老掌櫃東北菜館 (Moved) New Location

好耐無食片皮鴨 就上網搵下有咩推介 個個都讚呢間老掌櫃就試試佢！不過一搵先發覺 北京樓美中鴨子都係美心旗下 即刻唔洗考慮 雖然呢間老掌櫃都未知黃藍🧐Book左七點半 去到望落成間野九成坐滿 而所有座位都好逼太肚餓既關係 一去到就嗌左本身電話留左既半隻鴨 上菜速度非常快 幾分鐘就有鴨食 而d鴨同皮都熱辣辣 d皮整得非常薄 鴨肉香 皮唔算太脆 但份量搭救 2個人食 皮同肉食極都仲有另外仲嗌左好多人食既雞絲粉皮 的確係唔錯 雞絲 粉皮 青瓜同醬既份量控制得幾好 不過個醬偏淡味少少 雞肉唔滑 但又係大件夾抵食最後仲有個大蔥羊肉餡餅 係比較失望既 首先個皮係唔脆 非常之淋 而羊肉都幾羶 肉汁亦唔算多 所以係麻麻2個人 食到好飽啊😆總結黎講真係好平好抵食 但就唔係食過最好食既片皮鴨 menu海量選擇 下次同一班朋友食既話都可以考慮呢間順帶一提 餐廳擺枱擺得好迫 枱與枱之間基本上係無距離

與友人說了很久的片皮鴨餐 最後挑選了這間 一行4人 當然一早訂了枱 一訂便要2030 但勝在不用在街等吸廢氣😌《北京填鴨半隻》主角先上😍半隻已經好多 每人可分到4/5塊 肉質一點也不韌 充滿鴨香 皮是十分喜愛的薄皮 一點也不厚粉 也不易破 厚度適中 再自行加上京蔥&青瓜 解膩 可多吃幾片《雞絲粉皮》正 粉皮又滑又薄 有些更捲成一卷卷 口感更爽口 濃濃的麻醬味 幸好青瓜絲解膩 一百分配搭《千層醬豬耳》很少見橫切薄片的豬耳 令到平均每片都有3條豬耳軟骨 口感大大提升 而且這醬汁味濃中帶點辣 更醒胃 辣度連平常不吃辣的朋友也能勝任《秘製杭州骨》醬汁下有薯仔有菠蘿有杭州骨 略嫌杭州骨肉質較韌 肉的比例真的少之又少😅《黃金四季豆》不得了 黃金為鹹蛋黃 四季豆已不擋其滿足至膩 很好味 但亦很膩 適合一大班人分享 少吃多滋味《豆沙鍋餅》最後 當然少不了甜點 可惜這甜點的皮十分硬 真的鍋燒 紅豆則甜度適中連埋每人一杯飲料 最後4人消費了$622 滿足感滿瀉的一餐👍🏻

呢間隱世於大角咀角落既東北菜小店，黎到既時候最估唔到既係都幾多人排隊，好彩一早訂左枱唔係有排等🤤先黎講講小食，炒萵筍，呢個就正正常常，話就話炒但食落又唔算好油膩，佢唔係爽口個d而係偏向軟身，鐘唔鐘意就見仁見智啦😉第二樣小食就係雞絲粉皮，雞絲，青瓜，粉皮同埋麻醬，好簡單既四樣野配合起上黎就非常之好食🤤粉皮就相似河粉但佢就爽口彈牙多少少，想叫小食既話呢個係唔錯既選擇👍🏻千層醬豬耳，平時食豬耳多數一條好大條，呢到就會係一塊薄身咁食，估唔到食落口感差好遠，平時會咬到牙仔軟但呢隻係脆口得黎好爽身，配合埋其他配料就更香更好食👍🏻👍🏻小食講完就開始到主食啦，第一個係上湯雲吞，係一個唔算好特別既上等雲吞，皮薄餡靚，上湯都唔會話好重味精個d，食落好滿足🤤叫左全餐唯一一個面食，雞蛋蕃茄刀削面，個人覺得湯底比較濃，同個面唔蛋夾，刀削面都偏為軟身冇乜咬口感，有少許失望🤔🤔黎到今餐既主角片皮鴨，我地8個人就叫左1隻鴨，其實食落感覺都幾多，大家可以就住份量叫，不過記得要book個陣訂埋隻鴨唔係好似會冇🤪隻鴨唔算話好肥，個人唔鐘意食太肥既鴨，塊皮都算簿同埋有些少粉味（個人都幾鐘意）so far各個配料都唔錯叫做幾好

朋友生日飯食北京填鴨 朋友朋友介紹食老掌櫃係大角咀 係旺角同太子行過去到有啲遠 奧運站會好啲又估唔到咁不起眼的地方 門口都幾多人排隊好彩訂咗位 如果唔係唔知要等幾耐鋪位大 但有好多位 所有大家係坐得有啲迫雞絲粉皮 - 見到餐廳貼咗張野話係得奬菜色 我就覺得不過不失東北肉皮凍- 會用幾特別形容 口感似大菜糕咁 加上個汁都OK秋葵 - 也是不過不失吧北京填鴨（半隻）- 鴨皮不夠脆 肉質唔會好硬 包皮就真係幾薄 上到枱仲熱京蔥羊肉 -  皮脆 羊肥瘦適中 羊味羶味好重水煮牛 - 朋友食得津津有味 味道夠濃好味 牛肉好都多 但肉質不夠嫩總結 - 價錢合理 但真係要訂咗位先好去

好味中菜館😋😋雖然佢店名叫東北菜，但其實好多菜系既餸都有！叫左最重要既片皮鴨，打去訂位時已預訂左啦！食第一輪六點，訂左位既人可以優先入座座位係比較小同迫左啲一坐底即刻點左嘢食先，所以等左無耐就已經有得食👍🏻👍🏻叫左酸菜魚，佢係魚塊吾係一條既魚，但味道夠，啲薯粉辣到喊！😂😂即刻叫左杯酸梅汁解辣！仲叫左雞絲粉皮，正常嘢！應該都好難吾好食既豆角燒茄子都好推薦！超惹味😆😆兩個人都係$4xx！份量十足😌抱住個肚走

係久違了的京菜通常年輕人好少會約埋班同學食中式野，多數係日韓西式比較多。但事關有位朋友好想食鴨，就揀左食片皮鴨冇咁貴既老掌櫃～啲確係唔錯既選擇！叫到一枱都係野食，當然不少得每一枱都幾乎會點到的片皮鴨我地叫左一隻，相中只係半隻，我地以為得咁少，點知之後嚟多一碟🤤薄餅上放一片鴨同青瓜蔥花等，點上醬汁一齊食 正！口水雞既汁冇想像中辣，相反佢好香辣椒味，好惹味，愈食愈上癮！睇相可知一啲都唔細條，肉都幾多幾嫩，唔會炸到老哂😍💗面頭淋上咕嚕肉個隻汁，好開胃！食完濃味野食返會覺得略為單調，只有麻醬味。但我再配上口水雞的辣椒油立即變得超好味蔥頭好香，羊肉切得略為大片，切返幾啲就可以啖啖蔥同肉🤤外面排隊的人不少，食完坐左一陣就叫我地走，不過以咁既京菜質素同價錢係好出色❤️

平時同老公二人最愛食東北菜，今日撞正老公舊曆生日，諗住食大佢，無意間比我係openrice揾到呢間唔錯嘅評語嘅小店。門口裝潢老北京感覺紅鐺鐺，入到去更有濃厚中國氣息，我一早打電話book左位加留半隻片皮鴨，當然如果大家無留定鴨佢都有機會比到你，但最好緊係預留定啦，以免一場歡喜一場空，我地7點到達餐廳，都見仲有位剩，不過慢慢好快就爆滿了。佢落單形式係比張紙筆你寫上菜餚名字或者相對號碼，我地一行二人叫左麻辣海哲頭，京蔥羊肉，雞絲粉皮，半隻片皮鴨。比左單後發現原來佢醉雞有拎奬！個餃子都好似好好食咁，好多人叫，仲想食個羊餡餅啊🥙！不過無咁大個胃口，唯有下次食。麻辣海哲頭，有麻香，又有大舊，唔太辣，好鬼惹味！其實本人本身就好鍾意食羊，所以我一定覺得京蔥羊肉好食，有少少似乾炒牛河，不過老公平時一般羊都覺得好味，佢話唔騷，所以唔太好羊嘅朋友仔都可以試下。雞絲粉皮佢溝左花生醬，甜甜地好開胃，又可以解辣，唔係啲一夾就斷哂嘅粉皮，軟硬剛好👍🏻最後，我大愛片皮鴨，半隻粉量剛夠二人食，皮雖然唔夠脆，但夠香，佢嘅鴨係帶有肉，如果你追求超班正宗片皮鴨得浸皮個啲，咁就唔岩你啦，不過我就好鍾意，因為夠鴨味，香甜新鮮。

一行五人，一心來試食片皮鴨，叫了一隻，上檯有兩大碟已經片好的鴨肉，看到賣相，個心已經冷咗一截，試一口，肉多過皮，皮也不脆，與平時食開的北京填鴨仍有一大段距離，感覺上，與我們去買隻燒鴨回家起肉分別不大，老實講，都幾失望。另外叫了羊肉餡餅，家常餅，豆沙鍋餅，幾款餅類的皮都很韌，也許，是我個人口味問題，不喜歡食太韌的東西。(講到餡餅，餅類，我還是覺得馬X莊的餡餅做得較出色。)至於雞絲粉皮，這兒做得不錯，粉皮不會痴埋一嚿，個醬的味道，濕度都掌握得唔錯。香樁炒蛋，賣相唔靚，但味道都唔錯。拔絲蘋果，備有一大碗水一起上檯，侍應提示先浸水拉絲更好，我們聽指示來試後，拉絲很長，但好痴牙，唔識欣賞。每人的口味都有所不同，但對我個人而言，試過一次便夠了。

從熱鬧既大路轉入冷清既小街，依間東北菜館如果唔係朋友介紹我諗都唔會識搵到果到！坐係門口等既人絕對多過成條街其他既人加埋，如果晏左黎真係等30分鍾條隊先郁一郁都唔出奇，但係佢既北京填鴨唔會令你失望！店入面不大，而且位置有d窄；如果兩人來吃的話叫多幾樣餸真係會擺唔哂，食得十分狼狽。首先介紹萬眾期待既北京填鴨，大家千祈唔好等d野上齊影完相先食，如果凍左先食佢個香味同汁都會有影響！皮同肉中間鎖住左好多汁同油，再沾上特製既醬汁同用一塊餑餑皮包住擺落口，d油脂同肉汁就會係口入面爆出來，依道餸絕對停唔到口！另外十分滿意既中有雞絲粉皮，粉皮十分爽滑而且非常晶瑩剔透，醬汁非常濃厚，再同d青瓜撈埋一齊，口感同味覺一流！至於擔擔麵就不太特別，麻多於辣，豬排也就是豬排。羊肉餃的羊肉味十分重！但店鋪出名都是小菜類、擔擔麵同餃子並不是必吃！

食在大角咀 ~找到老掌櫃來看一看Menu其實份量同價錢都算合理的當天 我和朋友 三個小胖妹食了五個菜式 真的超多 吃不完~~不過其中有一個炒豆角沒有拍照ಠ_ಠ 可惜炒豆角也炒得香 值得一試填鴨是個人最推薦食物鴨皮燒得很脆 鴨的肉質都很好 加上配料和醬汁 冇得頂♪(´ε｀ )餐館的裝修 都好特別 好有中國風喔！ 餐館的侍應 好有禮貌 上菜快手！讚👍🏻整體而言，本人覺得餐館裝修特別、服務好、吃特別的菜式 例如 填鴨等 吃得開心啊！推薦！小TIP:在平日吃的 都很多人 ，要訂位子喔。

HH完 差唔多8點先黎到大角咀 結果都係要等差唔多20分鐘 不過睇到個場咁旺 推斷應該無介紹錯 喺等位既途中決定好食咩 務求最快時間 搵到嘢食落肚 終於等到個搭檯位 作為中餐館食客 自然都唔會介意呢一點點 坐低就即刻嗌嘢食 等左差唔多十來分鐘 嘢食就開始送到 兩個人食 希望唔好浪費食物咁 淨係嗌左三樣餸 因為同行既朋友唔食鴨 所以無叫到招牌既片皮鴨 還好 見到隔離檯嗌左 係好似北京全聚德type少皮帶肉既片皮鴨 唔係我喜歡既新派烤鴨 所以無後悔雞絲粉皮作為其中一款我最喜愛既上海嘢 即使喺東北菜館 依然無阻我既口味 醬汁剛剛好遍佈每一條雞絲 每一條粉皮 而且無好似某啲餐廳咁結咁封喉 味道剛剛好 亦唔會太凍好似啱啱雪櫃拎出黎咁 聽落我要求好低 其實都係 咁但係雞絲粉皮本來就係比較容易好味道再來一碗上海麵 本以為無咩驚喜 清淡既樣子無令我倍感吸引 但係入口發現面質竟然係我所喜愛 無擔擔麵咁濃味 反而令碗麵更容易入口 一啖一啖 欲罷不能 唔小心食曬個friend兜麵哈哈 豬排不過不失食完兜麵等拔絲蘋果既時間過得特別慢 因為啲嘢食 到喉唔到胃咁 份嘢其實好多 而且因為甜 其實每個人都食唔到好多嚿

已經今個星期食第三次嘅東北菜，每次同朋友商量食咩嗰陣，都會諗起呢度嘅片皮鴨，因為又好味又抵食！今次仲試咗涼拌豬耳，醉雞，雞絲粉皮，紅油抄手，同埋高力豆沙。每一道餸味道適中，又唔會太油膩，其中最欣賞係紅油抄手，又唔會太辣，又香，所以話近期食過最好味嘅紅油抄手！ 另外高力豆沙蛋白餡好軟，配合豆沙簡直天衣無縫！ 諗起都想再食！

黎食飯，Book枱是常識~ 因為永遠咁多人，唔book就要排好耐 (今次因為靚既timeslot比人book晒，唯有早D黎walk in)一話食片皮鴨，我一定會諗到呢度因為呢度既片皮鴨好香，油脂分佈好好，仲好抵食 (會跟size附餅皮12塊/24塊)記得要打電話book位落訂叫埋！(要打電話講定先有得食北京填鴨&紅燒大元蹄，就算book唔到枱要walk in，都可以照訂)枱與枱之間唔係隔好開，但都叫坐得舒服叫完野食，好快就上到枱，arount 5-10分鐘就黎到 但質素又唔會變左快餐質素，不得不讚(雖然佢有1.5小時用餐時間，但基於佢上菜速度太多，1.5小時絕對夠你食得開心)推介食物有以下京燒羊肉 ($128)一上枱，超大煙，勁熱 羊肉勁香羊味，肉質細緻，真正啖啖肉，又唔會好油，結果我忍唔住叫左兩碟明明好好食，但又唔係好多枱會叫，唔知係唔係因為大家怕羊羶味？北京填鴨 (半隻) ($158)為左呢隻填鴨黎呢度，結果無失望份量幾多，建議大家6個人或以下叫半隻好啦~ 多過6個先叫全隻啦叫得太大份，就無位食其他菜 如果可以比多幾塊餅皮就好啦，半隻有12 塊，但都唔太夠醉雞 ($68)超入味de

生日飯仲未停呀，今次朋友們帶咗我去食東北菜，六點鐘已經全場爆滿，超級誇張，估唔到咁神秘既地方大家都會搵到😅一早已經做好功課，知道依度個片皮鴨好出名，醒目嘅朋友們已經一早訂定左雞絲粉皮，前菜嚟講都叫做幾大，粉皮唔係淋嗰啲，幾好食醉雞，花雕好入味，我朋友連啲花雕汁都飲埋，好味程度佢哋話下次一定要再叫多次牛犇麵，d牛肉超林，湯底好濃，有小小藥材味，好好食眨吓眼已經冇晒麻辣海蜇，以我依個5太食得辣既人嚟講，竟然我無食到變左angelina jolie😂😂麻麻辣辣，好香，海蜇好爽脆，好食 來之前，💁🏻‍♂️已經講個依度啲餃子好好食，所以我哋叫咗䓢香豬肉，酸菜餃子，本身諗住酸菜餃子會好酸，點知我自己個人覺得唔夠酸，我朋友就覺得剛剛好，個豬肉幾好食,40幾元有10隻，好抵🤭🤭🤭片皮鴨，冇咩肥高脂肪，好食，不過要多啲人一齊食先食得晒，可能因為我哋叫得太多嘢食😅😅😅最後叫左拔絲蘋果，好得意，店家要我地即刻擺落凍水過一過冷河，如果唔係硬哂就食唔到，熱辣辣，甜甜地，好特別，有機會叫埋拔絲地瓜☺️總括而言，又抵又大碟，i will be back

這間東北菜館舖位細細，而且用盡所有空間去擺放餐卓，服務員要在非常狹窄的通道幫客人落單傳菜，但是客人一些都不介意在這擠迫的環境用餐，當晚坐無虛設，我們一行六人，可以點多個菜式試試，餸菜很快就上枱，先來的是冷盤，雞絲粉皮，簡單的配搭，口味清新，醬汁不是太稠杰跟著是醉雞，充滿酒香，酒還帶少少的甜味，雞皮爽滑，雞肉嫩滑麻醬冷麵，醬汁帶濃濃的芝麻香，麵質有彈性，這個醬汁跟雞絲粉皮不同，這款濃厚很多跟著是片皮甲鴨，一隻只不過298元，一碟是半隻份量，好抵食啊！皮脆肉嫩就是最好的形容詞！豆角炒茄子，好普通的家常菜，但出乎意外的好味道，有鑊氣，清炒就可以帶出蔬菜的鮮甜味家常餅，香脆不油膩店舖不收加一，不收信用卡，價錢比起一般的京滬飯店低，如不介意用餐環境擠迫，沒有殷勤的服務，真是值得一試。