泓一拉麵

Open Now

Now Closed

次次經過泓一都大排長龍，但可能熱情推卻了一點，所以總算排隊唔使咁耐！今次係留定肚嚟食，所以一次過嗌了兩款人氣拉麵。第一碗當然係雞白湯拉麵，師傅用打泡機在白雞湯上打泡，在湯面上形成了一層厚厚的泡沫，繼而增加白湯的口感，飲得出濃濃的雞湯味，另外配搭了雞肉叉燒，同埋啲筍，相當唔錯！最難得嘅係隻溫泉蛋，比其他拉麵店的溫泉蛋更加入味，證明佢哋浸咗比較耐，我就鍾意呢種味道。整體而言十分配合。跟住第二碗就係背脂醬油拉麵，其實我覺得呢個比雞白湯更加出色，首先食得出陣陣的醬香，比普通原味湯麵有一浸濃濃的香味，層次更加豐富！另外雖然在湯裏加上背脂，但係飲落去完全唔飲唔到肥膩嘅感覺，反而好清新！所以我好鍾意佢！加上薄薄嘅叉燒同埋溫泉蛋，真係冇得頂！

小店內位置不多，門口經常大排長龍，就算我5時半到達，亦等候了差不多45分鐘才能進內。———————————————————————點了最受歡迎的雞白湯拉麵。賣相十分特別，表面佈滿了由雞湯打成的泡泡，湯頭十分濃郁！每一口都有雞味湧出，而家質地偏稠有膠質，喝得出湯底絕對是真材實料，用心熬整而成。配料方面有兩塊豬叉燒，兩塊雞叉燒。豬肥瘦均勻，肉質鬆化但略嫌太薄；雞較厚，口感亦軟腍，但未有驚喜，與豬叉燒一樣只屬正常。蛋是醬油流心蛋，醬油入味，流心效果出色。

紅日6點半嚟到，有大約10個人排緊，店入面好細，只有8個位左右，排左半個鐘左右。呢日嘅辣醬油拉麵同餃子都賣晒，冇得試餃子添。如果有餃子，可以優惠價加日式餃子，大阪燒風餃子就冇得優惠價。雞白湯拉麵 $98筍唔苦，洋蔥幾辣雞白湯好香滑，但可以再濃味啲，比較淡雞白好嫩滑但比較薄同細塊慢煮叉燒唔鞋亦唔肥，幾嫩溏心蛋岩岩好鰹魚拉麵 $88好香濃嘅鰹魚味，啲鰹魚絲好香湯底清清地飲落都唔會膩，但都好香魚味拉麵口感幾好，唔會太淋唔洗加一服務費，幾抵，凍水放喺面前任斟。

一直好想試試呢間拉麵店🍜每次經過都見到有人排隊，似乎人氣不滅。店舖大約有七個位，喺平日嘅lunch hour都排咗半個鐘，食完都覺得值得一試嘅～係香港嘅拉麵界黎講，性價比算幾高😎ꞋꞌꞋꞌꞋꞌଘ 雞白湯拉麵 $98 ▸ 7/10呢碗係佢地嘅招牌拉麵🐓 但冇好驚艷 不過不失拉麵表面有一層奶白色泡泡 口感creamy得黎唔會過稠 夠順滑洋蔥碎令湯底更清新 唔會膩味道尚算清甜🌿 但略嫌雞味唔夠出但對於重口味人士黎講可能過望清淡🫣..麵體係偏幼身嘅小麥曲麵係自家製作嘅 帶有微微麥香🌾有嚼勁 掛湯能力就一般 ..豚叉燒油脂較少唔夠香經過低溫烹煮 肉質夠軟嫩 至於雞叉燒肉質就少柴半熟蛋 流心效果剛剛好但叉燒同蛋都係冇乜調味 略嫌淡口🥲ଘ 背脂醬油拉麵 $88 ▸ 7.5/10呢個湯底比較啱重口味人士食表層滿滿細膩嘅背脂 睇都覺得邪惡😈背脂令湯底變得極濃郁香醇食麵時口感亦更添滑嫩感小編飲咗唔少湯 食完真係會比較膩🤣呢碗同樣配溏心蛋 豬及雞叉燒各一背脂拉麵係香港唔算普遍🧐可以一試！ℹ️另外research完發現背脂原來係位於豬背部嘅脂肪相較於內臟脂肪比較乾淨同冇豬臊味𝘙𝘦𝘷𝘪𝘴𝘪𝘵: 𝘮𝘢𝘺𝘣𝘦𝘙𝘦𝘴𝘦𝘳

專登出紅磡食泓一星期五大約1:30左右到門口都有小人龍，但只係排到隔離鋪邊邊位唔算多人，約4-5人係前面等候時間都比想像中快差不多15-20分鐘就入座*雞白湯拉麵 湯底濃厚，黏口，雞味唔算好出，不過偏重口味，對本人黎講就咸左啲有雞肉 叉燒 溏心蛋拉麵重麥味 👍🏻算掛湯紫洋蔥好生，食得多好辣，有點減分溏心蛋 太過溏心，小小蛋白位都未熟以前第一次食覺得好好食 驚為天人事隔幾年再黎食感覺無第一次咁好食*背脂醬油拉麵原本以為醬油會比雞白湯重口味點知無雞白湯咁咸（雖然飲多兩啖湯都係咸，但係雞白湯第一啖已經咸咁誇張）背脂足夠 但唔算好香一樣有雞肉 叉燒 溏心蛋同雞白湯分別在少左紫洋蔥，轉左普通綠色蔥*兩者其實好食嘅，拉麵夠熱不過覺得好似無以前咁好食希望溏心蛋控制好啲，應該只有蛋黃流心，蛋白位會全熟

真心好誇張🫣 佢哋18:00開門 我18:15去到已經要排隊 我排左大概20分鐘 搞到我超級好奇係唔係真係值得排～裡面細細間 裡面只有7個位 全部都係bar檯每樣都係即叫即整👍🏻😛 所以上菜都要少少時間呢間適合一個人過來食個快飯 唔會有時間比你同朋友傾計ʕ •ᴥ•ʔ雞白湯拉麵🍜 ($98)係外面排隊已經聞到超級香既雞白湯味 拉麵湯底非常濃郁 仲有打泡🫧 好香雞味 但係骨膠原又未話超級重 食完唔會話嘴唇有個種油脂滿滿的感覺👀 麵條都幾彈牙 而且用左全麥麵 叉燒應該用左少少胡椒係側邊醃 肥瘦比例平均 慢煮雞肉絕對唔柴 仲有少少煙芬味✨ 味道：👅👅👅👅/5 📍泓一拉麵 (紅磡)地址：紅磡民泰街29號德民大廈地下F4號舖

今日行過紅磡附近心血來潮想食拉麵🍜 就嚟二刷泓一拉麵，上次就嚟食咗香港比較少有嘅背脂醬油拉麵，不過味道就麻麻，冇以前嘅混亂拉麵咁重口味咁出色😅我今次就嗌咗佢嘅招牌雞白湯拉麵$98👍🏻 麵條方面，係老闆親自製作拉麵條，加入了小麥，麵條除咗有煙韌仲有淡淡的麥味👍🏻 雞白湯的湯底以雞殼、雞骨等自家熬製8個鐘，成個湯底都係充滿雞嘅精華，我都差唔多飲晒成碗湯亦都唔口渴👍🏻😋 至於配菜方面，就有一個豚叉燒同一個雞叉燒，雞叉燒好嫩滑，豚肉叉燒亦都火炙過👍🏻 最值得一讚嘅係佢嘅筍同埋糖心蛋都係經過醬油漬，連我呢個平時唔食開筍嘅人都食晒佢嘅筍👍🏻 糖心蛋熟嘅程度啱啱好做到裏面流心，而且蛋黃亦都有醬油味，總體嚟講$98一碗拉麵值得大推，比背脂醬油好食，不過排隊等嘅時間會比較耐😅

由佢啱啱開冇咩人排隊，到而家大排長龍。近期再加開太子分店，作為熟客倍感安慰。估唔到喺日本食過嘅虹吸做法嘅拉麵都有，自家製麵條喺重點，拉麵沾麵都正。湯嘅溫度一定夠熱，麵一定冇鹼水味，蛋一定有蛋味同流心，每件事都做到剛剛好。沾麵汁凍咗可以加熱，細心過韓國暖男。食咗兩次雞二郞限定店員就認得我，記性好過Chat GPT。希望嚟緊會有多啲新限定，有返雞白湯同魚介沾麵就好。十八區分店都有一間。泓一作為香港世一絕不為過。

一早黎到泓一潮聖，大概11點40 黎到已經有7,8 個人排緊隊鋪頭好細, 大概坐到8個人, 所以入唔到第一輪, 不過拉麵店勝在大家食完就會走人, 所以都係等多廿分鍾左右就入到去喇! 友人一早睇左網上食評想試佢既雞白湯沾麵, 但當日就只有海老沾麵, 所以我地都簡左佢既第一位 -- 雞白湯拉麵! 拉麵上有層薄薄的泡, 配上兩款蔥, 一隻糖心蛋，兩片叉燒，一片雞肉先飲啖湯,  雞味係有既, 但未算係濃郁, 而且有D 咸拉麵採用幼麵, 軟硬適中,  汁可以掛麵雞肉夠嫩, 還有淡淡的煙燻味, 幾特別! 另外糖心蛋都要讚一讚, 好入味, 一咬開, 好靚仔! 整體而言, 可能見網上評價都幾高, 所以原本對佢既期望都幾大但食完之後, 就覺得有D 言過其實, 我會話佢既雞白湯拉麵不過不失啦, 但就冇咩驚喜 

平日晏晝嚟啱啱開舖冇耐已經好多人排隊，好彩喺開始排隊前入到去坐就一定唔舒服㗎啦，人同人之間坐得好近，張凳亦都係一啲唔舒服嘅木製圓凳，大概八個人手踭貼手踭咁食拉麵今次叫咗雞白湯拉麵，賣相其實冇其他相同評價嘅雞白湯拉麵咁靚仔湯頭方面十分夠熱，佢唔係好純嘅雞白湯，而係加咗醬油，所以食落會比其他雞白湯拉麵舖嘅較為濃味，但我個人就對加咗豉油嘅雞扒湯都唔太反感所以都幾鍾意，而打出嚟嘅泡沫，亦都令成個湯更加濃郁細膩拉麵麵質方面煮嘅軟硬程度啱啱好，微微偏硬，係我鍾意嘅口感，而本身麵條方面亦都有心機，係食到明顯嘅麥味，呢個相比其他餐廳係做得好嘅，麵條嘅掛湯程度都十分好叉燒方面不過不失，冇特別亮眼之處，但亦絕對唔難食整體嚟講呢碗雞白湯拉麵係屬於中上水平，但如果要天氣咁熱底下喺門口排咁耐隊，入到去坐低又唔舒服嘅話我都唔會再排隊入呢間嘢食

、泓一拉麵成日見到人推薦，想試好耐，但係見個個都話去到要排好耐隊，所以就打消左呢個念頭。今次終於下定決心去試！食完完全冇失望！不過要排咁耐隊食就要諗諗了。  1️⃣雞白湯拉麵（$98） 每碗拉麵本身都有筍、蔥、慢煮雞胸、叉燒同埋一隻溏心蛋。一上台，奶白色既奶泡完全遮蓋曬底下既配料。湯底係好香濃既雞湯味，唔會油膩亦都唔會過鹹。慢煮雞胸好滑！然後佢地既糖心蛋又係非常出色！入曬味而且中間係橙黃色既好好食！最特別既一定係佢地既麵🤩有啲黃色一點點咁，食落有咬口得黎帶少少麥香～  2⃣️海老沾麵（$98） 個沾麵都唔錯！本身就係衝住佢既雞白湯拉麵而來，冇諗過佢地既沾麵都幾好食！麵條比起拉麵果款再粗身啲，口感更加彈牙，而且都係果種有啲小麥點點既麵條😌海老味道都幾濃！掛汁！   

久仰大名嘅人氣雞白湯拉麵，第一次經過見到大排長龍，所以就放棄咗。今次特登趁平日中午12點去排，去到前面有6個人左右，望入去鋪頭得7-8個座位，以為可能要等至少個半鐘，好彩大概等咗45分鐘左右就入得啦🤓雞白湯拉麵 💰HK$98呢到主打就係好濃郁嘅雞白湯拉麵，而鍾意淡口味嘅我就決定試吓呢個招牌菜，感覺上冇豬骨濃湯咁油膩。點知碗麵一嚟到嗰陣就見到佢係奶白色嘅湯底，碗旁邊仲有啲起泡嘅感覺，即刻忍唔住試咗啖湯先，果然係預期之中咁好濃郁🤤美中不足係我唔記得咗走佢表面嗰啲菜同埋洋蔥，呢兩樣嘅味道有啲生。溏心蛋就正正常常，自家小麥拉麵有咬口，但略嫌掛湯唔係好夠。個湯真係好好飲好creamy，不過食到最後覺得有啲漏，所以食唔晒啲小麥拉麵🙈不過環境就偏細，坐得唔係好舒服，如果地面再大啲就好了。總括嚟講係如果下次唔使排隊就會再食，要排好耐隊就可以免了，冇想像中咁值得排隊～

泓一除咗出名食雞白湯拉麵，仲好出名細間😂 入面得7個位，所以未到6點開舖，已經開始有人排隊。*雞白湯拉麵 $98雞湯用日本九洲香草雞雞殼長時間熬製，呈淡黃色，再用均質機打到起泡。湯頭順滑香濃，比起中式雞湯嘅甘甜、西式雞湯嘅濃厚奶香，感覺泓一雞湯多一份清爽感。自家製拉麵幼身，彈牙爽口，加入小麥粉令麵條帶麥香，不過略為掛唔到湯，食麵連湯飲會比較理想。自家製叉燒經真空低溫烹調，粉嫩軟滑，不過味淡。雞胸肉片嫩滑帶煙燻味，個人覺得啱我多啲。溏心蛋滷到入味，蛋黃非常流心，如果可以熟多少少會更好。*日式餃子 $33拉麵加配餃子只需要$25。煎得好香又唔會太油膩，餡料肉嘅比例比較多，二人分享啱啱好。

泓一岩岩新開嘅時候食過一次，個陣感覺麻麻地，湯底比較濃味， really not my type。但最近同事話去食過覺得食落👌🏻，所以收工同男朋友仔一齊試試佢。我個碗就上先，整體感覺比上一次嘅體驗好好多，唔會太咸，亦食得出雞白湯嘅鮮味。但男朋友個碗就整體感覺偏咸，希望下次可以keep到個水準啦。

📌 泓一拉麵 - 紅磡德民街29號德民大廈地下F4號舖🗓(16/4) 星期日 ⏰ 晚上6點左右 🌐網址: https://s.openrice.com/QrbS0gyI4W0~ueeoDBA 💈特式：每次行過都見到呢間拉麵店大排長龍，一直都想試好耐，咁啱今次行過見到得4個人排，所以就即刻排埋一份，當時大約係5:40分，原來間舖晚市開6點，所以當時先唔係咁多人，但去到差唔多6點，門口已經排左差唔多20人，入到店先知原來餐廳只有8個吧枱坐位，唔怪得知一直都排長龍。🥩🍔🌭🌮🥗🥯🥘🍲🍝🍣🥟🍤🍱食物：餐廳主力賣拉麵，種類亦唔多，只有6款不同湯底嘅拉麵及1款沾麵，而家等我同大家講下🍜味道先。雞白湯拉麵 - 呢個係餐廳No.1推介，上台時見到個湯底真係好白，仲有好多泡沫，麵底係幼直身拉麵，配料有一隻糖心蛋，兩片叉燒，一片雞肉，筍條/紫洋蔥絲/蔥花。首先個湯底都係好清好香濃，飲完亦唔會口乾，全部清晒；麵質適中亦掛到湯汁，不過我下次可能會要求個麵底煮硬身少少，咁食到尾都仲可以食到麵個質感多d。配料比較簡單，但做得都唔錯，尤其係隻糖心蛋，味醂同醬油味足夠，同埋唔會只留係表面，入面都仲食到有味。背脂醬