阿來泰式地道風味

Open Now

Now Closed

冇食泰國菜一排，於是近近地喺旺角試咗呢間泰國餐廳，入到去見到幾full，但好彩呢度有兩層。同朋友叫咗幾樣野，每樣都幾好味，埋單每人唔駛$200⭐串燒沙嗲有雞肉同豬肉各3串，面頭淋咗好多沙嗲醬，沙爹醬入面有好多花生碎，食落幾香口，而呢個醬唔辣，味道比較甜⭐椰汁雞湯成日食泰國嘢都飲冬陰功湯，今次試下特別啲，加上朋友原來冇飲過椰汁雞湯，我個人幾鍾意，椰奶加咗啲酸辣味，中和到本身嘅膩，而辣度甚至比冬陰功更辣，湯入面仲有好多件雞肉，非常足料⭐飛天通菜差唔多次次食泰國菜都會點呢樣，麵豉加辣椒一齊炒通菜應該係最惹味嘅配搭，而通菜都好幼嫩⭐泰式Suki牛肉炒粉絲完全未聽過呢款菜式，原來係好多款菜加埋蛋同牛肉一齊炒，粉絲仲充滿辣味，食落幾過癮。最初望到個賣相以為一般，點知原來都唔錯，難怪係menu推薦嘅菜式⭐椰汁三色冰⭐龍眼冰

經過見到呢間泰國餐廳排晒長龍，店也很地道的樣子，所以就揀咗呢間一試。點咗最近好hit的火山排骨，賣相真係好吸引，肉面淋滿泰式酸辣醬，配埋一齊食酸酸甜甜好開胃，又可一解肉嘅膩感。泰式明爐冬蔭功烏頭魚，肉嫩多汁，冬蔭功湯好濃好入味，蔬菜配料也不少，魚亦很大條。飛天通菜帶有少少辣，好惹味，菜好夠味好送飯。仲有套餐可以選擇，價錢仲好實惠！菜式也蠻多選擇。唯一就係店內環境比較小，位子不多，排隊大概要15-20分鐘。

係旺角D2出口行5分鐘就到，位置非常方便，有好多人排隊，就梗係要試一下啦，門口隔離間鋪仲貼住請勿在此排隊，認真誇張。一坐落，已經坐滿人，冷氣夠曬大，出面本身好熱，入黎已經坐得舒服，兩個人黎，梗係試下叫個兩人餐，都幾多野食，有好香濃既油飯，海南雞好有雞味，又多汁，肉質鮮嫩，又有飛天通菜，夠熱又夠辣，味道一流，仲有咖喱炒蜆，辣一辣佢，用嚟撈飯認真一絕，仲有兩杯野飲，叫左杯椰汁三色冰，吾太甜，料夠足，夠曬正，total$288，都吾算太貴，飲野包埋，非常豐富。中意泰國野既朋友要去一試，呢度仲有好多吾同既特飲，不愧係泰式餐廳同咁多人黎。整體來說，味道比起一般泰式有水準，價錢同食物吾差，而且係旺角值得一試嘅泰式餐廳。下次經開旺角會食。

喺女人街呢條街，2邊位置D食檔通常都係價錢經濟實惠，至於食物質素就比較參差。今日約左同朋友過黎阿來食泰菜，因為之前食過覺得好味之餘又抵食，所以返黎再ENCORE一下今次就點左個 二人餐(C) ($378)，即係有鮮蝦冬蔭功湯、泰式滷豬脾(例牌)、泰式炸蝦餅、青咖喱(牛肉)、飛天通菜、油飯2碗、龍眼冰、咸檸七，另外再加多碟 辣椒膏炒大蜆($108)泰式滷豬脾(例牌)：呢樣差唔多每次黎親都必食豬脾滷得夠入味，而冄煮得夠淋，食落去好嫩滑，再點一點佢提供嘅 酸辣醬，食落去真係非常之正同埋佢仲有D咸酸菜同滷蛋伴碟，可以當開胃前菜咁樣食飛天通菜：最滋味嘅通菜煮法一定係呢隻，所以食親泰菜都好中食嗌，炒得夠鑊氣，味道少少辣辣地夠晒惹味同埋佢落調味料嘅比例好好，太重手就過鹹，唔輕手就唔夠惹味泰式炸蝦餅：泰式拼盤嘅小食當中最多人中意食嘅一樣小食蝦肉夠彈牙，炸得唔算油膩，同埋份量夠多兼大，抵食鮮蝦冬蔭功湯：飲落味道幾足料，唔算太過死辣，夠香濃又有D蝦同什菌菇食下青咖喱(牛肉)：青咖啯我自己就比較少食，食落都算OK，牛肉數量都唔算少辣椒膏炒大蜆：炒得有鑊氣之餘又夠香辣，D蜆夠大隻，最正係事前處理得好好，食落冇

餐牌有好多款食物同飲品可以揀，花多眼亂，最後揀左二人餐(C)，另外散叫左碟辣椒膏炒大蜆。炸蝦餅有六件，大大件，剛剛炸起十分熱，要放涼一陣先放得入口，外香脆內彈牙，泰式辣醬酸酸地正好減少油膩。冬蔭功湯落足料夠正宗，濃郁酸辣味直擊味蕾，蝦有三隻，都算大隻，肉結實，唔霉。滷豬髀雖然唔大碟，但其實堆到滿，足料。滷水帶微甜唔會大鹹，好味，豬髀肉炆得夠腍夠入味，豬皮乾淨無毛，好滑，索晒d汁。伴碟ge酸菜同蛋都不錯，無論係泰國定德國，豬手要配酸菜先更好食。辣椒膏炒大蜆都幾大碟，真材實料有蜆肉，唔會得個殼，蜆肉無沙，加上辣椒膏非常刺激惹味。青咖喱好香濃，雖然油飯本身都有味，但撈埋青咖喱更好味，可惜牛肉韌左d，配雞可能較好。飛天通菜夠鑊氣，通菜新鮮爽脆。鹹檸醃得夠味，撞落七喜爽到飛起。

隨著市道轉差慣常吃的菜館陸續結業，我的餐廳favourite list需要重新整理了。昔日愛吃的泰菜館已經撤出旺角，轉而在通菜街尾端找到這間經濟實惠的泰菜館開餐。單點的小菜徘徊在$60-80，每碟粉麵飯也僅$50，另外任何時間免加一，是區內大眾化的選擇。自問大食鬼各款食物都想試一試不妨點二人餐，價錢由二百多至三百多。冬陰功在菜單上有大小之分，跟套餐屬小碗份量二人用非常足夠了。用上多種泰國材料使其香氣非常馥郁，在內有香茅、南薑、秀珍菇、車厘茄、香葉，大蝦也有三隻，蝦肉飽滿緊貼著蝦殼。各款套餐滷豬脾或泰式海南雞選其一，海南雞較常見，果然滷豬比脾沒令我失望。後來想到旁邊食客點泰式海南雞，份量比滷豬脾還要多三分一，女仕們要有心理準備打包喔。豬脾以甜甜的滷水汁熬煮，豬皮早已變得軟嫩入味。比起中式滷水這醬汁香料味更弱，少了花椒八角濃烈的氣味非常下飯，女友大愛這道小菜。旁邊配有一隻滷水蛋，豬脾下的芥蘭吸收了豬肉味瞬間便被吃光了。青咖哩有牛肉/雞肉/豬肉/雜菜，沒料到牛肉片的份量可以疊滿一碗肉之多，還配上一些豆角、泰國茄子。青咖啡沒有丁點辣味容易接受，椰汁味也過關，但醬汁較稀所以拌飯要少量添加以免白飯

尋日同朋友行街佢話想食泰國嘢，行吓行吓見到有間泰式餐廳，決定入去試吓，我地去左上層坐，裝修簡單，但坐得舒服中午時段仲有午餐款式，見到個價錢好抵食，都係大約四五十蚊左右，又唔使加一，不過朋友話想單叫其他嘢食，所以我地就散叫我哋叫咗個冬陰公湯，上枱嘅速度好快，冬陰公湯都算多料，有蝦同好多菇同埋香料，飲落去都幾辣，我個人就覺得味道比較濃另外叫咗個青咖喱牛肉嚟送飯，牛肉肉質比較實，裏邊就有茄子同埋豆角做配料，青咖喱嘅口味比起其他餐廳辣，但如果攞嚟送飯就唔錯再叫咗個飛天通菜，辣辣地幾惹味，見到網上有好多人推介，都覺得唔錯食泰國嘢點少得芒果糯米飯啊，雖然價錢比起午餐較貴，但我覺得整得唔錯，糯米飯嘅甜味啱啱好，上枱時仲熱辣辣嘅，而且芒果都好甜，兩者配合得幾好，可以一試因為天氣轉涼，所以我叫咗杯熱朱古力，味道正常，可以暖一暖身依間餐廳嘅價錢唔貴，餐牌上嘅選擇都算幾多，如果幾個朋友嚟可以叫多啲唔同嘢食，地點都方便，係一間平民價錢嘅泰國餐廳

旺角美食好多 如果想食泰菜 阿來 一定又抵又好食19:00去到已經見到人龍 原本以為間鋪好細要等好耐後來發現間鋪仲有樓上層 下層窄點多細枱 上層就大枱闊落不過多數撘枱等左15分鐘就有枱 2個人上左上層見到餐牌好多野揀 有套餐 不過唔係太岩食選擇了散叫 串燒 飛天通菜 金邊粉叫了半份串燒 豬肉同雞肉各3串 一食落好香 花生加椰漿做出來的醬汁好好未最後連生菜都食埋平日食通菜多數都係炒蝦醬今次炒辣椒同炸蒜 好香好夠味道真心值得推薦唔想食飯 所以叫了一個金邊粉 入面配料不少 蝦同蛋絲都多 都有加到香料辣辣地 食慾提升不少兩個人都夠食埋單先$204免加一今次無叫到海南雞同生菜包如果下次再黎食 真想一戰！

香港人出名鐘意食泰國嘢，入到嚟梗係要食返啲必叫嘅嘢食店員入座前先同我哋講話：用餐時間係90分鐘入到嚟果然係座無虛席，所以我哋都即刻落單，驚啲嘢食會好遲先到我地叫咗半隻海南雞，一碟飛天通菜，原個椰青水同白飯海南雞最先到，黃色嘅雞皮亮麗到反光，忍唔住吞大大啖口水半隻雞有雞翼位，雞胸同雞髀，就算係雞胸，肉質都幾滑嫩點落個醬汁度，帶有點薑味，醬汁鹹香但又唔會蓋過雞肉本身嘅鮮皮下脂肪都唔會太厚，食落唔會有罪惡感飛天通菜好辣好猛料，啲辣椒係堅嘅炒到啲菜好入味，不過一個唔留神就會俾啲辣椒嗆到原個椰青好清新，椰青水味道天然帶甜，椰肉爽滑懷念嘅泰菜都食勻哂，最後再慢慢食埋個椰青當甜品真係perfect

好耐無食泰國菜, 早幾日行街時經過見到呢間鋪好旺, 望過下佢個餐牌又都好似吾錯, 今日收工就捉左好同事陪我去食啦, 哈哈.我地 focus 係2人餐, 心大心細左一陣, 最後揀左$378果個餐, 因為同事想飲冬蔭公湯上菜勁快喎, 5分鐘吾洗碟海南雞就上枱了.吾係講笑, 真係睇到都feel 到佢滑, 個醬要讚, 超好味, 微辣, 好開胃跟住到冬蔭公湯, 個湯都幾足料噃, 3隻蝦, 大大隻, 仲好幾彈牙, 酸酸辣辣都OK好味. 個飛天通菜炒得好香呀, 又夠辣, 一D都吾油添, 非常之咁得炸蝦餅好大件, 但厚得嚟質感吾算實的的, 好香口,食左咁多濃味嘅嘢, 青咖哩牛肉最後先上就顯得淡左 D 添… 入面配菜料都好多, 牛肉亦夠嫩滑, 不過可以再辣DD.個青咖哩勁多汁, 可以當湯咁撈晒2碗白飯, 哈哈.跟餐仲包2杯餐飲, $378 真係抵食, 今餐又食多左…

話說今日同老公去先達買電話配件， 買完都七點幾，見到對面呢一間泰國餐廳好多人排隊 ，個名仲要叫得自己地道泰國餐廳， 大廚應該對自己未到好有信心 ，就跟隊排埋一份。 好彩我哋得兩個人，所以都係排咗三個字左右就已經可以入去，睇餐牌見價錢唔算好平，但勝在免加一，好抵。有二人套餐 239至299, 但唔係咁啱食所以決定散叫 ，叫咗炸蝦餅，飛天通菜 ，炸軟殼蟹咖哩， 香葉辣肉碎蛋炒飯， 另加椰青，都係350左右。炸蝦餅有三大嚿對半，6塊，都幾大塊，幾好食，但如果在厚身一點會更合我口味。炸軟殼蟹咖哩， 咖哩帶椰汁味，不太辣， 咖哩 汁唔會太杰身， 亦不會過份水狀。本想另加蒜蓉包，但由於已叫了炒飯就打消念頭。飛天通菜有魚露紅辣椒等，夠鑊氣好味道炒飯係呢幾日入面價錢最平，但我這個人覺得最好味嘅 ,米飯炒到均勻，粒粒可見，加上大粒紅椒，唔好的人可自己挑出，味道唔會過咸或過辣，滿足大眾口味。免加一，套餐抵食，可大夥兒來。

好耐冇見班朋友 終於約到食飯😭朋友提議食泰國野 梗係即刻say yes 好耐冇食泰國野🤤🤤食泰國菜必食既其中之一 一定係生蝦 生蝦又新鮮又大隻 真係啖啖肉啊唔係講笑 而且又爽口彈牙喎重點 一定要加埋個汁一齊食又係必食系列 豬肉碎份量非常多 而且啲肉碎唔會太肥或者太瘦 岩岩好 不過生菜份量就略嫌較少 可能因為我地太多人食😂冬蔭功都係必食的嗌咗細碗既都夠我地飲仲要好足料 大滿足最最最令我驚喜既就係呢道菜 軟殼蟹炸得岩岩好非常香口 最中意既係啲咖喱 連埋個法包一齊食 又或者用黎撈飯食都勁正啊非常推薦越係簡單嘅菜 越難整得好食但呢碟炒通菜真係炒得岩岩好 好爽脆燒豬頸肉飯記得要加埋個汁 夠晒惹味青咖喱既香味比想像中濃 唔錯唔錯🤤最後梗係唔少得芒果糯米飯！好滿意個糯米飯 甜甜地咁但食得多都唔會覺得漏 之後再食返舊芒果 酸酸甜甜咁 勁正係一餐勁滿足既泰國菜啊

聽好多人講話阿來既泰菜好正宗，地點又方便，行完街想食泰菜所以揀呢到食晚飯。裝修ok坐得舒服。叫咗個二人餐超級扺食，叫咗個C餐，成個list都係我想食嘅野，難以想像咁嘅價錢有咁多野食。鮮蝦冬蔭公湯：蝦大大隻，湯好多菇，足料，湯酸辣得好醒胃！！海南雞：呢度嘅必食，好正！！加$10轉咗蒜蓉包簡直係一絕，好味配搭！！青咖哩：咖哩放落枱已經閒到好香既咖哩味，一望個色就知好正宗，加上料又多，辣度只係少少辣，唔食得辣既朋友都食到。飛天通菜：菜爽口新鮮，辣得好惹味。食物同服務都好好，推介比鍾意食泰菜既朋友，真係值得一試！！

近日心情好一般，想食下啲濃味食物刺激一下味蕾，沖擊一下神經，諗諗下覺得食泰國菜就最適合今日嚟到阿來，原來泰文「阿來」係好味嘅意思，而中文又有歡迎嘅含意，語帶雙關，睇嚟間餐廳都幾有心思喎九成滿坐，唔洗等位二人餐 ABC 都好吸引中，但因為好想食泰國國寶級甜品- 芒果糯米飯，所以都係選擇A餐值得一提係特飲唔洗再加錢！抵讚咖哩抄蜆一黎到就有強勁既視覺享受！大大隻蜆擺係到面前！餐廳都毫不吝嗇、有十幾隻大蜆，啖啖蜆肉咖哩汁，原本諗住會有少少辣，點知完全唔辣仲有少少甜，咖哩味好濃厚，仲有陣陣蛋黃味泰式滷豬脾食豬脾最重要就係食豬皮豬脾肉煮得好淋，肉質幼嫩！豬肉入晒d滷水汁味！豬皮膠質含量勁高，連皮食口感好豐富飛天通菜飛天辣椒唔惹小，都算幾辣但係佢絕對唔會好鹹，食幾多都唔怕有時配角都好重要！套餐可轉油飯油飯有好重薑味！撈埋咖哩汁真係一流！食飽飽係時候食甜品芒果糯米飯擺碟好有心思，椰漿味好濃郁本身都諗住冬天芒果唔當造點知芒果出奇地甜二個人食咁多嘢真係好抵食飽到上心口埋單每位150

今日同朋友行旺角 無留意原來通菜街有間泰國餐廳... 雖然食開九龍城啲泰國菜 見都唔少人幫襯 就決定入去坐坐餐廳乾淨企理 同九龍城一樣 就係啲位迫小小...四個人叫左一個飯 一個粉 一條魚 一個菜 一個咖喱 好飽「飛天通菜」最先上 小妹食泰國餐廳特別喜歡點通菜 呢份通菜都唔錯 幾入味 又唔會太鹹 就咁食都得... 通菜炒得綠油油 有賣相跟住上「泰式炒金邊粉」 好特別嘅係 以前食嗰啲係用蛋皮包住 呢個係蛋網 都幾得意 金邊粉炒得濕度啱啱好 唔太乾又煙韌 又唔酸 我哋幾個好快消滅咗佢「青咖喱雞」不失不過 正常水準 撈飯食最好 唔辣 很滿意重頭戲「冬蔭公蒸烏頭」 真係無令人失望 以前食蒸烏頭比較注重魚本身嘅鮮味 但今次魚肉浸冬蔭公汁 另有一番滋味 好似更入味 唔會太清淡 配料色澤鮮豔 好睇又好食 最後係「海鮮椰青飯」 飯粒黐粒粒 易入口 海鮮夠料 椰肉清香 唔錯四個人五個餸加埋飲品先$500 好抵食呀！