自助山 (已結業)

老公喜歡澳門的美食,所以經常瀏覧澳門的食評網站。他留意到自助山有不俗的評語,但我卻認為到澳門應該是吃些地道或是葡式美食,而自助餐從來也不是我的首選,另外一個,亦是最重要的原因是因為吃自助餐可能會令自己飽上半天而吃不下其它美食,那樣便會失卻前來澳門尋找美食的意義了。對於我來說,花三百塊錢的船票在澳門度過兩天的時間,假如被一個普通不過的自助餐令本人半日甚至一整天也吃不下東西是何等的不值呢?自問是個心軟的哺乳類動物,看到他先砍後奏地預先從網上預留了六時兩人枱,便知道他是何等的喝望吃那裡的自助餐,我也唯有順應他的意願吧 六時準時到達,自助餐的餐室設計以透明度高的開放式厨房並以西式設計概念為主,賣點在於多名廚師即席站在自己的岡位,去負責烹調自己岡位的食物,並且有些時候把烹調好的食物,放在你的碟子上。我相信,即席烹煮的厨師及其透過厨房看得見的隊伍陣容之多,非香港吃自助餐的地方所能比美。有些人吃自助餐追求的是食物的素質,有些是追求吃到創新的食物,而有些是追求多款式的食物的選擇。要是形容自助山,我倆認為那兒的食物類別屬於最後者。那裡所提供的兩小時自助餐時段,實在很不足夠。老公認真的對我說,那兩小時儘管

其實呢餐已經係08年11月既事睇食評好好~o係威尼斯人既渢竹同新葡京既自助山之間, 選擇左後者~$278+10%@ walk in超多野食, 冇可能食得晒, 燒味, 龍蝦(星期六日先有), 刺身、串燒、點心、印度咖哩+薄餅(我只係食左龍蝦, 其餘痴男友食)我至愛既冷盤, 淨係火腿同魚已經有6款, 巴馬火腿切得好薄, 不過冇配蜜瓜, 我要再走去生果檔夾XD 生牛肉薄切又係勁薄, 不過好油青口好肥美, 生蠔基本上都甜美, 少腥味, 龍蝦仔幾好味喎, 右邊呢塊就係吞拿魚沙律既吞拿魚喇~佢D沙律好好味, 我只係食左吞拿魚沙律, 吞拿魚係刺身咁四邊略煎再切到刺身咁既SIZE, 我食左5塊~個汁都好好食, 男友話佢既泰式扎肉沙律都好好味~佢D生果都好甜~下面既豬扒好似沙丹豬扒, 不過佢整得好淋好好味, 而且夾既係巴馬火腿, 不過男友就食唔出有火腿XD太薄喇~ 一切落去D芝士漏出喇好正~上面既係他他汁~左邊既長腳蟹都好鮮甜~右邊既啤酒包好好味呀~我好飽都食埋, 放棄左甜品, 不過個蘑菇湯就鹹左D, 唔知同凍左有冇關係?例牌即切西冷同火腿, 一般啦咁飽既情況下朱古力甜品太漏喇, 紅桑子mousse酸酸

款式好多d野食好新鮮非常花多眼亂味道都算唔錯特別係半隻焗龍蝦係咁新鮮焗出,同埋即切西冷牛扒,絕對不比香港的大酒店差,仲有仲有好多講都講唔哂好似即烚生蝦,其實熱食都keep住出,什至轉下款三文魚,吞拿魚,北寄貝樣樣有壽司同魚生生蠔不停新鮮地出,開蠔個兩個哥仔真係開到手都軟唔怕冇得食~~壽司d款多過香港d酒店甜品好好味特別想講下d服務態度十分好我聖誕節去有聖誕老人派糖同影相酒店仲免費送一張相令節日氣氛更好不過大家要留意就算訂左位都要排隊入同埋冇人會主動走埋黎問你有冇訂位如果book左位記得要自己同個staff講平安夜去食都係每人300幾,無加價5星級酒店.......算非常抵!一定會推介給朋友,同自己都會再黎食

7大1bb諗住26日去食buffet，22日晚上打去訂位，問題包括幾錢一位、2歲bb使唔使錢、有冇分時段員工a的答案係：$238+10%一位、2歲bb唔使錢、冇分時段，但係要即刻畀錢我的回覆係，麻煩visa畀錢。但員工a的回覆係，只收cash！我已經xyz乜都齊咁滯，我係香港人都仲話搭一程船就到，如果要搭飛機的話又如何？姑且叫佢將d自助餐的資料mail畀我，佢話fax，因為mail唔方便！﹙又要xyz﹚……但佢最後都話可以mail，我留低mail address及電話號碼，佢話翌日1030有職員返工後就會mail畀我，仲會跟一個電話通知翌日到1230，我仲未收到員工a所講的mail及員工a所講的電話，於是我再打去，再嘗試去訂位將上列所有問題再問一次，員工b提供的答案係：$238+10%、2歲bb要錢、分兩段時間1830-2000、2030-2230，要即刻畀錢，但可以用visa我聽呢一組咁型的答案，即時同佢講，尋晚貴公司的另一員工的答案係同你接近完全相反，即係點？結果又係話send自助餐資料畀我，我又將自己的mail address及電話號碼畀佢，但最後到依家﹙25日晚上2210﹚…我

好多人都話呢度又多野食味道又好...一入到去...嘩..........咁多野食ga....都唔知食咩好....1. 燒牛肉....必食2. 天婦羅蝦, 魚, 帶子....好脆...都幾鮮味3. 魚生, 蠔........都好新鮮4.5. 甜品 -- 木槺布甸超好味其他野不能盡錄......不過有樣唔好....一人得一杯野飲因為太多野食.......最後都唔可以樣樣試曬.......

睇完下面的食評再加埋朋友過份吹墟，令到期望過高有點失望感我認同食物的種類係好多，但係咪成晚只食到40%呢？那未免太誇張啦！基本上可能係一間五星香港酒店都有差唔多有咁多野食的，只係好多時你都唔會試哂佢所有野而已。不過無可否認，自助山食物質素係唔差的。款式多，賣點多 (例如: 自助捉蝦白灼，蒙古燒烤，中西式甜品等) ，順帶一提係假日去貴四十蚊係因為可以龍蝦任食。要以此價錢食到質素唔錯又多款的自助餐香港真係搵唔到！只可惜係，佢大部份野都唔係好熱。一來食物保溫做得差，二來冷氣大，三來係自己花多眼亂行多一陣都會凍哂。同埋我當日去的即切牛仔骨肉太太生，同埋d牛肉無乜牛肉味，真係有點失望！同幾個去食過的朋友傾過後，得出黎的結論係這裡的水準其實都唔係好穩定。服務員的態度亦有待改善！

因為男朋友生日,所以我地過左澳門玩....咁我地一早都已經諗左食自助餐架喇,只係冇諗過去邊度食者....原先諗住去旅遊塔或者金莎,,咁因為男朋友拎埋部電腦過去,所以就緊係上黎搵下有咩好食啦...見各位朋友都大讚呢度,雖然價錢係貴D..不是生日一年一次,就同男朋友決定黎呢度食喇....不過由於唔記得睇時間佢係有分兩段時間的,所以我地去到都6:45了....咁男朋友覺得OK啦,夠時間,所以我地就入去了,不過好好笑呀,一入去冇人理我地,,..要我地再行多幾步先有人理...咁一坐低冇耐我地就行去拎野食啦...嘩...好多好大呀....比起香港五星可能重要好...咁我地就拎野食啦....我第一轉就拎海鮮...同埋牛...嘩...牛肉甜到丫....真係好好味呀...之後再黎第2轉.....第3轉...第4轉....真係食不停口....我都好耐未食過咁好食的自助餐了....呵呵....好好味....男朋友都食到好開心....所以男朋友話佢生日好開心呀,因為食到D咁好味的野食....用呢個價錢響香港一定食唔到囉....最後緊係我的至愛...甜品啦....雪糕...芒果布甸...毛士....蛋糕....

星期一晚來了這裏食BUFFET,238+10%,看食評說這裏的BUFFET好多選擇,好長的食物枱,於是我們就來了試,6:00開始安排入坐,因我們較後訂位,所以要坐食物枱的另一邊較遠的地方,嘩,真係好多野食,先食魚生刺身,三文魚很新鮮,凍蝦都好爽好新鮮,朋友則食生蠔,他們也說生蠔也很新鮮肥美,然後食了長腳蟹,真係好好味,用芝士炒,很多肉也很新鮮,還有新鮮在缸裏拿出來煮熟的大蝦,好大隻,味道都幾鮮甜,食完兩輪生野後就食熟食,真的很多選擇,我試了燒牛仔肉,炸南瓜,沙律,雞軟骨,因不想食得太飽所以沒有食太多肉,牛仔肉都OK,炸南瓜天婦羅好好味,好鬆化,沒有好油的感覺,好味,跟住飲了一碗冬蔭公湯,不算太辣但都好味,好多配料有大頭蝦,很多草菇的,然後食甜品生果,甜品選擇都多,兩邊的食物枱都有甜品的,我吃了一件咖啡慕士,都幾重咖啡味,一杯芒菓吉士,細細杯都幾好味.很快就夠鐘,這裏的洗手間都很靚,乾手器好特別,好強的風打落手度好快乾.但這裏的仕應則服務一般,我們還未食完她就馬上想收走,一坐下沒多久就要先埋單,還有她們的服飾比較有些土的感覺.但如果下次再來澳門的話我會再來食的.

10/11 (星期一) 係我生日, 所以一早已book定位...我同老公book左8:30pm個round...都有8成full...講返食物方面先...我諗我地食左所有種類的50%...太多款式...下次要再去食呀!~ 所有頭盤, 湯, 麵飽 --我地都無食...哈哈! 因為我同老公都唔食生野, 但我見到d魚生, 蠔都好新鮮 天婦羅蝦, 魚, 帶子 -- 好熱好脆, 全部都好新鮮, 剛剛炸起..good! 長腳蟹 -- 我覺得普通, 無乜特別, 暖暖地, 好大雪味 燒肉 -- 好好味, 件件d皮都脆卜卜! 正! 游水羅氏蝦 -- ok, 隻隻都好大個頭, 少少肉, 但一定新鮮. 黑椒蒜片牛肉 -- super juicy, 好味 蝦餃 -- 好味, 皮薄 炸蟹拑 -- 好味, 入面全部都係蟹肉 甜品 -- Chess cake 同木槺布甸超好味 仲有其他d蛋糕都好味, 不過個肚已經想爆, 想食雪糕同pancake 都要等下次喇

去年十月幫趁過一次，念念不忘，今年10月14日再來幫趁, 發覺水準依然高，沒有因為出名而變得「求其」。我喜歡這裏主要因為食物種類非常多，極適合有長者及小孩。長者有折扣，收210，成人則收238另加一。本人覺得最好味的是：1. 燒肉 - 皮脆肉滑，剛切好出來時最好; 2. 一盅盅的個人燉湯 - 不覺有味精；3. 燒牛肉 - 是新鮮高級牛肉，肉有汁及嫩滑，很多香港酒店的buffet牛肉都比不上，我很飽也多添吃了一次；4. 天婦羅炸蝦 - 皮很鬆化，很新鮮好味，但一定要吃剛炸起的，炸物的職員有時會把炸起的食物放到一邊，等到盆子上的東西給客人取得差不多沒有時才再加添之前炸好的，故此有時取回來的炸蝦是不夠熱及有較多油；5. 甜品有很多種類，中西式都有，水準很高，記得留肚一試。其它食品的意見：a. 游水羅氏蝦 - 自己挑選然後馬上白焯的，大隻肉嫩但沒鮮味，試一至二只便可；b. 長腳蟹腳 - 很廋及幼，不夠新鮮，間中有幾件吃到有雪乾的感覺。看到職員把客人取剩的蟹腳重新煎熱一次，然後混進新鮮煎好的一批內再捧出侍客，便明白為什麼味道參差不一。c. 雪糕 – 好像是牛奶公司的，款式不多，肚子沒空可放棄。一

原來 buffet 真係可以咁多嘢食，自問食 buffet 從來唔會輸比張枱，樣樣都要試勻嘅我，今次真係不得不承認嘞：邊有可能試得晒吖？就算有啲嘢食想坐多一陣再 encore，最後都係無辦法！9月18日，我同班同事一齊向自助山進發，去開吓眼界！自助山喺葡京2樓，一入到去就見到嗰張唔知幾呎長，但係我就喺香港未見過咁長嘅枱，唔好等，趁戰鬥力狂飆之際，我哋即刻開始！嘩！食咩先好呢？都係照番平時食 buffet 嘅習慣開始啦！ 煙肉芝士焗蠔：冇生蠔，熟嘅都好啦！焗得都幾香口，味道還可以，趁熱食唔好等，唔係就會好腥！ 魚生刺身：有三文魚、拖羅、赤貝…一般味道，不過好多人排，我食過就算嘞！ 長腳蟹腳：要配給，味道有啲名過於實，無咩驚喜！ 凍肉：各類 cold cut，莎樂美腸，大大小小，真係咩國家都有呀！仲好好味添！ 巴馬火腿：Prama Ham 捲哈蜜瓜，無得頂，太好味啦！忍唔住攞多咗添！ 沙律：淨係要咗青瓜蟹子沙律，幾清淡，用嚟清吓味蕾都唔錯！ 磨菇忌廉湯：湯夠 creamy ，又有磨菇味，稀杰適中，啲麵包索晒啲湯仲好味！ 天婦羅：即叫即炸，夠新鮮，蝦同帶子都好掂吖！ 中式點心：攞咗咸水角、蝦

見Openrice 咁多人話好食..一於走去試下自助山 !事前冇訂到位, 去到見到咁多人排緊隊都幾驚冇位坐不過walk in左入去之後...先發覺原來果到真係咁大因為walk in既關係, 坐既地方比較山卡拉一點, 由頭行到落尾真係要成分鐘不過唔緊要...當行多D路消化下 XD食物款式真係相當的多! 238+10%呢個價錢o係香港真係好難食到咁多食物款式既buffet一開始個個人都排刺身, 但係供應都好足夠, 源源不絕成個buffet之中最鍾意果個即炸既天婦羅蝦, 真係好新鮮好脆 !甜品款式亦都好多, 跟本冇可能試得晒最終食到飽飽都唔知有冇試到全餐廳40%既野下次一定要再去 !

星期三下午出發過澳門, 第一時間book位, 好彩重有位。果然同好多食評一樣, 超好味, 超扺, 超班!可能近排太多生蠔食壞人事件, 酒店將生蠔用煙肉+芝士焗, 好味呀! 重有巴馬火腿, 是我和老公的至愛, 包住哈蜜瓜食, 咸+甜味道, 簡直perfect。最高興是可以自己捉羅氏蝦拿給廚師白灼, 既生鮮又大隻, 好味。最後連湯都有3款選擇, 正!

去澳門 可以試下 新葡京的自助山~~~我地食第1 輸 6:00pm 開始真係好多好野食~有好多蝦、海鮮食~~~最正係有新鮮蝦即整~又有朱古力噴泉，食幾多都多甜品款式多真係好新鮮材料，我一家會再去試多次~正!!!!

六月訂過，當時價錢係238+10%，因為黑雨去唔到。八月再訂，而家價錢係278+10%， 心想~ 有d蝕左。Round 1 600-800Round 2 830-1030一行六人一星期前已訂台，號碼係 A014 號碼愈大就坐得愈山卡啦 (上次係A 070) ^^"一路行都無乜人，不過好長條食物枱~ 我坐果度只係中間咋!!! 真振奮~~講精緻，香港酒店係好D，但講價錢同款式，葡京取勝，300元係香港食個dinner buffet 你會驚唔知有乜食，係澳門就有保証。魚生、煙三文魚、芝士焗龍蝦仔一流~ 甜品都ok~ 由於食物款式太多，建議可與朋友一起"覍食" 一件食物開兩份食，所以最後我可以試晒想食既野~ 有杯餐飲送。坐既位置極凍，吹到頭都痛，最後用十五鐘叫佢較細個冷氣，好在最後都較左，果時大家都已經流鼻水。