左兩盒20個裝的杏仁餅$35, 吾.....我就唔覺得貴, 因為我都唔知其他2個大牌子賣幾多錢, 但我可以肯定係真材實料, 因為2盒餅都好重手。返到香港一打開來食, 我忍唔住連食3塊, 好香好鬆化和脆, 真係同其他唔同質感, 我好驚我自己一個會食哂20個杏仁餅, 哈哈哈。

次次都是買鉅記的手信也太冇意思了!!!!!在澳門人氣手信找到這間子~跟友人找了幾條街終於找到了，看到店內的人製作得用心自己都不得不買一盒回去吃吃!買了一盒蛋黃肉心杏仁餅，價錢也不便宜哦。相比起鉅記的貴50%不過可能我貪心，簡了材料多多的雖然裡面不是獨立包裝，而且比較簡樸，但吃起來都不錯，很香!最香這個名字沒有改錯吧~ 試一試其他的也無訪!

一向沒有買手信之習慣,不是鉅記就是咀香園,沒有一點新意.當買手信已成習慣,到咀香園鉅記買手信,同上廁所一樣地理所當然.收禮物的一方,表面禮貌上都會說聲多謝,暗地裏就會說:{又係呢d?悶唔悶d呀?}夜呣街內的"最香",門面其貌不揚,但他們的杏仁餅,比起其他手信名牌的更好,見到師傅忙著做杏仁餅,好奇地小試一粒,不得了,即刻比錢.拿了一盒炭燒杏仁餅回來,杏仁味道香濃而不過份地甜,附加一點點炭燒香氣,入口鬆化而不過實,那些手信名牌的杏仁餅,不知道是否下了防腐劑,結果,太硬了.從此以後,愛上杏仁餅了.如果有朋友過澳門的話,不妨幫我買一盒回來.

會找這家杏仁餅也是從openrice 這兒看到的既然都被推出來說是人氣手信店,相信品質一定不會差!我們去到的時候都看到他們有人在造杏仁餅,而且也有剛出爐的,熱哄哄好不吸引!立即買了一盒原粒杏仁餅和一盒肉心杏仁餅因為個人不愛杏仁餅所以沒有試過但回來家中眼見每盒杏仁餅都碎了三分一,想必然是十分鬆脆的!自己沒試味就由家中愛好者代為分享爸爸說杏仁餅很鬆化美味,甚至比有名大型連鎖店的好原粒杏仁餅比肉心杏仁餅更為美味,味道更香的說得出這個結果後看來我以後去買杏仁餅要改來這兒買了呢!

聽食評這間是澳門最好的杏仁餅，所以點都要找到這一間餅家。可能已經黃昏五時多六時，行這些澳門橫街都有少少心驚，不過為了食，都無所謂呢，最後終於都找到了。這是一間老店來，一行到附近已經聞到很香的杏仁餅的氣道，立即就買了出名的蛋黃杏仁餅了，開了試過果然名不虛傳，有濃濃的蛋黃味，和一般的杏仁餅非常不同，非常好食$35十個這樣好食的杏仁餅，不算貴呢。

原來杏仁餅係可以咁好味既, 個種炭味同平時個d唔一樣, 鋪頭好古舊親切, 個盒都好懷舊可愛好後悔買得兩盒細既咁大把(有大杏粒$17@), 返到香港先開黎試, 最好味就係佢!

在威尼斯人再次財散人安樂後，乘專車回萬事發酒店，對面就是夜呣街，沿路走上斜路，就是論壇朋友推介的最香餅家。最香餅家是一家傳統的杏仁餅專賣店，門面比較簡陋，位置亦難找，如由福隆新街出發，要先拐過巷尾，再往下走，如不是專程前往的話，根本不會發現。此店主打的是炭燒迷你杏仁餅及蛋黃肉心杏仁餅，見前者散發出強烈的杏仁香，立即試吃一小塊，入口相當鬆化，確有一陣炭燒味，絕對收貨。為求特別，買了一盒蛋黃肉心杏仁餅帶回家吃。蛋黃肉心杏仁餅 (MOP 33) 一盒大約有六七塊，呈大圓形，薄身，輕輕一咬，外皮明顯不及迷你版的脆口，幸內裡蛋黃散發另一種香，更帶點肉鬆的鹹香，富層次感，整體倒算可以，但又不是最好吃，看來下次買回同價錢的炭燒迷你杏仁餅比較穩陣。

澳門人介紹的老舖, 中山杏仁餅, 佢最好, 有炭燒, 蛋黃, 仲有好多... 老舖人, 或者夠一家人吃, 就沒想過發大嚟做, 只係默默咁做, 用心咁碌... 大概唔係好知自己啲餅好食過人, 少少地, 謙虛啲, 十倍咁啦! 亦唔會叫經過者試吓啦!老老土土, 啲餅盒係紅紅黃黃印刷, 啲設計係七十年代. 本來, 追唔上時代, 只有一個透明膠袋袋住十幾塊杏仁餅, 並唔知做公司手信, 最好一餅一獨立包裝. 今次再去, 發現了主打的炭燒杏仁餅出現了獨立包裝, 個盒用了四色印刷, 但係袋入去時, 亞姐仍係會粗暴咁整縐個盒條脷 不過, 講到鬆化, 講到味道, 真係零舍唔同, 食到dump一聲, 超鬆化!!!!如果食其他的名店食到膩, 覺得已經不外如是, 想尋幽探秘, 但又想一擊即中好食杏仁餅, 荷包又慳啲, 收到的人又叫好的話, 呢度啦~~~ 喺福隆新街後面之嘛~

最香餅家，一家在香港知名度不高，舖面相當簡陋的一家傳統餅店要不是澳門朋友介紹，真的不會刻意到訪呢她位於福隆新街附近的後街，位置頗為偏僻但一夥美麗的珍珠，總會被稻草所掩蓋著她位處偏僻、舖面簡陋，可是一走入店內，立即聞到陣陣清甜的餅香這陣清香，實教人愛不惜手，而令人垂涎三尺，一嘗眼前的杏仁餅買了一兩盒杏仁餅回港，其包裝也是十分簡單，仿佛是六七十年代的設計杏仁餅的味道就相當好，既充滿杏仁的香，餅身也算幾鬆化，更帶有點炭燒的味道味道不比香港人常光顧的鉅記差，甚至更好呢

may 29, 09,安排第1日返酒店前就去買晒d手信,咁就唔洗點拎住佢 : 1) 蟲仔餅-去到見到呢樣嘢,好特別喎,我未見過之餘,仲未聽過添-聽同事講,呢個喺好傳統嘅葡式小點-其實都幾曲奇,都鬆,而且仲有nuts嘅香味。望番個盒,就應該喺腰果嚟-但同事話澳門有間賣蟲仔餅嘅牛油味同鬆度比呢個更佳,好似叫棠記........喺聖美基街(做音喺咁)........下次我都要去搵吓先~~~ 2) 杏粒杏仁餅-炭香味的確明顯,但個鬆化度就唔多夠咀香x嚟喇-杏粒好明顯-但也不錯,食得過呢