最香餅家

營業中

休息中

講到買手信，我個Friend就話要行到入來買，因為佢話係佢食過最靠得住的一間。結果，小弟就買左： 杏仁餅 (好大粒杏仁，味道唔太甜，夠脆！) 蟲仔餅 (味道唔太甜，不過都係Cookie的味道) 薑味花生糖 (我阿嫂都話正！) 花生糖 (味道ok)

行到夜媽媽先醒起要買杏仁餅，最香位置都幾入，不過好彩收十點，趕到去，附近既鋪頭都收得七七八八，鬼咁靜⋯ 拿拿臨買幾盒走人！買左「蛋黃肉心杏仁餅」，$33盒，杏仁餅面有塊蛋黃，咬開中間有層薄薄既肥豬肉，甘香鬆化，怕膽固醇都忍唔住食左幾塊！連平日唔多食杏仁餅既老公都自動自覺拎黎食，仲話下次一定要買多幾盒！

曾經在旅遊書中看過此餅家，原本都未必會去。因為佢唔係位於旺區，係行下行下無意中見到，於是乎咪即刻唔執輸咁買幾盒唔同款的杏仁餅比自己同朋友做手信。一返到酒店已急不及待試食佢聞名的肉心杏仁餅及蛋黃杏仁餅，真的很香、很鬆化！一入口已經滿口都係杏仁香味，而且又鬆化，真係好好味！連同事朋友食過都讚不絕口，以後再去澳會都會專登去買。

在陸軍餐廳吃過午飯, 說真的有點失望, 原因是叫的食物不是太滿足, 於是專登走黎食下蛋黃肉心杏仁餅, 一到有點興奮, 居然有營業...以為家庭式經營會暫時休息, 見了婆婆忙著將杏仁餅在炭爐上搬來搬去, 熱烘烘地買了三個原粒杏仁餅+兩個肉心杏仁餅, $8, 雖然涼些會鬆化一點, 但暖吃杏仁餅也是另一滋味, 好新鮮, 好香杏仁! 吃著吃著, 老公提醒原來不是蛋黃肉心杏仁餅, 一問下, 婆婆話訂單太多, 呢幾日都無得賣, 真的有點失望, 我們跟婆婆傾下講下, 細說整餅過程, 最後感動了婆婆...她在剛熟的竹籃內賣了一個蛋黃肉心杏仁餅, $3.3, 給我們, , 有埋蛋黃香真的比剩肉心的好吃很多!P.S. 我地都算係杏仁餅精....其實咁多間手信鋪, 鉅記, 咀香園.....都不及它的鬆化!

舊式餅家﹐並不顯眼﹐冇試食﹐冇乜"立雜"0野賣﹐要一站式買哂所有野非首選﹐但買傳統手信杏仁餅就highly recommend。但D大粒原味杏仁餅真係好好味﹐夠鬆化﹐杏仁大粒﹐又夠香﹐鉅記完全冇得比﹐另外﹐咖啡色的光酥餅都係我最愛﹐完全冇"yick"味﹐唔甜﹐size 0岩0岩好﹐一個人個咸切酥都OK﹐雖然冇食過阿蘇介紹的晃記咸切酥﹐ 但li 間D咸切酥都好香南乳味﹐覺得都OK鳳凰卷so so lah但0麼0羅酥就覺得麻麻地唔好expect有大把人serve 你﹐但一般服務OK ﹐每次來澳門都必到買手信。

這是澳門其中一家老牌餅家，售賣有名的“肉心杏仁餅”。顧名思義，是混了肥豬肉的杏仁餅。餅點位于夜呣街，不是專門去找，遊客很少會走進那邊。所以在最香，難以看到其在福隆或官也街的同行那樣人頭湧湧的景象。不過話説回來，最香的杏仁餅，卻真的是精工細貨，件件都是有心的製成品。現代人不吃肥肉，豬變得瘦，要找足夠原材料，老師傅得每朝走多個街市。回來還要剔除不合用部份，用糖漬了才能放進杏仁餅中。杏仁餅本身烤得非常鬆脆。加上肥肉的餅餡，一口吃來，不但嚐到杏仁和冰肉的甘香爽甜，還有約隱約現的烤爐炭火的香味，非常可口！這樣費功夫的小吃，一袋也只賣十多塊錢（有十塊），就是那份心血，已是值回票價！