Chotto Maki (廈門街)

營業中

休息中

今日天氣麻麻地，收工勁大雨，完全無意欲想出去食飯。我又懶得煮，決定周圍睇下有咩外賣既好選擇。最近日日都出街食火鍋、放題、燒肉，搞到個人膩膩地，就想食啲健康簡單既食物，經過比我見到chotto maki。主打壽司卷物既餐廳，我叫左幾款外賣。我叫左Crunch和spice me up。分別喺三文魚、蔬菜、露筍、天婦羅脆片、玉子、wasabi mayo醬和黑芝麻醬。另一款喺鰻魚、帶子、青瓜、海帶、蘋果jelly、辣既mayo醬。賣相太吸引啦！打開盒，顏色豐富又好靚，調味相當恰到好處，唔會太淡口無味，又會愈食愈滋味！材料相當新鮮，而且即叫即製！最鐘意crunch，醬汁好香甜，入口脆脆地又豐富三文魚香味。壽司味道層次好豐富，可以遲啲再黎食。

之前上網見到哩間啲壽司都覺得賣相好吸引今日路過就買外拎左番屋企食———————————————-Lobster roll 2.0 ($98)外層係牛油果三文魚加上沙律醬中間係龍蝦露筍沙律食落口感好豐富 好食Mango dynamite($72)外層係酸酸甜甜既芒果 上面灑左少少飛魚粉籽中間就係天娜羅蝦同埋切到好幼既青瓜條整體感覺配搭清新Chicken karage ($28)拎到番屋企個皮焗住淋左少少但番叮番依然好食肉質嫩滑多汁————————————外賣盒整得好靚又實淨我咁粗魯拎番屋企啲壽司都仲完好無缺雖然價錢係貴少少 但值得一試

平時lunch都有買chotto maki takeaway翻公司食。今日行過見到佢新出lobster roll 2.0，好似幾吸引咁，就同同事一齊買啦～之前次次都食cali salmon，今次除左試lobster roll 2.0，我地仲揀左個自選卷物，可以揀哂自己鐘意食既魚生同配料🤙🏻lobster roll 2.0其實我無食過lobster roll 1.0🤣所以唔知同之前個version有咩分別🤭不過lobster roll 2.0相當足料，個roll裏面塞滿哂龍蝦肉，十分鮮甜美味。另外卷物面層仲有炙燒三文魚同牛油果，令味道更為豐富。自選卷物我地揀左油甘魚、牛油果、玉子、吞拿魚片(要另加10蚊)、黑松露蛋黃醬、芥末蛋黃醬同炸蒜片。全部都係我既至愛😍建議最好正係揀一個sauce，因為自選有得揀兩個，略嫌太多sauce搶左甸生既鮮味🙈

即整，menu有好多款加州卷揀，有巨大卷(3件), 大卷(4件)同正常卷(8件), 即叫即整，要等一陣先有得拎。有生/熟選擇，係西式style嘅壽司餐廳，即係餡係入邊，中間係紫菜飯係最外層。相傳加州手卷係呢個做法嘅原因就係因為壽司去到美國嘅時候受歡迎，有個廚師林務將飯放喺出邊調返轉，等佢哋知道其實係飯嚟，有個熟悉嘅感覺慢慢再接受壽司呢個食物平時除咗食下迴轉，好多時等唔到位嘅時候就要食其他，超市唔會揀，呢間係首選☺️式除咗加州卷style之外，上面仲會有mayonnaise, 唔洗點豉油已經好豐富嘅味道Philadelphia有三文魚，cream cheese同牛油果，一啖塞滿口勁大舊！C-Dragon 炸鰻魚片，炸蕃薯，同樣有醬，勁滿足！

呢間女仔頭shushi 因為好近公司，所以時不時都會去買外賣食～ 今次又同朋友黎左啦～ 同之前一樣都係揀一大一細卷 再加$22要個烏冬就剛剛好～佢仲可以加麵鼓湯或者沙律架Philadelphia Roll $72入面有三文魚、忌廉芝士、牛油果、蟹籽沙律蛋黃醬、照燒鰻魚汁等。而三文魚採用厚切，又夠新鮮，再加埋清新嘅牛油果，令到整體感覺更加清爽，而蟹籽沙律令口感層次得以提升，最後忌廉芝士就更能突出三文魚嘅鮮味之餘仲帶有獨特嘅奶香味，令人一食愛上。Beefyaki $72 另一款人氣熟食卷物卷物入面有牛肉、青瓜絲、牛油果、腐皮、炸蒜片等等，材料新鮮，有清爽嘅口感，牛肉加埋燒汁好香好惹味～ 烏冬(+$22) 嘩比我想像中足料，仲有腐皮超感動 ！

今日返工返到悶悶哋，諗返起公司附近的公仔頭壽司舖 ， 叫個外賣充下電先， 雖然價錢唔算平，但係絕對高質，即叫即做。炸雞塊好似係新出品 。由於外賣的關係，用咗錫紙袋包裝，keep到熱力，返到公司仲係脆同暖， 好細心。雞塊好juicy，28蚊有4-5件算係抵食，附上檸檬小片。龍蝦卷呢個係我嘅至愛， 也是舖頭的 Signature dish，在餐牌裏面冇寫的。餡料有矜貴的龍蝦加爽爽脆脆脆的菜類，外層係三文魚同牛油果，食起上嚟好夾，配上特調醬汁好滋味。芒果蝦卷顏色買相已經非常吸引，芒果在外層加上綠色粒粒魚子， 有炸蝦天婦羅同青瓜絲做餡， 食落甜甜地脆脆地，口感豐富。

環境：裝修紅藍拼色青春有活力☺️雖然主力係做外賣，但店舖都有幾張枱for 人即時堂食特點：主力做美式卷物。 特點係份量大大份同埋餡料除咗有傳統刺身餡料外，仲有fushion 啲餡料，例如蘋果啫喱、黑松露蛋黃醬等等我今次食3號嘅SPICE ME UP同5號SEA MONSTER☺️兩款卷物都係即時製作😆而且廚房透明開夜，可以見到師傅係到製作都幾治癒😆 兩款卷物卷出嚟都係餡料畀飯粒多，夠晒足料☺️SPICE ME UP 主要以鰻魚作餡料☺️卷物因為有Apple Jelly, Spicy Mayo，所以入口酸辣甜好開胃SEA MONSTER就主要以蟹肉作餡料☺️入口比較咸鮮爽甜，清新之選

見完客岩岩好就係Lunch hour, 落左去灣仔一間主打即叫即做既壽司店Chotto Maki, 款式唔係話好多, 不過對我黎講好食既話一款都夠喇!😄最緊要就算即叫即做佢地都做得好快手, 幾分鐘左右就完成👍🏾1/ Crunch(Signature Roll)🍣 $72含有好多唔同種類既健康配料在內, 有三文魚、什錦蔬菜、蘆筍、玉子、天婦羅脆餅、櫻花蝦、芥末蛋黃醬、黑芝麻醬, 但食落口每一種味道都清楚食得到😋2/ Philadelphia(Classic Roll)🍣 $72Classic既款式係出邊都有食過, 但呢間既醬汁超多, 而呢款既配料有三文魚、奶油芝士、牛油果、飛魚子、蛋黃醬、鰻魚醬, 所以食落口感好Rich👍🏾3/ Chicken Karage🍗 $28保温既石紙包住行返公司都唔怕凍左, 外脆內嫩既雞肉配埋檸檬汁黎食好Juicy!!4/ Apple Cider🍎 $28 蘋果味既汽水, 日本進口, 酸甜味岩岩好, 送壽司食都好夾👍🏾

難得來到灣仔區staycation，終於有機會order 到 位於港島區的Chotto Maki 外賣嚐嚐😍由於只有兩個人，所以不能選擇太多。經過今天篩選之後，最後選擇了兩款 Signature Custom Rolls， 一款 Classic Rolls 及 salmon & scallops sushi.不到20分鐘就送到了！原來Signature Custom Rolls 份量超大，本來以為只有四件不多，誰知它的餡料都佔了四分三了！ 非常抵食！

灣仔向來都係美食天堂，形形色色嘅食店布滿大街小巷，競爭異常激烈，能夠持續經營而不被淘汰嘅，質素應該都有返咁上下。我多次到訪嘅廈門街Chotto Maki就係其中一間。今日相約朋友在灣仔聚舊，想食少少嘢，好自然就嚟咗Chotto Maki，趁傍晚時分客人唔多，嗱嗱聲柯打咗食物，一於邊食邊傾偈。1.Mango Dynamite Roll珍珠飯卷住天婦羅蝦，外層係清甜嘅芒果和綠色嘅飛魚籽，加醬油清新好食。👍2.Beef- iyaki飯卷嘅牛肉份量都好足夠，加上蒜片、照燒汁、牛油果，味道口感俱佳。🙂3.Chicken Karage小食炸雞即叫即炸，加几滴檸檬汁，皮脆肉嫩。👍4.Apple Cider5.Peach Cider完熟蘋果和白桃梳打水，冰涼好飲。😊小總結：Chotto Maki嘅飯卷即叫即做，材料配搭新穎，組合更可自由決定，時尚又美味，性價比高。如經常都係食開中、西式食品，呢度嘅特色飯卷係唔錯嘅選擇。😋

呢晚有啲野要做過咗嚟灣仔，諗住做嘢之前去買個外賣快食，行過見到呢間Chotto Maki，就入去試吓啦。其實之前已經幫襯過佢嘅中環店，記得嗰次係第一次食，印象中係幾唔錯，所以今次都幾期待。入到舖頭，佢鋪面唔大，容納到10至15人左右。不過我外賣，所以冇所謂啦。然後就行過去counter，準備嗌嘢食啦。店員好有禮貌咁遞咗份Menu俾我，我睇咗陣，叫左一個 『604 Crunch』Signature roll 同埋一個 『BLACK MAGMA』Classic roll，另外仲叫左支apple cider 同埋麵豉湯。落完單，店員就即刻開始整我張單喇，等左5至10分鐘左右，我既食物就pack好晒喇。首先我試左『604 Crunch』，佢都幾大件，一啖好難咬得晒，但我都嘗試張個口擘到最大，勉強張大半個卷放到入口，因為我想一次過試到佢入面既三文魚，玉子同疏菜，口感豐富有層次，配埋面頭既wasabi醬，好味。食完咁有口感既signature roll，跟住就試下個『BLACK MAGMA』。呢款classic roll同signature roll最唔同就係，佢每一件都可以一啖放晒入口，大少適中

𝑺𝒖𝒔𝒉𝒊 𝑹𝒐𝒍𝒍 @ 𝑪𝒉𝒐𝒕𝒕𝒐 𝑴𝒂𝒌𝒊一到夏天就好想食啲清新啲嘅嘢經過灣仔就嚟試吓佢哋嘅壽司卷外賣番屋企食～佢有好多款唔同signature同classic嘅Roll仲可以俾你自己自創卷物肉類、 蔬菜、卷上、醬料、配料全部都可以自己揀我今次就直接揀佢已經定好嘅卷物全部都係即叫即做夠晒新鮮!ꜱᴘɪᴄᴇ ᴍᴇ ᴜᴘ $72 呢款嘅配搭好有趣！有鰻魚、 青瓜、海藻、蘋果啫喱、辣蛋黃醬!!口感好豐富！ 蛋黃醬微辣，幾惹味～ʙʟᴀᴄᴋ ᴍᴀɢᴍᴀ ʀᴏʟʟ $72 呢款係有帆立貝、吞拿魚蓉、天婦羅脆脆同黑芝麻醬，口感好豐富飯同餡料嘅比例好好醬汁都幾夾~ 呢兩種卷嘅份量都幾大!ꜱᴀʟᴍᴏɴ ꜱᴜꜱʜɪ $29三文魚壽司都幾肥美~ 📍 𝐂𝐡𝐨𝐭𝐭𝐨 𝐌𝐚𝐤𝐢 @chottomakihk 灣仔廈門街33號地舖中環利源西街3號地下

去咗利東街行， 經過見到呢間舖頭個公仔好得意，就畀佢吸引咗入去睇下有咩食好多唔同款式嘅飯卷選擇，睇個食物嘅賣相都幾吸引，反正都夠鐘食lunch，就同朋友一齊買咗啲外賣試下外賣都包裝到好靚，揀咗第一款係龍蝦卷，食到裏面有龍蝦肉，蟹柳，牛油果……外面捲住三文魚，加埋佢哋特調嘅醬汁，成個飯卷嘅味道都好夾同朋友share食好快就食曬第二款揀咗芒果卷， 餡料有炸蝦天婦羅、青瓜、芒果、飛魚子同鰻魚汁，好足料， 飛魚子脆卜卜好有口感，同埋雖然係外賣， 但係個炸蝦天婦羅仍然脆口好食，可能因為佢係即叫即做所以冇淋到仲要咗一份炸雞小食， 皮脆肉嫩，加少少新鮮檸檬汁，好好食， 唔需要再有額外嘅汁醬，都好夠味雖然呢個小食簡單， 但係佢真心整得好食下次再經過都一定會再幫襯

2022年5月19日 星期四今日係灣仔果頭放工，之後想直接買外賣返屋企食，唔想買餸煮飯，於是就即時諗到食呢間餐廳，因為之前食過性價比好高餐廳係利東街隔離，位置都幾方便，地鐵站出口行大約5分鐘左右就到餐廳有好多款卷物提供，總有一款岩心意，就算唔岩都可以自創卷物，挑選鍾意嘅配料同醬汁，自由度好高，而且價錢灣仔黎講算合理最後我要左兩款卷物加幾件壽司，應該足夠我同老婆兩個人食一點完餐之後就見到店員即時包飯卷，完全唔係預先整定，夠晒新鮮，而且手法好純熟，唔使10分鐘就已經整好返到去打開外賣盒先見到每舊壽司原來都唔細，特別係我點嘅火炙帆立貝，厚切之餘又夠新鮮，食落去有咬口，而且有少少火炙既微薰之後到卷物嘅環節，有呢個Philadelphia，裡面有三文魚、牛油果同忌廉芝士等等，配上沙律醬同蟹籽，味道幾夾，又唔會太膩，冇諗過三文魚配忌廉芝士效果又唔錯，但食完又唔覺得太滯至於另一款卷物就係black magma，顧名思義有黑色既元素，餡料有帆立貝、吞拿魚蓉同天婦羅脆脆，口感好豐富，每一啖都食到吞拿魚蓉，同醬汁都幾配合，兩個人食都夠晒飽

👉下午🈶️會議，午餐不想吃太多，以免飯氣攻心。同事提議來個輕食，那壽司最好不過。。。☺️來到看了餐單，每人點了一客飯卷一起吃‼️📌1. (604) Crunch $72 ～ 一客4️⃣件的Signature Rolls內🈶️三文魚、雜菜、蘆筍、玉子燒，多餸少飯。三文魚跟玉子燒都是大大粒的，餡料豐富。☝️面層鋪上櫻花蝦增加賣相，芥末沙律醬也令飯卷味道提升。🥰📌8. Mango Dynamite $72 ～ Classic Rolls  🈶️8⃣️小件，飯卷包著天婦羅炸蝦🍤、青瓜絲🥒、上面鋪上芒果🥭、日式燒汁，芒果配醋飯味道不錯，又🈶️新鮮感。☝️燒汁已🈶️味道，豉油也🉑️省掉。☺️📌Apple Cider , 📌Yuzu Cider 各 $28 ～ 🈶️汽的萍果、柚子水，原日本🇯🇵進口，也是甜甜酸酸的，很醒神。。。輕鬆飽餐後繼續搏殺。💪