專業咖喱皇 (Closed)

To be honest, you really have to be ready before you speak with the Russian lady, which is the wife of the chef/boss (LadyBoss). Coz she's quick to response, and she's frank and direct. Words said by her may be taken the wrong way, but she's one of the most adorable person I've met. It's rare to find such honesty in HK nowaday.About their food, gotta try their Dry Curry Shrimp. A little pricey for a restaurant location, but they use fresh big-headed shrimp for this dish, definitely worth the

其實我都係係LU度睇到唔錯先去~~~同男朋友黎到~~~等左一陣就有位!!!餐牌上多是咖哩~~無咩小食!!(只有春卷AND炒菜)~~他說沒有春卷,但唔係因為買晒~~係佢地無整!!我地ORDER左兩個咖哩AND一個炒菜!!味道都還可以~~~沒什麼特別(我鐘意食烤餅,可惜LI度只有一種)埋單時...比我預算多左38元!!問佢點解~~佢話我地ORDER左個乾咖哩~~濕同乾價錢係唔同既~~~不過我地明明係指住個餐牌叫!!我地第一次黎~~你地黎咩我地未食咩LAW~~鬼知咩!!好似比人搵笨咁~~~一定唔會有下次呀!!!我寧願去佐敦咖哩好過呀~~~

14-10-2006, 那天剛在吳松街, 突然想吃咖喱, 其後見到專業咖喱皇的招牌, 於是走入去.鋪頭裝修不是突出像普通的荼餐廳, 招呼的是一名本地人, 但我見到開放厨房是印度人厨師. 要了一客意大利咖喱雞特色是有芝士及蒜蓉及一客羅宋湯, 咖喱是很清楚地知道是精心做出來, 味道復雜而可口, 烤餅可口, 最值得提的是羅宋湯, 湯有很濃的牛味而有少少辣, 經侍應的介紹湯是用牛骨來煑, 所以味道特濃.結帳咖喱$40 羅宋湯$25

午餐有幾款正宗俄羅斯燴飯選擇, 揀左燴雞飯$30, 凍檸茶+$3. 羅宋湯冇用辣椒油, 取而代之既係胡椒, 仲要係好重手. 老闆話呢d 先係正宗羅宋湯, 冇胡椒唔好飲, 唔同普通茶餐廳. 個燴雞飯既汁真係如老闆所講既香滑, 不過雞肉就麻麻, 多骨之餘仲好硬. 飯比較乾, 少d 汁撈都真係唔掂. 凍檸茶平時唔會點評論, 但呢間既茶味真係淡得可憐, 需要改善.

幾個舊同事聚會,昔日同一屋簷下,今日他朝君體也相同.有人想食咖喱,亦係昔日的專業咖喱王熟客.問我知唔知搬左去邊?)我跟我黎啦.)小弟第一次來,之前對此店的印像,係五花八們世界各地的咖喱.馬拉印度巴基英國,一應俱存.入到門口只見友人同操流利廣東話,外貌半唐番的事頭婆打個招呼後,係時候研究一下個餐牌.印度菜在大英國土內,已納入為英國菜式之一.經過多年之變革,英國咖喱,除左辣,(其實都唔算辣)仲好甜.此等帶有英國特式的咖喱,在怡東酒店Dicken,s的咖喱Lunch buffet也可吃到.對一個連睇英超highlight,都要睇BBC"MOTD"的英倫狂迷黎講,英國咖喱一定合晒河車.來個咖喱魚,魚肉照推斷,應該係英人愛吃的Sole.面頭的咖喱,有如少女面上的一片紅霞.入口真係辣辣地帶點甜.魚肉也入味,肉質亦嫩滑.英式咖喱總好過日式,後者得個甜.乏味到極點.乾咖喱系來個阿根庭牛肉.伴以烤餅吃,阿根庭牛肉差不多係咁多處牛肉產地之中,最下等之貨色.同死敵巴西不相上下.牛肉唔係全熟,出奇地也有點肉味.呢個乾咖喱真係幾辣,面頭的松子,加多樣口感,再來的乾撈魷魚,味道一樣辣,只係由牛變成魷魚.眼見餐牌尚

今日下晝嚟呢度試吓佢哋嘅亁咖喱，一去到望吓個menu，發覺有好多款咖喱，價錢都唔平，平均要成六十幾蚊，無所謂la...叫咗印度乾牛脷，上碟後一看，睇見D乾咖喱滿滿鋪响D牛脷上，奇怪嘅係另有一小碗嘅咖喱汁跟飯上，我諗可能係方便要撈飯la，但似乎有D多此一舉lor..先試食一啖個咖喱汁，太辣，味道似普通港式咖喱，平平無奇，跟住試個乾咖喱，嘩，呢個就乖乖得了la，感覺先係有D鹹鹹酸酸，心諗都唔係好辣je...點知過多幾秒，一股辣味忽然湧至，十分之嗆喉，忍唔住咳咗一聲。之後越食越辣，連D牛脷係乜味都攪唔清，淨係知D牛脷好淰，過無乜咬口。睇清楚D咖喱，見到有好多黑胡椒粒，唔怪之得咁嗆喉la..查實我已經order中辣gar la，都攪成咁。眼見隔離枱有一中年人及年青人，都食到滿頭大汗，食到一半都頂唔順要埋單，我己經好叻la...食完之後即刻去七仔買盒鮮奶解辣，但個胃成晚都因此攪到唔係咁舒服...

服務態度奇差，食物有幾好味都無用。再者，食物又唔係真係好掂：羅宋湯一陣怪味，吉列豬扒變椒鹽豬扒，d飯乾爭爭，d薄餅薄到只有兩mm，凍檬茶勁甜，唔夠凍。總之一句講晒：唔會再去。

老伯伯和老婆婆開設的小店，看食評指該店咖喱很有水準，故特地放工一試，果然名不虛傳，先是松子咖喱豬肉炒飯，乾身得來味道剛剛好，而之後來的地捫咖喱乾羊扒配薄餅，亦是乾身的，而羊不「蘇」不難咬食，整體味道很特別，值得再次光臨。他知道我們咀刁，而亦見我們幾滿意又好傾，所以給了我多張咭片，吩咐我叫朋友多多捧場。

同honey鬧完交之後，行行下就路徑此店，睇見門口有位"白髮婆婆"派傳單及狂sale有d乜野食，好似唔入去唔得果隻，見佢舖頭名叫"專業咖哩皇"，而honey又對咖哩特別有興趣，咪我咪話不如試下。我地到達約8點半，對比附近既舖頭哩間都算多人，我地點左一個叫俄羅斯套餐$52 (有餐湯，可以選任何一款燴飯)，我地選左"海鮮燴飯"，但佢同我地講要$58囉，另點左一個乾咖哩羊扒跟烤餅$68，不過果女侍應話要$78，佢話其實已經加曬價喎......另再加多一碟清炒椰菜(全店只得1款菜)，honey話乾咖哩羊扒味道都ok，而我唔食得辣既都入到口，唔算辣，這裡清水任飲，在檯上，好方便。

尋晚朋友仔話想食印度烤餅，於是就決定去佐敦搵咖喱店(因為未試過)。大約9點幾黎到，感覺幾寬敞因為冇咩客。每張桌上都放左一卷紙巾，一個水壺同一大疊紙杯，雖然唔係幾環保但就保證清潔，而且感覺好自助。真係有好多唔同既咖喱選擇呢，女店員推介我地要一個乾一個濕，結果要左匈牙利牛柳乾咖喱配烤餅同埋印度咖喱豬扒配白飯。匈牙利牛柳乾咖喱冇咖喱汁既，佢地應該係將咖喱膽炒乾再同牛柳同煮吧。呢味唔太辣但就好香，牛柳好腍，但亦比較乾身。印度咖喱豬扒比較辣，尤其係D辣油。豬扒同樣係好腍身，肥既部份都唔少，我覺得好香口好好食呢！印度烤餅同平時食既有D唔同，唔係naan而係rotti，比較厚身D同鞋口D，感覺不過不失啦，朋友仔都話一般。雖然佢地D咖喱談不上好正宗，但係整體感覺都唔錯，份量足(我個人覺得)而且價錢相宜，店子都算乾淨企理，店員都好nice，有機會既話會再去吧。

繼續我吔咖喱之族, 到此處觀光, 二個人叫左:1. 地門乾咖喱牛脷 - 牛脷厚度適中, 不太淋, 乾咖喱微酸, 幾開胃, 食出有D乾葱蓉, 比較特別, 正!2. 印度皇室羊腩- 幾濃味, 濃到有一丁點兒苦, 有層紅油係面,羊腩比較少, 連皮既只得二舊, 呢味比較普通3. 清炒椰菜- 無乜特別, 清清地咖喱一個配薄餅, 一個配飯, 薄餅唔熱同得二塊, 如果多D同新鮮D就好啦!銀髮婆婆都幾惡, 個女侍應就幾有禮貌

星期六放工後到佐敦會合男友食lunch,看到澳洲牛奶公司門前約有7-8人等位...決定到另一間。四維逛走到這間店的門前,待應遞上"外賣紙"推介他們的食物。繼續逛,看看有沒其他別的食店。後來,男友決定回這間店。我們不吃辣,卻到這家專吃咖哩的店子,很"搞笑"。由於我們不太餓, 點了一個俄羅斯餐share....套餐包括: 餐湯(羅宋湯或周打魚湯)、沙律、主菜(任可一款俄羅斯燴飯)。沙律: 是沙律醬拌勻紅蘿蔔、薯仔、西芹。味道一般。餐湯: 點了周打魚湯。很濃的忌廉味, 有2塊炸魚柳在湯內。我不太喜歡忌廉味, 只喝了數口及吃了一塊魚柳, 魚吃不到雪藏味。其餘交由男友"解決"...^_^。主菜: 俄羅斯燴魚飯,汁和飯分開上。本以為是茄汁,上桌時看到是忌廉汁,有些失望。也是很濃忌廉味,魚是炸了後燴。這個汁的賣相吸味道跟周打魚湯很相似,只是多了洋葱....。飯很大碟。埋單: HK$52.00 沒有加一。

這間咖喱店之前在紅磡時我都已經光顧啦，正如Gouimet KC兄話此店咖喱祇不過是港式做法，一個咖喱加不同佩料做出不同咖喱名稱而已，談不上甚專業，但都稱得上好味。之前有一段（超人）之食評提及此店係黑店之不快經，我覺得係此店之老闆娘本身品格都有問題。事緣有一次我乘269B線巴士往天水圍途經佐敦，有一位手持（士的）樣甚兇惡銀髮女仕（我倒覺得她未至於稱為婆婆）上車，此人正是網友們提及的咖喱店老闆娘，她上車時車上還有很多位空沒人坐，但她並無選擇空的位子坐，而直走到位於巴士中門後左邊的第一排坐位處，指一個靠窗已坐了一名女子之位子，然後向該女子說：「我要坐呢個位。」該女子很咢然的答道：「點解有咁多空位你都唔坐係要坐我呢個位呢？」老闆娘並沒有答她祗是用手指指貼於窗上的一字條「請讓坐予長者、傷殘人仕及孕婦」，最終該女子都沒有和她爭論的讓了坐位給她。此時我覺得字條上的「請」字也祇不過是提議讓坐而不是法例硬性規定，況且空的位子多的是為何她要硬性規定別人必須要讓該坐位給她呢？那她比董太當日乘機的舉動還要霸道！亦與她平時在店內和藹可親的態度判若兩人，莫非是假面孔。自此次我再沒有光顧該店，該店食物OK，個喊面是

大王發起去食咖哩，一行六人，清一色是麻甩食友，都有一段時間未參與過百分百的麻甩lunch了。一時到來，幾位麻甩食友已到齊，已點了菜，大家都係坐定定等食就可以了。基本上，叫了的咖哩分乾/濕兩種，亦各式肉類如豬扒/雞/牛利/魷魚/羊肉，及一碟炒菜，另外當然有白飯及麥餅Roti。先來幾味濕咖哩，是雞件、豬扒及魷魚，坦白講，是港式整法，即一味世界咖哩膽再加不同的配料，如椰奶、紅椒粉等，無甚變化，比起正宗印度咖哩的多樣化整法是遜一籌。比較起來，雞肉是比豬扒好一點，因為坦白講，對雪藏豬扒，實在有點厭倦了。乾咖哩的有牛利及香草羊，乾的加入辣油炒乾，是比較香口一點，但牛利太腍，完全欠缺其獨有的質感及口感，如果牛利大王Olivian來到也不會滿意。羊肉太薄，吃不出羊肉應有的嫩滑肉質，是上次來吃的有肥有廋又帶皮的羊腩好吃得多。有飯有餅，是包吃得飽。事實上在座的麻甩食友口不停講，但亦不停的吃，以風捲殘雲之態，未到一時二刻己清了檯，是連汁也撈清，很久也沒有見過如斯景象了，實在盡興~咁至係速度嘛，跟平時小姐Lunch那種高雅閒逸，是絕對的兩個景象。埋單385，每人70元也不到，連試了幾味，也可以說是經濟抵食。如

睇openrice其他食家介紹,又想試D好食o既咖喱,所以尼試試,時為星期日晚七點,一個客都冇.我其實唔係咁食得辣,職員介紹個意大利芝士蒜蓉咖喱,我就試個魚及配白飯.喱隻咖喱味道較濃,唔係咁辣,而且比較粗粒,食落仲有小小一粒粒o既咖喱粉喱度.睇落就加左白白地色o既芝士同蒜蓉,但味道就食唔出,因為咖喱味實在太濃,將芝士同蒜蓉味完全遮蓋.魚就用左雪藏魚柳,大衣魚或龍柳之類,三大塊,較硬身,但唔緊要,魚係配菜,咖喱先係主角.職員好好人,六七種咖喱逐樣介紹,有尊貴感覺.