鳴詩

營業中

休息中

已經想食好耐的四季酒店buffet 鳴詩一入門口見到兩大雪櫃，擺放很多西餅、布丁甜品。海鮮有 -- 波士頓開邊龍蝦、長腳蟹、帶子、翡翠螺、青口…風乾火腿和密瓜好味。最鐘意食波士頓開邊龍蝦。 刺身 -- 好像有三文魚、甜蝦和八爪魚，最鐘意食三文魚。熱盤有很多選擇 -- 肉腸芝士薄餅、馬介休焗薯、燒牛肉、桂花魚、印度炒飯、黄咖哩豆和香燒羊肉串全部都最鍾意食。 甜品 -- 很多種、很精緻，吃了熱盤、冷盤和刺身已經滿足，甜品太多選擇，根本食唔晒咁多種。我食了芒果布丁、praline cake 、雜果撻、奶白焞蛋、啫喱和最鍾意的HD草莓雪糕。 服務一流，侍應一直加水、幫我摺餐巾、有禮。 本人每次都好有規律每碟逐少取食物，所以很容易慢慢品嘗。不加價會更好！愛上四季鳴詩！

哩晚原先我o地9個人諗住去新葡京食buffet幫其中一個朋友,但係無位...所以打電話去我o地住o既酒店幫我o地book左哩間"鳴詩",但係忘記問幾錢一位就去o左,我o地到門口見佢放個牌寫o住$388+10%,都覺得唔算貴,咪入去囉...點知就中招...先講食物....冷盤唔算多野揀,開邊波士頓龍蝦(forzen),青口,翡翠螺,雪蟹腳,三文魚加幾片吞拿魚同3款壽司,都算可以接受,沙律大至上都係o個d,唔數喇...最離譜係d熟食...有四款印度o野,都係咖哩,望到個樣,都無胃口,所以無試,到中式...明明個牌寫"清蒸大青斑"我睇真d,原來係大桂花魚...(蒸到過晒火,一個字:嚡!),粉絲蒸開邊蝦(一個字:霉),食buffet我係唔會食炒飯咁笨,所以我都係無試,叫可以接受o既唯有講係燒味(因為差極都會有限度),點心同炒菜都叫普通過普通...到西式仲勁....有個牌寫燒羊排,但係我睇勻成個場都搵唔到,但係就俾我見到隻火雞...令我最費解係宜家都四月頭啦!點解仲可以有燒火雞咁犀利,唔好話俾我知由十二月擺到宜家呀...雖然話22:00p.m close,但係21:20pm舊燒牛肉剩番件endc

其實係澳門有好多buffet 可以揀, 不過一年一次, 我揀咗貴小小既食$388 +10% , 我地每人都另外叫咗嘢飲, 埋單每人$450呢個價錢雖然係喺澳門呢講係超貴, 但係其中一對朋友話, 仲抵過去香港洲際食喎而且唔會發生d 要排隊攞嘢食既情況出現., 個人都高雅咗~~` 先講冷盤, ..... 有半隻半隻上既波士頓龍虾 (應該係) , 都幾鮮甜.. 唔係嗰d 好睇唔好食咁既 但係今次無長腳蟹, 只有凍蟹咋, 但係我地個個都公忍係最鮮甜既冷盤... 其中一位仲食咗 8隻蟹蓋, 同數唔到咁多既大腳(蟹kim, 唔識寫) ......沙律菜都要一讚,我好鐘意係buffet食沙律菜, 因為真係可以睇個廚房用料新唔新鮮, 呢度個d 沙律菜, 係食既時候, d 菜仲好juicy , 唔係誇, 而係大家留意下, 平時食菜如果d 菜越新鮮就越多汁架啦~~~其他冷盤同其他buffet 差不多款,唔提咁多啦!然後熱葷, ........... 有好幾款咖哩嗰d 食品... 都好似幾好, 我本身無食, 其中一位食友, 話幾好喎.... 我

今晚男友帶我嚟呢度食晚餐，目的係celebrate我吔二週年呀$368 dinner buffet , 以酒店four season 五星級來算,不算貴, 係香港亦不會食到7:00 嚟到,無乜人地方不算太大,我們二人坐咗四人既梳化位, 好舒服講番食物,食物種類好食,熱盤只係有印度嘢,扒,燒烤,面部,點心部冷盤有龍蝦,青口,長腳蟹, 三文魚,螺等等甜品方面~ 就全部都好好味我食咗好多長腳蟹,青口, 螺 , 全部冷盤都新鮮,不停供應至於甜品,蛋糕仔好味,又有凍柜放木槺布甸,熱情果毛思,朱古力,.. 全部都好好味, 連男友都勁食甜品呀服務方面,超好, 每離開位,waiter都摺起我的餐巾..... (有時都覺好煩... haha)整体來說,甜品係最好...

老實說，早年在泰國的四季酒店享受過極佳的待遇，從此一早看到對四季酒店產生了好感；適逢今夜一個人在澳門街搵食，忽然腦海中閃出四季酒店的自助餐圖像，好，於是相約澳門朋友試食其自助餐。MOP$400一位的晚餐價錢在澳門街有極多的選擇，為什麼要挑這家呢？先跟你分享兩則小插曲；1)電澳門朋友約在四季酒店吃自助餐，友人二話不說應約，並說儘快完成手頭工作即到！2)在碼頭急腳跑剛開往四季酒店的巴士，急跑仍眼巴巴看著它開走，心裡滿是不滿之際，站頭的美小女跟我說：「不好意思剛走了，很趕嗎？」「嗯，約了人在鳴詩吃自助餐。」說畢，美小女面露羨慕之情說：「嘩！(自助餐)要四百元啊，真的好吃嗎？」就這兩則小插曲，其實去吃它的自助餐已值回票價。說回自助餐質素，一踏入鳴詩，正如大家說，一個醒目的甜品櫃已吸引你的眼睛，坐下即行個圈，從印度先行起，印式食品如咖喱、薄餅等頗多，但本人興趣麻麻。隔鄰的即淥車仔麵食，水準不錯；再過便是例牌熱食，例牌的中西式豬牛羊雞，沒什麼驚喜。再行是葡式食品，出去食好過。熱食最後到意粉檔和扒爐，羊扒水準很好，值得一食再食。我想重頭戲該放在冷盤及甜品上。波士頓龍蝦、長腳蟹、翡翠螺、巴馬火腿無限

尋晚既宵夜buffet仲未消化完, 一起身就話要去四季鳴詩食lunch buffet, 非常之過份呀!!!但....一場黎到, 點解唔試下呢, 雖然lunch都要三百幾蚊, 就係要去睇下食乜喇未夠12點已經到左門口, 不過要準時先走得去, 是日係星期六, 但人唔多, 我地都係walk-in, 入到去唔full, 可能d人仲起賭場or訓緊覺第一碟就緊係食d凍海鮮先喇, 雖然有沙律, 但唔及呢d凍海鮮吸引, 有蝦, 蟹, 長腳蟹, 翡翠螺, 帶子等等...係無生蠔, 好彩我唔食既o者, 不過我覺得應該要加埋, 因為都唔平嘛, 沙律都有好幾款, 名字就當然唔記得喇, 仲有d乾果薯片芝士餅乾麵飽區, 果度o岩鬼佬多d另外有區係咖哩薄餅區, o岩印度人 (我完全無掂過, 太飽了)隔離就係中菜區, 不過我覺得呢度既中菜麻麻地, 點心d皮都幾厚, 另有即煮粉麵區再隔離就係西式少少, 有pizza, 有即點即做既意粉, 時間有限(12 noon-2.30pm), 無可能試哂咁多野近門口既甜品區, 愛甜食既美女即時癩左...樣樣都想試, 話飽話飽但又拎左好幾件黎食, 佩服佩服我覺得呢度要改善既地方係:

想試左好耐, 但一直都覺得有點貴, 到上次決定食時, 佢又fully booked, 所以今次一去完四季check-in, 馬上就走過去book 位!結果不負所望, 但因為本身食量不大, 所以埋單時都有D肉赤, 如果平100蚊, 就perfert 啦!首先要讚服務, 因為依加好多5星級酒店都做唔到, 但呢間四季做得好好, 早一日去book 位, 第二日到達時, 竟然可以以我個姓接待, 簡直喜出望外! 其次每次出入, 例必拉椅摺檯巾, 攪到唔好意思再用檯巾, 地方舒服就不在話下啦, 檯與檯間一D都唔迫, 唔會撞倒! 食品品種豐富唔在講, 最重要係且源源不絕, 不停refill, 食品中最超值當然係海鮮, D龍蝦, 青口長腳蟹, 又大又鮮味, 但奇怪無生蠔, 有DD 失望! 魚生就少點, 得三文魚, TUNA 同八爪魚, 而壽司就差啦, D飯太硬!熱葷其實都唔少, 但食完海鮮已飽了一半, 為了留肚食dessert, 所以只巡了一巡, 有好多咖哩, pizza, pasta, 燒味, 總之人有佢都有果D啦...最後當然要請dessert, 無見過咁多款, 而且樣樣切得細細,

2位好朋友同一日生日, 由於壽星女想去澳門, 所以我地一行4人一早出發。提早一個星期前打電話去澳門四季訂4位星期日自助午餐 (因為覺得夜晚食太貴, 但係lunch buffet原來都唔平...)>>lunch buffet時段係 11.30am - 3pm 時間充裕, 可以慢慢食慢慢消化>>hk$320 再+10%, 即係hk$350雖然食個lunch buffet成三百幾蚊好似好貴咁, 但係呢度服務, 環境, 食物質素等等, 全部都滿分架~>>服務一流一離開個位去拎野食, 個侍應哥哥就即刻去幫我摺疊好條餐巾, 超勤快>>地方闊落唔使同人迫, 而且客人質素高, 唔使下下好似同人搶咁

係澳門賭完錢(?)梗係肚仔餓ga啦......想食自助餐~呢度得2個選擇~"豐足"之前就食過~但唔覺得好"豐足"~而且比呢度個甜品櫃x引住....好似好正咁~更係入去試試啦!!xd(題外話:"鳴詩"呢個名開係賭場裡好抵死!!)入到去~覺得d環境好舒服~d坐位都幾好坐低即刻有人問我想飲咩~叫左杯凍coffee~都ok啦~~哈哈!!野食,其實就唔係認真多.....我認為d龍蝦仔唔好食~~澀澀地咁??一d都唔鮮...不過d凍蝦都ok~個度有老火湯飲~我本身就唔會拎~不過丫媽拎左比我~飲左1/2碗....係人參湯...味道都ok ge.....魚生d種類唔多~~~我惟有係咁食三文魚...熱食我like蒸魚~佢有d點心~食左幾隻餃子~味道都ok~其他仲有泰國野食~不過冇咩試到食到咁上下就狂拎甜品食!xd!但唔知點解我搵唔到有雪糕???好可惜!!唔知係未個日冇~定係我搵唔到....食左好多朱古力!!xd試左個木槺布丁...都ok ge...唔係想像中咁樣...不過最煩ge係拎甜品要同人講~(拎正d個d~)我本身想樣樣都試~最後只試左好少.....下次未必會再去....係個甜品櫃引左d人入黎!!xd

鳴詩標誌著走高級的意念，食材相比其他的自助餐屬中上水平，食物的種類不算很豐富，精彩的部份好像偏重於甜品方面；雖說熱餐有多國菜的選擇；味道帶來的驚喜卻不多，餐點上的魚則值得一讚，肉質仍有彈性，有別於其他自助餐死木木的雪藏魚；甜品方面，品相很精緻，看著了便會吸引你去拿走它；若以價錢衡量，偏貴；食材方面它可以挑選更好的！

一直都未有機會去試，今日同老公都放大假，終於打電話訂枱，仲以為會好爆，點知七點半去到，都仲有大把枱係吉既！一坐低個經理（定係部長呢？）問我哋飲啲咩！打開個餐牌睇，礦泉水都要四五十蚊，我估係細枝裝！佢話個餐包一杯coffee or tea，咁我咪先叫佢俾杯regular water我先！點知佢攞咗兩杯大冰水過來，入面有三片檸檬，仲俾埋糖漿！我好surprise，以為佢聽錯咗要iced lemon water，點知佢話呢杯係普通水，不過加咗檸檬會fresh啲，又諗住我會鐘意甜甜地，所以俾埋syrup我加.....嘩！呢杯regular water仲可以不停refill，我覺得佢哋好nice呀！講到食物，可能個個食完都大讚，令到我本身有好大期望，其實佢啲野食都唔錯，不過我淨係食龍蝦，蟹腳，翡翠螺，ham（有好多款），cheese（有好多款，再配乾果&nuts），配埋啲麵飽，都已經好飽！熱食都有好多野，不過我冇咩點食，但要值得一提就係有一款燉湯，有菜膽，雞腳，冬菇，瘦肉，我一共飲咗兩碗！好好味，個菜膽好甜！味道就好似酒樓既菜膽燉花膠或者燉翅一樣，只係欠咗舊花膠啫（不過就算出去食，個舊花膠都係細

2009年2月9日....掙扎左好耐先決定來四季試下buffet( 其實係因為有人請lo)lee度d服務係最值得稱讚..首先,一到步就有代客泊車lo,正!講翻正題,食物方面,種類齊全:海鮮---龍蝦新鮮,長腳蟹最鮮甜,不過有d咸,蝦,翡翠螺都ok;刺身---種類不多,只有三文魚,吞拿魚,八爪魚,同埋蛋..而且5係即席切,感覺有d薄身;熱盤---咖哩羊\牛\雞都有,仲有不同款的印度餅俾我配住吃,水平一般la,要趁熱吃; 都有好多粵菜菜式,其中桂花蚌最好味 還有海參炆鵝掌,哈哈,不過我揾來揾去都無海參呢;串燒---躲在1,2角的位置,感覺幾好,一串串咁,你自己選擇材料,廚師幫你燒好,有人送到俾你wor..薄餅---千奇5好錯過"四式cheese pizza"甜品---款式都算ok,cheese cake最好食,我encore左2次tim...其他甜品個look ok ga,不過本人對甜品有一定要求,所以覺得一般lo...雪糕---係Hagen Daz ga...Frd話豬古力最好食,不過我覺得略為濃,雪芭反而比較適合,酸酸的.總結:好飽...想吃多d龍蝦都5得looo

星期一跟同事一行十二人到四季酒店食自助餐,入到去已經覺得好有氣勢, 從未見過咁大個甜品 corner, cold cut and hot dish corners 也是自成一角, 餐枱與餐枱隔得非常開, 第一個已很好海鮮: 長腳蟹(較鹹),大蝦, 花蟹, 扁貝, 螺 , 所有都超新鮮cold cut: very expensive parma ham, so delicious and yummy. I think there is only very few hotels in HK can provide parma ham.: six kinds of cheese. I haven't taste any. So no comment, but my friend told me they are all OK.:hot dishes:乾煎大蝦 (食咗8 隻),花旗参煲雞湯(落足料,好甜),四式芝土Pizza(一定要試, 否則走寶), : barbecue corner: beef overcook, not so good.: desert corner: 朱古力, 木糠布丁

原本想訂聖誕節25號晚餐,但全full 了,唯有食lunch buffet(其實相差只係$30大洋)-海鮮有長腳蟹(味淡,麻麻),帶子,翡翠螺(好新鮮,好得),青口,灼蝦(平時我通常唔食,因為太普通,但今次好鮮味,d肉無死實實),花蟹-魚生 只有三文魚,軟殼蟹太卷2款,無試-有風乾火腿,我和亞妹的最愛,平時100g都好貴-有印度食物同我最鍾意的naan,點印式醬料,印度羊同雞等等,味道比其他酒店整的印度食品好得多-熱盤款式比較大路,蝦仁蘆筍,雞等等,起初對點心有點期望,但試過蝦鮫,覺得一般,重有即整湯麵,粥,同pasta-反而甜品係超驚喜,其實,我一向都少食甜品,今次見到都忍唔住,佢地用料無咁一般,黑莓同無花果係我最鍾意,用黎整的甜品,我當然唔放過!-重可以響甜品櫃選自己鍾意的蛋糕/jelly or mousse cup等等, 還有朱古力噴泉/朱古力,cup cake,macaroon,總之,見到點會忍得住唔食,rasberry mousse cake亞妹話好滑,好soft!-生果都係一般,西瓜,melon/pineapple/grapefruit等等-雪糕要同侍應order的,但到咁

星期六因為屋企有2個人生日+預祝聖誕, 決定坐金光黎四季食自助餐5點黎到訂位, 點知侍應話full哂, 不過可以試下6:30walk-in, 咁就好乖乖咁行完威尼斯人, 6:00準時等位, 到6:15, 侍應話可以比位我地, 超開心, 咁就做左第一位入場既客人趁仲有15分鐘, 拎部傻瓜機影下先啦~冷盤唔算有驚喜, 不過有大量既小龍蝦(唔係新葡好深色果d怪樣龍蝦), 帶子, 大蝦, 蟹腳....最正都係有龍蝦食(7:00開始就好多人排隊拎, REFILL左最少5次)熱盤類有燒牛肉(已預切好), 東星班, 特色葡菜...最大驚喜係有法國芥末子芥辣醬, 原裝法國貨, 正! 星班已經起左骨, 切好一片片, 想食咩部份叫靚仔廚師切出黎, 好服務!廚房仲有印度燒爐, 燒出黎既乳酪三文魚, 燒雞, 食落夠滑.涷肉有驚喜! 原隻風乾火腿即切, 加上各種風乾火腿, 腿迷必試!芝士有6款, 葡/法/瑞士既羊奶同牛奶芝士都有, 乾果類有夏威夷果仁甜品係最正!! 2大甜品雪櫃, +蛋糕, 生果盤+朱古力噴泉, 最討我歡心係放朱古力既擺設, 估唔到朱古力都可以咁放原來仲有雪糕收收埋埋, 要叫侍應去拎(侍應解釋話