華軒美食

營業中

休息中

第一次光顧華軒美食，我們點了出名的干炒牛河，豉椒炒蜆，鮮雞腳菜(菜心)和一罐汽水($101)‧等候期間，看見附近鄰桌的食客也是點這幾種菜式和照相，我們估計他們也是香港來的粉絲吧! 先試干牛河，河粉炒得有點鑊氣，不太多油，牛肉雖然沒有味道，但是卻帶有小許麻油味，整碟牛河的味道並未如想像中般那麼好味‧至於豉椒炒蜆就顯得比較遜色，因為炒法和香港不同，蜆沒有多大味道之餘，還用上甜酸汁來炒，而且比較濕，味道及不上香港的炒法來得惹味‧最後到鮮雞腳菜了，這是三碟菜中最好的一碟，因為賣相好之餘，雞腳好入味及好淋，而且菜心沾上了滷水汁，所以十分之唔錯!

Came here the 1st time on Taxi Driver's night recommendation. He kept repeating 細龜, 細龜 or 肥仔文, 肥仔文... Both good for Eat in or Take Away! Although 華軒美食 is also in my Macau Guide Book, I wasn't attracted by its book entry initially. Its not helped by the fact my knowledge about local Macanese food started from ground zero! In the end I finally understood the concept behind this shop: while 華軒美食 is the main shop's name and run by the wifey (龜婆), 細龜 is the name of the male boss perenniall

24-10-2009食完蝦籽撈及淨雲吞, 嚟到對面「細龜」試試佢的炒嘢. 大家都唔鍾意食乾炒牛河, 朋友又已被蝦籽撈塞飽, 結果只叫了一碟豉椒炒蜆 (好似 $40), 一碟蒜蓉炒生菜, 再各自叫飲品.試了少少朋友 order 的自製蔗汁, 賣相呈青綠色, 飲落清甜解渴, 不過帶點草青味, 我都係較喜歡「公利」(http://www.openrice.com/restaurant/commentdetail.htm?commentid=1886755) 的...豉油炒蜆: 炒得熱辣辣香噴噴, 食落就真係... 蜆仔算鮮甜, 不過有好幾隻都有沙, 微辣, 豉味夠, 但最失敗係芡汁杰得離奇, 膠水一樣叫人點食? 蒜蓉炒生菜: 熱辣辣, 蒜香夠, 炒功一流, 但生菜本身新鮮度認真麻麻, 起碼有三分一碟係 either 生銹 or 發晒黃的, 見到都唔想食. 坐了二樓, 環境 up dup 地 mou, 衛生亦一般, 食完快閃好了.每人放低約 $45, 唔貴, 但食物質素絕對炒晒粉, 唔滿意, 應該唔會再來了.

五月初一‧下大雨 約了朋友們吃宵夜，最後一站，就來在這裡吃炒河。「細龜炒河」的原由，相信不用再多介紹。由街邊檔炒到入舖，主理人還是無論打風落雨，仍維持在街邊一碟一碟的，大火熊熊的炒呀炒，就是這樣炒得一碟碟出色的炒河及炒麵。 只是宵夜，而眾人也飽十成，就只要了兩碟乾炒牛河及雞腸通菜。干炒牛河上檯已知，喜歡吃乾炒牛河的，必定要吃這裡的，非常有水準；雞腸菜也好吃，油脂甘香，令人吃得回味。 喝了幾支大啤，埋單每人廿蚊，便宜得令人發笑。 之後大伙兒看了一會主理人在炒河，對爐火熱度及時間的控制，絕對是技術的表現。如果誰不知道或明白什麼是「鑊氣」的，來這裡一看就會明白。下次來，要吃炒麵，要吃炒蜆，很多很多。其實還有第二次再來，原來好吃的，還另有其物，下回再續...要看食物相片及足本食評，請參考以下網誌：http://gourmetkc.blogspot.com/2009/08/blog-post_2878.html

第一次幫襯細龜,當然要試吓招牌乾炒牛河啦 ! 當晚三個人去,因為想留肚試埋對面既六記 !所以只嗌左三樣野食 !乾炒牛河...水蟹粥...炒蜆 !乾炒牛河既河同牛肉只是一般 !但炒出黎既味道幾好同有鑊氣 !水蟹粥都唔錯...個粥好有蟹味 !而最正既係炒蜆 ! 因為正在隻隻都冇沙 !我响香港食親次次都食到有沙 !就係呢間既炒蜆隻隻都吐清哂D沙 !所以食得好開心 !但可能得一個人炒野 !所以等得都幾耐 ! 同埋上菜都幾混亂 !

雖然本身已很飽，但細龜的炒功實在太吸引，黑暗的路上的但見熊熊烈火，玩火如此出神入化，必有數十年功力。我們的心，飛到細龜去了。既來之，則放開胃而食之。叫了出名的干炒牛河，加一個炒花甲，今天食緣已盡，無論如何不可以再多了。牛河果然出色，河粉一條條分開，上色均勻，熱力逼人，油膩程度是所食過者最低。牛肉沒有過分的用蘇打粉，口感仍不錯。用料其實普通，但炒功致勝。花甲，用料新鮮，味道鮮美，熱力四射，令人感到其鑊氣。食完，很飽很飽，但無悔，皆因很滿足。步出街上，炎熱的夜晚，我們又看到細龜的火，突然之間，覺得有點像藝術。

吃完六記, 文迪還以為係撤退的時候, 怎知道小弟係興致勃勃地走到對面, 吃下一場: 細龜.乾炒牛河: 4分, 是有相當期望的一家店, 來這裡, 不叫甚麼, 就一味乾炒牛河好了. 人人也叫牛河, 細龜只一雙手, 當然要等一輪先有得食, 唯有看住電視. 等了十分鐘到, 終於等到牛河炒到來. 一上臺, 奇, 怎會那麼多油, 跟大家吃過的不太一樣? 再吃下去, 碟底也全是油. 至於味道方面, 河粉是暖而不是熱的, 剛剛炒起的也是如此, 炒得太急之故? 牛肉當然不是要求甚麼靚的肉質, 但吃吃下也覺得有點老, 難咬開.感覺上是客人太多, 影響了質素. 或許大家吃到的係高水準之作, 但是晚我們吃到的, 係失望.乾炒牛河 $25 + 汽水 $8 = $33

之前一直睇電視介紹都未黎過,因為個地方比較唔就腳,好在有個巴士站係左右先易搵小小未入鋪頭,已經見到老闆係街口係咁炒,嘩.......7點果陣仲成32度wow,呢d 真係辛苦錢黎.....入到去,咩都未睇就叫左碟乾炒牛河走芽菜,因為要盡情咁食,所以要走芽菜先得(因為我唔食),再加一支維他奶,25蚊一碟o既牛河,唔知點解以一個神速上桌!應該只係等左5分鐘左右~嘩......真係夠獲氣wow,仲識幫我走埋蔥變左牛肉炒河....通常出面牛肉炒河會變得痴身,因為無左芽菜d 水份但呢度唔會wow,一樣條理分明,抵讚牛肉數量唔算小當然都係比較油的,但好難要求乾炒牛河唔油又要唔痴,所以只好自己小食一點因為之後要去跑步,所以沒再加其他菜式了.......(真係搵黎攪....食完d 咁油o既野先去減返=口=)

從十六浦索菲特酒店沿馬路往北步行約十分鐘便到沙梨頭仁慕巷。遠處望見爐頭火光熊熊，細龜街頭炒麵的拋鑊技巧對食家來說耳熟能詳。奇怪他會跑到六記粥麵那邊馬路來炒...由於相機無電關係只能文字描述，幸好前人食評已有相關照片也不失為過。是夜晚餐將有兩處地方，所以不能吃得太飽。第一站是華軒美食(細龜)，第二站是位居對面的六記粥麵。華軒美食門面10呎，廣告舖滿落地玻璃。樓面設置5張小檯，包括廚房工作間，其實樓上還有層坐客的小閣仔。我們坐在近門位置，柯打一碟干炒牛河$24、一碟煎蠔餅$42、一支鮮豆漿$9和一支竹蔗水$12(全是膠樽裝)。行內人應徵中菜炒鑊，多以干炒牛河測試入門功力，材料與調味料的混和是得失最大關鍵；如今牛肉、河粉均是上乘材料配合大師強勁鑊氣炒功更是相得益彰。煎蠔餅比較遲來，蛋不是太燶，蠔仔和大糧荵花融和一起，蠔味荵香滋味無窮。竹蔗水甜美清潤，不失為佐口解熱妙品。華軒美食是我多年澳遊食訪平民餐廳最滿意之一，力足比美香港同類著名食肆...勞力。

呢間又係要寫寫.叫左乾炒牛河,水蟹粥,椒鹽豆腐同炒花甲.個牛河真係一流,真係食到明顯既鑊氣.同埋好乾身.香港深水埗既大排檔都同佢差一班.不過d牛食到有少少好似落梳打粉.椒鹽豆腐又係一絕,佢個皮唔係一般炸到好乾脆個隻,係類似炸粉個d.不過我反而比較鐘意佢既整法,覺得冇咁熱氣.不過呢種煮法應該幾難.粉稍為厚少少都應該會唔好食.水蟹粥同炒花甲都係高水準.呢間野真係幾踮.下次如果有機會去澳門我都會再食.食飽後又有細龜炒河表演.相當精彩.ps.炒牛河唔好叫加底,多唔係好多,可能叫兩碟仲好.

又回到澳門食評，今次寫下在澳門好鬼出名的細龜炒麵。去到尾二的一站，大家已經幾飽，但之前已講好左要來一嚐。要兌現承諾，所以即使再飽也來吃。正如食友所講，的士司機都熟識細龜呢個地方。一落的士，見到細龜炒野食既舞姿，真的很有風範，即時拿出相機出來拍照。拍一大輪，就走入鋪頭開餐了。由於胃納的空間有限，只叫一碟炒蜆和干炒牛河，每人一罐汽水。炒蜆先到，相當惹味，汁帶微辣，很有大排檔風味。蜆雖不是大隻，但很有鮮味，且肉質結實，不會太韌，也不是殼多過肉咁，果然係招牌菜之一。干炒牛河好有鑊氣，牛河不會太油，但香口。河粉幼滑，且條條都能沾到豉油，夠均勻，再加上爽口的芽菜增加咬口。牛肉嫩滑，沒有經過化學處理，是難得的好味。吃了一整日，幫襯了七間食肆，最滿意的還是這一餐。

feb 28, 09晚last take嘅宵夜...........5人叫咗 : 1) 炒蜆-炒蜆1直都喺我嘅心水,入內見到2枱客都有叫,應該喺佳品啦-蜆唔算大隻,1般size,但勝在好有鮮味,結實,新鮮,而且好足份量,唔會殼多過肉-正 2) 炸鯪魚球-因為6x嘅米通鯪魚球賣晒,所以友人喺呢度點番..........我100,000個讚同-上枱時熱辣辣,要攤吓先敢擺入口-足料因唔覺粉口,內有蔥花粒-不錯 3) 乾炒牛河-的確有1股很強嘅鑊氣味 4) 煎蠔餅-食慣潮式嘅友人們就唔多喜歡因佢哋覺得似蛋奄列+蠔...........蠔似喺熟咗先+入蛋漿1齊煎-但對我嚟講,我就收貨,可能少食潮州菜-味道幾住家feel 5) 汽水 x 2罐 後記- 多謝友人請食呢餐- 細龜炒河嘅風姿- 時候都唔早.............大家今晚到此為止

零九年一月中旬大冷天的街頭，細龜在鐵皮檔用奇特的紮馬功爆炒牛河，走近影下火光，寒暄一番，執碼的副手放下碼料，他就下油落河粉，連帶大蔥、牛肉、銀芽在火燄中跳起舞來，入黑後的火光特別耀眼。對著炒檔流著口水，肚餓了走回對面舖等吃，牛河炒得乾香，細滑的河粉扣上豉油泛出光澤，豉油濃香滲入粉芯，而河粉質素高爆炒過亦不失軟滑細嫩質感，有米香，牛肉無經化學，炒得細嫩不過火，銀牙炒得清爽，而大蔥令味道豐富起來，吃到底亦不著油漬，絕對是高水準演譯！單是這個舞姿十足的細龜炒河，已值得專程而來，當然是說到澳門旅遊時的其中一站。

來到澳門3天遊第二日既尾站 - 華軒美食雖然剛才食晚飯既時候已經講明唔要食得飽, 連細水蟹粥都只係叫了一碗兩份分, 但係男朋友始終都係忍唔住叫多碟炸鯪魚球, 所以最終都食到7成飽呀! 算了, 唯有逛一陣再去食下半場喇!! 因為唔熟地方又未去過, 我地最終都係"打的"去食細龜炒河... 真開心, 一路上仲有司機叔叔同我地講"細龜"既威水史tim! 原來目的地都好易搵咋, 下次可以慢慢行過黎喇 一落車已經見到有個路邊攤係街角, 砰砰彭彭, 火光紅紅...終於見到細龜(老闆) 喇! 真係好勁呀!! 淨係望見佢炒野既功架已經好想食喇!!! 唔好睇細龜個人細細粒, 佢炒起鑊上來真係唔講得笑架!! 見到佢逐樣材料按次序放落鑊, 然後用猛火起勢炒呀炒, 唔只雙手有勁, 簡直係揮動全身既細胞呀! 要知個大鐵鑊幾重喇, 但最厲害係佢一直都保持從容既神情, 不消兩分鐘就炒起一碟麵.....連我都睇到目瞪口呆呀 ! 好, 快d入去舖頭度試試先!我地一行二人只叫咗炒花甲&乾炒牛河...炒花甲:呢味係由店內廚房炒既....都幾惹味, 個汁少少辣, 好有大排檔風味! 只係個汁少少偏鹹, 但也是可以

到澳門探細佬班這餘順道光顧一下當地美食，落船睇完show快十二點想消夜，這裡是澳門街數一數二的旺場之地，跳上出租車說到細龜炒河，大部份司機都會知你說哪！細龜炒河，已叫了十多年的名字，因老板貌似當時播出笑聲救地球的細龜而得名，因當時在街邊炒制到近年入舖，可想而知其知名度之高！幫襯當晚，細龜已忙得很，炒河炒麵訂單如雪花紛飛，打過招呼後就跑到舖內閣仔安座，乾牛河、豉椒炒花甲、蠔餅當然一瓶青島小不免。除了乾牛河是在外街邊由細龜現炒現賣外，其他都是舖內廚房炒制，炒花甲的豉椒能帶出花甲的鮮味，肉質彈牙，三扒兩胈已處理掉；蠔餅是以小粒蠔仔加上不小蔥粒煎制，可惜蠔仔不太肥美，所以令到蠔餅較為乾身及薄皮，不太好味；主角乾牛河，不太油膩已經是自已的那杯茶，況且能炒至每條河粉都分開之餘還能均勻的占上醬油，加上吃時還熱辣燙口及彈牙河粉，怪不得這碟細龜炒河能名滿澳門街！興之所至就跑到店外跟細龜閒聊，這街邊檔會跟據政府規定，每晚二時後就要搬回舖內，所以每晚二時後所炒制的牛河就在舖內，會無緣一見細龜街頭炒河的風範，另外這樣的街頭即炒即賣的美味炒河在香港已經愈來愈少，有機會到梳打埠，一定要來試試啊！